رواية تخلت عن كبريائها من أجله الفصل السادس 6 بقلم رونا
رواية تخلت عن كبريائها من أجله الفصل السادس 6 بقلم رونا
رواية تخلت عن كبريائها من أجله البارت السادس
رواية تخلت عن كبريائها من أجله الجزء السادس
رواية تخلت عن كبريائها من أجله الحلقة السادسة
في مكان صحراء تحديدا بليل شذي واقفه وفجاه بيظهر ذئاب كتير شكلها مخيف بتقرب علي شذي عشان تهجم عليها بتترعب شذي وبتجري جامد وهما بيجروا وراها وهي مرعوبه ودقات قلبها سريعه وبتصرخ جامد وبتصحي شذي من النوم بتاخد ازازه المياه من علي الكومدينو وبتشرب وبتهدا وتستوعب ان كان كابوس بتبص فالموبايل بتلاقي الساعه 11 وبتتفاجا لانها اول مره تتاخر علي الشغل و حست انها مرهقه فكلمت سلمي وقالتلها انها مش هتيجي النهارده
في اوضه شيري صحيت ولبست بتنزل للسفره عشان تفطر وتبص فالساعه تلاقي الساعه11 بتنده للخادمه
شيري: ميار
الخادمه ميار: نعم يا شيري هانم
شيري: شذي هانم راحت الشركه
ميار: لسه يافندم
شيري: طيب انا هطلع اشوفها وبتطلع وتخبط ع اوضه شذي
شذي: ادخل
شيري: صباح الخير يلا عشان الفطار وبتستغرب اي ده انتي لسه ملبستيش
شذي: ماليش نفس افطر ومش رايحه الشركه النهارده
شيري بقلق: انتي تعبانه حاسه بحاجه تحبي اجبلك دكتور.
شذي: لا انا كويسه
شيري باستغراب: طب انتي كويسه ولا في حاجه مزعلاكي
شذي: انا كويسه بس حسيت ان مرهقه شويه وكده كده الشغل تمام قلت اخد يوم بريك
شيري: طب اي رايك بعد ما اخلص شغل نعمل شوبينج اهو تغيري مودك
شذي: لا ماليش مزاج
شيري: اوك بس فكري لو غيرتي رايك عرفيني انا هروح الشغل بقا
شذي: تمام قولي ل ميار تعملي قهوه وطلعهالي
شيري: اوك
بتنزل شيري تبلغ ميار وتروح الشغل وبعد وقت قليل بتطلع ميار بالقهوه لاوضه شذي وبتخبط علي الباب
شذي: ادخل
ميار: القهوه يا هانم
شذي: اوك شيري هانم راحت الشغل خلاص
ميار: ايوه ياهانم
شذي: تمام روحي انتي
ميار: حاضر
بعد ماخرجت ميار بتتصل شذي باللواء جمال
ـــــــــــــــــــــــــــــــــ|بقلمي رونا|ـــــــــــــــــــ
شذي: ازيك يا اونكل
اللواء جمال: بخير وانتي
شذي: مش احسن حاجه بعد اللي حصل الموضوع بيكبر وشكله مالوش اخر
“اللواء جمال عارف اللي حصل لان كان حاطط مايك ل شذي”
اللواء جمال: لا اجمدي كده احنا لسه فالبدايه متقلقيش انا معاكي
شذي: تمام طب المفروض اعرف عمال ولا هيبقي في خطر عليه
اللواء جمال: عمار دخل دايره الخطر لما المافيا عرفت انه يبقي ابن عمك وماسك فرع الشركه ولو انتي ماعرفتهوش هما هيعرفوه والافضل يعرف منك عشان يبقي معانا وانا هقدر احميه زي ما حمايكي انتي ونيره وشيري
شذي: ثواني انا وشيري ونيره تحت حمايتك ازاي
اللواء جمال: ما انا قلتلك من بعد ما بابكي مات وانا مراقبك لان توقعت انهم هيوصلولك عشان تبقي معاهم واللي توقعته حصل فعينت عليكي انتي وشيري ونيره حراصه من بعيد لبعيد
شذي: طب ازاي وانا لسه معينه حراصه من قريب علي شيري ونيره
اللواء جمال: شركه الحراصات اللي اتعاقدي معاها تبقي بتاعت ابني وانا توقعت تصرفك كده وكنت مبلغه لما تعملي كده يسايرك وكده كده انا حاطط حراصه علي شيري ونيره من عنده وهيبلغوكي زي ما طلبتي
شذي: شكرا علي كل حاجه بجد مش عارفه اقول لحضرتك اي
اللواء جمال: العفو بابكي الله يرحمه كان غالي عليا وموصياني عليكي انتي وشيري ونيره وعمار وانتي عارفه ان بعبتركو كلكو زي اولادي ده غير ان واجبي كاللواء
شذي: حضرتك كمان غالي علينا وفي مقام بابا طب كده اتصرف ازاي
اللواء جمال: خلينا ماشين خطوه خطوه عرفي عمار الاول وبعدين هنتصرف بس خلي بالك طالما وصلو لعمار اكيد مراقبين تلفونه
شذي: طب والحل
اللواء جمال: كلميه ع تلفون الشركه قليله يجيب خط جديد بس مش بنفسه يخلي حد يجبهلوه لانهم اكيد مراقيبن تحركاته
شذي: تمام سلام يا اونكل
اللواء جمال: سلام ياشذي
وبتقفل مع اللواء
ـــــــــــــــــــــــــــــــــ|بقلمي رونا|ــــــــــــــــــــ
{في الشركه}
بتوصل نيره وبتعدي علي مكتب شذي
نيره لسه هتدخل بتوقفها سلمي
سلمي: شذي هانم مجتش النهارده
نيره باستغراب: نعم دي عمرها ما عملتها
سلمي: ده اللي حصل
نيره: طب هي تعبانه يعني
سلمي: معرفش هي اتصلت وقالت مش جايه بس ماقلتش السبب
نيره: اوك وبتروح مكتبها وتتصل علي شذي تتطمن عليها وبترد شذي
شذي: هاي نيره
نيره: هاي شذي رحت الشركه وسلمي قالتلي انك اتصلتي وقلتي مش جايه انتي كويسه
شذي: انا كويسه يا نيره بس مرهقه شويه وكده كده الشغل تمام قلت اخد بريك عادي
نيره: احساسي بيقولي انه مش عادي انا اكتر واحده فاهماكي انتي فيكي حاجه صح مقلتوليش عملتي اي مع الناس اللي بيهددوكي
شذي بتوتر بسيط: ومستغربه ان نيره لسه فاكره الناس اللي بتهددها لان عدي وقت بس مش بتبين حاجه مفيش عملت اللي عايزينه وخلاص انتي لسه فاكره ده خلص من بدري
نيره: تمام انا كنت نسيت اصلا بس لما لاقيتك بتقولي مرهقه افتكرت الحوار ده عموما هعمل نفسي مصدقه انك تمام كده كده انتي هتيجي تحكيلي مفيش حد بسيمعك غيري
شذي: اه طبعا وانا عندي مين غيرك احكيله معنديش اصلا ربنا يخليكي ليا يا حبيبتي
نيره: ويخليكي ليا ياحبيبتي باي بقا
شذي: باي
عند شيري فالاتيليه
بتدخل دينا وشكلها متضايق
دينا: هاي شيري
شيري: هاي دينا مالك قالبه وشك كده ليه
دينا: متخانقه مع يوسف خطيبي
“يوسف خطيب دينا صاحبه شيري طويل ذو بشره بيضاء وعيون بني وشعر بني ناعم عمره 26 عام يعمل ضابط”
شيري: ليه بس ده انتو كنتو في فرح يعني المفروض تبقو كويسين
دينا: ما هو كله من الفرح الشؤم ده
شيري: ازاي
دينا هقلك
(فلاش باك
كلمني وقالي انه خلص شغل متاخر يدوبك يلبس فقالي روحي انتي كنت انا لسه مخلصتش في البيوتي سنتر اصلا قولتله تمام انا لسه مخلصتش لبس هابقي اروح انا قالي اوك طبعا رحت متاخر شويه وصلت علي فقره المغنيه لينا فقلت اشوف الفقره انتي عارفه ان بحب اسمعها وبالمره لما تخلص الفقره اتصور معاها وبعدين ابقي اكلمه اشوفه فين لان الدنيا زحمه اوي وعملت كده فعلا وبعد ماخلصت كلمته واتقابلنا لاقيته بيبصلي باستغراب وبيوريني صورتي في الفون وبيقولي حضرتك مشفتيش الانسه دي رديت عليه وقلتله انا الانسه دي
يوسف: نعم ازاي
دينا: زي السكر في الشاي اي رايك
يوسف بزعيق: رايي اي وهباب اي، اي اللي انتي عمالاه في نفسك ده ياهانم
دينا: اي مش عاجبك
يوسف: لا مش عاجبني طبعا في الوقت بيجي شاب وبيعاكس دينا
الشاب:اي قمر متيجي اروق عليكي بدل اللي مش مقدر جمالك ده وبيص ليوسف شكله نكدي
يوسف: بيديله بالبوكس والشاب بيجري
يوسف بزعيق: عاجبك الموقف الزفت اللي حطيتنا في ده بس العيب مش عليه العيب علي الهانم اللي لبسه لبس مينفعش يتلبس بره البيت ولسه الموقف الارخم من ده لما اهلي يشوفوكي والكلام اللي هسمعه
دينا بزعيق ودموع: بس بقا كفايه علي فكره انا عملت كده عشانك لان في كل مناسبه بلاقي عينك بتروح علي كل البنات وبحس انك بتفكر ان ليه انا مش بلبس زيهم واكتر لبسي شبه الولاد بناطيل وتيشرتات وفي الافراح بنطلون وبلوزه سواريه مش فستان حسيت واكتر الوقت لامه شعري بحط ميكب علي خفيف او مبحطش كنت دايما حاسه من نظراتك ان فيا حاجه ناقصه وانك عيزاني ابقي زي كل البنات بس مش عارف تقولهالي ازاي ده غير نظرات وكلام اهلك ليا اهتمي بنفسك شويه او انتي ليه مش لابسه فستان او يحظك يا يوسف واخد واحده شبه صاحبك وكلام كتير من ده فعملت كده يمكن اعجب الباشا او اهله
يوسف: حتي لو كلامك صح ده مش مبرر لمنظرك مش بالاوفر ده اتفضلي روحي قبل ما حد يشوفك من اهلي ونكلم بعدين مش ناقص اضرب حد كمان بسببك والفرح يبوظ
دينا بدموع: بتسيبه وتمشي من غير ما ترد عليه
نهايه الفلاش باك)
دينا: بس ده كل اللي حصل ومن ساعتها مكلمينش خالص وانا طبعا مش هكلمه
شيري: بتصعب عليها صاحبتها معلش يادينا هو بس تلاقي غار عليكي غير لما الواد عكسك وهيهدي ويكلمك وكل حاجه هتتصلح
دينا: اللي يحصل يحصل
ـــــــــــــــــــــــــــــــــ|بقلمي رونا|ـــــــــــــــــــ
عند شذي في البيت
شذي: بتعمل زي ما اللواء جمال قالها وبتكلم عمار علي تلفون الشركه
عمار: بتكلميني علي تلفون الشركه ليه ياشذي
شذي: اسمعني كويس خلي حد يشتريلك خط جديد من غير اسم وانا شويه وهكلمك علي فون الشركه اتاكد انك جبته عشان اكلمك عليه لان تلفونك متراقب وتحركاتك كمان متراقبه
عمار: متراقب من مين و ليه
شذي: اعمل اللي قلتلك عليه وهفهمك بعدين
عمار: ماشي
بعد وقت شذي بتكلم عمار علي فون الشركه
عمار: كله تمام وهاروح
شذي: تمام اديني الرقم اللي جبته ولما تروح ابعتلي رساله انك روحت
عمار: تمام
بعد وقت عمار روح البيت وبعت رساله ل شذي وبتكلمه
عمار: فهميني بقا في اي
شذي: بتحكيله كل حاجه حصلت من بعد وفاه باباها لحد دلوقتي
عمار: ده ولا الافلام الاكشن
شذي: فعلا بس الفيلم له نهاية معروفه لكن اللي احنا مش معروف نهايته المهم انت معانا ولا اي
عمار: طب معاكو قوليلي اي المطلوب وهعمله
شذي: تمام هكلم اللواء جمال واعرف وابلغك خلي بالك من نفسك
عمار: تمام انتي كمان خلي بالك من نفسك سلام
شذي: سلام
ـــــــــــــــــــــــــــــــــ|بقلمي رونا|ــــــــــــــــــ
في الشركه تحديدا مكتب حمزه بيدخل تامر
تامر: شذي مجتش النهارده
حمزه: عادي
تامر: مش عادي
حمزه: لا مش فاهم قصدك اي اوعي يكون قصدك ان شذي
تامر: ايوه اللي فهمته ماهو بص اللي يعمل اللي حصل ده حد من الاتنين ياشذي يانيره وبما ان نيره طلعت في السليم يبقي شذي اللي مش في السليم
حمزه: طب وهنتاكد ازاي
تامر: هي باينه زي الشمس اللي يعمل كده لازم يكون حد من من الاداره عشان كل حاجه تبقي مضبوطه والاداره متقسمه بين شذي ونيره، ونيره بتيجي يوم اه وعشره لا ده غير انها عامله توكيل لشذي واتاكدنا بطريقتنا انها في السليم يبقي شذي هي اللي ورا كل اللي بيحصل وغيابها النهارده اكدلي اكتر
حمزه: غيابها اكدلك ازاي
تامر:جاتلي اخبار ان في مقابلة حصلت امبارح
حمزه: تمام طب والعمل
تامر:هقلك ولسه هيكمل بيسمع صوت خبط في الباب وبيشك ان في حد واقف بيتصنت وبيقوم يفتح الباب ميلاقيش حد بيرجع لحمزه تاني وبيقوله يلا نمشي احسن
في الوقت اللي تامر سمع خبط في الباب كانت سلمي واقفه بتتصنت فعلا بس غصب عنها خبطت ع الباب وجريت علطول ع مكتبها وبعد كده فتحت الواتس وبعتت لحد علي الواتس انها عايزه تقابله ضروري عشان تقوله حاجات مهمه
يا تري اي الخطه اللي هيعملها اللواء جمال عشان يخلص علي المافيا؟ وياتري هتخلص بسلام ولا هيبقي ضحيه؟
يا تري تامر وحمزه بينهم اي؟
يا تري سلمي بتتصنت ليه وبعتت لمين؟
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية تخلت عن كبريائها من أجله)