رواية شمس العاصي تشرق من جديد 2 الفصل التاسع 9 بقلم نورة عبدالرحمن

رواية شمس العاصي تشرق من جديد 2 الفصل التاسع 9 بقلم نورة عبدالرحمن

رواية شمس العاصي تشرق من جديد 2 البارت التاسع

رواية شمس العاصي تشرق من جديد 2 الجزء التاسع

رواية شمس العاصي تشرق من جديد 2 الحلقة التاسعة

بعد مرور اسبوع
كانت تعمل في المطبخ بضيق وغضب ترمي الاواني وتصدر اصوات تخبر الجميع بمداى غضبها وغيرتها …
حتى شعرت بيدين تحيط خصرها ويدفن وجهه بشعرها استكانت للحظات اغمضت عينيها تشعر بقربه منها ليهمس لها بود مالك ياروحي.. ..ابعدت يداه عنها واستدارت وهي تمسح دموعها…
رؤوف بصدمه احتضن وجهها بقلق: بتعيطي ياهنا ..مالك ياروحي .
هنا بشهقات : مين البنت دي …
رؤوف مسح دموعها ليقول : دي شمس بنت عمتي..منا قولتلك ..
هنا ببكاء :لا مقولتليش انكم قريبين من بعض كده ..انت من ساعت مشفتها مبصيتش لخلقتي وطول الوقت تتكلموا مع بعض..
رؤوف بابتسامه حانيه : اي ده انتي بتغييري من شمس..

مسحت دموعها بكمها بعنف واستدارت لتكمل عملها لكنه جذبها اليه ليهمس لها : بصيلي وقولي كل اللي فقلبك..
هنا….
رؤوف : على فكره مينفعش تغييري من شمس..
ردت عليه بانفعال وليه انشاء الله مش ست..
رؤوف باستفزاز : شمس ست وزي القمر و..
هنا بقهر :اسكت اسكت خلاص مش عايزه اسمعك تانيه..
امسك وجنتيها بحب وابتسم على انفعالاتها ليقول : لا لازم تسمعي عشان ترتاحي..
هنا :مفيش حاجه تريحني الا انك تاخدها وترجعها مكان مجت..
اغمض عينيه يحاول احتواء زوجته ليقول بابتسامه تروح فين ما ده بيتها كمان..
اجابته بانفعال ياسلام وانا ايه..ماشي انا اللي همشي واسيبلك البيت عشان تتهنوا فيه..
لكنه امسك معصمه يمنعها من التحرك ليقول بجديه شعرت بها تروحي فين..
هنا : هغور واسيبهالكم مخضره..

رؤوف بتحذير :هناا..لاحظي اني بحاول اتكلم بشويش متطلعيش جناني عليكي..وسيبيني اتكلم
ضمت يديها الى صدرها لتقول عايز تقول ايه .
تنهد الاخر ليضربها بخفه على وجنتها هامسا بلاش التكشيره دي عشان اعرف اتكلم..
هنا بانفعال : انا وشي كده عايز تقول ايه..قول
رؤوف :شمس دي زي اختى احنا ربيين سوى ومينفعش تغييري منها..
ردت عليه بمقاطعها ياسلام بقى وانا عيله عشان اصدق الكلام ده..
رؤوف : يابنتي سيبيني اكمل هو انا لسه قولت حاجه..
نظرت الى الجهه الاخرى تعبر عن غضبها ليجذبها اليه ويحيط خصرها هامسا منا قولتلك بلاش التكشيره دي..
هنا نظرت اليها والدموع تتلألأ في عينيها تهدد بالسقوط..
شعر بها زوجها ليقول أنا وشمس راضعين على بعض يابنتي فاطمني وبلاش تطلعي جنانكي عليا ماشي..

شعرت براحه لكنها مازالت تشعر بالغيره فهو اهملها جدا منذ ان جاءت شمس..لتدير وجهها عنه ليقول لها وكمان متجوزه وبتحب جوزها ..انتي مش شايفه ابنها معاها..
تهلل وجهها لكنها قالت بضيق بس انت من ساعت مجت هنا وانت اهملتني ومبقتش تهتم بيا..وكل وقتك مقضيه معاها
رؤوف :ياسلام ومين قال كده ..
هنا :انا بشوف بعيني كده ..
رؤوف :لا ونبي بلاش تشوفي حاجه تاني يابنتي دي الدنيا كلها عندي بكفه وانتي بكفه لوحدك بلاش تقارني نفسك بحد عشان انتي غير كل الناس انتي روحي ..انتي النفس بتاعي بلاش تصغري عقلك ماشي..
هنا ابتسمت وادارت وجهها للجهة الاخرى….
ليدير وجهها اليه بابتسامه ويقبل جانب شفتيها وقال مش سامعك..
شعرت بالخجل ليقبلها بعمق أكثر وهي تبادله حتى ابتعد عنها هامسا…بحبك..
لتبتسم الاخر و تدفن وجهها بصدره فهاذا ما كانت تحتاجه اعترافه بحبها الذي لم تسمعه منذ يومين…
**********

يوم زفاف غزلان وعزت.
سهى بحب الف مبروك ياحبيبتي ..
غزلان ببهوت : الله يبارك فيكي ياسهى..
سهى مالك ياحبيبتي زعلانه كده ليه..
عزلان وقد اغرورقت عينيها بالدموع وشهقات تعلو: انا انا مش عارفه ..مش ..مش قادره استوعب اني اتجوزت خالو عزت..
تنهدت سهى بابتسامه ياحبيبتي عزت مش خالك وخلاص بقى جوزك وانا شايفه انتي بتحبيه وتثقي فيه قد ايه ..فايه المشكله..
غزلان المشكله ان محدش حاسس بيا انا مش قادره ..مش قادره ياسهى ..مقدرش اشوفه الا انه خالي ..معرفش اشوفه غير كده..بحبه عشان هو خالي وبس
سهى مسحت دموعها بحب وحنو: هتتعودي ياحبيبتي خلاص ده بقى جوزك ياغزلان وانا بق..قاطعهم طرقات على الباب وكان عاصي وتميم..
كانت عينا سهى متركزتان على تميم لكن الاخر تجاهلها تماماً..
اقترب عاصي من غزلان التي مسحت دموعها بسرعه ولم تنظر اليه وقال الف مبروك..

غزلان….
عاصي : انتي مخصماني والا ايه..
غزلان….
عاصي اقترب منها وضمها اليه وقبل رأسها وقال مع الوقت هتعرفي اني عملت كل ده عشان مصلحتك..
غزلان..
عاصي يلااا عشان جوزك مستنيكي عشان تروحوا بيتكم..
شعرت غزلان بانقباضه بصدرها فالطالما كان ذلك المنزل ملجأها الوحيد منزلها الذي تحبه وعاشت به طفولتها وشبابها لكن هذه المره تختلف ..ستدخل المنزل بصفه لم تتوقعها يوما ا..ليقطع شرودها سهى يلاا ياحبيبتي عشان متتاخريش..
تقدمت بخطوات خائفه وعاصي يتقدمها ويمشي امامها لتودع الجميع وتجلس بجانب عزت الذي لم تسعه الفرحه بهذا اليوم الذي لطالما حلم به…
قاد سيارته بعد ان ودعا العائله…وغادر بعروسه …
كان عاصي يراقب السياره وهي تبتعد ..حتى اختفت عن الانظار ليتنهد بارتياح..
اما تميم ودع عاصي وغادر المنزل ايضا بالوقت الذي كانت سهى تتجهز لتغادر معه لكنها شعرت بالغضب عندما رأته يغارد بسيارته دون ان يتكلم معها .
********

بهيه : خلاص يامرات اخويا خلاص محمد مش هيمد يده على ابنك تاني..
زوجه اخيها :بعد ايه بعد ماضرب ابني …ابنك خلاص مالوش قعاد عندنا اول مايرجع اخوكي هيوديه بيت ابوه..انا اتصلت فيه وهو على وصول..
بهيه ببكاء: انتي بتقولي ايه ..محمد معملش حاجه وابنك هو اللي ضربه..
زوجه اخيها :انتي بتببجحي كمان مش كفايه مستحملينك بعد ماجوزك رماكي رميت الكلاب عايزانا نشيل ابنك كمان..
بهيه بشهقات انتي بتقولي ايه يامرات اخويا..
زوجه اخيها :زي ماسمعتي..
بهيه برجاء عشان ربنا يامرات اخويا انا معنديش الا ابني..
زوجه اخيها :واحنا مش ملزمين نربي ولاد العالم….
بهيه :بس بس حازم بيبعتله فلوس كل فتره..
زوجه اخيها :لا ياختي مش عايزين الفلوس دي ياخد ابنه ويصرف عليه بنفسه..وانت تشوفي حياتك بقى وتتجوزي..
بهيه بصدمه انتي بتقولي ايه..
لياتيها صوت اخيها زي ماسمعتي..

بهيه سمعتي ايه عايز تجوزني ياخويا..
اخيها :اه وماله منتي مش اول وحده ولا اخر وحده..
بهيه بانفعال لا مش هيحصل..
اسكتها بصفعه اسقطتها ارضا ليجذبها من شعرها هامسا بفحيح انتي بتعندي معايا بابنت ابويا شكلك نسيتي انا مين..بس ملحوقها ممكن افكرك لو عايزه..
نفت برأسها بألم وهي تشعر بالقهر ..ليضربها على وجنتها شاطره..ابوا محمود طلبك مني وانا موافق وبعد ماتخلص العده هتتجوزيه
قالت بخوف والم فهو مازل يمسك شعرها..ده ده قد ابويا ..انت انت ازاي هتعمل فيا كده..حرام عليك ..والله حرام عليك
لياتيها صوت زوجه اخيها تقول بسخريها لا والله بتتبطري عالنعمه منتي مطلقه وعندك عيل متحمدي ربك عشان رضي بيكي..
دفعها اخيها ليقول زي ماسمعتي لياخذ طفلها وقال ابنك ده مكانه عند ابوه مش هنا ..نهضت بفزع واسرعت اليه تبكي وترجوه بان يترك طفلها معها لكن دون جدوى ليأخذه ويعيده لعائلته…..
*****

عثمان : بسرعه الحق ياعاصي..
عاصي نهض من خلف مكتبه بتعب وقلق : في ايه..ياعمي
عثمان :مصيبه ياعاصي مصيبه..
عاصي ….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية شمس العاصي تشرق من جديد 2)