روايات

رواية نور الزين الفصل الثاني والعشرون 22 بقلم نور محمد

رواية نور الزين الفصل الثاني والعشرون 22 بقلم نور محمد

رواية نور الزين البارت الثاني والعشرون

رواية نور الزين الجزء الثاني والعشرون

رواية نور الزين الحلقة الثانية والعشرون

صحيت نور وجهزت كل حاجه ع السفر وصحي زين واخد نور وركبوا الطياره ورجعوا ع مصر
نور : انا مبسوطه اوي انى هأشوف ماما وهنا وصلاح وحازم كلهم والله
زين : ب غيره لا مش تنبسطي يانور
نور ولاحظت غيرة زين صح يازينو انا المفروض ما أبقاش مبسوطه غير معاك
ضحك زين وقالها : اضحكي عليا ماشي ماشي
نور : انت بتغير من اهلي اللي ليا في الدنيا اعمل ايه بس
زين : خلاص ياحبيبتي ماتزعليش ده من حبي فيكي بس
ضحكت نور وقالت له : اول مانوصل القصر عاوزه شيكولاته وايس كريم كتير اوي
زين : عيوني وايه تاني
نور : بس انا قنوعه
زين ب ضحكه : اوي اوي
…………………………………………………………………………

 

 

علي ليه : يابابا مش موافق
حازم ليه : ياعمى مش موافق
احمد : ب مكر انتو فاكرين نفسكم كبرتوا دانتوا عيال وانا راجل البيت ده ومزاجي كده مش عاوزكم تتجوزوا
مني : جت تتكلم غمز احمد ليها وفهمت انه بيقول كده بيخوفهم مش اكتر
في دخول يحيي هو مين اللي عاوز يتجوز غيري
امال : اهلا يابني تعالي
صلاح ل يايحيي : فينك يابني مابتردش ليه
يحيي : اخوكم مفحوت في تظبيط الفيلا مين بقا عاوز يتجوز ل يكون انت يابوصلاح
احمد : قال واد انت مافيش جواز ليك انت كمان
يحيي : اتنرفز وقام من مكانه ليه ياعمي في ايه الله يخليك جيوزنى البت هتسبني والله
ضحك الكل ع كلام يحيي
مني : ياضنايا يابني هي وصلت بيك ل كده فين الرجوله
يحيي : والله ياطنط موجوده بس البت خللت معايا وأهلها بدأو يضايقوها
احمد ب رخامه : وانا مالي ياخويا انت وهو
يحيي : ب ضحك انا مش من العائله دي واناغلطان ان انا جيت
ضحك احمد وقاله : ازاي يايحيي دانت ابني البكري
يحيي : ياعمو الله يخليك خاليني اتجوز انا مالي بيهم
احمد : زيك زيهم يايحيي
حازم : بعد اذن حضرتك ياعمو اناعاوز أتقدم ل بنت اسمها لما ممكن حضرتك تيجي معايا
احمد : انت كده محترم يازومي وانا اجي معاك واجوزك
كلهم ضحكوا ع احمد وجه علي قالو لوسمحت يا بابا عاوز اتكلم في موضوع مهم
احمد : خير ياعلي
علي : اناعاوز اخطب هنا بنت عمي
احمد : يا الف انهار ابيض هو احنا هنلاقي احسن من هنون بنتي
ضحكوا كلهم ع احمد وقال ربنا يتمم بخير
يحيي : طيب ياعمي وانا
احمد : وانت مالك يايحيي عاوز اتجوز ياعمي وبعدين انا مالي لما جيت اخطب اخدت حضرتك معايا يبقا مش هتجوز ليه
ضحك احمد : ما أنت اللي دخلت يايحيي وانا بأربيهم

 

 

ضحك يايحيي : يعني انا الحمدلله براءه وهتجوز
ضحكوا كلهم وقالوا اكيد يابني ربنا يتتم فرحتك ع خير
مها : شكرا اوي يامروان ع اللي عملته مع هنا
مروان : كده يامها بتشكريني ع ايه هي هنا مش اختك يعني اختي
مها : ربنا يخليك ليا
مروان : ويخليكي ليا
مها : ممكن اسألك سؤال
مروان : اتفضلى
مها : ليه كل ماتكلمني تقولي سرقتي قلبي
مروان : ب ضحك علشان انتي سرقتي قلبي يامها
ابتسمت مها وقالتله ربنا يخليك ليا بس انا اول مافوقت من الغيبوبه انت قولتهالي
ضحك مروان : انا حلمت بيكي يامها وانتي سرقتي قلبي في الحلم
ضحكت : مها وقالتله بطل هزار
مروان : بس انا مش بأهزر
مها : مروان وانا كمان حلمت بيك ……..
في دخول زين ونور والكل اخدهم بالاحضان
زين سلم عليهم كلهم وقاعد سمع صوت هنا نزلت من اوضتها جري
علي : عليها انتي ايه نزلك انتي لسه تعبانه
هنا : ب خوف سمعت صوت ابيه
جريت نور ع هنا وحضنتها : كده ياهنا تقلقينا عليكي
هنا : بزعل انا اسفه
نور : ولايهمك ياحبيبتي

 

 

راحت هنا وقفت قدام زين : عامل ايه يا أبيه انا اسفه
زين بص ع اللي قاعدين وقالهم : هأطلع ارتاح المشوار كان متعب
هنا : ب دموع ابيه انا اسفه ماتعملش فيا كده
زين : مشي ومسك نور وطالع ع الاوضه بتاعتها بص ع هنا
زين : انتي مابقتيش هنا اللي مربيها ع ايدي وطلع هو ونور ع الاوضه
امال : علي خد هنا وطلعها فوق
هنا قاعدة : وقالت مش قادره ادوس ع رجلي سمعها زين والكل اتخض وجري عليها
علي : في ايه ياهنا
هنا : ب دموع رجلي مش حاسه بيها
جري زين عليها ومسك رجليها وفضل يحرك فيها
زين : حاسه بيها ياهنا
هنا : ب دموع لا
زين : اتصل ع الدكتور حالا يجي ياحازم
زين : جه يشيلها صلاح قاله عنك يازين انا هأشيلها وشالها وطلع بيها ع اوضتها
امال : ب دموع يارب خير يارب
طمنتنا مني وطلعوا ع اوضه هنا
زين طلب يتكلم مع هنا وقالهم يخرجوا كلهم
زين : هنبطل دلع امتي
هنا : ضحكت انت عرفت منين ونطت في حضن زين وقالتله لما تبطل تزعل مني
زين : بضحك حافظك ومربيكي دانتي بنتي ياهبله
هنا : يعني مش زعلان مني
زين : لا ياحبيبتي انا خايف عليكي بس
هنا : ربنا يخليك ليا ابيه
يلا : اطلعي طمنيهم عليكي جريت هنا ع الباب وكمل زين كلامها وقال : اعملي حسابك خطوبتك مع فرح مها ويحيي وحازم
جريت هنا ع زين وحضنته : ربنا يخليك ليا يا احلي ابيه
اخرجى يا هنا وطمني الكل وكان علي نفسه يخنقني من قلقه عليكى …..
دخل زين الاوضه بتاعته لقى نور نايمه غير هدومه واخدها في حضنه وناموا
تاني يوم صحيت نور وكانت تعبانه لبست وصلت ونزلت ع تحت وهي كل شويه حسه ب دوخه صحي زين مالقاش نور لبس ونزل
زين : صباح الخير

 

 

كلهم : صباح النور يازين
باس زين ايد مامته وباس نور من دماغها وقاعد جانبها زين ل صلاح : هتنزل معانا الشركه يابو صلاح
صلاح : هز راسه وقال ماشي يازين بس اعذرني النهارده هأروح المحكمه علشان بابا هيترحل النهارده للمحكمة هنا في القاهره
زين ب سكوت : زي ماتحب
حازم : انت نازل النهارده يازين الشركه
زين : اة ياحازم بس هأروح مشوار الاول
امال : رايح فين يازين
زين : مشوار يا امي
نور : بتعب هأطلع اريح شويه حاسه ان انا تعبانه
زين : ب خضه مالك يانور حاسه ب ايه تعالي نروح لدكتور
نور : لا يازين دول شويه تعب مكان السفر بس مش اكتر عن اذنكم
طلعت نور ع اوضتها وهي بتفكر ياتري في ايه وزين رايح فين يارب استر
زين : انا ماشي خرج زين واتجه ع المحكمه وكله غضب ونرفزه وصل عند المحكمه ووقف مستني أشرف
بعد نص ساعه وصلت عربيه الترحيلات وكان فيها أشرف وهو نازل من العربيه لقى زين وقفه
زين : ممكن اعرف قتلت خالي محمد ليه وقتلت صاحب عمرك ليه ده كله ؟ ماتقولش حقد وغل جه يتكلم أشرف : سامحني يازين وخلي امال تسامحني وقول ل نور وصلاح انا اسف سامحوني وخلي صلاح يدي نور كل فلوسها وارضها وبيتها
زين : مراتي مش عاوزه حاجه منك عرفني قتلتهم ليه
أشرف بص ورا زين لقى حد مطلع مسدس وبيضرب نار ع زين زق أشرف زين واخد الرصاصه مكانه ووقع أشرف بين ايد زين اللي كانت هيتجنن من اللي حصل الناس مسكت اللي ضرب النار وطلع طنطاوي في الوقت ده كان صلاح وصل عند المحكمه وشاف زين وناس ملمومه راح يشوف في ايه اتصدم من اللي شافه والده واخد رصاصه في قلبه وسايح في دمه
صلاح ب دموع : بابا بابا في ايه يازين مين ضرب ع بابا
زين ب زعل : بابك اخد الرصاصه مكاني
صلاح : اسعاف حد يطلب الإسعاف ابويا بيموت
أشرف : خلاص ياصلاح الاجل جاه
صلاح : ماتقولش كده يابابا هتبقا كويس
اشرف : سامحني ياحبيبي غلط كتير ودي النتيجه سامحني وقول ل نور تسامحني
صلاح : مسامحينك يا بابا والله ان شاء الله هتكون بالسلامه

 

 

اشرف ابتسم ل صلاح وغمض عيونه وطلعت روحه للي خلقها
استخرج زين أوراق الدفن ودفنوا أشرف في الشرقيه ورجعوا ع القاهره
امال ل صلاح : حبيبي هون ع نفسك ربنا يرحمه
صلاح : الحمدلله يا امي ربنا يرحمه
نور : شد حيالك يا صلاح
صلاح : ونعمه بالله سامحي بابا يانور
نور ب دموح : سامحته من زمان ياصلاح ربنا يرحمه
صلاح : انا هأرجع الشرقيه
امال : ب خوف ليه ياحبيبي
صلاح : لازم اكون جانب اخواتي البنات يا ماما
امال : ب دموع مرات ابوك مش عاوزاك ياصلاح وقالتهالك انت بردوا هتروح
صلاح : هأطمن عليهم يا امي ينفع اسيبهم لوحدهم
امال : ربنا يخليك ليهم ياحبيبي
صلاح : زين عاوز اتكلم معاك انت وحازم ويحيي
زين : خير يا صلاح
صلاح : اناعاوز كل واحد يعمل فرحه في معاده الفرح فرحنا والحزن في القلب وانتم مالكمش ذنب
حازم ويحيي : لا ياصلاح مايصحش لا هنأجل شويه مش هيحصل حاجه
زين : ايه اللي بتقوله ده ياصلاح
صلاح : خلاص الميت مات واندفن ننكد عليهم ليه
نور : دخلت عليهم وكانت سامعه كلامهم
نور : خلاص ياصلاح مش هيحصل حاجه لو اتأجل شويه
صلاح : ابدا والله مايحصل لو اتأجل انا مش هأرجع هنا تاني
فجأه نور : قالت زين لف ل نور لقاها ماسكه في الباب واغمي عليها شالها زين وطلعها ع اوضتها حاول يفوقها مافقتش طلب من حازم يجيب دكتور
جه الدكتور وكشف ع نور كتب ليها ع ادويه وتحليل وفاقت نور
دخل زين ع نور : حبيبتي حمدلله ع سلامتك
نور : الله يسلمك يازين الدكتور قال ايه
زين : الدكتور لقا ضغطك واطي وطلب تحليل
نور : مسكت ايد زين وحطتها ع بطنها ملهاش لزمه يازين

 

 

زين : ب عدم فهم ليه يانور لزم نطمن عليكي
نور : خبطت ع ايد زين في نونو هنا يازين
زين : ب فرحه بجد يانور انتي حامل
نور : اة يازين عرفت امبارح بس ماكنش في وقت اقولك
زين : باس ايد نور وحضنها الحمدلله يانور يعني هبقا بابا
نور : واحلي بابا كمان نزل زين وعرف كل اللي في القصر والكل فرح ليهم
سافر : صلاح ورجع بعد اسبوع
امال : ينفع ده كله ياصلاح
صلاح : اسف يا امي بس كان لازم اشوف اخواتي واعمل ورق الورث علشان كل واحد ياخد حقه وده حقك يا امي ورثك انتي وخالي
وده يانور انتي كمان ورثك انتي وحسن وانا متنازل عن نصيبي بعد موت حسن وعمك محمد كمان متنازل يعني كل حاجه رجعتلك وبأترجاكي سامحي بابا
نور : ل صلاح والله سامحته من زمان ياصلاح
صلاح : الحمدلله
امال : بس انا مش عاوزه الفلوس دي
صلاح : ده حقك يا امي ارجوكي خديه
امال : انا مش عاوزه حاجه غير لميتكم جانبي ربنا يخليكم ليا والفلوس دي هتدخل بيها مع زين شريك علشان ماتبقاش موظف تبقا شريك
زين : بص ل امه بعتاب بس يا امي صلاح اخونا وشريك من غير الفلوس دي مش موظف وخلاص
امال : ضحكت ل زين اناعارفه ياحبيبي بس علشان اخوك يكون مرتاح اكتر

 

 

صلاح : ربنا يخليكوا ليا وانا كمان معايا ميراثي وهأسس شركه
زين : خلاص يابوصلاح ندخل ماما معاك شريك وانا هأسعدك انا ويحيي وحازم ان الشركه تقف ع رجليها
قام : صلاح واخد زين بالحضن
علي : بيصفر ايه يانور انتي سيباهم كده عادي
ضحكت نور وقالت : انا واثقه في جوزي وابن عمي
ضحكوا الجميع
صلاح : ياله بقا كله يطلع ينام ورانا يومين صعبين جدا ما أعرفش ايه الأصرار انكم تعملوا افرحكم في مرسي علم
زين : والله ياصلاح ما أعرفش ليه التعب ده قال عاوزينه ع البحر قال ما النيل موجود والفيلا وكمان هيبقا تعب ع نور
امال خدها بالطياره يازين ماتزعلش اخواتك
حاضر يا امي
طلع كل واحد ع الاوضه بتاعته كل واحد يجهز نفسه وشنطته علشان هيسافروا بدري
نور في الاوضه زعلانه
زين : مالك ياحبيبتي في ايه
نور : ماعنديش فستان ل الفرح ونسيت اجيب
زين : خدها في حضنه ولاتزعلي نفسك اناهأتصرف جهزي بس انتي الشنط هدوم عاديه
زين راح ل هنا
زين : عاوز منك خدمه ياهنون
هنا : عيوني يا أبيه
زين : نور ماجبتش فستان واناعاوز اكبر مصمم ازياء اروح له
هنا : بس كده عنيا يا ابيه
هنا : بعتلك اللوكيشن ع الفون ده أكبر مصمم هنا وعنده حاجات فظيعه وممكن يبعتلك حد هنا بالفساتين
زين : هنا هي نور تلبس مقاس كام
هنا : اعتقد ٤٢ يا ابيه
زين : ماشي تصبحي ع خير .
رجع : زين الاوضه ونام
صحيوا الصبح كل واحد جهز واخد شنطه ومشيوا
زين : نور ماتقلقيش هنوصل تلاقي الفستان ياحبيبتي
نور : ربنا يخليك ليا ياحبيبي
كلهم سافروا ووصلوا الفندق

 

 

طلعت : نور ع اوضتها بعد ماسلمت ع مي خطيبة يحيي وع مامتها وقعدت في الاوضه زهقانه كان زين مع اخواته واتصلت عليه : زين مش جاي
زين : حبيبتي انتي كويسه
نور : دايخه شويه وزهقانة ممكن تطلع
زين : جاي يانور
استأذن زين من الشباب وطلع لقا نور خارجه من الحمام وماسكه بطنها
زين : ب خوف حبيبتي انتي كويسه
نور : مش قادره يازين معدتي مقلوبه اوي
زين : الف سلامه ياحبيبتي تعالي ارتاحي
اخدها زين ع السرير ونومها في حضنه لحد ما نامت قام من جانبها براحه وطلب اكل وحاجات علشانها
جهز زين الفستان اللي وصل وكان عباره عن فستان واخد شكل السمكه مع ديل طويل باللون الاوف وايت
حط الفستان ونام جانبها
عند مي ويحيي اختارت مي فستان ابيض منفوش من الوسط زي فستان سندريلا
يحيي : بيخبط عليها
مي : مين
يحيي : انا ياقلب يحيي
فتحت : مي الباب حته صغيره افندم
يحيي : في ايه ياميوي
مي : ممنوع ماما نايمه امشي يايحيي
يحيي : اشوفك بس وامشي
مي : تؤتؤ لا امشي
مشي : يحيي وهو ماشي قالها بكره لينا بابا يتقفل علينا
حازم حجز ل لما ومامتها واخواتها اوضه وجبلها فستان رقيق من الستان مرصع ب مجوهرات باللون الأبيض
مروان ومها وصلوا ومها اختارت فستان باللون السلفر نزل دقيق وليه ديل طويل
اما هنا ف جابت فستان قصير باللون الموف
اليوم مخلصه من الخناق بين علي وهنا ع الفستان

 

 

اما عند امال وصلاح ومني واحمد ورعد كل واحد في الاوضه بتاعته
تاني يوم الصبح (يوم الفرح )
وصلت الميكب ارتست ل كل عروسه وكان زين جايب ل نور هي كمان واتفجأت نور بالفستان وكانت فرحانه اوي بيه
زين : يارب يكون عجبك يانور
نور : عجبني ايه ده تحفه تسلم ايدك وع مقاسي بالظبط
ده : جزء بسيط من اللي كان نفسي اعملهولك يانور كان يمكن اتجوزنا في ظروف غصب عننا بس كان نفسي اعملك احلي فرحه ووعد مني يانور كل عيد جواز اللبسك فستان فرح واعملك احلي فرح حتي لو عندنا ١٠٠ سنه
جريت عليه نور وحضنته وقالتله : كفايه انك معايا ربنا يخليك ليا
نزل صلاح ورعد يتمشوا في القريه
صلاح : تشرب حاجه
رعد : ياريت حاجه بارده راح صلاح يجيب وخبط في بنت
البنت : ايه ماتفتح ياانت غرقتني ايه ده
صلاح : وهو متنح انت عموما اسف ما كانش قصدي
البنت : اعمل ايه ب اسفك
صلاح : ب رخامه إعمليه سندوتشات وسابها ومشي راح عند رعد
رعد : ايه يبني فين العصير
صلاح ب: ضحك خبط في وحده رخمه واندلق عليها بس ايه جميله يارعد
رعد صفر وقال : ل صلاح وقعنا ولا ايه
صلاح : بس ياواد انت وروح جيب انت بقا عصير
قام رعد وهو ماشي كان في بسين قدامه وكان في بنوته واقفه بتصور وجت تمشي اتزحلقت بس لحقها رعد ومسكها من وسطها
رعد انتي كويسه
البنت : اة تمام شكرا ل حضرتك وكانت مكسوفه جدا وسبته وجريت
جاب رعد العصير وراح ل صلاح

 

 

 

صلاح : اتأخرت ليه
رعد : كنت بجيب العصير وبنت كانت هتقع لحقتها
صلاح : بتنهيده اةة وايه تاني ياحنين
رعد : وهو سرحان وجميله اوي
صلاح : ب ضحك دانت وقعت بقا
فاق رعد من شروده وضحكوا وكل واحد راح ع الاوضه بتاعته علشان يجهزوا
جهزوا العرايس وكان كل واحده ليها جمال مختلف عن التانيه وكل عريس راح اخد عروسته ونزلوا مكان الاحتفال اللي كان ع البسين وقدامهم في الاتجاه التاني
كلهم رقصوا سلوا سوا
وصلاح داخل خبط في البنت اللي رعد خبط فيها وقال : انتي تاني
رعد كان معاه وقالوا : في ايه قالوا دي اللي خبط فيها الصبح زعل رعد جدا وسكت لان دي نفس البنت اللي انقذها
مشيوا وبعد شويه لقوا نفس البنت بس بفستان متغير رعد هو : في ايه البت دي بتتحول ولا ايه
راحت البنت في اتجاه صلاح وقالتله انت بتراقبني ولا ايه
صلاح ب نرفزه : هو انا كلمتك ولا جيت جانبك
جت بسرعه من وراهما نفس البنت في ايه ياساره ما أعرفش الاخ ماشي ورايا ولا ايه ياسمر بص صلاح ل رعد وانفجروا من الضحك وقال انتوا اخوات ردت سمر اللي انقذها رعد بابتسامه احنا توأم حضرتك وشكرا ع اللي عملته معايا الصبح ………..
تمت ب حمدلله

لقراءة باقي حلقات الرواية اضغط على : (رواية نور الزين)

اترك رد