رواية أحببت قاسياً الحلقة الحادية والعشرون 21 بقلم دعاء فرج
رواية أحببت قاسياً الحلقة الحادية والعشرون 21 بقلم دعاء فرج
 |
| رواية أحببت قاسياً الحلقة الحادية والعشرون 21 بقلم دعاء فرج |
رواية أحببت قاسياً الحلقة الحادية والعشرون 21 بقلم دعاء فرج
_عمو توفي
_ايييييه؟!…
حسام: اتوفي ازاي… وامتي
_بيقولوا لقوا العربية اللي قطعت علينا الطريق واللي نزل منها الرجالة دول وكانوا فيها وعمو كمان… بس للأسف العربية كانت مقلوبة وكل اللي فيها اتوفوا
_لا حول ولاقوة الابالله العلي العظيم
حنان بعياط: الله أكبر… حقكوا رجع يا ولاد.. أخد جزاءه ف ساعتها
حضنتها ليل وقالت لها: الله يرحمه ويسامحه
قعدت ميرنا ع الكنبة وهي بتعيط وادم قعد جمبها وبعدها قال: انا لازم امشي عشان اخلص اجراءات الدفن واقفل المحضر
حسام: انا جاي معاك
وبعدها قال لـ ليل: ليل خليكي هنا انهاردة
ليل: حاضر… خلي بالكوا من نفسكوا انتوا لسه خارجين من المستشفى
_ان شاء الله
بعد مرور 9 شهور من حمل ميرنا صحي آدم ع صوت ميرنا: أدددددددم
_ايه؟!
_هوووولد…. هوووووووولد
_بكرا بكرا
_بكرا ايه بقولك هوووووولد….. هووووووووولد
قاام مفزوع: هتولدي بجد
_لا بهزر معااااااك…. يلا يا آدددددددم
قام من مكانه وهو عمال يتخبط ف كل حاجة حواليه وبيقول: ما انتي بقالك 8 شهور بتهزري… ااااااه…. ايه اللي جاب الدولاب ده هنا… هتولد يحزني.. يلهوي… يخرابي… ايه اللي انا بعمله ده… فين الزفت
لبسها الاسدال وشالها بسرعة وع المستشفى
وكلم ليل وحنان
وصلت ليل وحسام المستشفى لقوا والدة ميرنا قاعدة وآدم عمال رايح جاي ف الطرقة، سلمت عليهم وقعدت جنب حنان ووقف حسام سلند ع الحيطة وآدم لسه رايح جاي ف الطرقة
بعد شوية سمعوا صوت الطفل… وقف آدم وابتسم وليل وحنان كمان قالت ليل: مبروك يا حبيبي
وقالت حنان: الف مبرووك يا بني.. يتربي ف عزكوا
قال له حسام: ايه يبني مبحلق في ايه كدا
قال آدم وهو مش مصدق: بقيت أب
بعد شوية خرجت ميرنا للاوضة العادية وخرجت اللممرضة الطفل لآدم… آدم شاله وكبر ف ودنه وبعدها شالته ليل واديته لحسام وحنان
وبعدها دخلوا لميرنا بعد مافاقت
_حمد لله على السلامة يا ميرو.. الف مبروك يا حبيبتي
_الله يبارك فيكي يا ليل
_مبروك يا مدام ميرنا
_الله يبارك فيك يا بشمهندس
_مبروك يا حبيبتي
_الله يبارك فيكي يا ماما
قعد آدم جنب ميرنا وقال: مبروك ياروحي
_مبروك لينا يا حبيبي
ليل: هتسموه ايه
_آسر
_الله… حلو اوي الاسم ده
قالت حنان: عقبالك يا ليل
بصت ليل لحسام فلقيته بيبصلها بحزن، مسكت ايده وابتسمت له
نامت ميرنا وليل خادت آسر وهي بتدلعه: حبيب خالتو وعمتو يا ناس
حسام حط ايده ع كتف آدم وقال: روح أنت غير هدومك بدل ما انت واقف بالبجامة كدا
آدم خد باله انه مغيرش هدومه وانه واقف بالبجامة: ااااه… عشان كدا الناس عمالة تبصلي باستغراب
ليل كانت حاطة ايديها ع بوقها عشان تكتم الضحكة بس مقدرتش فقال آدم: طب اروح انا اغير هدومي بدل ما انا واقف بالبجامة كدا شكلي وحش
حسام وليل فضلوا يضحكوا ع آدم
ف بلكونة بيت حسام وقدام شروق الشمس كان حسام قاعد وليل كانت جانبه قالت له: انت سبت خطيبتك ليه؟!
_هي اللي سابتني.. سابتني ف اكتر وقت انا محتاجها فيه.. سابتني لما عرفت اني عندي كانسر وممكن مخلفش.. لما كنت بعمل التحاليل عشان العلاج عرفت اني مش، هخلف… وسابتني كمان لما عرفت ان والدي خسر كل فلوسه
سكت شوية: بس عارفة انا بعد كدا اكتشفت ان انا مكنتش، بحبها
_لما قابلتك.. عرفت انها ممثلة شاطرة اوي.. اللي بيحب يا ليل مش، بيبعد.. مش، بيهجر.. مش، بيبص للفلوس والمظهر.. اللي، بيحب بجد بيفضل حتي لو كل الظروف بتقوله ابعد.. اللي بيحب مبيكرهش.. يعني بعد اللي عملته فيكي دا كله وبرضو مكرهتنيش… بس، انا كرهتها
ليل بمرح: مين قالك اني مش، بكرهك.. انا بكرهك جداً ع فكرة
حسام بمرح مماثل: وانا بكرهك اكتر ع فكرة ههههههه
بعد مرور 4 سنوات
حسام صحي وصحي ليل بس كان باين عليها التعب فقا لها: مالك يا حبيبتي
_حاسة اني تعبانة… بطني بتوجعني
قامت بسرعة من ع السرير وذهبت الي، الحمام وفضلت ماسكة بطنها قام حسام وراها: ليل في ايه؟!
_مفيش، تلاقيني اخدت دور برد ولا حاجه
_طب البسي هنروح للدكتور
_ملوش، لازمة هشرب اي حاجه دافية وهبقي كويسة
_مفيش، حاجه اسمها كدا… البسي، يلا
كشف عليها الدكتور وقال: انتي هتعملي التحاليل دي وبعدين تجيلي
راح ليل وحسام عشان يعملوا التحاليل وبعد كدا ودوها للدكتور وبعد ماشافها وكشف ع ليل تاني قال: الف مبروك… حضرتك حامل
حسام وليل: اييييييييه؟!
_مالكوا مستغربين كدا لي؟!
_يا دكتور انا مبخلفش
_مين قالك كدا
_انا كان عندي كانسر ولما كنت بعمل التحاليل وكدا الدكتور قالي اني مش، هخلف
_دي كانت حالة مؤقتة… بس انت دلوقتي كويس، وربنا اراد انكوا تخلفوا.. هتعترضو ولا ايه
_يعني انا حامل بجد يا دكتور
_ااه
_الحمد لله يارب.. الحمد والشكر لله
نزلوا من عند الدكتور وكانوا فرحنين جدا وحسام مش، مصدق نفسه
قالت ليل: شفت بقا.. قلتلك ربنا كريم
_الحمد لله… الحمد والشكر لله.. انا مبسوط اوي
_وانا كمان مبسوطة اوي يا حسام
_ربنا يخليكوا ليا
_ويخليك لينا يا بابا ????
يتبع..
لقراءة الحلقة الثانية والعشرون : اضغط هنا
لقراءة باقي حلقات الرواية : اضغط هنا
نرشح لك أيضاً رواية العودة إلى الوراء للكاتبة روان ريحان.