رواية زواج أطفال 3 الفصل الثالث والثلاثون 33 بقلم الكاتبة الصغيرة
رواية زواج أطفال 3 الفصل الثالث والثلاثون 33 بقلم الكاتبة الصغيرة
رواية زواج أطفال 3 البارت الثالث والثلاثون
رواية زواج أطفال 3 الجزء الثالث والثلاثون
رواية زواج أطفال 3 الحلقة الثالثة والثلاثون
عمر.. اهلا كنت عارف انك هتيجي بس اي الفيلم اللي عملتيه ده بقي طلعتي مش جايه عشان ابوكي ولا حاجه
آيه بصدمه.. نعممم؟!!!.
عمر.. ولا انتي اصلا معندكيش اب!
ايه.. ايه اللي حضرتك بتقوله ده انا محتاجه الشغل ودي حاجه متخصكش وشكرا علي الوظيفه مش عايزاها
عمر وقف وراح عند الكرسي اللي قدامها وقعد.. مش بمزاجك
آيه انفعلت واخدت الورق من علي المكتب .. لا بمزاجي واشبع بيها
عمر ابتسم.. بس انتي وقعتي علي العقد خلاص اقعدي خلينا نتفاهم
قعدت تاني .. خير
عمر.. كدبتي ليه؟
آيه.. ميخصكش
عمر .. تمام الايام جايه كتير وشاور بإيده علي الباب اتفضلي علي مكتبك
خرجت وهي بتتنفس بصعوبه وقعدت علي المكتب ولكن كان الفاصل بينهم فاصل زجاجي حاولت تبان طبيعيه وبدأت تشوف شغلها
________________________________
معتز.. يعني ايه موافقه؟
رحمه.. ايوا بس لازم اهلي في مصر يعرفوا
معتز.. لو عايزه ننزل النهارده قبل بكرا انا مستعد
رحمه.. اهدي بس انت العلاقه بينكم متوتره اساسا عايزين نشوف طريقه نقنعهم بيها
معتز.. ليه ياحبيبتي ربنا ميجبش مشاكل كانت فترة اعجاب ببنت خالك وراحت لحالها واهي دلوقتي اتجوزت خلاص فين المانع بقي
رحمه.. مش عارفه يا معتز بس قلقانه
معتز.. متخافيش قولي بس يلا وهننزل سوا مصر
رحمه.. وعمر
معتز.. لا عمر معتقدش هيسيب الشغل والبنات هنا عشان يجي مصر تاني
رحمه.. يعني انت هتدير الشغل في مصر وهنا هتسيبه لعمر
معتز.. ايوا وانا واثق فيه اكيد
رحمه.. اناطلعت واخده فكره وحشه عنك بجد يا ريتني فهمتك من زمان ومكنتش دخلت حد قلبي قبلك
باس ايدها .. اهم حاجه دلوقتي اننا مع بعض
رحمه.. خلاص اتحلت طالما عمر هنا ننزل احنا اخر الاسبوع
معتز.. بس كده دا انا هحجز من دلوقتي
________________________________
لين.. انس قوم يلا
انس.. صباح الخير ياقلبي
لين.. صباح النور بصحيك من زمان ماما وبابا مستنينا علي الفطار
انس.. تمام هغسل وشي وجاي
لين.. ماشي
بعد ربع ساعه كانوا متجمعين على الفطار
مالك.. طلعتوا الاكل لمازن
اروى.. آه من بدرى
انس.. هبقي اعدي اخر اليوم اخد لمار ان شاءلله
زين.. ليه يابني ماهي قاعده
انس.. مينفعش بقي عشان كليتها وكده
لين.. اللي تشوفه ياحبيبي اختك وانت حر معاها
انس.. تسلمي ياتيته
مالك.. مقولتوش هتسموا البيبي ايه
لين.. لو بنت هسميها اروى ولو ولد مالك
اروى ضحكت.. ياشيخه حتى اخوكي بيقول كده برضو
انس.. ايه اللغبطه دي بقي احنا اللي هنخلف الاول
زين.. كل واحد بيجي بإسمه
مالك.. بالظبط كده
كملوا فطار وبعدين انس اخد لين وروحوا
________________________________
يوسف.. الفرح بعد شهر كده كده
ايلين.. يعني ايه
يوسف.. يعني واخيرا هنكون سوا دا انا خللت جمبك صحبي قرب يخلف العيل التاني واحنا لسه
ايلين.. يسلام وانا هخلف علي طول كده نووو لازم اعيش حياتي
يوسف.. طبعا يروحي هو انا قولت حاجه
ايلين.. اه بحسب
يوسف.. تعالي نشرب حاجه نبلع الامتحان اللي هيجيب اجلنا ده
ايلين.. اسكت انا خايفه اوى مجبش تقدير
يوسف.. انتي كده كده واخده امتياز في قلبي
ايلين.. ايه العلاقه
يوسف.. والله مابتقدري الغزل
________________________________
لمار.. عايز حاجه تانيه
مازن.. لا سلامتك سلميلي على الجماعه
لمار.. الله يسلمك يوصل خلي بالك من نفسك وخد العلاج في مواعيده ومتمشيش علي رجلك كتير
مازن ابتسم بتوصيه كأنه ابنها.. حاضر متخفيش انا كويس والله
لمار.. ماشي سلام
مازن.. سلام هكلمك لما توصلي
لمار.. تمام
نزلت سلمت عليهم ومشيت مع انس
كان رحيم راجع من برا
رحيم.. وحشاني يابت يالمار
لمار.. وانت كمان رهف عامله ايه
رحيم.. نايمه من قبل مااخرج ودلوقتي بكلمها نايمه برضو
لمار.. عشان الحمل ربنا معاها
رحيم.. يارب
انس.. مكلمتش عز
رحيم.. ولا عايز اشوفه اه صحيح رحمه هتنزل بعد بكرا
انس.. خير يارب ايه اللي فكرها بأمنا تاني
رحيم.. معرفش بس عمتك عامله فرح من ساعة ما عرفت وكمان بتقول معتز متقدملها
رهف.. مش معتز ده اللي كان عامل مشا. كل في الشركه وبيعاكس ريناد
انس.. ايوا غريبه يعني وجدك وافق
رحيم.. اه اقنعته وفضلت تقول فيه اشعار يعم الله يسهلهم اهي تبعد عننا مبيجيش من وراها خير اصلا
انس.. والزفت التاني
رحيم.. عمر
انس.. هو في غيره
رحيم.. مش جاي تلاقيه ماصدق اصلا واللى يشوفه وهو بيتصعبن علي جدي دا انا كنت صدقته
لمار اتوترت من سيرته
انس.. مالك في ايه
رحيم فهم لانه عارف انها كانت معجبه بيه بصلها وقال لانس.. تلاقيها تعبانه من السهر ولا حاجه
لمار.. اه ايوه
انس.. خلاص اطلعي انتي
لمار.. تصبحوا على خير
________________________________
آيه.. كان نفسي هيقف والله
… وهو صدق
آيه.. معرفش انا كلمته بعصبيه وقفلت الموضوع بس هو مش سهل ابدا
.. دا شيطان هو واخته
آيه.. ودا اوقعه ازاي؟
.. خليه يحبك
آيه.. نعممم لا طبعاً
.. مهو لازم يثق فيكي ويكون بينكم حاجه عشان اللي احنا عايزينه يحصل
آية.. بس انا كده بخاطر
.. خلاص خلي اللي عملناه كله يتهد تاني
آيه بتفكير.. ابدااا لازم حقنا يرجع
________________________________
بعد مرور شهرين بدون احداث تذكر غير انها حياه روتينيه
رحمه ومعتز اتجوزوا
لين كانت حامل في ولد هي كمان ورحمه نفس الشيء
يوسف وايلين عملوا فرحهم يوم حفلة التخرج 😂😂مجانين
وعمر آيه عرفت توقعه في شباكها
مازن بقي كويس وبدأ يخرج تاني ويمشي علي رجله
ريناد وعز حياتهم طبيعيه بس دايما رحيم يعاند فيهم
________________________________
في مكان غريب كان قاعد علي الكرسي ومربوط وشه شاحب جدا وحالته صعبه
مازن.. صعب اوي الوضع ده صح؟
فارس.. هندمك على كل يوم قضيته هنا
مازن.. انا مش هخاف من الكلمتين دول عشان بقالي شهرين بسمعهم وانت مكانك لسه متحركتش بس كان في حكمه من قعادك هنا حبيت احسسك باللي انا كنت فيه وحشه القعده دي انا عارف عشان انا فضلت شهرين مش عارف اعمل حاجه ولا اتحرك بسببك ف خليتك زيك زيي ولو كنت عايز اخلص عليك من يومها كنت عملتها بس انا كنت رحيم بيك وقولت هستني لما ارجع اقف علي رجلي ونتقابل راجل لراجل مع انك جبان وغدار بس حبيت اعمل اللي انا اتربيت عليه
فارس.. وانا مش هخليك المره دي تقعد شهرين دا العمر كله ودلوقتي لمار مبقتش تهمني كانت نزوه وراحت خلاص بس انت بقي ليك معايا حساب تاني
مازن.. تمام بس انت هتضطر تشرفنا بوجودك فتره كمان مع ان ابوك قالب عليك الدنيا مفكرك توهت يا نغه بس انا مش فاضي اصل فرحي بكرا وشهر عسل وكده ف لما افضي هبقي اعدي عليك ولا اقول للشباب يسيبوك بقي عشان صعبت عليا زي ما قولتلك وخليك فاكر انا لغاية دلوقتي ايدي ما تمدتش عليك وقولت يمكن تبقي راجل وتفهم بس انا عارف انك مش هتريح نفسك وهتاخدني علي خوانه
فارس مردش عليه بس نظرته كانت فيها كمية غل تكفي بلد
________________________________
آية.. عمر انا حامل
عمر.. وايه يعني
آية.. يعني مش هتعرف اهلك ان احنا اتجوزنا العيل اللي هيجي دا ليه حق ولا هتفضل طول عمرك شغال في شركة صاحبك
عمر.. وانا قولتلك ان اهلي مستحيل يقبلوا بيكي خلاص بقاا
آيه.. ليه ان شاءلله
عمر.. هو كده وخلاص
آيه.. هو ايه اللي كده ما تفهمني
عمر.. عشان انتي مش مستوايا ولا ليكي اهل اقولهم جبت واحده معرفش هي مين اتجوزتها
آيه بقهر.. يعني انت شايفني كده طب طلقني
عمر.. مش هيحصل وعيالي هيتربوا احسن تربيه انا مش صغير والشغل موجود انتي عايزه من اهلي ايه دلوقتي مش مهم عندك انا
آيه.. مش عاوزه حاجه ياعمر اطلع بره هنام
عمر.. تمام
خرج وهي قعدت علي السرير.. كلمت حد
.. هانت خلاص انا مضيتها على الورق واخدت كل حاجه انا عايزها
آيه.. انا حامل بقولك
.. طب ما تنزليه
آيه.. انت مجنون انا مستحيل اعمل كده وكمان مش عارفه اخد منه عقاد نافع انا زهقت مش كفاية كده ولا ايه خلتني اتقمص شخصيه تانيه واتحجب واغيراسمي كفاية تعبت
.. انا كده عملت اللي عليا وجبت ورق الاسهم وخليتها اتنازلت عن حقها في الشركه ليا انتي كمان لازم تعملي كده وبعدين ماكان للازم تعملي كده عشان يصدقك
آيه.. طيب ليه ما احنا عندنا الشركه
.. قصدك عندي الشركه دي بتاعتي لوحدي انا برجع حق ابوكي اللي ضاع من سنين اللي عمران ضحك عليه عشان كان لسه شاب وخده منه عشان يرضي يجوزه بنته هدي وفي الاخر قاله معنديش بنات للجواز وراح جوزها لواحد تاني خلف منها ورمهاله زي الكلبه بعيالها وابوكي طول عمره بيعامل امنا وحش عشان مبيحبهاش وتعب من زعله علي حقه اللي ضاع اللي لولا شغلي مكنتش عرفت اوصل لهنا وادخل وسطيهم عشان ارجع حق ابونا فوقي يا آيه
آيه.. يعني انا دلوقتي اتحطيت فيها وبقيت حامل من واحد مش بطيقه وحياتي في خطر لو عرف حاجه ولوحدي في الغربه كمان انا خايفه يا معتز
معتز.. خلصي الورق وانا اخلصلك منه
آيه.. وبعدين
معتز.. مفيش حد يعرف انتي مين ورحمه الوحيدة اللي عارفه انه متجوز بس متعرفكيش يعني انتي بعيده عن الموضوع وانا هنا في مصر يعني لو مات يبقي قضاء وقدر
آيه.. ورحمه انت هتعمل فيها ايه؟
معتز.. هطلقها
آيه.. وانا وابني
معتز.. ما خلاص يا آيه قولت مش هسيبك سلام عشان عندي شغل
ايه قفلت وقعدت تفكر هتعمل ايه
________________________________
يتبع..
لقراءة الفصل التالي: اضغط هنا
لقراءة باقي حلقات الرواية اضغط على (رواية زواج أطفال 3)