Uncategorized

رواية انفصام الفصل الخامس 5 بقلم سما محمد

 رواية انفصام الفصل الخامس 5 بقلم سما محمد

رواية انفصام الفصل الخامس 5 بقلم سما محمد

رواية انفصام الفصل الخامس 5 بقلم سما محمد

“بعد ما سمعت اللي قالته نيره حسيت اني لازم اوقف الموضوع عند حده مش هسمحله أنه يكسر قلبي كل شوية بالشكل ده”
لبست بسرعة وركبت مواصلات ووصلت الجامعة
لقيت الاء واقفة قولتلها:في اية يا الاء حصل اية
الاء:انا كنت يسأل دكتور مراد عليكي وبقوله انتي عامله اية معاه قالي انك هتشيلي مادته ومش هتحضريله محاضرات طول الترم وانا بقالي ساعة بحاول معاه ومش نافع
_تمام يا الاء انا هتصرف
:هتعملي اية يا فريدة استني طيب 
كنت مشيت وسيبتها ودخلت مكتبه من غير ما اخبط حتي وقولت :احنا لازم نتكلم دلوقتي وحالا
:ازيك يا اختي عاملة اية من ساعة ما العيال كتبوا الكتاب وانا مش بشوفك 
_اديني جيتلك اهو اطمن عليك طمنيني علي فريدة عاملة اية مع مراد
: كويسين ربنا يهنيهم شكلهم كدة بيحبوا بعض
_يا اختي يسمع من بوقك ربنا ويسعدهم الواد مراد غلبني عشان اجوزه 
: وفريدة نفس الحال عيال اخر زمن
وضحكوا هما الاتنين
يا اسطا في هيصة جوا
:في اية يا ابني
_فريدة اللي كانت خطيبتك متخانقة مع دكتور مراد وحالف يسقطها ومتخشلوش محاصرة طول الترم
:اية السبب في كدة
_حكاله اللي حصل
:هو الدكتور ده غبي فريدة كنت بحاول اكلمها وهي رفضت مكناش بنحب في بعض اساسا وانا فكيت دماغي اننا نرجع ده لان شكلها مش هتسامحني ابدا
_ربنا يرزقك بواحدة احسن 
:شوية كدة ونشوف الحوار ده
_انتي ازاي تدخلي المكتب بالطريقة دي
:دكتور مراد انا لحد اللحظة دي هادية وبتعامل براحة خمس دقايق كمان ومش هتعرف مين اللي قدامك
_انتي اتجننتي ازاي تتكلمي بالاسلوب ده يعني عماله تحبيلي في الجامعة وجاية تبجحي كمان
:تمام اوي كدة انت اللي عاوز كدة”شدته من دراعه وطلعت بيه برا الجامعة خالص عند عربيته”
وقالت:افتح العربية
_انتي مجنونة 
بصوت عالي :قولت افتح العربية 
فتح الباب قعدت هي قدام الدريكسيون 
كان لسة هيعترض قالتله:قبل اي حاجه انا اللي هسوق ياريت بلاش مناقشة كتير عشان علي اعصابي 
دورت العربية وخدته علي البحر 
نزلوا هما الاتنين قالها:ممكن افهم اية الهبل اللي حصل ده
خدت نفس عميق وقالت:هتعمل اية لو انت متجوز واحدة وهي شوية تفتكرك وشوية مش تعرف انت مين
_تفرق لو انا بحبها ولا عادي
:لو انت بتحبها
_ده انا هتقطع في كل ثانية بتنساني فيها وفي كل لحظة بتفكرني حد غريب
:ده نفس اللي أنا عايشاه يامراد 
_انتي متجوزة؟
:اه وجوزي تعرفه كويس اوي 
_مين ده 
طلعت الموبايل واديتهوله بص وقال:ازاااي ده انا
اللي في الصورة ده جوزي يا مراد اللي هو انت فعلاً لو مش مصدقني كمان شوف ده ادتله قسيمه الجواز 
فضل يقرأ وقالها:ازاي الكلام ده انا هتجنن ومش فاكر اي حاجه من دي
_شوف الفيديو ده كنا انا وانت امبارح واحنا خارجين 
فضل يتفرج وشاف نفسه بيضحك ضحكة بقاله سنين اتحرم منها كان بيضحك بس معاها معاها وبس
كملت وقالت:انت الصبح بتعاملني كأني انسانه متعرفهاش وعدوتك وبليل تخليني اسعد انسانه في الكون 
فضلت تعيط :تخيل احساسي وانا بناديك وانت تقولي انتي تعرفيني؟ ولا وانت بتهزأني قدام الناس ولا وانت عاوز تسقطني علي كلام محصلش 
جاله وجع في قلبه من كلامها محسش بنفسه غير وهو بيحضنها وبيقولها :اهدي لو سمحتي يا فريدة
فضلت تعيط وهو بيطبطب عليها بعدها طلعت من حضنه لما هديت 
قالها بجدية:فريدة أنا مريض مش كدة؟
_مراد انت بتتخيل نفسك اتنين واحد دكتور في الجامعة وبتكرهني وده فعلاً انت والتاني طالب قدي وبيحبني
قالها:لازم اروح لدكتور وبسرعة مش ينفع افضل أذي فيكي بالشكل ده انا اسف علي اللي انا عملته بس مش عارف لية حسيت بغيره لما شوفتك واقفة مع واحد برا وده اللي أكدلي صدق كلامك فعلا
_اللي شوفته ده كان شادي كنت مخطوبالة بس عرفت أنه بيخوني وهو دلوقتي عمال يتحايل عليا نرجع وانا اللي رافضة 
قالها بتوتر:يعني مش بتحبيه؟ 
_لا انا بحب واحد بس
قالها بضيق :وده مين ده أن شاء الله
_يعني مش عارفه؟
:لا محصليش القرف
فضلت تضحك وقالت:شكلك اية لما تعرف أن ده انت
بصلها بإبتسامه وقالها:مش مشكلة المهم أنه طلع انا في الاخر 
مسك ايديها وقال:هتقبلي تمشي معايا طريق العلاج ده؟
_هفضل معاك لاخر العمر 
:حاله حضرتك حصلت بسبب عامل نفسي وطبعا زي ما قالت آنسة فريدة عامل موت باباك 
قاله بعصبية:مدام مش آنسة
_بعتذر جدا 
فريدة فرحت لما حست أنه غيران عليها 
قاله:طيب العلاج ده هيقعد قد اية ؟
_ده هيرجع للعامل النفسي اللي انت محاط بيه وطبعا مدام فريدة هيبقي ليها عامل كبير في العلاج 
طلعوا من العيادة وقالها: صحيح الشخصية التانية بتظهر امتي؟
ضحكت وقالت_معظم الوقت بليل بس الصراحه شخصية قمر وانا بحبه اوي
:أيوة يعني انا كدة مش عاجبك ولا بتحبيني؟
_صراحة معاملتك ليا متخلنيش احبك خالص
: خلاص اية رأيك نبدأ من جديد بس المرادي انا جوزك وانتي مراتي في الشخصيتين
_موافقة
:طيب يلا
قالتله بإستغراب_يلا اية؟
: الشخصيه التانية بتخرجك وبتحبك وبتهتم بيكي هحاول اقلدها يمكن تحبيني
مسك ايديها وقال:يلا
_يلا
يتبع..
لقراءة الفصل السادس : اضغط هنا
لقراءة باقي فصول الرواية : اضغط هنا
نرشح لك أيضاً رواية دموعها ملاذي للكاتبة مريم حسني

‫9 تعليقات

اترك رد