رواية رؤيه الفصل الخامس 5 بقلم شهد ياسر

رواية رؤيه الفصل الخامس 5 بقلم شهد ياسر

رواية رؤيه البارت الخامس

رواية رؤيه الجزء الخامس

رواية رؤيه الحلقة الخامسة

_ انا مش رهف ، هي رهف عايشه هنا ؟
& مش أستاذة رهف ازاي ! اه حفله تنكريه صح؟
_ لا انا مش رهف .
& خلاص يا استاذة رهف اتكشفتي .. يلا اتفضلي ادخلي الهانم الكبيرة مستنياكي .
دخلت وانا ببص بإعجاب كبير دا قصر مش فيلا كان فعلا تحفه فنيه .
قعدتني فالصالون وقالتلي اني استني هنا عشان الست الكبيرة عايزاني قبل ما اطلع اوضتي .
هي ليه مش مقتنعه اني رهف بجد للدرجه دي احنا شبه بعض مفيش بينا اي اختلاف يعني ؟
قعدت شويه وبعدين دخلت عليا ست كبيرة لبسه لبس نضيف جداً وشكله غالي اوي .. ثواني هو دا مفروض لبس البيت وكدا ؟

لا لا يمكن دا اكيد كانت خارجه ولا حاجه.
نزلت علي السلالم بالراحه وكأنها أميرة ففيلم ووهي نازله بصتلي وابتسمت وهي بتقولي
~رهف حبيبتي كل دا تأخير انا مش مبلغاكي انك تكوني هنا بدري عشان عازمين شوكت باشا وعيلته عندنا أنهارده و …
بصتلي من فوق لتحت باستغراب وهي بتكمل
~ انتي كنتي فحفله تنكريه ؟
مردتش وانا ببص علي لبسي وبقول جوايا ايه المشكله فيه ؟
~رهف مش بتردي عليا ليه ؟
_حضرتك انا مش رهف انا اختها التؤام رؤي .
~ ايه !
***
عدي كام ساعة من ساعة اني شوفت رؤي … من ساعة ما شوفتها وانا بفكر فيها حتي مش عارف انام !
هي دي اللي انا كنت بدور عليها طول عمري بس المشكله أنها متجوزة وانا اكيد مينفعش افكر فيها , انا لازم اطلعها من دماغي .. لازم !
‘حسن يا حسن
فوقت من سرحاني علي صوت امي وهي بتنادي عليا قومت اجري عليها اشوف في ايه .
-ايوة يا امي نعم .
‘ ايه يا بني حسي اتنبح من كتر ما ندهت عليك.
-معلش مكنتش سامع ، كنتي عايزة حاجه يا امي ؟

‘اه يا بني وصلني لحد الدار ربنا يستر طريقك.
-حاضر يا امي عن اذنك اروح البس .
‘واد يا حسن .
-نعم يا امي .
‘مالك يا ولا كدا سهتان كدا ودخلت عليك الاوضه من شويه الاقيك صاحي بس مش حاسس بيا اني دخلت حبه مالك يا ولا ؟ يكونش قلبك المصدي دا حب !
ابتسمت وكنت هرد بس افتكرت الحقيقه المُره وقتها اترسم علي وشي ملامح الحزن ورديت بحزن
-والله يا امي ياريت بس لا .. يلا انا هروح البس عشان اوصلك واروح شغلي .
‘ماشي يا بني ربنا يريح قلبك وبالك يارب .
أبتسمت بحزن وانا بقول
-يارب يا امي ، يلا عن اذنك .
***
صحيت وكنت لسه حاضن القميص اتعدلت فقعدتي وانا ببتسم وبدأت اتكلم وانا ببص للقميص .
+عارفه انا طول عمري بحبك من ساعة ما اتولدتي ، انتي اتولدتي علي ايدي اصلا عارفه قولتلهم ايه وقتها؟ قولتلها دي هتبقا حبيبتي ومراتي كنت طفل صغير يجي اربع سنين كدا ضحكت وانا بكمل
وبصراحه انا مكنتش فاكر خالتك حنان اللي حكتلي وانا مكنتش عايزة اسيبك ابداً ويقولولي هاتها يا سعد امها تأكلها وانا ابداً راسي والف سيف ما اسيبك .. كنت متبت فيكي كدا.
خلصت كلامي ودمعتي نزلت بس مسحتها وقومت لبست ونزلت اروح شغلي .
***

~ بس رهف بنتي ازاي انتي اختها يعني ؟
_انا مقدرة صدمتك اكيد بس هي فعلا اختي بس انا لسه عارفه أن ليا اخت اصلا وكان فدار ايتام .
~ولو كدا بقا فين أهلك اللي رموا طفله صغيرة فدار للأيتام وهما عايشين ؟
_اهلي الله يرحمهم توفوا لما كنت أنا وهي مكملناش ال٣ سنين ووقتها كانت عيلتي اللي بتربينا علي قد حلها فمكنش ينفع احنا الاتنين فودوها دار ايتام وانا اكتشفت بالصدفه اني ليا اخت .
ظهر عليها علامات الاحراج وقالت
~الله يرحمهم .. انا اسفه .
_ولا يهم حضر…
فتحت الباب بنت بشعر قصير اسود يكاد يكون طايل رقبتها ولبسها كان نفس لون شعرها
=مامي انا جيت .
_رهف .

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية رؤيه)