رواية عائلة بالإكراه الفصل العاشر 10 بقلم سلمى بسيوني

رواية عائلة بالإكراه الفصل العاشر 10 بقلم سلمى بسيوني

رواية عائلة بالإكراه البارت العاشر

رواية عائلة بالإكراه الجزء العاشر

رواية عائلة بالإكراه الحلقة العاشرة

صحيت عبير من نومها مفزوعه نفس الكابوس اللى مش عايز يفارقها قامت لفت طرحتها عليها وطلعت برا للجنينه تشم هواء على الله تهدا وتعرف تنام تانى
قربت منها خطوات جايه من بعيد ونادى صاحب الخطوات :عبير !!!
اتلفتت عبير وقالت بستغراب : منيره اى لللى مصحيكى لغايه الوقتي

منيره :سمعتك وانتى نازله ..قلقت ..مالك ؟!
كابوس بردو ؟!
عبير بحزن وضعت اديها على رقبتها وكأن دا هيقلل من سرعه نفسها :اه ..نفس الكابوس نفس الليلة المشؤمه
منيره ضمتها لحضنها قالت بغصه : ربنا ينتقملك يا عبير ربنا هياخد حقك
عبير:طب واى العمل يا منيره ..الموضوع بقا ينعكس على تصرفاتى ..ايدى بقت تترعش نفسي يعلى دايما مضطربه وتايهه وحاجات كتير حتى تصرفاتى مع ساره واسلام …انا حاسه انى مصلحش اكون ام يا منيره باللى انا فيه دا

منيره بعدتها عن حضنها وبصتلها فى عنيها : انتى اقوى ست شفتها فى الدنيا يا عبير …فضلتى سنين شايله سر فى جوفك ومبتنطقيش عشان عامله حساب لعشرتنا وانا فى لحظه من غير حتى ما تبررى شيلتك كل حاجه ..استحملتى سنين وربيتى وانتى ساكته ومستحمله لغايه ما طلعتى اتنين بيفتخروا انك امهم وبيذموا نفسهم ١٠٠ مره على غباءهم وظلمهم ليكى ..انتى استحملتى ، سكتى،انتظرتى فرج ربنا واهو ربنا اخيرا عطاكى الفرصه تحكى وتتكلمى ..وربنا معانا …ودايما سامعنا وسامع همسنا فى الليل وهيريح قلبك يا عبير ..اوعى تستهينى بنفسك تانى اوعى تقولى كدا على نفسك ..انتى احسن ام واحسن اخت واحسن صديقه ..واحسن عشره عمر وذكريات ..

وقفت كلامها وعيونها بيتملوا بدمع بتداريه عن عبير …ياريتها كانت زى عبير بتسمع الكل …حاسه ان الدنيا داقت بيها وذنبها بيحرقها حتى لو سامحتها صاحبه الذنب وصاحبه عمرها هى مش قادره تسامح نفسها ..امتلئ صدرها بوجعها على نفسها وحسرتها على تصرفها وقتها بس فى لحظه خبت كل كدا ..وقالت بعد ما خطرت فكره فى بالها : اى رأيك ترجعى تتعالجى عند هيثم …هيبقى احسن مانتى مش قادره تنامى ولا تعملى حاجه
عبير بتفكير : عندك حق فعلا فكره كويسه
اطمن بس على امتحانات اسلام ونشوف الموضوع دا
منيره بتحذير:عبييير !!!…بطلى تتهربى
عبير : والله وعد منى نعدى امتحانات اسلام ونشوف الموضوع دا ..انا اكتر واحده فعلا محتاجاه مش قصدى اتهرب ابدا والله
منيره :طيب يا حبيبتى ..اسلام نام ولا لأ
عبير : نام ساعتين وصحى يكمل
منيره :ربنا معاه يارب ويوفقه
فضلوا قاعدين يتكلموا لغايه ما الفجر اذن ودخلوا هما الاتنين عند اسلام يشوفوه لقوه نايم على الورق فصحوه يصلى ويلبس عشان يلحق امتحانه

★*★*★*★*★

حنان مع ساره فى اوضتهم
حنان :يلا اصحى عشان تصلى بقا دانتى رخمه
ساره :قمت قمت يارزله …هو انتى صحيح مسلفره النهارده
حنان :اه ..يوسف بيقول عندنا ايڤنت مهم
ساره بتفكير وهى لسه نعسانه : اهاا …خلصانه اكيد هيعرض عليكى الجواز هناك
حنان بصدمه :لا لا …اكيد لا
ساره :اكيد لأ ليه …اسلام قالى انه كان هيتجنن عليكى وانتى فى العنايه .. وكان بيجي كل يوم بالليل يتكلم معاكى ونتى مش دريانه
حنان :لا اكيد بتهزرى
ساره فاقتلها :طب والله بجد ..كان بيجى يتكلم معاكى واقولك بقا …قال لاسلام بالحرف انه بيحبك ..وميعرفش يعيش فى الدنيا وانتى مش فيها وانه اتأكد لما عملتى الحادثه وغبتى عن عيونه
حنان مصدومه من كم المشاعر دى وساكته بتحاول تصدق معقوله يوسف بيحبها زى ماهى بتحبه ..قامت هى وساره وصلوا ونزلوا عشان يشوفوا اسلام
××××××××××××××
اسلام نزل الامتحان مصدع جداا جداا وقابل عماد هناك

_اى يصحبى جبت الدواء
_لا والله يا اسلام ملحقتش
_انت بتهزر .. يبنى انا مصدع على اخرى يا عماد
_يا عم معرفتش اتصرف ..ما قلتلك مش من مصر ..وهيقعد كتير عما اجيبه خد اى دواء عما يوصل
اسلام كان متعصب جدا ومصدع لدرجه مش قادر يزعق وسابه ومشى بلا اى رد

############

حنان صحيت على رنه تليفونها وكان يوسف ردت بصوت نعسان
_الو ..ايوا يا يوسف
يوسف سايق وهو بيكلمها ضحك من صوتها :لسه نايمه ولا اى
حنان :اه صحيت على رنتك ..
يوسف :طب يلا فوقى كدا بقا عشان لازم ننزل الشركه
حنان :احنا مش هنروح الغردقه النهارده؟!
يوسف : هنتحرك على الغردقه بليل …دلوقتى هننزل الشركه عندنا اجتماع مهم الاول
حنان : طيب ..ربع ساعه بس انام
يوسف : يلا يا حنان ياحبيبتى هنتأخر
حنان :حااضررر …قايمهه
قفلت معاه وبتبرطم :لازم يعنى …لازم ننزل دلوقتى ..يارب ارحمنى ..(سكتت فجأه وكلمت نفسها) هو قال حبيبتى ..حبيبتى قال يا حنان يا حبيبتى ..
ساره وقتها كانت داخله عليها وشافتها بتكلم نفسها ضحكت عليها :فى اى يا حنان ههه
حنان لسه سرحانه :قالى يا حنان يا حبيبتى
ساره ضحكت على حالها : جننت البنت يا يوسف
★**★**★**★**★

اسلام خرج من اللجنه حمد ربنا انه حل رغم الصداع اللى كان مفرتك دماغه اتصل على امه وطمنها وساره وحنان اتصلوا عليه وطمنهم وروح عشان يذاكر الماده اللى بعدها

**************

يوسف بيتصل بأسراء
_الو يا اسراء
_ايوا يا جو
_فاضيه النهارده بليل
_اشمعن يعنى
_يبنتى اخلصى
_ايوا يعم هو انا ورايا اى يعنى ..
_طيب انا وحنان عندنا ايڤينت فى الغردقه وطبعا كلك نظر مينفعش اسافر انا وهى لوحدنا ..فتعالى معانا ..واهو تغيري جو شويه
_تصدق فكره ..بقالى كتير مسافرتش ..تمام انا معاكوا هتتحركوا امتا وهتقعدوا هناك كام يوم
_ احنا اساسا هنوصل على ١٢ بليل هنام والايڤنت تانى يوم هنتحرك على ٦ كدا ..
_تمم هبقى جاهزه على ٦
##############

ايطاليا
الحوار باللغه العربيه
سليم بيتكلم فى التليفون
_ يعنى اخيرا هنزل مصر
_مش نهائي يا سليم
_ازاى يعنى مش فاهم
_ فى سي دى مهم مع اديل ..واديل الليله هتبقى فى الغردقه مع شركه مهمه المفروض هيتعاملوا معاها ..محتاجين السي دى دا مش اكتر ..وطبعا مش هوصيك السريه …واياك تحاول تتعامل مع حد من أهلك يا سليم
_حضرتك بتتكلم بجد ..هنزل بلدى لمجرد مهمه ..ومش هقدر حتى اشوف اهلى ..انا بقالى ٨ سنين مشفتش مراتى اللى المفروض انها مراتى ولا شفت امى ولا اى حد وكنت طالب من سعادتك مجرد اجازه بس
_سليم ..من امتى القرارات بتتناقش نفذ الاوامر وبس يا حضره الظابط فاهم ..بليل تبقى جاهز ..التذكره اتحجزت ومش عايز مناقشه ابدا

قفل معاه وفضل سرحان نفسه يلمح حبيبته للحظه واحده ..

***************
حنان كانت بتفكر كتير ازاى هتسافر هى ويوسف لوحدهم .. وبعدين هو مش محرم ليها ودايما ابوها كان بيبقا معاهم فى اى سفر اتنهد لما افتكرت ابوها وجبروته وقررت تكلم يوسف فى الموضوع
كانت بتتكلم مع البنات فيديو كول من مكتبها وعرفت من اسراء ان يوسف طلب منها تسافر معاهم ..انبسطت اوى انه فكر فى الموضوع وانبسطت اكتر ان اسراء هتبقى معاها طول السكه

حنان ويوسف مع بعض فى الشركه داخلين اوضه الاجتماعات عشان الاجتماع اللى عندهم
حنان دخلت جوا واتفاجأت ب اديل موجوده
وادايقت جدا لمجرد وجودها بصت ليوسف : ماشاء الله …دى اديل هنا ..
يوسف استعبط :اه ..هى والمدير التنفيذي للشركة

انضموا ليهم والمدير مد ايده يسلم على يوسف وبعدها اديل بس مسلمش عليها فردت هى بعد ما حست بإحراج بفرنسيه طليقه : اسفه نسيت انك مبتسلمش على بنات
يوسف بالفرنسية :مش مشكله ..ممكن نبدأ
حنان انبسطت اوى من تصرف يوسف رغم انه مش جديد عليه بس حست انها مبسوطه بإحراج اديل
بدأوا فعلا وفى تص الاجتماع
اديل :حضراتكوا هتبقوا فى الغردقه بكرا مش كدا فى ايڤنت مهم هناك بكرا
حنان : اه هنبقى موجودين
اديل :طب اى رأيكوا نروح سوا
حنان بدأت تتخنق :ازاى دا
اديل:على نفس الطياره يعنى
يوسف رد عليها : لا ..انسه حنان عندها فوبيا من الطيارات
اديل ببرود : سورى مكنتش اعرف
حنان فى سرها : لا لا بارده بجد
حنان فرحت انه مهتم ولسه فى دماغه تفاصيلها ومخاوفها ودا اثبتلها جزء من كلام ساره انه بيحبها بس ياترى هيتقدملها هناك ؟!

وبعد وقت مش قليل خلصوا اجتماعهم واديل والمدير مشيوا وحنان و يوسف قاعدين سوا

حنان :بس انا مش مرتاحه …حاسه ان وراهم حاجه دا مش اتفاق مستلزمات طبيه ..
يوسف بيفكر: ورقهم مزور
حنان :بتتكلم بجد ؟!
يوسف :ايوا مش مظبوط ابداا ..وبعدين دا مش اسلوب مدير شغال بقاله عشر سنين فى المجال ..دا اسلوب واحد حافظ الكلمتين دول اول امبارح وجاى يقولهم ..
حنان بتفكير :طب هنتصرف ازاى
يوسف: هتصرف انا متقلقيش من حاجه
حنان عيونها خانتها وبصتله وابتسمت بحب : مش قلقانه …
اتنهد تنهيده عميقه وهو بيبص للجميله اللى قدامه ومش متخيله بتعمل في ايه بنظراتها دى
حنان كملت :بس انا لازم اعرف بردو
يوسف :هكلم حازم واعرفك بإذن الله
حنان :ايوا مين حازم
يوسف :دا مدير شركه امن صديقى يعنى
حنان :تمام …صحيح سمير فين بقاله فتره متعرفس خرج ولا لأ
يوسف بضحك :دا كل علقه …لو تشوفى منظره كدا وهو متدغدغ
حنان بشك : اه وانت شفته فين
يوسف :لا دى زياره بسيطه كدا للقسم ..بس اتروق و هيخرج النهارده بكفاله ..
حنان : اهاا ..طب تمام يارب يكون اتربى اليومين دول بس ..انا هرجع تانى عشان اجهز ..
يوسف :تمام متتأخريش …هعدى عليكى انا واسراء
تممت على كلامه ورجعت البيت جهزت شنطه صغيره ليها واتصلت بيه وكان قرب يوصلها نزلت قعدت شويه مع اسلام
‏_اى يا باشا الدنيا عامله اى
‏_الدنيا فيزياء هنا
‏ابتسمت :ربنا معاك يا حبيبى …انا ماشيه
‏اسلام :مسافرة مع يوسف صح
‏حنان :ايون
‏اسلام :ازاى تسافرى معاه لوحدكوا ..اى العبط دا ..انتى سايبه قرطاس فى البيت ..انا اخوكى يا هانم
‏حنان :ولا .. بلاش شغل الرجل الشرقى المنقرض دا اصلا معانا اسراء يا غلس ..كمل فى الفيزياء بقا

سابته وطلعت تطل على امها اللى كالعاده بترغى مع عبير سلمت عليهم وعدت على ساره سلمت عليها
ساره قررت تجهز معرض جديد ليها عشان اول ما تفك الجبس تبدأ فى لوحه المعرض على طول بدون تعطيل

يوسف واسراء وصلوا ونزلتلهم حنان واتحركوا كلهم فى طريق خمس ساعات كله ضحك وهزار ومواضيع كتير والجو كان جميل جداا

وصلوا الفندق وكل واحد اخد اوضه وبدأوا يستقروا ويرتاحوا
***************

سليم وصل مصر اخيرا بعد ٨ سنين غربه ..اتمنى لو يشوف حبيبته ويضمها ويدقق فى ملامحها اللى عشقها بس ما باليد حيله ..وصل الغردقه واخد اوضه فى نفس الفندق

اديل كمان وصلت الغردقه بالسي دى اللى هتسلمه لجهه مجهوله

**************
الصبح طلع واسلام نزل امتحانه التانى وبرضه مبيفارقهوش نفس الصداع المهلك الي ماعدش قادر يستحمله ..والي القهوه مبتعملش معاه حاجه
*******

حنان صحيت على رنه تليفونها وكان يوسف ردت عليه :ايوا يا يوسف
يوسف بإبتسامه :انزلى يلا المطعم اللى تحت عشان نفطر ..
حنان :طب واسراء
يوسف :اسراء بتصحى متأخر يلا قومى

حنان اتأكدت انه هيعرض عليها للجواز تحت
وردت بسرعه:تمام هنزل اهو
لبست فستان سيمبل على حجابها ونزلتله تحت وهو اول ما شافها ابتسم وخطفه جمالها
قعدوا عشان يفطروا وطلبوا فطار وشويه واسراء صحيت اتصلت عليهم وعرفت انهم بيفطروا قررت تنزل تتمشى شويه على البحر
حنان فضلت طول الوقت مستنياه يفتح الموضوع ..شويه والاكل نزل اطباق متغطيه قالت بس …اكيد حط الخاتم فى الطبق بتاعى المتغطى دا وبراحه فتحت الغطاء
بصت للطبق وقالت بصدمه : اى دا
*************

اسلام خرج من الامتحان وسأل عماد تانى بس بردو موصلش للدواء ..كان تعبان جداا وقرر يتصل بالدكتور على اكيد هو دكتور ويعرف الدواء دا
واتصل بالفعل : الو ..ازيك يا اسلام …عامل اى فى الامتحانات يبنى
_الحمدلله يا دكتور على …المهم بقولك ..فى دواء كدا مسكن للآلام واحد صاحبى كان جايبهولى ..بس الدوا دا خلص وانا محتاجه اوى تعرف تتصرفلى فيه لو مش هتعبك معايا

_اكيد قولى اسمه بس وانا هتصرف …
_تسلم يا دكتور بجد ..هو اسمه (…….)
_ايه !!!!!!

*************
اسراء طالعه من اوضتها بعد ما لبست فستان بسيط على حجابها …مشيت شويه فى الممر اللى بيطل على البحر وهى رايحه ناحيه السور شافته ..شافته ..ايوا هو ..هى متأكده كان بيلف عشان يرجع اوضته بصلها وشافها ود لو يجرى عليها ويحضنها نظر لعنيها نظره عى تعرفها واتأكدت مش شكها و همست فى صدمه :سليم !!

يا ترى حنان لقيت اى فى الطبق ؟!!
على هيتصرف ازاى مع اسلام ؟!!
اى اللى هيحصل مع سليم واسراء ؟!!

يتبع ….

• لقراءة الفصل التالي: اضغط هنا
• لقراءة باقي حلقات الرواية اضغط على (عائلة بالإكراه)