رواية بداية جديدة الفصل الأول 1 بقلم إسراء ابراهيم

رواية بداية جديدة الفصل الأول 1 بقلم إسراء ابراهيم

رواية بداية جديدة البارت الأول

رواية بداية جديدة الجزء الأول

رواية بداية جديدة الحلقة الأولى

جومانا بصدمه وهي بتبص لمروان : مراتك
مروان: جومانا اهدي هفهمك كل حاجه
جومانا: تفهمني ايه رد تفهمني ايه
مروان: لارد
جومانا: متقولش حاجه اخرس اخرس ايوه مهو العيب عليا انا مغفله قولت يا بت ما تخليه يسافر ايه يعني ده انتم حب 16سنه ولما مكلماتك قلت قولت يعيني اتلاقيه مشغول وكدبت كل احساسي بسبب ثقتي الكبيرة فيك بس طلعت مغفله وانت طلعت وس*خ
مروان: ينفع تسمعيني
جومانا وهي بتديلوا بالقلم: اسمع ايه هو سوال واحد ليه ولا اقولك متردش وجريت وسابته
*باك *
شيماء: مالك يا بنتي يا حبيبتي

جومانا بعياط: مش قادرة انسي انه خاني يا ماما لا وعايش معاها دلوقتي عادي وبكل بجاحه بيجوا الشركة
شيماء: خلاص يا حبيبتي اهدي بقا انا عارفة ان كل الصدمات جت ورا بعضها بس انتي قوية وهتعديها ماشي يا روحي يلا قومي المحامي عايزك بره
جومانا وقامت ظبطت نفسها وتظاهرت بالقوة
جومانا: اتفضل يا استاذ قول اي المهم في الورق ده لدرجه ان انتظر المده دي كلها علشان افتحه
استاذ رفعت المحامي: بصي انا مش هقدر اقولك اي اللي في الورق ده بس شوفيه بنفسك
جومانا مسكت الورق واول ما شافته حست ان شريط ذكرياتها بيمر قدام عينيها
فلاش باك
قبل سبع سنين
شيماء(مامت جومانا): كل سنه وانتي طيبة يا روح ماما وعقبال مليون سنه انا مش مصدقة ان قطتي الحلوه بقت 17سنة
جومانا: وانتي طيبة يا ماما فين هديتي بقا
هاني(والد جومانا): قبل اي حاجه تعالي يا جومانا عايزك في كلمتين في المكتب
في المكتب
هاني: بصي يا جومانا العمر مش هيبقي فيه زي اللي عدي وانتي اكبر اخواتك بس الحقيقه انك لسه صغيره اوي علي اي مسئؤلية دلوقتي بس انا هقولك حاجه واحده بس لما يبقي عندك 24سنه هيجيلك استاذ رفعت المحامي وهيديكي ورق انا سايبهولك معاه
*باك*

جومانا: بقا هو ده الورق واخدت حاجتها وقامت
شيماء: رايحه فين يا جومانا
جومانا: رايحه اجيب حقي انا واخواتي من عمي اللي مشغلني في شركة ابويا موظفة
في الشركة
تحديدا في مكتب رئيس مجلس الادارة
جومانا دخلت فجاءة من غير استاذان
يونس: انتي ازاي تدخلي كده من غير استاذان
جومانا: وانت ازاي تعمل كده يا عمي ازاي تعمل فيا انا واخواتي كده ولا علشان احنا بنات ففكرتنا لقمه سهلة
يونس بارتباك: انا مش فاهم انتي بتتكلمي عن اي
جومانا: عنك ما فهمت كل اللي هقولهولك ان انا ليا نص الشركة دي زي زيك..
يونس: ليكي اي لا طبعا الشركة دي ملكي ومعايا اوراق تثبت ده
جومانا بزعيق: مزور ومعايا اللي يثبت هضيف نظام جديد بدل ما ابلغ عنك البوليس الكلمه الاخيرة هتبقي ليا انا وبس ومش هضغط عليك مستنيه ردك بكرة سلام
جومانا خرجت من مكتب يونس ودخلت مكتب وبدات تفضيه
مروان: اي انتي بتعملي اي هنا ده مكتبي

جومانا وهي بتبص في عينه بثبات: ومن النهاردة بقا مكتبي
مروان: ده علي اساس اي ان شاء الله
جومانا: انت لسه ليك عين تتكلم معايا وتناقشني بعد اللي عملته
مروان: انتي مبتفهميش ما قولتلك وبقولك للمرة المليون مكنش بايدي
جومانا : ومش عايزة افهم اطلع بره مكتبي
مروان خرج واتجه علي مكتب رئيس مجلس الإدارة
مروان والدموع في عينه: انا عمري ما هسامحك علي اللي عملته فيا عمري ما هسامحك
يونس: بس يبني مش وقتك..
مروان بزعيق: هو اي اللي مش وقتك انت ضيعت مني حب عمري وتقولي مش وقتك
يونس: انا معملتش حاجه
مروان: لا عملت ولو مش فاكر افكرك
فلاش باك
قبل اربع سنين
مروان بفرحه: جومانا اخدت المنحه اخدت المنحه واخيرا هسافر
جومانا بحزن: مروان انا مش مطمنه للسفر ده ما بلاش
مروان: ازاي مش مطمنه
جومانا: حاسه هتحصل حاجه تفرقنا

مروان: انتي بتهزري صح بقي بعد كل الحب ده وتقوليلي حاسه حاجه هتفرقنا جومانا احنا عمرنا ما نتفرق حتي لو اتفرقنا فقلوبنا هتفضل متصلة ببعض انا بحبك بجد يا جومانا
جومانا: وانا من اول ما بدات افتح عيني علي الدنيا وانا محبتش غيرك او بمعني اصح انا مشوفتش غيرك يا مروان انا بحبك لو بتحبني بجد متسافرش انا مش مطمنه
مروان: جومانا بطلي انانيه بقا انتي عايزاني افضل جمبك صح
جومانا: انا انانية يا مروان طب براحتك علفكره لو عاوز تسافر مش همنعك انت في الاخر حر
مروان: عارفة انا بعد ما ارجع هعمل اي
جومانا: اي
مروان: هخطبك
جومانا: اذا كان علي كده فتروح وترجع بالسلامه يا مارو
مروان: طيب يا ستي السفر بكرة اي رايك نخرج النهاردة ونفرج عن نفسنا شويه اصل الصراحه انا حاسسنا مدفونين في هندسه
جومانا بضحك: اي يا بشمهندس مش ده حلمك

بعد مرور سنتين
جومانا: يا ماما علشان خاطري وافقي بقا خليني اسافر واصلا مروان هناك يا ماما يعني المفروض تطمني عليا وبابا موافق علشان خاطري بقا
شيماء: طيب يا حبيبتي براحتك اهم حاجه راحتك
جومانا: يس واخيرا اهم حاجه محدش يبلغ مروان بحاجه انا عايزة افاجئه
شيماء: حاضر يا روح ماما ربنا يتمم لكم علي خير
بعد مرور شهرين من الاستعداد واخيرا جه اليوم اللي هتسافر فيه جومانا
في انجلترا
جومانا: ياه يا انجلترا ياه قد اي تعبت علي ما وصلتلك بس كله علشانه يهون
وراحت علي الفندق اللي الجامعه موفراها لطلبها علشان فترة دراستهم
في الفندق
جومانا: Excuse me, there was a room here in the name of Jumana Hani
لوسمحت كان فيه اوضه هنا باسم جومانه هاني
مارك: Yes, room number 206
ايوه غرفه رقم 206
جومانا: Can someone help me move the bags to the room
ممكن حد يساعدني في نقل الشنط للغرفة
مارك: Of course
بالتاكيد

جومانا: Please, can I request again
لوسمحت ممكن طلب تاني
مارك: Of course you can order whatever you need
بالتاكيد يمكنك طلب كل ما تحتاجينه
جومانا: I can know the room number of Marwan Younes
ممكن اعرف رقم غرفه مروان يونس
مارك: Of course, his room number is 111
بالطبع غرفته رقم١١١
جومانا: Thank you very much
شكرا جدا
مارك: you are welcome

وطلعت جومانا علي غرفة رقم ١١١ قبل ما تطلع اوضتها حتي ترتاح
خبطت علي الباب بس فتحتلها واحده
جومانا: Excuse me, isn’t this Marawan Younes’s room
معذرتا مش دي غرفة مروان يونس
جويدا: yes, this is his room
ايوه دي غرفته
جويدا: مارو في واحده عيزاك
جومانا والكسرة ابتدت تبان في عينيها: انتي مين
جويدا: انتي اللي مين انا مراته
جومانا: اي انتي مين
جويدا: اي مبتسمعيش مراته!!
جومانا بصدمه وهي بتبص لمروان: مراتك

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية بداية جديدة)