رواية عودة الماضي الفصل الثالث 3 بقلم ملك شاهين

خديجه بصرااخ : الحقوووني 

طلعوا كلهم بسرعه علشان يشوفوا ايه الي حصل لقوها قاعده فوق الدولاب 

ندي : ايه ده ايه الي مطلعك فوق كده يا ندي 

خديجه : ايه جاب الكلب ده اوضتي مش ده بتاع سي زفت 

ندي :   اه ده ريكي بتاع عز  

خديجه : ده كان هيعضني وفضل يجري ورايا متوحش زي صاحبه 

في الوقت ده جه عز على الصوت 

عز : ايه هو في اي هنا 

خديجه : انت يا بتاع انت ايه الي جاب ريكي هنا  

عز : بتاع ؟ اسلوبك يتعدل معايا احسنلك يا خديجه 

خديجه: خرج بس الكلب بتاعك برا ده علشان اعرف انزلك 

عز : مش مخرجه خليكي متشعلقه كده 

خديجه  بتذمر : يا جدو خليه يخرجه يا جدو   

جد : انا مش فاهم ايه شغل العيال بتاعكم ده متكبروا بقي يلا يا ندي وسيبك منهم 

خديجه : لا ونبي متسبونيش معاه هو والكلب ونبي 

عز : اعوانك خانوك يا رتشرد 

خديجه : ع فكره انا مبخفش 

عز : طب متنزلي بدل الشعلقه دي 

خديجه : خرج الكلب وانا هنزل انت عارف اني بخاف منه وانت مدخله قصد 

عز : ادي الكلب خرج انزلي بقي 

نزلت خديجه من فوق الدولاب

خديجه: يلا اطلع برا بقي 

عز : مش قبل اما اعرف الهانم كانت فين من الصبح 

خديجه : وانت مااالك 

عز : لساانك هاا هنادي ريكي 

خديجه : انت بتهددني ؟ انا مبتهددش ع فكره 

عز  بصوت عالي : ريكي ريكي 

خديجه : لا لا لا خلاص والمصحف بتهدد عادي 

عز : كنتي فين يا خديجه 

خديجه بتوتر : كنت كنت مع صحابي  

عز : هعيد سؤالي تاني ..كنتي فين يا خديجه 

خديجه : كنت كنت مع مع .. مقولتلك مع صحابي بقي في ايه 

عز : هعديها المرادي بمزاجي يا خديجه بس قسم بالله لو خرجتي من غير اذني او كدبتي عليا في اي حاجه هتشوفي عز تاني خالص 

تاني يوم الصبح على الفطار كانوا كلهم قاعدين معدا جدهم 

ندي : الا صحيح يا ابيه انت مش ناوي تسافر تاني 

عز : انتم عايزيني اسافر تاني ولا ايه 

ندي : لا طبعا ده انا مصدقت رجعت 

سنيه : لا يا حبيبي ده احتا مصدقنا والله 

عز : وانت يا ديجا 

خديجه : اولا اسمي خديجه ثانيا انا مالي تقعد تسافر تعيش تموت تتنحر هل .. 

عز : بس بس ايه راديو اتفتح ده مكنش سؤال 

خديجه : متسألنيش ولا تكلمني تاني بقي ..وقامت طلعت اوضتها 

عز  بتنهيده : اومال جدو فين 

ندي : راح يزور عمتو ويجبها هي ونسمه بنتها ويجو 

سنيه : انما يا عز نسمه بنت عمتك كبرت واحلوت وبقت عروسه ماشاء الله عليها 

ندي بهمس لعز : امك بتلعب في عداد عمرها ده الحمدلله ان ديجا طلعت 

عز بضحك : بس يا بت ..وبص لامه ..اكيد هتكبر يا ماما يعني مالناس كلها بتكبر 

سنيه : ايوا طبعا بس .. 

عز : عن اذنك يا ماما في مكالمه مهمه لازم اعملها 

في اوضه خديجه كانت بتتكلم في التليفون 

خديجه : انا مش لاقيه الورق 

=…………

خديجه: معرفش معرفش

=…………

خديجه: انت بتتعصب عليا  ليه وانا مالي

=………….

خديجه: خلاص مزعلتش بس متتعصبش عليا كده 

=………….

خديجه:حاضر هدور تاني بس انا مش هعرف اخرج اقابلك تاني علشان محدش يشك فيا 

بالليل على العشا نزلت خديجه ولقت عمتها وبنتها جم 

خديجه : اهلا اهلا يا عمتي 

عمتها بقرف : اهلا يا خديجه 

جدها: اقعدي يلا يا خديجه علشان نتعشي 

نسمه : عز متخدونا بكره في رحله من رحلاتك بتاعت زمان 

قبل معز يرد ردت خديجه 

خديجه : وهو امتي خدك معاه في رحلات زمان 

نسمه : مقولتش ع فكره انه خدني هو مكنش بيرضي علشان كنت صغيره بس انا حاليا كبرت خلاص وهينفع اروح مش كده يا زوز 

خديجه : زوز ! بصت خديجه لعز الي ماسك نفسه من ضحك بالعافيه ..مترد يا زوز 

عز : حاضر يا نسمه كام يوم كده بس وهظبط الدنيا ونروح 

ندي : وانا هروح معاكم يا ابيه 

عز : ماشي يا ندي وانت يا خديجه مش هتيجي 

خديجه : مش عايزه اروح في حته مع حد 

نسمه : ليه كده بس ده زمان زوز مكنش بياخد غيرك الرحلات وكنتي بتحبيها اوي ايه الي تغير 

خديجه  : ع فكره بقي اسمه عز عز مش زوز وكمان ملكيش دعوه انا مش عاوزه اروح انا حره 

ابتسم عز ابتسامه جانبيه وكمل اكله 

في نص الليل في اوضه خديجه حست ان حد بيفتح الشباك بتاعها وبعدين لقت خيال حد دخل الاوضه حاولت اقوم بهدوء من السرير ومسكت الفازه الي على كمودينو جنبها ووقفت ورا الشخص ده وراحت ضرباه بالفازه وقع على الارض وأضاءت النور و….. 

يتبع…..