روايات

رواية قمر الزين الفصل الأول 1 بقلم مريم محمد

رواية قمر الزين الفصل الأول 1 بقلم مريم محمد

رواية قمر الزين البارت الأول

رواية قمر الزين الجزء الأول

قمر الزين
قمر الزين

رواية قمر الزين الحلقة الأولى

_انتي يا اللي خدتي المشبك اللي وقع.. ارمي المشبك ده تاني
ياختي كل حاجة غليت.. وانتوا ما بتصدقوا تلاقوا حاجة في الشارع
_خلاص ياختي خدي المشبك اهو
محسساني انه دهب وأنا سرقته منك
_ياختي لا تسرقيني ولا اسرقك
ده عاشر مشبك اسيبك تاخديه بس كان بمزاجي على فكرة
_انا نازلة يا ماما عشان اروح الكلية
_ماشي يا حبيبتي خلي بالك من نفسك
_حاضر يا ماما
في الجامعة
دخلت بسرعة عشان الحق الإمتحان
كان عندي إمتحان في كلية تجارة
دخلت واخدت ورقة الإمتحان

 

 

وبدأت احل… في دكتور وقف قدامي فجأة… ومسك الآلة بتاعتي
وفتحها وبصلي واتكلم بصوت عالي
_إيه ده يا آنسة
بصيت في الآلة لقيت قوانين اختي كانت كاتباها في الآلة بتاع تالتة إعدادي
_والله العظيم يا دكتور دي قوانين اختي كتبتها وهي في الإمتحان
وبعدين إحنا مفيش حاجة عندنا بتتكلم عن القانون العام
_عارفة لو كان مكتوب حاجة غير كدة أنا كنت عملت محضر حالاً
_أنا آسفة.. مش هتتكرر تاني
_امسحي اللي مكتوب ده
من حظي أن نور اختي كانت كاتبة بقلم رصاص عشان يتمسح بسرعة
الامتحان كان صعب… بس الحمدلله
حليت اللي قدرت عليه
وأول ما خرجت من الإمتحان
لقيت اللي بتعيط واللي بيغمي عليها
بس أنا مش بحب الإحباط ده.. ولا بحب اراجع عشان اللي كتبته خلاص اتكتب ومفيش فايدة بقى من العياط ولا الزعل
خرجت لقيت ياسمين صحبتي
واقفة مستنياني وهي بتعيط كالعادة يعني
_عملتي إيه يا قمر؟

 

 

_الحمدلله يا ياسمين… اسكتي كان هيتعملي محضر النهاردة بسبب نور الله يسامحها بقى بتغش وتيجي على دماغي أنا
_طب يلا هنعمل إيه
_يلا ناكل كشري وبعدين نشرب عصير قصب
_يلا
في المطعم بتاع الكشري
بصيت جمبي لقيت واحد بيأكل مراته وكانت بتأكله بصتلهم بحب
أول مرة أشوف المنظر ده.. بجد خفف عليا هم الإمتحان
_مالك يا قمر سرحتي في اي؟
_في الحب
_يا بنتي هو انتي مصدقة ان في حاجة إسمها حب.. ده كلام بيضحكوا بيه على نفسهم
_لأ يا ياسمين في حب والدليل على كدة الراجل والست دول.. شوفي بيحبوا بعض قد اي
_ده الحب الممنوع… اللي خلص
يا حبيبتي أيامنا بقت وحشة أوي
وكل حاجة بقت غالية.. فين النفسية اللي تحب وتتحب ونعيش ف جو عبد الحليم وافرح لما يقولي بحبك
_يعني انتي لو حد حبك انتي مش هتحبيه يا ياسمين
_يا ستي هو يجي بس والله هجيب
عارفة البتاع اللي بيمسكوا بيها المجر*مين هجيبها وهربط إيدي ف إيده احسن يهرب ومش هسيبه ابداً بس هو يجي يا قمر 😂😂😂
_ده انتي هتعلميه الأدب
_عارفة نفسي ف واحد زي مهند كدة يدلعني ويحبني ويمسيني ببوسة ويصبحني ببوسة 😂😂
_لأ انتي كدة مراهقة يا ياسمين
مهند إيه وبتاع إيه
مهند ده مفيش منه غير في التمثيل

 

 

لكن يا حبيبتي اللي هنا يمسيكي بعلقة ويصبحك بعلقة.. بوسة إيه بس يا شيخة اللي بتتكلمي عنها
_أنا وانا صغيرة حبيت ابن المستر بتاعي.. كنت في إبتدائي
مرة يا بت يا ياسمين كنت طالعة
على السلم وكنت هقع مسكت في القميص اللي كان لابسه.. ويالهوي يابت يا ياسمين عيني جت ف عينه
وطلعت أجري بسرعة ع الفصل بتاعي ووشي احمر جامد
لقيته جه بعديها بشوية وشدني من شعري.. دي كانت حركة للمحبة عندنا
😂😂😂
_بس عارفة يا ياسمين كان بتاع بنات… ومصاحب دي وكانوا مطلعين إشاعة أن هو بيحب بنت معاه في الفصل وهي بتحبه
من ساعتها وأنا صرفت نظر عنه
وبعدين قابلت واحد تاني كان مُز أوي بصراحة كان عنده شعر يابت شعره لوحده حكاية ولا ضحكته تجنن وربنا 😂☺️
_وبعدين كملي يا حبيبتي
_ده بقى أنا مقدرتش انساه خالص
لأن كل البنات بتحبه وبصراحة هما معاهم حق… كان معايا في درس
وبصيت عليه لقيت الهوا بتاع المروحة بيطير ف شعره وكان قمر أوي… تعرفي كنت بسمع ان لو بتحبي حد.. غمضي عينيكي وانتي تشوفيه.. لما خلصت ابتدائي وبعدت عنه كنت بفتكر ملامحه لما بنام ومرة شوفته وهو داخل السنتر مكنتش مصدقة نفسي.. احلو اكتر من الأول.. بس كان في حاجة ف عقلي بتقولي ان انا وهو مش هنجتمع تاني أبداً
_وبعدين يا قمر
_بالصدفة وأنا بقلب في الانستا امبارح شوفت صورة ليه وهو كبير
واتأكدت أن هو من الصور بتاعته وهو صغير… من غير تفكير بعتله اد
بس بعدها بكام ساعة لقيته كاتب على صفحته انه خطب
متعرفيش حسيت بأي في اللحظة دي.. وبعدين نمت وحلمت بيه بردو
_متتفرجيش على مسلسلات هندي كتير يا قمر… عشان لحست مخك يا حبيبتي
_طب يلا نمشي بقى

 

 

خرجنا من المطعم وروحنا شربنا عصير قصب
وبعدها كل واحدة روحت بيتها
روحت لقيت ماما واقفة في المطبخ وبتحضر الأكل
_إيه يا ماما هو حضرتك بتعملي الأكل بدري كدة ليه
_روحي غيري هدومك الأول.. وبعدين تعالى عشان في موضوع مهم
_حاضر يا ماما
دخلت أوضتي وغيرت لبسي وخرجت روحت المطبخ عشان اشوف إيه الموضوع المهم ده
_خير يا ماما.. إيه الموضوع المهم ده؟
_أنا مش عايزة اموت إلا وانا مطمئنة عليكي يا قمر
_بعد الشر عليك يا ماما… أي لازمته بس الكلام ده دلوقتي
_في عريس متقدملك يا قمر
وجاي هو وأهله النهاردة عشان يتقدملك يا حبيبتي
_بس أنا مش بفكر في الجواز دلوقتي يا ماما
_هو معندوش مانع انك تكملي دراستك يا قمر
_لما يجي بليل يحلها الحلال يا ماما
_ربنا يصلح حالك يا بنتي يارب
الساعة 7 بليل
قومت جهزت نفسي ولبست فستان
وجهزت نفسي… ولقيت الباب بيخبط
_ماما خرجت وفتحت الباب
واستقبلتهم في الصالون
_في إيه يا قمر؟
_مش عارفة يا ماما مكسوفة اخرج
_يا حبيبتي مكسوفة من أيه بس

 

 

يلا بقى وحياتي عندك يا قمر
_حاضر يا ماما
خرجت مع ماما وقدمت العصير
من ما ابص لحد كنت باصة في الأرض من ساعة ما دخلت
_خلاص بقى يا جماعة نسيب الولاد
يتكلموا مع بعض براحتهم
خرجوا برا الأوضة وأنا لسة قاعدة
مكاني وباصة في الأرض
_لسة بتتكسفي زي ما انتي يا قمر
مش عارفة حسيت بشعور حلو أوي اول ما سمعت صوته… ومقدرتش بصراحة ما ابصلوش
قمر بصدمة:ااااانت؟؟!!….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية قمر الزين)

اترك رد