رواية رؤيه الفصل السادس 6 بقلم شهد ياسر

رواية رؤيه الفصل السادس 6 بقلم شهد ياسر

رواية رؤيه البارت السادس

رواية رؤيه الجزء السادس

رواية رؤيه الحلقة السادسة

=ايو…
بصتلي بصدمه و اتقدمت كذا خطوة و وقفت قدامي و اكنها بتتأكد اني حقيقه .
بصتلي بتركيز شديد فعيني وهي بتسأل بدهشه باينه جدا فعينها البني الواسعه ، ياربي .. حتي فدي شبهي دي نسخه مني احنا فعلياً كنا شبه بعض اوي مكنش في اي حاجه تفرقنا عن بعض الا حسنه صغيرة جداً فأخر فكها قالتلي..
=انتي مين؟
_انا ..
~رهف حبيبتي تعالي اتكلم معاكي شوية وانا هفهمك كل حاجه .
كنت هرد لكن ردت الست الكبيرة وقاطعتني .
بصتلها رهف ولسه فعيونها الحيرة والاندهاش وهزت رأسها بالايجاب .
=حاضر يا ماما .
~يلا تعالي
بصتلي وكملت
~استريحي يا حبيبتي لحد ما نيجي .
مستنتش ردي ومسكت ايد رهف ودخلوا اوضه معينه وقفلوا عليهم .
قعدت فترة كبيرة مستنيه مش عارفه اد ايه بس حسيت الوقت بيمشي ببطئ وبعدين لقيتهم طالعين ورهف باين عليها العياط متكلمتش ابدا بس اول ما قومت وقفت لقيتها جرت عليا و حضنتني!!
***

عدا وقت كان كافي شويه بالنسبالي اني اتغير علي الاقل اني اقرأ واتعلم ازاي ابقا اب كويس لابني أو بنتي من رؤي .
كله بيقول أن طريقة تعاملي بقيت غير لدرجه انهم بقا يشكو اني سعد اصلا اتغيرت من الشخص العصبي المتسرع للشخص الهادي الصبور .
وجهت حجات ممكن تظهر اني اتغيرت ولا لا وكانت الاجابه اني اتغيرت .
روحت شغلي انهارده وطول ما انا داخل ببتسم وبصبح علي كل الموجودين ودا غير عادتي طبعا بقا كل الموجودين بيتوشوا وانا عارف انهم بيتكلموا عليا وعلي تغيري المفاجئ دا .
اكيد دا حقهم انا كمان مصدوم ازاي بقيت الشخص دا اه انا كنت كويس فاول جوازنا مع رؤي بس طبعي دا فالشغل كنت حاجه تانيه .
***
= كنتي فين من زمان ؟
سالتني رهف وهي بتعيط و حضناني.
طلعتها من حضني وانا ببصلها وبعافر أن دموعي متنزلش وقولت .
_كنت موجودة بس .. مكنتش اعرف ان ليا اخت ، انا طول عمري فاكرة اني وحيدة اهلي حتي خالتي كانت مفهماني كدا ولما روحت بيت بابا وماما لقيت صورة لينا ومكتوب كلام فضهر الصورة من بابا بتأكد اننا اخوات .
بدأت رهف تهدي وخدت نفس عميق وبعدها قالتلي
=ممكن اشوف الصورة دي؟
_ايوة طبعا .. ثواني .

فتحت شنطتي بسرعه ودورت فيها وطلعت الصورة وادتهالها بسرعه .
بصت رهف للصورة حبه ودموعها رجعت تنزل تاني بس مسحت دموعها بسرعه وهي بتقولي
=ماتوا ازاي؟
_هما كانوا بيشتغلوا مع بعض ففمرة كانوا فشغل فمدينه تانيه ووهما راجعين عملوا حادثه وماتوا .
قربت مني ومسكت ايدي وهي بقول
=احنا اه اهلنا متوفين بس احنا هنبقا اقوي ببعض .
وبعدين سابتها وراحت حضنت مامتها بالتبني اللي كانت غرقانه فدموعها وكملت
=واحنا كمان عندنا احلي مامي جوليا فالدنيا مش كدا يا مامي؟
~اكيد يا روح مامي .. انا لما روحت اتبناكي يا رهف كنت مش فأحسن أحوالي كانت لسه والده وبنتي ماتت وقتها بابا جوزيف خدني ووداني الدار اللي كنتي فيه فالبدايه مش موافقه معتقده انك عمرك ما هتعوضيني عن موت بنتي بس الايام أثبتت العكس كنتي احسن بنت دايما .. وانتي يا رؤي انا عارفه انك مش عرفاني أوي بس انتي كمان هتبقي بنتي .
ابتسمت ليها وانا بقول

_شكرا ليكي جدا .
كنت حاسه براحه جدا ليها كانت شكلها طيب اوي .
استأذنت منهم اني امشي كانوا مش راضيين وخصوصا ماما جوليا .. اه هي قالتلي اقولها كدا فعلا هي شخصيه طيبة وجميله .
روحت البيت و من التعب نمت .
***
عدت فترة وعلاقتي انا ورهف كانت كويسه وانا بدأت بطني تظهر ومع ذلك اشتغلت فمكان تبع العيلة اللي اتبنت رهف وكان دايما سعد بيحاول يكلمني وبعد فترة وافقت إرجعله لما حسيت أنه فعلا بقا حد اقدر اعيش معاه انا وابني وهو اثبت دا و رهف وحسن اتعرفوا علي بعض وحبوا بعض وانهارده فرحهم بس شكلي مش هعرف أحضره !
صوت وانا بعلن موعد ولادتي اللي هو دلوقتي !
جريوا عليا وسألوا الفرح وودوني المستشفي وبعد ساعات كانت أشرقت وإيثار اللي بوظوا فرح خالتهم بس هي قالت إنه عادي وكانت فرحانه بيهم اوي وبس خلصت حكايتنا بعد ما بقينا عيلة كبيرة متماسكه .
يمكن دي كان رؤيه ربنا فأننا نبعد عن بعض لوقت قصير بس نجتمع تاني فالأخر واحنا أقوياء وقادرين نعدي اي صعب يقابلنا . تمت

لقراءة باقي حلقات الرواية اضغط على : (رواية رؤيه)