روايات

رواية حورية الجاسر الفصل الثالث عشر 13 بقلم ملكة القلم

رواية حورية الجاسر الفصل الثالث عشر 13 بقلم ملكة القلم

رواية حورية الجاسر البارت الثالث عشر

رواية حورية الجاسر الجزء الثالث عشر

رواية حورية الجاسر الحلقة الثالثة عشر

يهام بصدمه….عزت يبقي والدك
جاسر…..لا انتي بتخرفي بس انا بابا ميت من زمان
ريهام بدموع…..حوريه صدقيني انا ممكن ادلك علي المكان اللي مراد بيكون موجود فيه دايما بس انقذوه
ايوة انا كمان ممكن اسمعكم المكالمه اللي بيني وبينه تلفوني بيسجل اي مكلمات
ريهام فتحت التسجيل ومراد بيتكلم وفعلا قال اسم عزت
حوريه متكلمتش وجاسر بص ليها….حوريه انتي مصدقه الكلام ده
حورية بصت ليه بدموع وتوهان…..لا يا جاسر مش حكايه اني صدقت بس انا اول ما شوفته حسيت بحاجه بتشدني ليه انا حسيت ان ف صله بينا حتي في الشكل
فايزه في نفسها…..معقول يكون عايش كل السنين دي ومظهرش بس يوم الحدثه كان في جثه واللي اكتشفناه انها جثته معقول يكون حقير للدرجه دي علشان يعمل كده
فايزه…..روح يا جاسر انت وفهد يمكن كلامها صح وغير كده التسجيل بيثبت ده
جاسر بصدمه…..ماما انت مصدقه الكلام ده علي بابا
فايزه…..ابوك ممكن يعمل اي حاجه انتوا متعرفوش حقيقته
جاسر قرب منها…..يعني اي
فايزه…..يعني باباك ممكن يكون سبب موت عمك لانه مكنش متقبله عارف ليه لان عمك ناجح كان بيكرهه يا جاسر وبيحقد عليه متستغربش اتوقع اي حاجه منه

 

 

جاسر بعد عنها…..لا انا مستحيل اصدق الكلام ده
فايزه….جاسر يا بني روح مش هتخسر حاجه لو روحت
ريهام….ياريت تيجوا معايا لان مراد دلوقتي في خطر حقيقي
وكمان لو مش مصدقني مراد هو اللي خطف حوربه والسبب هو عزت علشان يتخلص منها علشان الورث
جاسر بغضب…..عارفه لو كلامك طلع غلط انا هعمل فيكي اي
ريهام برجاء…..اعمل فيا اللي انت عاوزه بس مراد خلينا نلحقه
جاسر خرج بغضب ووراه فهد وريهام اما حوريه كانت واقفه مكانها من الصدمه
جاسر ركب عربيته وفهد معاه وريهام
جاسر بغضب…..قوليلي مكانهم فين
ريهام….في مكان اسمه******
فهد…..واي اللي يخليه يعيش في مكان زي ده
ريهام…..بس مراد مش هو اللي كان عايش هنا وعزت متخبي هناك
فهد بسخريه…..مش عارف ليه مش مصدقك
ريهام….لما تشوف الحقيقه هتصدق
عم الصمت لمده ساعتين ووصلوا الي المكان المنشود كان مكان غريب فيلا في وسط بيوت مهجوره
دخل جاسر وفهد وريهام
جاسر….مفيش حد هنا انتي بتضحكي علينا
ريهام لسه هترد سمعوا صوت جاي من فوق
طلعوا كلهم بحرص
ووقفوا في الطرقه يسمعوا اللي بيحصل
في الداخل

 

 

….خلص عليه ده عرف كل حاجه واكيد هيكشفنا”ولم يكن الا صوت عزت الذي راي في الكاميرات مراد وهو يفتش في الاوراق”
خلص عليه ونكون استريحنا من واحد يبقي فاضل اتنين حوريه وفهد
فهد اتصدم وكمان جاسر
اما ريهام فكانت متوقعه ده
….حاضر يا عزت بيه اللي تؤمر بيه هيتنفذ
كانت الصدمه اكبر علي جاسر….بابا معقول
….روح انت دلوقتي ولما تخلص مهمتك تيجي تاخد فلوسك
فهد وجاسر استخبوا وريهام كمان كان بالها مشغول بمراد وهو فين دلوقتي
جاسر نزل من غير ولا كلمه وهو بيفتكر الكلام اللي سمعه
اتخلص من حوريه الكلمه بترن في عقله
حاضر يا عزت بيه الجملتين دول مش مفارقينه خرج من المكان وركب العربيه وفهد وريهام لحقوه ريهام فضلت ترن علي مراد مش بيرد بيرن ومش بيرد
وصلوا الفيلا وجاسر نزل من غير ولا كلمه طلع علي فوق علي طول
وفهد دخل وهو مصدوم في عمه
حوريه جريت عليه…..فهد طمني الكلام ده حقيقة ولا كدب
فهد….اطلعي شوفي جاسر خليكي جمبه
حوريه…..يعني اي في اي يا فهد
فهد بعد عينيه واتكلم…..يعني كلامها صح
حوريه بعدت عنه بصدمه وفايزه وورد اتصدموا
حوريه بدموع……يعني اي الكلام صح
يعني مراد اخونا يعني انا اتحرمت منه كل السنين دي
والسبب مين عمي
يعني عمي عايش وكل حاجه كدبه وكمان عايز يتخلص مننا علشان الورث ليه ليه قولي بس ليه دمرنا كده
ليه يفرقنا عن بعض بالطريقه دي معني كده ان هو السبب في كل حاجه حصلت معانا لحد النهارده
طيب فين مراد مجاش معاك ليه
فهد….هعرف مكان واوعدك هرجعه بس انتي اهدي واطلعي لجوزك شوفيه اكيد الصدمه كبيره عليه وانا هروح ادور علي مراد
بص لريهام….معاكي صوره ليه

 

 

ريهام هزت راسها ايوة معايا
فهد بص لحوريه…..جاسر مالوش ذنب فاهمه كل ذنبه ان ده بيكون والده
حوريه هزت راسها ولسه هتطلع لقيت جاسر نازل بعد ما غير هدومه
حوريه وقفت قدامه….جاسر انت كويس انا معاك
جاسر مبصش ليها…..هتكوني ازاي مع واحد ابوه قا”تل وهو السبب في موت اهلك
حوريه…..انا هفضل جمبك صدقني انت ملكش ذنب
جاسر…..لا ليا ذنب انه ابويا ان انا ابويا طلع قتا”ل قتله
بس انا مش هقدر ابص في وشك انتي متستهليش كل ده صدقيني انا محبتش ولا هحب كدك انتي طالق يا حوريه

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حورية الجاسر)

اترك رد