رواية جريمة عشق 3 الفصل التاسع والعشرون 29 بقلم مريم نصار
رواية جريمة عشق 3 الفصل التاسع والعشرون 29 بقلم مريم نصار
رواية جريمة عشق 3 البارت التاسع والعشرون
رواية جريمة عشق 3 الجزء التاسع والعشرون
رواية جريمة عشق 3 الحلقة التاسعة والعشرون
جه يوم السفر للعمره . والكل ودعو العيله وسافرو .
فهد ورينو . ومراد وفريحه واخدو آدم بيبى علشان لسه صغير . وزين وريتال . وفارس ورودي ومعاهم چود .
وسابو مريم نونو واريان وليليان مع آدم ومريم ..
ف نفس اليوم بليل
مريم : قاعده ف الليفنج مع مريم نونو واريان وليليان .
آدم : صلى العشا ف المسجد ورجع وداخل الفيلا . السلام عليكم يا روحي.
مريم : ابتسمت وعليك السلام ياحبيبى . تقبل الله .
آدم : قعد جمبها . ورفع ايدو وحاوطها من كتفها . منا ومنك يارب .
مريم نونو : آدم آدم .
آدم : ابتسم نعم ياقلب آدم .
مريم نونو : عايزه لاته وآدم ومولاد .
مريم : صعبت عليها ياحبيبتى . مراد وآدم كلها اسبوع ويرجعو كلهم بالسلامه.
آدم : اتعدل وطلع شوكليت من جيبه . وشال مريم نونو . وباسها من خدها . احلى لاته لاجمل مريم وغمز ل اميرته.
مريم : ابتسمت بحرج ..
مريم نونو : سقفت آدم حبيبى لاته لاته واخدتها .
آدم : نزلها . وشاور ل ليليان . تعالى يا لي لي تعالى ل آدم .
ليليان : جريت عليه ورفعت أيديها أتم بيبى .وضحكت .
آدم : باسها من خدها.يابت ايه القمر ده . خدى انتى كمان احلا لاته لاجمل لي لي .
ليليان : سقفت ومسكت وش آدم ببرأه وباسته توكلان أتم .
آدم : هههههه العفو ياقلب آدم هههه بص ل مريم . حلو توكلان دي هههههههه .وباس أيدها . يلا انزلى العبى مع اختك ميرو.
وبص ل اريان .الل واقف قدامه ..وقال اممم واقف مستنى دورك . تعالى وشاله وباس خدو . امسك يا سي اريان باشا احلا بسكويت لاحلا اريان العدوي .
اريان : توكلان أتم بيبى .
آدم : هههههههه بردو . لا يعم توكلان ع واجب . يلا انزل العب مع اخواتك .
مريم : ابتسمت بحب وعينيها متعلقه ب أحفادها .
آدم : حاوطها من كتفها . ايه يقلبى سرحانه ف ايه ؟
مريم : اتنهدت ابدا انا بحمد ربنا ع كرمه لينا وانه رزقنا باولاد وأحفاد اللهم بارك .
آدم : فعلا الحمد والشكر لله . وقرب من دونها وهمس انما انتى حلوه اوي اوي انهردا كدا ليه ؟
مريم : ضحكت بكسوف . وبعدها لك بقى .
آدم : بنفس الهمس . وبعدهالى ايه . انتى وحشانى وخطف بوسه رقيقه من خدها .
مريم : وشها بقى احمر واتكسفت . وبصت ع أحفادها . وكانو مشغولين وبيلعبو باللعب.
آدم : متخافيش محدش شايف حاجه . وبعدين دي بوسه بريئه . وباسها تانى . بقولك انتى وحشانى .
مريم : ضغطت ع شفايفها . احم وحبت تغير الموضوع . ت..تحب اقول ل زينب تعملك قهوه .؟
آدم : ابتسم . لا انا عايز اميرتى . مش عايز حاجه تانى !
مريم : ايوه يا حبيبي انا معاك بس الولاد .
آدم : مالهم . شويه وهينامو . وانا هاخد اميرتى ع عشنا .
مريم : بلعت ريقها وخافت من رد فعل آدم لما تقوله .. احم حبيبي . اصل إء…
آدم : ايه ياحبيبتي ف إيه ؟
مريم : آدم انت عارف ان الولاد سافرو . ومريم واريان وليليان لوحدهم . وانت عارف يعنى مينفعش ينامو لوحدهم .
آدم : مط شفايفه . اممم جيبى من الاخر يامريم .؟
مريم : بلعت ريقها . وقالت بسرعه . انا وانت هنام مع الولاد ف اوضتهم. انت جمب اريان وانا جمب مريم وليليان . وغمضت عين وفتحت عين.
آدم : مط شفايفه تانى . وبصلها . انتى ع آخر الزمن عايزانى اسيب اوضتى . لأ وكمان تنامي بعيد عنى . اممم ..
مريم : حبيبى . انت عارف ان دي ظروف وغصب عنى وعنك .
آدم : نعم !؟ غصب !! وقال بتحذير الولاد هينامو ف اوضتهم يامريم . وانتى هتنامى في حضنى .
مريم : بزعل يعنى ايه يا آدم . انا ازاى هيجيلى قلب انام ف الجناح تحت . والولاد ف الجناح الل فوق . وبصتله انت هيجيلك قلب ودي عيال صغيره .
آدم : هز راسه . انسي انك تنامى بره اوضتك .
مريم : طيب خلاص . انا موافقه انا هنام ومريم وليليان جمبى ع السرير . وانت واريان ع الكنبه الكبيره . ها فكره حلوه اهي .
آدم : رفع حاجبه . وبصلها وعينيه ف عينيها وقال بتحذير . انسي انك تنامى بره حضنى يامريم ياجزار .
مريم : اتنهدت بديق . طيب شوف حل بقى لانى مش موافقه أن أحفادي ينامو لوحدهم . لازم حد مننا يكون معاهم .
آدم : بص قدامه بتفكير .. وبعدها ابتسم بخبث. وبصلها . متقلقيش ع احفادك هينامو وف امان كمان
.. هههههههههههه .
———————-بقلمى Mariem Nasar
بعد شويه ف فيلا السيوفى
طارق . واخد رنا وطالع ع السلم .
طارق : ياااااه اخيرا يارانوش بقينا لوحدنا ده انا هطلع عليكى القديم كله.
رنا : ههههههههه ياراجل اعقل بقى انت كبرت وبقيت جد .
طارق : وحيات امك . انا طول عمرى اسد ف نفسي كدا . ولا يفرق معايا جد ولا ست . وتعالى بقى ع اوضتنا علشان انتى وحشانى موووت . انا اديت الشغالين اجازه انهردا وبكره ..
رنا : ههههه . وانت كمان وحشنى ياطاروقه . بس لو تعقل شويه .
طارق : تؤ بعد الشر . العقل ده لعنه يابنتى . تعرفى احسن حاجه فارس ودوري عملوها أن چود لسه صغيره وخدوها معاهم . وهنعيش بقى انا وانتى اجمل اسبوع . زمان الواد آدم بيحسدنى . هههههههه انا وانتى بقى لوحدنا . وهو هيشيل الليله ياعينى مريم واريان وليليان . ههههههه زمانه بيغنى ظلموه انا فرحان فيه اوى .
رنا : اتنهدت بنفاذ صبر . مفيش فايده فيك . هتستفاد ايه يعنى لما تفرح فيه .
طارق : سيبك من الحوار ده . تعالى هنقيلك طقم لوز اللوز . ههههه
رنا : شهقت . لا حول ولاقوة إلا بالله . الراجل من الفرحه اتجن ولا ايه .؟
ووصلو اخر السلم . وجرس الباب رن .
طارق : نفخ بغيظ . مين الرخم ابن الرخم الل جاي دلوقتي !!!!؟
رنا : كتمت الضحكه . تعالى بس نشوف مين يمكن حاجه مهمه .
طارق : صك ع اسنانه بغيظ . وبصلها البسي حجابك يختى . ونزل بينفخ ومتغاظ . مش عارف انا مين البارد الل جاى . وفتح الباب . واتصدم بدهشه . وقال . مريم نونو وليليان !!!!!؟
رعد : مساء الخير يا طارق باشا .
طارق : فاتح بوقه بدهشه وبص ل رعد . خير !!؟ خير ايييه !؟ انت جايب العيال دي ليه ؟
رعد : ابتسم . آدم باشا طلب منى ياباشا . انى اوصل مريم وليليان لحضرتك . واريان وصلته عند اشرف عزيز باشا وانا جاى ف الطريق .
رنا : واقفه وكاتمه الضحكه . هتموت وتضحك ع شكل طارق ..
طارق : بصله بغيظ . وآدم بعتلى العيال دى ليه !!!!؟
رعد : معنديش علم ياباشا . آدم باشا طلب منى وانا نفذت . اتفضل .
طارق : بص للعيال . وكان هيعيط من الغيظ .
مريم : طالق طالق حبيبى .
طارق : هز راسه والله شكلها هعملها فعلا مع ستك واطلقها بسببكو . خشي يختى انتى وهي خشي . وبص ل رعد ف حاجه تانى يارعد باشا ؟.
رعد : كتم الضحكه . اتفضل يا طارق باشا .دي شنطتهم فيها اللبس وكل مستلزمات الاسبوع. وحطها احم استاذن انا . ورعد لف وضحك واتحرك بسرعه ..
طارق : قفل الباب ولف ضهره . هي ليله منظوره . وحظ نحس .. ورفع راسه لفوق منك لله يا آدم ياعدوي . منننننككك لللللللله .
رنا : عيونها دمعت من كتر الضحك . وفتحت ايديها لمريم وليليان وحضنتهم . حبايبى الل انقذتونى تعالو .هههههههه
آدم : قاعد مع مريم ع السرير ومريم متغاظه من آدم ..
آدم : ايه بقي يا اميرتى . مش انتى كنتى قلقانه ع العيال . اهوم بقو ف امان ورعد وصلهم عند جدهم حبيبهم .
مريم : بغيظ . اااه ينارى منك . الناس هتقول علينا ايييه يا آدم . هيقولو مش مستحملين العيال .
آدم : ايه الل انتى بتقوليه ده . انتى عارفه انا واثق إن طارق دلوقتي طاير من الفرحه وتلاقيه كمان بيدعيلى إن ربنا يخلينى ليه هههههه .
مريم : ههههه بيدعيلك . طارق دلوقتي تلاقيه لم هدومه وطفش وسبهالك انت واحفادك .
آدم : هههههههههه لا لا طارق عاقل. وفونه رن . وبصلها هههههههه اهو طارق حبيبى واخويا بيتصل اهو .اكيد هيشكرنى . ههههه
مريم : ههههههههه نفسي اسمع رد فعله .
آدم : طيب اسكتى وانا هفتح الاسبيكر . علشان هلاقي إعصار حب طالع منه . وفتح السلام عليكم ورحمة الله وبركاته ياطارووق .
طارق : بغيظ . انت يالا باااااعت العيال دي لييييه ؟؟؟
آدم : ببرود أحفادك ياطارق . ومالك ف حاجه مدايقاك .
طارق : زعق بصوته كله . في انك بارد وانت لو قدامي دلوقتي كنت ولعت فيك . انت باااااعت العيال دي لييييه . هما مش عيال ابنك .
آدم : كاتم الضحكه . اولا الله يسامحك . ثانيا دول عيال ابنك بردو . هو موراد ده مييين الل مربيييه هااا؟ مش انت ؟ وكمان انا مينفعش ابعت ليليان عند اشرف علشان كريم ومصطفى الصغير . قولت مين يا آدم مين يا آدم . قولت بس مفيش غيرو اخويا وحبيبى طارق . وخصوصاً أن رنا بتحب مريم ولي لي .
طارق : صك ع اسنانه لي لي . اقسم بالله انك راجل فصيل . روح منك لله منننننككك لللللللله يا آدم . وقفل السكه ف وشه .
آدم : هههههههههههه مش قولتلك بيدعيلى .
مريم : ههههههههه ينهارى . طارق ع آخرو منك .
آدم : باس خدها .سيبك منه .. نعمل بقى الفون صامت . واقعد انا واميرتى ف احلا جو رومانسي . وقربها من حضنه .
مريم : غمضت عينيها بحب واستكانت ف حضنه .
آدم : بيمسد ع شعرها بحبك اوى يامريم .
مريم : اتنهدت بحب . وانا بعشقك ياقلب مريم .
آدم : تعرفي انى بحبك قلبك اوى .
مريم : قلبى مفيش حد جواه غير عشق ال آدم وبس .
آدم : رفع وشها بايديه وباس جبينها وعنينها . وقرب منها بكل عشق .
ومريم : تاهت ف عشق ال آدم ..
———————-بقلمى Mariem Nasar
تانى يوم الضهر .
محمد خارج من العمليات . وطمن أهل المريض . وراح المكتب . وقعد بارهاق . وفتح فونه وشاف رقم نور اتصلت عليه . واتصل عليها وردت . الو ياحبيبى .
محمد : الو ايوه يا حبيبتي . معلش الفون كان صامت وانا لسه خارج من العمليات حالا .
نور : حبيبى ربنا معاك يارب . انا كنت بتصل عليك علشان اقولك مش هقدر اجي المستشفى انهارده . انا عارفه أن نرمين ف إجازة وضع . بس تيم وتمارا تعبونى بجد .
محمد : بتفكير . خلاص ياروحي برحتك كدا كدا مفيش عمليات انهردا وكمان ف دكتور علاء ودكتوره سلوى ودكتور ممدوح موجودين. انتى ممكن تريحي الاسبوع ده ف البيت . اهو منها تستريحى شويه وتركزى ف الرساله .
نور : مفيش مشكله ياحبيبى بس انت مش هتتدايق .
محمد : انا طبعا هدايق لانك مش هتكونى موجوده معايا . لكن راحتك اهم .
نور : ابتسمت . حبيبى ربنا مايحرمنيش منك.
محمد : ولا منك يانور حياتى .
نور : انت هتتاخر .؟
محمد : لا إن شاء الله قبل ٤ اكون عندك .
نور : توصل بالسلامه إن شاء الله .
محمد. : الله يسلمك ياحبيبتي .
نور : طيب ياحبيبى انا هقفل علشان مامي بتتصل عليا .
محمد : هز راسه تمام مع السلامه . وقفل وبص قدامه بتفكير وشاف أنه لازم يتكلم مع آدم بخصوص عملية مريم . لانه مش هيقدر يخبى اكتر من كده . وقام وخرج من المستشفى . وراح ل آدم الشركه . وطلب يقابله .
السكرتيره : دخلت مستر آدم . الدكتور محمد عزيز .طلب يقابل حضرتك ..
آدم : بيمضي على ملف ل عادل . وبصلها بعدم فهم . محمد !!؟ طيب خليه يدخل فورا .
السكرتيره : تحت امرك يا فندم . وخرجت . اتفضل حضرتك يادكتور . مستر آدم ف انتظارك .
محمد : هز راسه متشكر ..ودخل وكان قلقان من رد فعل آدم اول مايعرف بعملية مريم الجزار. وقال.السلام عليكم.
آدم . وعادل . وعليك السلام ورحمة الله.
آدم : ابتسم تعالى اقعد يامحمد . وبص ل عادل . اتفضل يا عادل الملف .
عادل : اخد الملف . تمام . تؤمرنى بحاجه تانيه يا باشا .
آدم : الأمر لله . شكرا ياعادل اتفضل انت .
عادل : بعد اذنكو . وخرج .
آدم : اهلا يامحمد . ايه يبنى متصلتش ليه وقولت انك جاى . ولا بقى انت معدي من جمب الشركه بالصدفه قولت اعدى ع حمايا ؟
محمد : بحيره . لأ احم بصراحه يا آدم انا جايلك مخصوص .
آدم : شاف ملامح محمد . والحيره مرسومه ع وشه . وقال خير يامحمد . وكمان كلمة بصراحه دي . قلقتنى . ف حاجه حصلت في المستشفى !؟
محمد : بنفي لأ لأ خالص . انا كنت جاي لأن ف موضوع مهم. وبصراحه انا مش عارف ابدء منين . لكن اطمن هو موضوع عادي وبيحصل كتير .
آدم : محمد انا بدءت اقلق . وكمان تعابير وشك جديه وحيره وكمان زعل . ف ايه خش ف الموضوع ع طول !!
محمد : غمض عينيه . وقال جواه . اعمل ايه واقوله ازاى . ده بيخاف عليها من الهوا . طيب اجيبهاله ازاى . ياالله . واتنهد ..
آدم : شاف محمد مش ع طبيعته . وقام وقعد قصاده . ايه يا محمد اظاهر أنه موضوع خطير لسكوتك ده ..
محمد : اخد نفس عميق واتنهد بحيره . وقال.
الموضوع يخص مريم يا آدم.
آدم : قلبه بيدق بقلق . مريم !!؟ موضوع ايه الل يخص مراتى . وبصوت جهورى ماتتكلم يامحمد ع طول .
محمد : نفخ بديق حقيقي علشانه . حاضر يا آدم هتكلم . دلوقتي لما مريم تعبت من شهر واكتر يوم حادثة مراد وفهد .
آدم : قلبه بيدق باضطراب . وخايف من الل بعد كده .
محمد : لما عملنا الاشعه والتحاليل . اكتشفنا إن مريم عندها تعب بسيط ف القلب ..
آدم : قلبه دق بسرعه . وبلع ريقه بصعوبه . وباصص ل محمد ومتكلمش مستنى إن محمد يقول كل الل عندو ..
محمد : فهم . وكمل . وقال مريم عندها انسداد في الشريان التاجي .وده الل بيسببلها نهجان وزغلله ودوخه . وضربات قلب سريعه واغماء. وهتحتاج عمليه . هي عمليه بسيطه . هتركب دعامه . والدعامه هتسلك الشريان . وبعدها تكمل علاج وهترجع زى الاول واحسن.
آدم : باصص ع محمد بصدمه . وعينيه تايهه يمين وشمال . والدموع اتحجرت ف عينيه .ومش عارف يتكلم . ولا عارف يفكر . تفكيرو وقف بعد كلام محمد . والكلام تاه منه . وبيتنفس بصوت مسموع ..
محمد : شاف حالة آدم . واتكلم . آدم . آدم انت سامعنى . اسمعنى يا آدم صدقنى مريم هتكون بخير . العمليه سهله وبتتعمل يوميا وكمان مريم لازم تعرف بالعمليه دي لانها هتكون ببنج موضعي . مريم هتعملها وهي صاحيه وهتخرج تانى يوم ع طول . صدقنى مافيهاش اى خطر عليها . ومحمد اتفاجئ من دمعة آدم الل نزلت ع خدو .
آدم : دمعه نزلت منه . وقال بصوت مهموس .
مريم ..؟ وبص ل محمد .. مريم !؟ عمليه ؟
انت . انت عارف انت بتقول ايه !؟
محمد : آدم حاول تهدى .
آدم : قام وزعق اهدى ،!؟ انت عارف ان مريم تعبانه وساكت كل ده !؟. عارف ان مريم محتاجه عمليه وانت لسه جاي تقولى دلوقتي !؟
محمد : آدم وقتها مكنش ينفع اقولك حاجه . انتو كنتو ف محنه كبيره . مراد مضروب بالرصاص . وفهد ف غيبوبه . ومريم تعبانه . ورينو تعبانه . انت كنت هتستحمل ايه ولا ايه ؟ وبعدين انا لو عارف ان الحاله خطيره مكنتش هستنى لحظه واحده . لكن مريم فيها تاخد العلاج وتستنى شهور كمان ع ما تعملها . لكن انا استنيت لما نفسيتك هديت شويه . وكمان لما الكل سافر يعمل عمره . ونور اجازه من المستشفى اسبوع كامل . قولت ده انسب وقت . اننا منوترش حد . ونعمل العمليه لمريم ونركبلها الدعامه . من غير ما حد من ولادها يضعف ولا يتأثر . مريم زي ما هي مهمه بالنسبه ليك ول اولادك هي مهمه جدا بالنسبالى . مريم دي أمى وصحبتى قبل ماتكون خالتى يا آدم . انا لو مش خايف من رد فعلك انا كنت عملت ليها العمليه وانت ف المستشفى العسكري لكن لازم شوية اجراأت قبلها واشعه معينه . و قولت لأ جوزها لازم يقويها . ولازم يكون جمبها هو أحق بيها من اى حد . آدم انت مش لازم تضعف . انا لو عارف ان ف خطر عليها مكنتش هبقى واقف قدامك كدا . لكن صدقني والله العظيم هي عمليه سهله . وبتتعمل يوميا زي ما قولتلك . ياريت تفكر . او نفكر مع بعض . ونعمل العمليه لمريم ف اقرب وقت . وانا شايف اننا نعملها حتى لو من بكره ..
آدم : بينهج . بكره ؟ وقعد بيأس . وحط راسه بين ايديه سبنى لوحدي دلوقتي .
محمد : زعل علشانه . وشايف الضعف في عينيه . وقام . انا همشي دلوقتي . وهنتظر اتصال منك بالموافقه وياريت تجمد يا آدم . واتحرك وخارج . لكن اتصدم لما شاف طارق واقف وملامحه زعلان . ومحمد أتأكد إن طارق سمع كل حاجه ..
طارق : كان داخل مستحلف ل آدم لانه متغاظ منه من امبارح . وداخل لكن سمع صوت آدم عالى وبيتكلم بخصوص مراته وسمع عمليه. وبعدها سمع محمد بيتكلم واتصدم وزعل جدا . طارق مسك محمد من ايدو واتحركو بره مكتب السكرتاريه. وقال ل محمد الل سمعته ده صح ؟
محمد : هز راسه بزعل . ايوه ياطارق صح
طارق : بزعل حقيقي . طيب . طيب هو ف خطر عليها ؟
محمد : بنفي . لا ابدا . صدقني العمليه بسيطه ومش هتاخد وقت اكتر من ساعه ونص.وانا بنفسي هبقى موجوده مع دكتوره متخصصه استشارية أمراض وقسطرة قلب . ودكتوره كبيره جدا . وعندها كفأه عاليه . ارجوك يا طارق حاول تقنعه . لانه لحد دلوقتي مصدوم ومش مصدق ولا مستوعب . وياريت رنا متعرفش ولا حد يعرف غير لما نعرف رأي آدم .
طارق : ربت ع كتف محمد وهز راسه . انا هتكلم مع آدم . متقلقش وربنا يحلها من عندو.
محمد : اتنهد ونعم بالله . انا همشي دلوقتي ولو حصل جديد كلمنى . وياريت ياريت تحاول تقنعه اننا نعملها خلال اليومين دول . ولو وافق انا هروح ل مريم وهشرحلها الموقف.
طارق : هز راسه . تمام إن شاء الله.
آدم : قاعد وحاطط راسه بين ايديه . وبيفكر ف مريم . عمليه ؟ انسداد في الشريان التاجي؟ وغمض عينيه بيأس . وحاول يستوعب . وافتكر لما كانت بتقوم من جمبه بسرعه وتقوله مفيش حاجه . وافتكر لما كانت هتقع واتحججت بأنها اتكعبلت في السجاده . وافتكر لما اغمى عليها . وكمان مبقتش تتعشى قبل النوم . وغمض عينيه وصك ع اسنانه بغيظ من نفسه . ولعن نفسه . لانه سمع منها ومكشفش عليها من زمان .
طارق : دخل وشاف آدم قاعد ومغمض عينيه . وراح قعد جمبه . وقال آدم .
آدم : انتبه ع صوت طارق . واتنهد واخد نفس عميق ورجع راسه لورا .
طارق : آدم . انا قابلت محمد وهو خارج . وحكالى عن العمليه . آدم انت لازم تكون قوي وتفكر بايجابيه محمد بيقول ان العمليه سهله وكمان هتكون ف وعيها .ومفيهاش خطر عليها إن شاء الله . وانت عارف محمد بيعتبر أم مراد أمه مش خالته بس وانا وانت عارفين ده كويس . يعنى لو كان شايف انها خطر مكنش استنى .
آدم : حاسس انه مش عارف يتكلم . عايز يفضل ساكت . لاول مره يحس أنه حابس جواه حجات كتير ومعندوش قدره أنه يتكلم . واكتفي بهز راسه ل طارق .
السكرتيره : دخلت . مستر آدم . السيد شاهين وصل ف ميعاده . وعايز يقابل حضرتك ..
آدم : …..ساكت ومردش ..
طارق : بص ليها . اعتذري لشاهين والغي اي مواعيد واجتماعات انهردا ..
السكرتيره : تحت امرك يا فندم . وخرجت ..
طارق : شاف آدم كأنه شايل هموم الدنيا كلها على كتفه . وربت ع كتفه . وقال وحد الله يصحبى . واحنا معرضين لأى حاجه . وخصوصاً المرض . كل لن يصيبنا إلا ما كتبه الله لنا .
آدم : اتنهد. وكل الل قدر يقوله . لا اله الا الله .
طارق : اسمع يا آدم محمد مستنى منك رد ع العمليه لأن ف حجات بتتجهز قبلها . وقال العمليه مش هتاخد اكتر من ساعه ونص . يعنى إن شاء الله خير. وياريت لو توافق وتتعمل قبل ما الولاد يرجعو من السفر . ورينو حامل وهتتوتر . ومراد وزين روحهم ف امهم . وده وقت مناسب ليها .وع ما يرجعو بالسلامه تكون أم مراد قامت بالسلامه وزي الفل . ومحمد مستنى موافقتك علشان يتكلم مع أم مراد .
آدم : مرجع راسه لورا ومغمض عينيه وساكت .
طارق : شاف شكل آدم تعبان . وقام يلا قوم معايه انا هوصلك للبيت .
آدم : حس انه عايز يشوف مريم ف اللحظه دي . وقام بتعب . جسمه كله وجعه . واخد الفون والمفاتيح بيأس .وخرج .
طارق : خرج معاه ونزل وقاله انا هوصلك بعربيتى . مش لازم انت الل تسوق ورعد يبقى يرجع معايه وياخد العربيه ..
آدم : ركب العربيه وكل ده ف صمت تام .
طارق : ركب العربيه واتحرك . وزعلان جدا ع صحبه . وفكر لو رنا مراته لا قدر الله ورفض الفكره بسرعه وعذر آدم . لأن مريم ورنا . بالنسبه ليهم ام واخت وصديقه وحبيبه . قبل ماتكون زوجه . وخصوصاً مريم الل غيرت ادامها للأفضل .
طارق : حاول يتكلم مع آدم كتير . لكن كل الل آدم قاله ل طارق .
آدم : صدقنى ياطارق مش قادر اتكلم .
طارق : ربت ع كتفه . ووصلو الفيلا واطمن عليه. واخد رعد علشان يجيب عربية آدم ومشي .
———————-بقلمى Mariem Nasar
مريم : بتكلم . مراد وزين وفهد وفارس والبنات مكالمة فيديو . وبتضحك معاهم . ولمحت آدم داخل . وقالت . استنو ياولاد . آدم جه اهو . وشاورت ل آدم بسعاده . تعالى ياحبيبى . مراد والكل بيكلمونى فيديو . ههههه تعالى شوف رينو والبنات باللبس الابيض قمر . تعالى .
آدم : ماشي ببطء . ولما شاف مريم ومبسوطه وبتتكلم بسعاده . صك ع اسنانه وبيكابر دموعه . وقرب وقعد جنبها وعينيه متعلقه بيها .
مريم : ماسكه الفون . وقالت . بص يا حبيبي الولاد والبنات وشهم منور ازاى اللهم بارك .
مراد : ههههههههه منور من الفلتر يامريومه . والكل ضحك .
مراد : بص ع آدم اذيك يا حج وحشنى والله . وكلهم سلمو ع آدم .
آدم : بشبح ابتسامه .واتكلم بصعوبه وتمثيل. احم إذ .. اذيكم ياولاد عاملين ايه؟
كلهم . الحمدلله كلنا ف راحه تامه .
آدم : عيونه لمعت .وقال بوجع. ادعو لمريم . وانا .
رينو : انا دعيتلك كتير كتير جدا يابابى انت ومامي . ودعيت إن ربنا يديكلم الصحه والعافيه طول العمر . ويخليكم لينا . وتجوزو احفادكم وأحفاد احفادكم ياااارب .
كلهم اميين . وضحكو . ومريم ضحكت .
وآدم : قال بقلب موجوع امين يارب..
واتكلمو واتطمنو وقفلو ..
مريم : بسعاده انا مبسوطه اوى انى كلمتهم . بصراحه يابختهم انا بتمنى اني اعيش هناك ع طول . وبصت ل آدم . حبيبى ايه رايك بعد ما يرجعو بالسلامه نروح انا وانت نعمل عمره .
آدم : بص ل مريم ومردش .
مريم : بتعجب .! مالك يا آدم انت كويس ؟
آدم : هز راسه مش عارف !!
مريم : شافت دموع ف عينيه . وقلقت . مالك يا ادم بجد . انت . انت عيونك حمرا ليه ؟ آدم ف حاجه حصلت ؟
آدم : قال ف اللاوعي . ف إن قلبك بيحس بكل الل حواليكي . وقلبك خانك ومحسش بيكي .
مريم : بعدم فهم . قلبى خانى؟ آدم انا مش فاهمه حاجه .
آدم : مسك مريم ودخلها كلها ف حضنه . ودموعه غلبته ونزلت .
مريم : بدءت تقلق ع آدم . وف ايه انا مش فاهمه حاجه !؟ وجت تطلع من حضنه لكن آدم مكلبش فيها علشان ماتشوفش دموعه ..
مريم : استغربت اكتر . وخافت ع آدم . وربتت ع ضهره . حبيبى وحد الله وفهمنى مالك . فيك يانبض قلبى .
آدم : غمض عينيه . وضمها لقلبه ياريت تاخدى قلبى . واخد قلبك . ياريت .
مريم : طلعت من حضنه . ومسكت ايديه . آدم في ايه . حلفتك بالله انا بدءت اقلق عليك . ومال وشك مخطوف كدا ليه؟ وعينيك حمرا . حلفتك بالله تقولى !!؟
آدم : بص ف عينيها . وبعدها غمض عينيه. ولسه هيتكلم ويشرحلها . لكن مقدرش وقلبه بيدق. وفتح عينيه . وقالها محمد عزيز عايز يتكلم معاكي ف حاجه مهمه . وقام . انا طالع اغير هدومي.واتحرك وهو مخنوق قوي .
مريم : بحيره . ياترى مالك يا آدم . طيب اطلع وراه . ولا استنى لما يهدى . طيب ف حاجه حصلت ف الشغل ؟ ومحمد !!! محمد عايزنى ف موضوع مهم . طيب ومحمد متصلش ليه ولا حتى جه !! استغفر الله العظيم . انا هتصل على محمد اشوف ايه الل محير آدم كدا ؟
واتصلت ع محمد ..
———————-بقلمى Mariem Nasar
محمد : سايق العربيه . وراجع ع البيت . وفونه رن . وشاف رقم مريم . وبلع ريقه بتوتر . وركن العربيه ع جمب ورد . السلام عليكم .
مريم : وعليك السلام ياحبيبى . اذيك يا محمد
محمد : الحمد لله ياحبيبتى انتى عامله ايه يا مريم ،؟
مريم : نحمد ربنا ونشكر فضله . آدم قالى إنك عايز تقولى حاجه مهمه . خير يا نور عيني.ف ايه ؟
محمد : غمض عينيه واتحرك بالعربيه وساق بسرعه. مريم ف حاجه انا عايز اقولهالك . ومش هينفع ف الفون . انا جايلك دلوقتي ١٠دقايق وهكون عندك .
مريم : استغربت اكتر لكن قالت . وماله ياحبيبى تشرف وانا ف انتظارك ..وقفلو .
مريم : اتلخبطت . لا حول ولاقوة إلا بالله . ياترى ايه الحكايه . انا قلقانه ع آدم اوى . انا هاقوم اشوفه . وقامت .دخلت المطبخ . زينب اعملى كوباية عصير ليمون بسرعه وهاتيها ع فوق .
زينب : عينيه ياست مريم .
مريم : طلعت . ودخلت الاوضه . واندهشت من آدم الل قاعد ع السرير ولسه بهدومه . وراحت قعدت جنبه . اله ايه يا آدم انت لسه مغيرتش . ومسكت وشه بايديها مالك ياقلب مريم . انت قلقتنى عليك .
آدم : رفع عينيه ليها . مريم انا مش قادر اتكلم .
الباب خبط . وزينب جابت العصير . ومريم قامت اخدته وشكرت زينب . وقفلت الباب .
مريم :حطت كوبايه العصير ع الكمود .و اتعدلت ع السرير. وقالت ومالو متتكلمش . واخدت راسه ف حضنها وبتمسد ع شعرو . حبيبى هون عليك . والله مافيش حاجه تستاهل إنك تزعل نفسك علشانها .
آدم : غمض عينيه . وقال . لأ في يامريم (.انتى ). عشرة ٢٧ سنه . عمر بحاله . شوفت وعشت معاكي كل حاجه حلوه . عمرك ماعرضتى كلامي . عمرك ماقولتى لأ ع حاجه انا مش عايزها . ديما بتاخدي بايدي لفوق . قربتينى من ربنا .قربتينى من اهلى . رجعتيلى نفسي . خلتينى اعيش في جنة الدنيا بأسلوبك وتدينك . ربيتى ولادك ع الدين والحب والتسامح . عمرك ما اذيتينى عمرك ماقيمتى حياتى معاكي بالفلوس . عمرك ماطلبتى منى حاجه.رغم انك عارفه أن ربنا رزقني واقدر اجبلك كل حاجه . عمرك ما طلعتى سر بيتك لأى حد .ديما بتقوينى لو ضعفت . وديما بتزرعي ف قلبى اليقين . ديما بتفكري ف غيرك . عمرك مافكرتى ف نفسك . انتى نعم الأم والاخت والحبيبه والرفيقه والزوجه . يبقى ازاى مفيش حاجه تستاهل انى ازعل علشانها . انا اموت علشانها مش ازعل وبس .
مريم : سمعت آدم .و مش فاهمه . ومحتاره .
لكن قالت . وانت ايه يا آدم !؟ انت الل قلبك موجود جواه بذرة الخير . انا يدوبك سقيت البذره دي وبتوفيق من ربنا انت خدت بايدى اكمل ايمانى . وان كنت انت شايفنى كل ده ف انا بنفذ شرع الله ورسوله وانا معملتش حاجه . وانت كنت انت بردو شايفنى كل ده ف انا شيفاك زين الرجال . ونفذت شرع ربنا لما قال
بسم الله الرحمن الرحيم ( وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ ) يعنى انت عاملتنى بالل ربنا أمرنا بيه . والل المفروض كل زوج وزوجه ينفذوه ساعتها هيشوفو الدنيا بشكل تانى وكمان انت نفذت وصية سيدنا محمد . وانه قال رفقا بالقوارير . وكمان نفذت وصية حبيبك النبى لما قال 🙁 استوصوا بالنساء خيرا فإنهن خلقن من ضلع وإن أعوج شيء في الضلع أعلاه فاستوصوا بالنساء خيراً ).
. يعنى انت عاملتنى بالحسنى . واتقيت الله فيا . واخدتنى بنتك قبل ما اكون حبيبتك ومراتك . بتعاملنى زي الاميره . عمرك ماحملتنى فوق طاقتى . ولا حرمتنى من حاجه علشان اطلب . والحكايه مالهاش علاقه بالفلوس . احنا لو كنا عايشين ف شقه وحالنا ع القد . وانت تطبطب عليا وتعاملنى نفس المعامله بالموده والرحمه . انا هحطك تاج فوق الراس . وهعيش معاك تحت أي ظروف . الست مننا مش عايزه اكتر من الاحترام والتقدير والكلمه الطيبه
.انا مش قادره افهم ايه لزمة كلامك ده دلوقتي . ارجوك يا آدم طمنى عليك.
آدم : خرج من حضنها . وكل ما يحاول أنه يقولها انها تعبانه ولازم تعمل عمليه الكلام يهرب منه . وبص ليها كتير وساكت .
مريم : هزت راسها . وسكتت وجابت العصير . اشرب العصير ده وحاول تهدا شويه .
آدم : اتنهد .لا ماليش نفس لأى حاجه .
مريم : ابتسمت . وباسته من خدو . وقالت برقه . طيب ولو قولتلك علشان خاطر الماستك حبيبتك هتوافق تشرب؟ .
آدم : علشان خاطرك اعمل اي حاجه يامريم .
مريم : ربنا مايحرمنيش منك ولا من حبك وكلامك . يلا ياحبيبى وانا الل هشربك بايدي بسم الله . وشرب منها غصب عنه .
زينب . خبطت . ست مريم . الدكتور محمد جه تحت .
مريم : ماشي يازينب اعمليله قهوه وانا نازله .
آدم : بصلها وبلع ريقه بتوتر . محمد ! انتى كلمتيه . ولا هو جه من نفسه .؟
مريم : قامت . وقالت انت قولتلى أنه عايزنى ف موضوع مهم . وانه اتصلت عليه . يلا ياحبيبى غير هدومك وانزل . وبعدين انا جعانه يلا بقى !!
آدم : غمض عينيه . وهز راسه . انزلى انتى وانا هحصلك ..
مريم : باست ع راسه . متتاخرش . ونزلت .
وشافت محمد هو كمان قاعد متوتر . اذيك يا محمد .
محمد : الحمد لله .اذيك انتى يامريم !؟
مريم : الحمد لله ياحبيبى . نور والولاد بخير ؟
محمد : هز راسه ايوه يا حبيبتي بخير . وبلع ريقه احم هو آدم فين ؟
مريم : بصت لمحمد بشك . وقالت آدم فوق بيغير ونازل . ها قولى بقى ايه الحاجه المهمه الل انت عايزنى فيها ؟
محمد : احم هوا . آدم مقالكيش حاجه ؟
مريم : ابدا . كل الل قاله أن محمد عزيز عايزك فى حاجه مهمه . وسابنى وطلع .
محمد : هز راسه . واخد نفس عميق . وهيبدا يمهدلها الموضوع .
محمد : احم هوا . آدم مقالكيش حاجه ؟
مريم : ابدا . كل الل قاله أن محمد عزيز عايزك فى حاجه مهمه . وسابنى وطلع .
محمد : هز راسه . واخد نفس عميق . وهيبدا يمهدلها الموضوع .
آدم : قام بتعب . وغير هدومه . واتوضي وصلى العصر . وسجد ودعا كتير . كتير اوى ونسى الوقت . وكل تركيزه ف الدعاء أن ربنا يديم مريم ف حياته . وبعد الصلاه حس براحه كبيره ف قلبه . وقام ونزل . وشاف مريم بتتكلم مع محمد . وبتضحك .
آدم : السلام عليكم . وقعد جمب مريم.
محمد ومريم وعليك السلام .
آدم : بص ل محمد .
محمد : هز راسه وطمنه . أنه قالها ع العمليه .
مريم : طبعا محمد مهدلها الموضوع . ومن جواها زي اي حد خافت وقلقت . لكن محمد طمنها واكدلها ان العمليه سهله جدا . وكمان هتكون ف وعيها . ومش هتاخد وقت . ولما محمد قالها ع رد فعل آدم . مريم فهمت سبب كلام آدم ليها . وابتسمت بحب . لانه خايف عليها اكتر من نفسه . ولازم تطمنه . بما انها عمليه بسيطه . ولمحت آدم نازل ع السلم . ضحكت مع محمد علشان تحسس آدم أن الموضوع عادي جدا لكن من جواها حاسه بالرهبه . وبصت ل آدم ومسكت ايده . وابتسمت بتمثيل . وقالت . هو ده الل مزعلك كل ده ؟ طيب ما هو محمد قال إنها سهله وبسيطه . حبيبى . دي عمليه عاديه . وهعملها . وإن شاء الله هكون كويسه . وبعدين يا آدم انت مابتشوفش الاطفال الصغيره الل بتعمل عمليات قلب مفتوح . ربنا يشفيهم ويعافيهم يارب . وبيقومو بالسلامه منها ها ؟ ومحمد قال انى هكون صاحيه . وكمان محمد هيكون معايا . وربنا قبل اى حد هيكون معايا. وانت كمان . وبصراحه انا شايفه اني اعملها بسرعه قبل مراد وزين ورينو يرجعو .. علشان مايقلقوش ع الفاضي وكمان نور اجازه . ولا انت ايه رايك ؟
آدم : اتنهد . وقال . لله الامر من قبل ومن بعد . وبص ل محمد . انت واثق انها سهله .ولا اخدها ونسافر برا .
محمد : ابتسم . والله ماتقلق من حاجه . وانا لو كنت شاكك 1٪ انها صعبه كنت أنا بنفسي قولتلك نسافر بره مصر .
آدم : هز راسه . وسكت .
مريم : من جواها اتوترت .لكن عايزه تخلص من الخوف الل ف عيون جوزها . وكمان ولادها هيرجعو اخر الاسبوع ومش عايزه عيالها تخاف عليها . وبصت ل محمد . احم انا هعملها إن شاء الله بكره يامحمد .
آدم : قلبه بيدق بسرعه . وبص ل مريم وسكت.
محمد : هز راسه . تمام يامريم وانا معاكي ف كل خطوه . وبص ل آدم . انا عايزك تطمن . العمليه سهله ومفيش دكتور غريب هيدخل عليها . والبنج موضعى .وانا متفق مع دكتوره متخصصه استشارية أمراض وقسطرة القلب . ودكتوره كبيره جدا . وانا هكون موجود جمب مريم ..
آدم : بص ل محمد بغيره ازاى مراته هتتكشف قدام حد .
محمد : فهم .. وقال مريوم معلش كوباية ميا .
مريم : قامت ومتوتره . حاضر وراحت ع المطبخ
محمد : آدم انا عارف انك بتغير ع مريم . لكن دي حاجه للضروره القصوى .والضرورات تبيح المحظورات . وعايز بردو اطمنك واقولك ان. الدعامه بتتركب من الدراع أو الرقبه . يعنى مريم هتكون با أمان اطمن . وخلينا نعملها وصدقنى هترجع زى الاول واحسن . بإذن الله.
آدم : محمد لو محتاجه تسافر اء…
محمد : قطع كلامه .. آدم مريم دي أمى . وابتسم . انا كنت قلقان منك انت مش من مريم .
مريم : جابت الميا . اتفضل يا نور عيني.
محمد : متشكر يا مريوم . بصي بقي ياحبيبتى . انتى هتوقفى كل العلاج الل بتاخديه من دلوقتي . وهتجيلى بكره المستشفى الساعه 8 الصبح . وتكونى صايمه قبل العمليه ب 8 سعات . العمليه إن شاء الله هتكون الساعه 10 الصبح . وقبل العمليه هنعمل كام تحليل واشاعه مهمه ودى لازم تتعمل . وبعدها تعمليها إن شاء الله ع خير . وتانى يوم تخرجي من المستشفى وزي الفل .
آدم : مغمض عينيه . وبينظم أنفاسه .
مريم : جواها خايفه . وهزت راسها . وقالت ل محمد إن شاء الله . وكمان هصلى الاستخاره قبل ما انام . والله المستعان .
محمد : ونعم بالله . وقام . طيب انا لازم امشي دلوقتي لانى قولت لنور هكون ف البيت الساعه 4 ودلوقتي عدت 4 . وبص ل آدم . تمام يا آدم .
آدم : هز راسه الله المستعان ..
محمد : باس ع راس مريم . وودع آدم وخرج . واتصل ع طارق ف العربيه وقاله ع الل حصل . وطارق قاله انه هيكون هو ورنا من الصبح ف المستشفى ..ومحمد نبه عليه أن محدش تانى يعرف خالص . وطارق تفهم الأمر وقاله إن شاء الله ..
آدم : مكنش ليه نفس ل أى حاجه . لكن مريم اتحايلت عليه أنه يتغدى . واكل غصب عنه .
وبعدها بفتره طارق اتصل ع آدم يطمن عليه . وآدم رد عليه . وطمنه نوعا ما . ورنا لما عرفت قعدت تعيط وزعلانه . وكلمت مريم وطمنتها ومريم ضحكت برضا . وقالت المؤمن مبتلى والحمد لله ع عطاياه . وقالت ل رنا انها متعرفش اي حد من العيله . ورنا قالت لها حاضر . انا هبعت مريم وليليان عند ماما بحجة يقضو وقت مع اريان وكريم . وانا وطارق هنكون موجودين معاكي . وودعو بعض وقفلو .
———————-بقلمى Mariem Nasar
وجه الليل عليهم . ومريم اتوضت وصلت الاستخاره . ودعت ربنا كتير ف السجود . وعيطت بصمت علشان آدم بيصلى ف الاوضه معاها . وخافت يسمع أو يحس خوفها . وبعد الصلاه قعدت تقرأ القرآن هي وآدم . وبعدها آدم اخدها في حضنه وشاف أنه لازم يقويها وحاول يطمنها ويطمن نفسه قبلها . واتكلم معاها كتير . وكل شويه يبوس أيدها وراسها وخدها . ودخلها كلها ف حضنه وفضل يمسد على شعرها لحد ما نامت . وبعد ما آدم اتاكدت انها نامت . فضل يتأمل فيها . ويرجع بالذكريات لأول مره قابلها فيها . ولما شافها وقلبه دق . وانه عشقه ليها من اول لحظه خلاه يتجاوز ويطلبها بأى طريقه . وابتسم لما افتكر هجومها عليه وزقته من صدره . وابتسم ع برائتها اول ايام جوازهم . واتنهد بعشق ع انها ضحت بنفسها علشان خاطر محمد . ومتعرفش المجهول كان ممكن يبقى عامل ايه ورضيت بيه خير أو شر . وضحك من قلبه بصمت لما افتكر انها ضربت طارق بالطاسه علشان تثبت أنها قويه . وبعدها عيونه لمعت بدموع لما افتكر أنه مد ايدو عليها . ودمعه نزلت منه ع شعرها لما افتكر أنه كان ممكن يخسرها بسبب عاصم . وغمض عينيه . يااارب انا مش كامل من غيرها . يااارب خليك معانا وانقذنا زي كل مره . يااارب . وفضل قاعد وسرحان والنوم جفاه . وانتبه ع صوت آذان الفجر . وشال راسها من حضنه ونزلها بشويش ع المخده . وباس جبينها . وقام بشويش ودخل الحمام .واتوضي . وخرج بشويش علشان متقلقش وتصحي . ولبس وخرج ببطء . ونزل وراح المسجد . وصلى الفجر . ودعا كتير جدا ف السجود بذل وانكسار ودموع وترجي أنه يحفظها . وبعد الصلاه . شيخ المسجد شرح درس للموجودين . وكان عن حب الله لعباده المؤمنين . وسمع الدرس .والشيخ قال حديث جميل دخل ع قلب آدم وطمنه .
قَالَ: قَالَ رَسُولُ الله ﷺ: عَجَباً لأمْرِ الْمُؤْمِنِ إِنَّ أَمْرَهُ كُلَّهُ لَهُ خَيْرٌ، وَلَيْسَ ذَلِكَ لأِحَدٍ إِلاَّ للْمُؤْمِن: إِنْ أَصَابَتْهُ سَرَّاءُ شَكَرَ فَكَانَ خَيْراً لَهُ، وَإِنْ أَصَابَتْهُ ضَرَّاءُ صَبَرَ فَكَانَ خيْراً لَهُ..
آدم : اتنهد باريحيه . وقال الحمد لله ع كل شئ . وبعد الدرس خرج من المسجد . ورجع ع البيت . ودخل الاوضه . وشاف مريم بتصلى . وغير هدومه .وقعد على السرير .
مريم : خلصت صلاه .
آدم : تقبل الله ياروحي .
مريم : ابتسمت منا ياحبيبى .
آدم : صحيتى امتى ؟
مريم : قعدت جنبه .من شويه . ولقيت الفجر اذن من نص ساعه واكتر . قولت اكيد انت نزلت وسبتنى نايمه .
آدم : اخدها ف حضنه . تعالى كملى نوم . انتى صايمه مش كدا ؟
مريم : حطت راسها ع صدره . واتنهدت ايوه ياحبيبي . والله المستعان .
آدم : يارب . نامي شويه . انا ظابط المنبه ع الساعه ٧ .
مريم : غمضت عينيها . حاضر يا آدم . هنام وانا بقول الاذكار .
آدم : مسد ع شعرها . بحب لحد ما نامت . ولأنه مرهق ومانمش النوم غلبه . ونام ساعه . وفاق ع صوت المنبه ..
مريم : فاقت . وكل الميعاد مابيقرب توترها بيزيد .
آدم : بص ليها ورجع شعرها ورا ودنها . وباس جبينها . صباح الخير .
مريم : صباح الخير يا حبيبي . وقامت . انا هلبس بسرعه وانزل اعملك القهوه . انا عارفه انك مانمتش !!
آدم : قام . وحب يطمنها . لا ياحبيبتي انا نمت كويس . بس فعلا محتاج لأجمل فنجال قهوه دبل من ايدك الحلوه .
مريم : اطمنت ههههه من عيوني حاضر .
فون آدم رن . وكان محمد . ورد ايوه يامحمد.
محمد : صباح الخير يا آدم .
آدم : صباح الخير .
محمد : انا ف الطريق للمستشفى . قولت اتصل اشوفك صاحي . مع انى متأكد انك مانمتش اصلا ..
آدم : احنا صحينا . ومريم بتجهز . والساعه ٨ إن شاء الله هنكون عندك .
محمد : إن شاء الله . وقفلو .
مريم : صلت الضحى ولبست ونزلت . وآدم صلى ولبس بسرعه ونزل ..
مريم : عملت القهوه . اتفضل يا حبيبي قهوتك ودبل .
آدم : تسلمي .
مريم : بالهنا . ودخلت المطبخ . وخرجت اتفضل وحطت الصنيه قدامه وكان فطار خفيف !!
آدم : بصلها ايه دا يامريم ؟
مريم : قعدت جنبه ده فطار . ومش مسموحلك انك تعترض . هتفطر وهنخرج . غير كدا مش موافقه . وانا قولت ل زينب اننا خارجين انا وانت وهنرجع ع بكره إن شاء الله .
آدم : اتنهد بتعب . مريم انا هشرب القهوه وبس مش هقدر أفطر. .
مريم : بدلع طفولى . يبقى عايز تزعل الماستك منك بقى ها !!
آدم : عيونه لمعت بدموع . وباس راسها .ربنا مايحرمنى منك ابدا ابدا يامريم .
مريم : ولا منك يا آدم ..
آدم : اكل حاجه بسيطه جدا وغصب عنه علشان متزعلش منه . وقامو وخرجو . وركب العربيه جنبها واتحرك ع المستشفى . واول ما وصلو المستشفى . اتفاجأو ب طارق ورنا منتظرينهم هناك . وكمان بيتر . لانه اتصل بليل ع طارق لانه اتصل ع آدم كتير وقلق وبعد محاولات من بيتر . طارق حكاله . وبيتر زعل جدا وقاله من الصبح هكون معاك .
———————-بقلمى Mariem Nasar
الكل سلم ع آدم ومريم واطمنو عليهم .
محمد : اخد آدم ومريم الدور التانى وعملت التحاليل المطلوبه . والاشعه . وكل ده بيوتر آدم وقلبه بيدق بسرعه كبيره جدا . ومريم متوتره .
محمد : شاف نتيجة التحاليل والأشعة وعرضها ع الدكتوره المتخصصه وشافو أن كل حاجه تمام .
محمد عارف أنه قبل العمليه دي لازم مريم تاخد مهدئ . وعطاها إبرة مهدئ . وشاف أن مريم بدءت تهدأ .
آدم : ورنا مع مريم ف الاوضه ..
آدم : قاعد جنبها ع السرير . ومسك ايديها . وسألها خايفه ؟
مريم : مفعول المهدئ بدء عليها . وقالت بهدوء . طول ما انت معايا انا مش خايفه من حاجه . واطمن انا كويسه جدا.
آدم : قرب منها وباس جبينها . استودعتك عند الله .
مريم : ابتسمت . يبقى كدا خلاص . ربنا هيحافظ ع الوديعه .
محمد : خبط ودخل . جاهزه يامريم . ومرضيش يجيب الترول علشان خاطر آدم .
آدم : قلبه بيدق وخاف جدا .
مريم : ابتسمت . وهزت راسها جاهزه ياحبيبى.
رنا : واقفه ودموعها نازله زى المطر . وراحت حضنت مريم بخوف حقيقى .
مريم : ربتت على ضهرها . وحدي الله يارنا . انتى المفروض تقوينى .
رنا : خرجت من حضنها . ومسحت دموعها . وابتسمت بتمثيل . انا عارفه انها عمليه بسيطه.بس ده مايمنعش انى اخاف عليكي . وباست راسها استودعناكي عند الله.
محمد : ساعد مريم تقوم . وقامت وآدم ساندها بدموع. وخرجو كلهم . وقلب كل واحد متوتر وخايف . وقربت من غرفة العمليات . وآدم دقات قلبه مسموعه للكل .
غرفة العمليات اتفتحت .
آدم : بص ل محمد . انا هحضر معاها .انا لازم اكون موجود معاها .
محمد : بص ل آدم . وقال جواه ده إل كنت خايف منه . وقال ثوانى يا آدم . وساعد مريم .تدخل اوضة العمليات . ورجع ل آدم وقال . آدم .انت لو دخلت هيكون صعب جدا جدا عليك . ومش هتتحمل . ف ارجوك انت لازم تسمع كلامى . انت تدخل دلوقتي تسلم عليها وتقويها وتخرج . لكن صدقني انت مش هتستحمل ارجوك .
آدم : زعق بصوته كله .. انا لازم اكون موجود معاها انت فاهم .
مريم : خرجت ع صوته . وقالت آدم وقربت منه آدم حبيبى انت ماينفعش تكون موجود . انت استنانى هنا وادعيلى . وعلشان خاطرى اسمع من محمد بالله عليك ..
آدم : عيونه اتملت بدموع وحضن مريم بوجع قدام الكل . ماينفعش اسيبك .انا كنت معاكى فى كل خطوه . ماينفعش دلوقتي اسيبك .
مريم : بدموع . انت مش هتستحمل تشوفنى كدا يا آدم . وبالله عليك متوجعش قلبى علشان خاطرى . خلينا نعدى الازمه دي ع خير .
آدم : خرجها من حضنه ومسح دموعها . وباس راسها . وهز راسه حاضر يامريم .
مريم : بزعل حقيقي علشانه . لا إله إلا الله يا آدم .
آدم : بغصه في قلبه سيدنا محمد رسول الله
محمد : حس انه مخنوق لان كمان مريم تخصه . واخد مريم تعالى يلا يا مريم .ودخل بيها . والدكتوره دخلت ومريم لفت ل آدم . وآدم عينيه متعلقه بيها لحد باب العمليات ما اتقفل . وقلبه اتملى بالخوف .
طارق وبيتر . راحو ل آدم . واخدوه غصب عنه وقعدوه وقعدو جمبه يواسوه . ورنا قاعده بدموع. وبتقرا ف المصحف .
———————-بقلمى Mariem Nasar
محمد : مع مريم . وابتسم بتمثيل . مريومه انا هقعد انا وانتى ندردش شويه .
مريم : هزت راسها .وبتتشاهد .
دكتورة التخدير . عطتها تخدير موضعي .
محمد : متوتر . لكن متابع كل حاجه .
الدكتوره : هتبتدي العمليه . بسم الله .
محمد : بيمسد ع شعرها . وحاول يطمنها . حاسه بحاجه؟
مريم : هزت راسها لأ .
محمد : تعرفي إن الواد تيم . بيقولى انا لما اكبر هتجوز مريم الكبيره .
مريم : ابتسمت . طيب يقول مريم نونو .
محمد : انا مش معترض . بس تفتكرى انا هوافق ع مراد . الواد ده دماغه طاقه .
مريم : ابتسمت بحب . مراد !!؟ هو ف حد ف حنية مراد الهي ينجية من كل سوء .
محمد : ضحك . طيب وانا ماليش دعوه حلوه كدا .
مريم : انت . دا انت ابن قلبى ربنا يحفظك ويحفظ ولادي واحفادي من كل شر . ويحفظلى آدم . وربنا يبارك ف عمره .
محمد : ضحك بصمت من قلبه . اتمنى انى انا ونور نوصل لدرجة العشق دي .
مريم : ابتسمت . ابدا . مفيش زى عشق ال آدم ابدا . بس مايمنعش انك انت ونور وصلتو لدرجه من العشق ..
الدكتوره : بتفتح ف جرح ف دراع مريم وسمعت كلام مريم .وابتسمت .
محمد : بص ع الاجهزه . وتابع الدكتوره . وبصلها تانى وقال . طبعا احنا ف منتصف العشق .
وبعد نص ساعه . مريم : محمد اطلع طمن آدم انا عارفه انه قلقان ..
محمد : هز راسه . حاضر ياحبيبتى . وخرج .
آدم : كان واقف وساند بضهره ع الحيطه وبيدعي بكل جوارحه . واول ما شاف محمد جري عليه بلهفه . مريم كويسه .
محمد : ابتسم . والله كويسه وهي الل قالتلى اطلع طمن آدم . وع فكره بقى انا وهي قاعدين ندردش مع بعض . وملهاش سيره غير عشق ال آدم . ارحمونا بقى هههههههه .
آدم : سمع كلمة عشق ال آدم . واتاكد انها بخير . وحمد ربنا . وقال ل محمد هو فاضل كتير .
محمد : نص ساعه وكل حاجه هتبقى تمام . وربت ع كتفه .بعد اذنك . ادخل اكمل قصة العشق الل تمت ع ايدى وحافظها .. ودخل .
آدم : مسح وشه بايديه . يارب . يارب خليك معانا .
بيتر : تعالى بقى يا آدم اديك اطمنت ع أم مراد . وإن شاء الله هتكون بخير .
طارق : اخدو من ايدو تعالى. اقعد انت واقف من بدرى . ووحد الله كدا وتفائل بالخير .انا تفائلت والله لما شوفت ضحكة محمد .
آدم : لا إله إلا الله . محمد رسول الله .
وعدى الوقت كأنه سنه ع آدم . واخيرا غرفة العمليات اتفتحت .
آدم : قام ورنا . وراحو للدكتوره .ها يا دكتوره مراتى كويسه ؟
الدكتوره : ابتسمت . الحمد لله هي بخير والعمليه تمت ع خير وشويه وهتخرج . حمدالله ع سلامتها .
آدم : بلهفه . ممكن ادخلها عايز اشوفها .
محمد : من وراها تعالى يا آدم .
آدم : دخل جري . واول ما شافها نايمه ع سرير العمليات قلبه وجعه .
مريم : شافته . ورفعت أيدها . آدم .
آدم : قرب منها بسرعه . ومسك ايدها حبيبتى . انتى بخير . حسيتى بحاجه .
مريم : هزت راسها . لا ياحبيبى اطمن انا بخير الحمد لله . وباس جبينها وعنينها .
وبعدها . مريم خرجت لغرفه مجهزه . وآدم جنبها .ومحمد ورنا دخلو واطمنو عليها . وطارق وبيتر منتظرين بره . لان الجرح ف الدراع ومتخيط وملفوف بشاش .وده جرح قلب آدم جدااا . لكن حمد ربنا انها بخير .
وبعد تصميم من آدم أن الكل يروح . ومحدش هيرافق مراته غيرو . وفضل جنبها زى الضل . طول الليل .
———————-بقلمى Mariem Nasar
وتانى يوم
. محمد جه . واتطمن ع مريم . وجايب الدكتوره معاه .وكشفت ع مريم . وطنتهم ان كل حاجه تمام وشرحت ل آدم ازاى يهتم بالحاله من ناحية الاكل والعلاج وتهتم بالرياضه وتبعد عن اي مجهود . وكتبتلها ع خروج .
. محمد خرج وكان بيتر وطارق ورنا جم ومحمد طمنهم..
.آدم ساعد مريم ف اللبس . ولبسها إسدال ونقاب . وساندها وخرج والكل سلم على مريم واتمنى ليها الشفاء وآدم طمنهم وكل واحد راح ع شغله بتصميم من آدم. ومحمد خرج معاهم . وساعدها وركبت العربيه . ف الكرسي الخلفي وآدم جمبها واخدها في حضنه . ومحمد الل ساق . ووصلهم للبيت .
.سعاد وزينب عرفو وزعلو جدا . وآدم نبه عليهم أن مفيش مخلوق يعرف .
.وآدم اهتم با اميرته . كل يوم وكل وقت كان الأب والسند ليها .
.ومحمد كل يوم يعدى عليها . ونور كانت عايزه تزور مامتها .
.محمد بتفكير قالها آدم واخد اجازه وعايز يقضي يومين مع مريم . بلاش احنا نكون عزول انتى اتصلى اطمنى عليها .
.وعدي كام يوم . ومريم اتحسنت الحمدلله .
———————-بقلمى Mariem Nasar
وجه ميعاد رجوع الشباب من العمره .
والكل رجع بالسلامه .
ومريم كانت مبسوطه بروجوعهم . وآدم كان مشتاق لأولاده . ونور جت وقعدو ومريم قعدت معاهم . وقضو السهره عندهم . وكل واحد اخد مراته وطلعو ع عشهم .
رينو : اخدت شاور . ولبست طقم رقيق . وفهد اخد شاور وخرج .وشاف رينو واقفه قدام المرايا بتحط لمسات خفيفه .
فهد : ابتسم . وقرب منها بشوق كبير وحضنها من الخلف . ودفن وشه في شعرها حبيبتى حبيبتى الل وحشانى جدااا .
رينو : ابتسمت بحب. حبيبى انت الل وحشنى جدا جدا . ولفت ليه . ولفت أيديها حوالين رقبته . عارف يافهد انا حاسه براحه كبيره اوى . حاسه انى خفيفه من جوايا .
فهد : حاوطها من وسطها وقرب منها اكتر . وقال بهزار خفيفه !؟ خفيفه ازاى يعنى . وانتى جواكي حته منى .
رينو : كشرت عينيها . قصدك ايه يا فهد . انا تخينه .
فهد : ههههه ابدا والله . دا انتى قمر . وكمان انا مش عارف انتى حامل ف ايه بالظبط . هي فين بطنك اصلا. ده انتفاخ ياقلبى هههههه . انا من بكره لازم اخدك ونروح للدكتوره . علشان اشوف الواد ده مستخبى فين ؟
رينو : بدلع . اممم يسلام . يعنى انا مش تخنت يافهد .
فهد : باسها برقه . ياريت تبقى بطه قمر .
رينو : ههههه بطه .
فهد : همس ف ودنها .وحشتينى .
رينو : غمضت عينيها .وانت كمان . انا بحبك اوى يافهد.
فهد : وانا بموت فيكي ياعشق الفهد . وقرب منها وباسها باشتياق كبير . ورينو تاهت في عشق الفهد .
وشالها وراح بيها ع مكان جنتهم .
وعدت الليله ع كل العيله بسعاده كبيره .
———————-بقلمى Mariem Nasar
تانى يوم . الساعه ٥ .
فهد : اخد رينو . وراحو العياده .
رينو : متحمسه . ونفسها تعرف هي حامل ف ولد ولا بنت ..
وجه دورهم . ودخلو . والدكتوره سلمت عليهم . وبتعمل السونار .
رينو : ماسكه ايد فهد . وقالت بلهفه ها يا دكتوره طمنينى .
الدكتوره : حاضر ثانيه واحده بتأكد .
فهد : اهدي ياحبيبتى . ثوانى وهتعرفى ولد او بنت وعادي جدا المهم انك تكونى بخير .
رينو : غمضت وبتقرا آية الكرسي .
الدكتوره : مبروك يا لارين ياحبيبتى اللهم بارك تؤام .ولد وبنت ..
رينو : قلبها دق بزهول . وفتحت عينيها على الاخر .وبصت لفهد .. وحست بفرحه كبيره جدا.
فهد : لا ارديا .قلبه دق وضحك بسعاده .وباس أيدها.
الدكتوره :. تحبو تسمعو نبضهم .
رينو : بتضحك بدموع .وهزت راسها ايوه . ايوه .وضغطت ع ايد فهد بفرحه كبيره.
الدكتوره : سمعتهم النبض .
فهد ورينو: سمعو النبض .وجواهم احاسيس مختلفه . ومشاعر مختلفه .
وخرجو من العياده والفرحه مش سيعاهم .
.ورينو قالت لفهد . نروح ل بابى ومامي نقولهم الخبر الجميل ده . وبعدها نروح ل بابا طارق وماما رنا ..
فهد : باس على ايديها . قلبى تؤمري أمر .
وساق العربيه . ووصلو فيلا العدوي . وسلم ع رعد ودخلو مبسوطين جدا ..
رعد : شاف عربيه فخمه جدا بتركن قدام الفيلا بعد وصول فهد ع طول. ونزلت منها بنت ولبسها لا تعليق عليه . لابسه شورت وتوب كات . وراحت عند رعد . وقالت هاي .
رعد : بصلها وتنح يخربيتك . انتى مين !!!؟
البنت : انا اسمي هيلينا ———
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية جريمة عشق 3)