روايات

رواية قمر الزين الفصل الثاني 2 بقلم مريم محمد

رواية قمر الزين الفصل الثاني 2 بقلم مريم محمد

رواية قمر الزين البارت الثاني

رواية قمر الزين الجزء الثاني

قمر الزين
قمر الزين

رواية قمر الزين الحلقة الثانية

_انت العريس
_أيوة أنا
_لأ اهدا شوية وركز معايا… انت عارف مين العروسة؟
_أيوة طبعاً عارف مين العروسة
إيه الأسئلة الغريبة دي يا قمر؟
_يعني انت عارف ان أنا العروسة؟
_والله عارف ان انتي العروسة
اغني هالك يعني ولا إيه؟
_طب هو انت جاي تتسلي ولا عن حب؟
_دي أسئلة تسأليها لعريس متقدملك يا قمر؟
_ما انا مش مصدقة.. ازاي كاتب على صفحتك مرتبط.. وجاي دلوقتي عشان تخطبني… انت مجنون يا ابني ولا إيه؟
_أنا فعلاً كاتب كدة بس ده عشان البنات اللي عمالة تسألني انت مرتبط
ولا لأ… ف روحت كاتب كدة
_طب اشمعني أنا… اقصد يعني أن انت شاب حلو وألف بنت تتمناك
وباين عليك مرتاح مادياً.. ماشاء الله الله أكبر مش حسد والله… أنا عيني مليانة الحمدلله.. بس اشمعني أنا من بين البنات دي كلها
_حبيتك انتي حبيت بساطتك حبيت أدبك.. عارفة يا قمر انا بحبك من وقت ما كُنا في المدرسة.. وأول يوم حبيتك فيه يوم حفلة عيد الأم
لما كنتي لابسة فستان باللون الوردي
ولابسة طرحة من بين كل البنات

 

 

انتي مميزة في كل حاجة يا قمر
وفعلاً اسم على مسمى
_معقولة كنت شايفني من بين كل البنات اللي كانت موجودة في الحفلة وكمان لابسة طرحة…ده أنا قولت انت بتبص على تسنيم ولا على سيلا اصل البنات دي اللي كانت
بتعمل شعرها كل يوم قصة جديدة
_أنا مش باخد بالمظاهر يا قمر.. انا سألت عليكي ومش قادر اقولك الناس بتشكر فيكم قد إيه. ومن قبل ما اسأل أنا متأكد من أخلاقك
مش عارف اقولك ولا اتكسف منك
أنا بحبك من وإحنا ف درس العلوم
فاكرة لما بصتيلي ولقتيني بصتلك
_اه فاكرة
_دي كانت نظرة حب مش نظرة صدفة خالص
_اقولك على حاجة بس متضحكش عليا
_ماشي
_أنا مش مصدقة أن انت واقف قدامي دلوقتي… وإن انت العريس اللي متقدملي… أنا بجد مش قادرة أصدق اللي شايفاه
_لأ صدقي يا قمر.. صدقي عشان انتي تستاهلي كل خير
_هتستحملني وهتستحمل خلقي الضيق بسبب المذاكرة بتاعتي
_هستحمل كل حاجة عشان خاطر العيون الجمال دول…والله هستحمل كل حاجة عشان الحب اللي حبتهولك يا قمر… متعرفيش أنا كنت بدعي كل يوم وأنا بصلي إنك تكوني من نصيبي وتحبيني زي ما بحبك
_لسة في حب زي اللي شوفته في محل الكشري
_لسة في حب زي اللي شوفيته يا قمر
_هتقف جمبي ف أصعب أوقاتي ومش هتتخلي عني مهما يحصل
يا زين
_أوعدك ان أنا أكون صديقك وحبيبك واخوكي وجوزك وابوكي وكل حياتك يا قمر
_بس انت عرفت عنواني من مين؟
_اللي يسأل ما يتوهش.. وأنا بقى سألت وعرفت العنوان وكلمت بابا وماما وجبتهم على طول.. قبل ما حد يجي وياخدك مني
_عندك كام بنت علي الأكونت بتاعك
من غير كدب يا زين
_عندي خمسين بنت بس والله ما كلمت واحدة منهم ولا حتى اعرف أسمائهم عشان هما كاتبين على الأوكنتات بتاعتهم ألقاب

 

 

وكذا إسم بس أنا مكلمتش واحدة منهم والله العظيم.
_خلاص مصدقاك يا زين
_تعرفي يا قمر أنا كنت بتابعك من بعيد وبتابع البوستات اللي بتنزليها على صفحتك.. وحافظهم بوست بوست وكلمة كلمة…وفاكر اليوم اللي
ركبت فيه المترو وشوفتك وانتي بتنزلي كنتي بتتكلمي في التليفون
_ها بقى موافقة
_………..
_مبترديش ليه؟
_لأ اصل سرحت شوية..
_في إيه؟
_في كلامك اللي مش مخليني مستوعبة اللي بيحصل ده
_طب موافقة ولا لأ
_موافقة يا زين
_خرابي يا ناس ع زين اللي مسمعتش زيها خالص
_خلاص بقى عشان انا بتكسف
_ما انتي بتتكسفي على طول
ايه يا ولاد اتفقتوا ولا إيه؟
_إيوة يا طنط الحمدلله
الخطوبة الأسبوع الجاي أن شاء الله
_الف مبروك يا روح قلبي
وأخيراً هتفرحي قلبي
واليوم عدي بس أنا لسة مش مصدقة اللي حصل واللي هيحصل
يمكن عشان متخيلتش أن زين ممكن يحبني في يوم من الأيام
عشان انا بنت بسيطة وعايشة في مكان على القد ومش بلبس كل يوم لبس شكل
مرت الأيام بسرعة أوي وجه يوم الخطوبة اللي كنت سعيدة جداً
فيه.. ولبست فستان جميل أوي ماما كانت مجهزة هولي على إيديها… نسيت اقولكم ماما بتشتغل ترزية
بس الجيران كلهم بيعملوا حاجتهم عندها عشان بتعملها حلو أوي
المغرب اذن وزين جه هو وعيلته
والمرادي كان جايب معاه خالته وبنت خالته اللي كانت عمالة تبصلي من فوق لتحت وتنكة أوي في نفسها
بس أنا معملتلهاش اعتبار وكنت فرحانة جداً
مش هقولكم بقى زين كان بجد زين
يعني كان حلو أوي ومحترم جداً
ولما لاحظ نظرات بنت خالته ليا
راح بصلي ومسك إيدي وكلمني
وقالي:هو انتي مش حابة تبصيلي
ولا إيه…ولا شيرين شاغلة بالك

 

 

_لا أبداً بس هي عمالة تبصلي من ساعة ما جت نظرات مش حلوة خالص.. هو انا عملت حاجة زعلتها يا زين
_لأ طبعاً يا حبيبتي.. وبعدين انتي متشغليش بالك بيها هي كدة على طول.. وبصراحة ليها حق تبصلك كدة… عارفة بتبصلك كدة ليه؟
_ليه؟
_عشان انتي أحلى منها.. وحاجة كدة قمر يا قمر
_بجد انت عوض من ربنا يا زين
_وأنا بحبك يا قلب زين
_خلاص بقى عشان انا عايزة اكمل اليوم.. عشان شيرين هتقوم تصوت دلوقتي
_تعمل اللي هي عايزاه أنا ميهمنيش حد غيرك يا قمر
_وأنا ميهمنيش حد غيرك يا زين
خلصت الخطوبة ومشى زين وعيلته
وفضلت قمر تتكلم هي ومامتها على اللي حصل في الخطوبة
في بيت زين
المنبه رن وكان عامله على صوت قمر وهي بتقوله بصوت عالي اصحا يا زيننننن
زين بنوم:خلاص صحيت يا قمر صحيت والله خلاص بقا
وقام وراح الجامعة
ومرت الأيام وجه يوم الفرح
المأذون بعد ما خلص كتب الكتاب:بارك الله لكما وبارك عليكما وجمع بينكما في خير
أول ما زين سمع الكلمة دي.. جرى على قمر وحضنها بلهفة وبجد كانوا فرحانين أوي
قمر كانت بتعيط من شدة الفرحة
_ليه بقي العيون الحلوة دي تعيط
_عشان مش مصدقة يا زين
مش مصدقة أن أنا خلاص بقيت ملكك وانت ملكي وإننا مع بعض دلوقتي… انت احسن حاجة في حياتي يا زين
_وانتي أهم إنجازاتي يا روح قلب زين
واشتغلت اغنية وأخيراً لتامر حسني
وكلهم كانوا بيغنوا مع الأغنية
زين بسعادة :وأخيراً جه اليوم اللي ابقى معاك شوف كام سنة بستناك
ولا مرة تعبت وقلت ده حب خيال
قمر بحب:اتفرج بقى هعملك إيه
أنا قلبي حافظت عليه.. اوصفلك إيه مش لاقي كلام يتقال
وكملوا الأغنية وهما فرحانين أوي

 

 

يوم فرح ياسمين صديقة قمر
مش قادرة اقولكم ياسمين كانت مشغلة الأغاني من الساعة 8 الصبح
مسابتش اغنية ومشغلتهاش
في الفرح بتاعها😂😂😂
في الفرح اشتغلت اغنية أخيرا اتجوزت.. وياسمين مسكت المايك وكانت بتغني مع الأغنية وهي ماسكة إيد وليد جوزها
ياسمين:مبروك عليا الفرح وعريسي والدخلة… ولو محدش زغرطلي والنعمة ما أنا داخلة… وأخيراً اتجوزت وماعدش ناقصني حاجة
محدش له كلمة عليا ولا حد له عندي حاجة…هيمسك إيديا براحته وأنا همسك إيديه.. وهيدلع عليا وادلع عليه.. . وخلاص هنعيش حياتنا ونظبط نفسنا أن شاالله نعيش في عشة مادام مع بعضنا
ولحد ما نروح بيتنا هنغني وهنرقص
وهعمل اللي أنا عايزاه هفطر واتعشي معاه…. وناخد راحتنا حبه ونبطل نستخبي… هنروح وهنيجي على كيفنا مش هنخاف حد يشوفنا
ومن النهاردة أنا حره.. ان شاالله ابات بره مادمت هبات معاه
وكان يوم جميل بجد والله
نصه حب ونصه كوميدي 😂♥️
بعد مرور سنة ونصف
كانت قمر خلفت بنت زي القمر وسمتها مليكة.. . وكانت متفقة جداً
مع زين وبيدعموا بعض علي طول
في يوم زين رجع من الشغل لقى قمر مجهزة كل حاجة وحاطة شموع على سفرة الأكل وكانت لابسة لبس جامد وكانت قمر أوي وودت مليكة تحت عند حماتها. وحماتها بتحب مليكة أوي
_إيه ده يا حبيبتي هو انتي قد اللي انتي عاملاه ده
_لو مش قده مكنتش عملته يا زين قلبي
_مش قادر اقولك قد إيه انتي سبب في إبتسامتي وراحة بالي لما باجي البيت
_طبعاً يا حبيبي.. وأنت كمان سبب سعادتي وكل حاجة حلوة ف حياتي
زين وهو يحملها ويتجه إلى غرفتهم

 

 

وطبع قبلة على شفتيها بعشق
_نفسي اسمع منك كلمة يا قمر
_إيه هي يا حبيبي
_قوليلي أنا ملكك يا زين ملكك انت وبس
_أنا ملكك يا زين روحي وعقلي وقلبي وكل حياتي ملكك انت وبس يا حبيبي♡
_وانا ملكك يا قمر الزين ملكك انتي وبس يا حبيبتي ♡
تمت…

لقراءة باقي حلقات الرواية اضغط على : (رواية قمر الزين)

اترك رد