روايات

رواية قمر بنت الصعيد الفصل السادس 6 بقلم حنين عادل

رواية قمر بنت الصعيد الفصل السادس 6 بقلم حنين عادل

رواية قمر بنت الصعيد البارت السادس

رواية قمر بنت الصعيد الجزء السادس

رواية قمر بنت الصعيد الحلقة السادسة

_انزل يا ابني وهانجبلك شقة ب 2 مليون بس والقسط 20000 في الشهر بس ..
ناصر: كل ما افكر انتحر الاقي عروض فظيعة صحيح مصر ام الدنيا عاااااااا ماعتش قادر الشمس ضاربة في نفوخي ياعالم الحقوني
_يابني انزل
ناصر وهو بيلطم:
ما انا لو كنت عارف كنت نزلت بدل الفضايح دي يا ابو المفهومية …
قمر: هاتموت شهيد ياناصر
ناصر: منك لله انتي سبب كل اللي انا فيييييييييه ايدي بتفلت ايدي بتفلت رجلي خانتني
وفجأة وقع وهو بيبص للسما وحاسس ان الوقت بطئ
ناصر : هاتمووووت اهو يا ناصر يارب دخلني الجنة
غمض عينيه واستسلم للفكرة لحد ما فتح لقا نفسه واقع علي ملاية …
قام وقف والناس بتتجمع حواليه بيطمن علي نفسه
ناصر: الحمد لله الحمد لله انا انكتب لي عمر جديد
_ليييه كنت عاوز تنتحر!
الصحافة اتجمعت حواليه والكل ماسك الميكرفون وقف وعدل نفسه
ناصر : بسم الله الرحمن الرحيم وبه نستعين وعليه نتوكل انا ماكنتش عاوز انتحر ولا حاچة هوا احنا يعني كشباب هانحتاجوا ايه اكتر من الهنا اللي احنا فييه شغل تلاقي فلوس موجودة حريم اقصد بنات الحلال كتير عاشت مصر حرة مستقلة يسقط الانجليز عيش حرية وعدالة اجتماعية شكرا شكرا

 

 

افتكر اللي هو لابسه طلع يجري واستخبي ورا عربية في الشارع ..
قمر كانت بتبص عليه وبتضحك ..قربت منه
قمر: يوم الهنا نزلت عالفضائيات يا ناصر وهاتبقي تريند بالكلسون هههههههه
ناصر بص لها : هاتيلي حاجة استر بيها نفسي الهي تنستري .
_________________________________
نوح كان واقف وحواليه رجالته .
نوح: اللي هايقتله ويخلصني منيه ومن خلقته العفشة ليه عندي هدية كبيرة بس اهم حاچة مايطولش ستكم قمر اي اذية والا هاتشوفوا مني الويل فاهمين
هز الرجالة دماغهم ..
نوح: مليح هموا شوفوا شغلكم ..
مشي الرجالة ونوح بيبص عليهم …
نوح: مش هاقعد ارمح وراك من مكان لمكان زي العيل الصغير انا هانهيك من علي وش الدنيا من غير ماوسخ يدي بدمك الزنخ
__________________________________
كانت ناصر وقمر قاعدين في جنينة فيها مراجيح…
بص ناصر عليها وهي بتلعب مع الأطفال الصغيرة.
ناصر بابتسامة :
حبيبي متدلع ومايتدلعش ليييه
دا حلو ومسمع ومجنني بيه
وانا قلبي بيولع مش عارف هاعمل ايه
دا چماله سبحان من صور الف ماشاء الله عليه ..
قربت منه قمر ولسه الابتسامة مش بتفارق وشه..
قمر: في حاچة مالك؟!
ناصر: لاه ولا حاجة ..
قمر: طيب قوم معايا ندوروا علي شقة قبل ما الدنيا تليل وطبعا انت فاهم انك ما تتسرعش وماتعملش اي حاجة
ناصر: ماشي ….
مشي ناصر مع قمر يسأل علي شقة …بس ما لقوش لحد ما الدنيا بقت بالليل فعلا وماعدوش عارفين هما فين وفي شارع مالوش ملامح ..
كان ماشي متبت فيها وماسك ايديها وخايف وبيتفزع كل ما يسمع صوت كلب
قمر: وه مالك استرجل !

 

 

ناصر: لاه انا راچل اوي عيب !
قمر: ماشي اما نشوف ..
نفخ ناصر صدره ومشي بثقة والشارع كان عتمة لحد ما شاف علي بعيد اتنين ضخام عضلات …
قربوا منهم ووقفوهم..
واحد منهم اتكلم:
جري ايه يا قمر ايه اللي مشيك وحدك الساعة دي
ناصر بخوف وصوت واطي:
يا ليلة سوخة هايخطفوها مني يا ليلة سوخة
جاب قمر ورا منه وطخن صوته:
جري ايه يا واد منك لييه بتعاكس خطيبتي وانا ماشي معاها لاه يا حبيبي دا انا ان خس جسمي كفاية اسمي!
_ومين قالك ان احنا بنعاكسها!
قفل ناصر جلابيته وضحك:
لاه انا راچل اوي دا بينه هايبقي مرار طافح يا ليلة سوخة رامبو …
قمر : احم احم طيب يا ناصر ربنا يكون في عونك يا خوي
مشت قمر بعيد خطوتين..
ناصر: قمر ما تهملنيش لحالي يا قمر قمااااار
لفوا حواليه وقمر واقفة بعيد ورا شجرة…
_ايه يا حلو
ناصر : الحلو بعد العشا يا خفيف ..
*يا جامد
ناصر: لاه انا جامد اوي اني جون سينا يا واد منك لييه انا صعيدي وابوي صعيدي واللي ابوه صعيدي ما يخافش واصل
بص ناصر حواليه بيفكر يعمل ايه ..
قعدوا يلفوا حواليه ويصقفوا:
ماتزوقيني يا ماما اوام يا ماما دا عريسي هايخدني بالسلامة يا ماما …
ناصر بضحك: سامعه سامعه يا ماما طويل اوي فستاني
ضربهم الاتنين بالشلوت وطلع يجري وقمر جرت وراه
ناصر: انتي كنتي واقفة تتفرجي ..
قمر: ايوه
ناصر بيبص وراه لقاهم بيجروا وراه:
يارب استرها عليا دا انا غلبان !
وفجأة بيخبط في واحد مغطي وشه وبيقع منه شنطة في نفس الوقت عربيات الشرطة بتكون بتلف في المنطقة..
بيقوم الراجل وبيجري وبيسيب الشنطة ولما الاتنين اللي بيجروا ورا ناصر بيشوفوا عربيات الشرطة بيهربوا
بيكمل ناصر جري ورا صاحب الشنطة..
ناصر : يا استاذ يا استاذ دي وقعت منيك
قمر: كفاية يا ناصر ماعتش قادرة اكمل
ناصر: دي امانة ولازم ترجع لصاحبها ..
فضلوا يجري وراه وهو رافع الجلابية بسنانه …
وقمر بتجري وراه:
الله يخربيتك قطعت نفسي يا شيخ مايغور هو والشنطة وقف وقف .
وقف ناصر:

 

 

وقفت عاوزة ايه انتم اكده الناس الأغنيا مابتحبوش تعملوا الخير واصل اباي عليكم وعلي اللي خلفوكم …
قمر: اقطم واقفل خشمك دلوك بقيت اكده ماشي. .
ناصر: اهيهييي ماتقعدي شوية. ..اخخخخخخخخ
قمر: بالك يا ناصر انا تعبت ومش قادرة أكمل
ناصر بص عليها باهتمام:
وه بعد كل الضحك اللي ضحكتيه ده ومهمومة ليييه
قمر: خايفة من حاچات كتير اولهم عليك عارفة ان نوح مش هايهملك في حالك وهيحاول يئذيك بكل الطرق وانت غلبان
قعد ناصر علي سور وحط الشنطة جمبه:
لاه انا مش غلبان انا في حالي وطيب وابن حلال
كمل بضحك:
بس اللي هايئذيني وياجي علي سكتي دا انا انا …ادعي عليه ليل ويا نهار لحد ما ربنا يجيب لي حقي من حبابي عينيه اههههههه
ضحكت قمر عليه ..
قمر باستغراب:
انت سامع الصوت ده
ناصر: اي صوت..
قمر: دا جاي من الشنطة اللي وياك افتحها وشوفها
ناصر: ايه ايه ايه ايه افتح الشنطة معقول دي امانة.
فجأة صوت تليفون بيرن في الشنطة بيفتح ناصر الشنطة ويطلعه …
قمر: فتحتها دلوك
ناصر: عشان ده هايوصلنا لصاحبها يا فذلوكة
قمر: معلوم !
رد ناصر : الووووووو مش سامعك …
_ماجتش في الميعاد ليه بتلعب بديلك طب اعرف ان امك واخواتك هايكونوا في عداد الموتي قولتلك ماتلعبش مع الكينج
قفل التليفون ونزل لطم…
قمر بخضة: في ايه في ايه ؟!
ناصر: بيقول هايموت امي واخواتي عشان ماروحتلهوشي يلا بسرعة الوقت بيعدي يلا نروح له
قام ناصر مشي بسرعة
قمر جرت وراه: استني يا ابو المفهموية
ناصر: ايييه
قمر: دلوك ده تليفونك
ناصر: لاه

 

 

قمر: دي شنطتك
ناصر: لاه
قمر: اللي كلمك يعرفك !
ناصر: لاه
قمر: طيب الحمد لله فهمت
ناصر: دا وقته دا وقت حديتك الماسخ ده بقولك هايخلص علي امي واخواتي
قمر: ااااه يا حزين المكالمة مش ليك لصاحب الشنطة
ناصر: اه يا لئيمة صوح صوح ! بس اكده امه واخواته بخطر
قمر: واحنا كمان بخطر !
ناصر: انا ماقدرش اشوف حد محتاج مساعدة ومساعدوش
بص حواليه بخوف من الشارع..
ناصر: تعالي نخرج من هنا الأول !
مشي ناصر مع قمر وفي ايدهم شنطهم …
قمر بصت علي بؤجته وضحكت:
ياااه لو كنت دخلت بيها الشقة كان فاتك ههههه
ناصر: عشان انا غلبان سيبتها بره الشقة ربنا دايما ساترني ! والحمد لله ما اتعمليش محضر يلوث سمعتي !
فجأة عربيات سودا بتيجي عليهم وبتحاوطهم…

 

 

ناصر: دا بينه هايبقي مرار طافح ! ارمحي يابت !
طلع يجري زي عادته وقمر وراه والعربيات وواحد طلع منها وطلع مسدس وضرب طلقة و…..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على (رواية قمر بنت الصعيد)

اترك رد