رواية المنبوذة الفصل الرابع عشر 14 بقلم جيجي

رواية المنبوذة الفصل الرابع عشر 14 بقلم جيجي

رواية المنبوذة البارت الرابع عشر

رواية المنبوذة الجزء الرابع عشر

رواية المنبوذة الحلقة الرابعة عشر

مريم:نزلت من التاكسي فى المكان اللِ وقفت فيه عربيه كريم …وبشوف ايه المكان ده..لقيته كافي شوب…دخلت بهدوء جوا الكافيه ولقيت كريم مع ماهيتاب على طاوله وماسك ايديها…
حاولت اتماسك وقربت منهم بس شكلهم ماكنوش حاسين باللِ حواليهم ..وسمعت كريم بيقولها انا بحبك يا ماهي ومش هقدر ابعد عنك..ومش عارف اتصرف ازاى مع مريم ….
مريم بمقاطعه لكلامه: لا متشغلش بالك مريم خلاص عرفت وفهمت كل حاجه مش محتاج تفهمنى…عارف انت اقذر انسان انا عرفته..
ماهيتاب:مريم اسمعى بس..احنا..
مريم:انتى تخرسي خالص انتى خساره فيكى كلمه اختى ..من النهارده انا مايشرفنيش انك تكونى اختى….عارفين انتوا ليقين على بعض اوى انتوا شكل بعض…خاينين
……وجريت من المكان دا وانا مش شايفه الطريق من كتر دموعى…واول تاكسي شوفته وقفته على طول وروحت البيت وانا منهاره حرفياً…
بس عارفين ما دخلتش شقتنا…دخلت شقه عمى عمر هو اللِ هيفهمنى…
ترن ترن ترن
عمر:مريم!!!!مالك يا بنتى في ايييه حد حصله حاجه اخويا كويس ما تتكلمى مالك..
مريم :حضنت عمى وانا منهاره مش قادره اتكلم….
عمر:طيب ادخلى جوه…هروح اجبلك مايه..
عمر:هاه هديتى مالك …قلقتينى عليكى…حصل ايييه فهمينى يا بنتى.

مريم: هئ هئ هئ بيخونى يا عمى بيخونى….
عمر:لا حول ولا قوة الا بالله .. مين يا بنتى…واحده واحده وفهمينى…
مريم ببكاء:كريييم بيخونى مع اختى ماهيتاب يا عمى كانوا مع بعض فى كافيه وسمعته وهو بيعترفلها بحبه وانه مش عارف يواجهنى ازاى…انا كنت حاسه بكدا من الاول اختى يا عمى اختى عارف يعنى ايه اختى بتطعنى فى ضهرى وانااا اللِ سيبت زيااااد علشانها …علشان كنت فاكره انها بتحبه ومقدرتش اكسرها لان بالنسبه ليا اختى ابقاااا ليه من اى حد…تعمل فياااااا اناااا كدا….
عمر: اهدى يا بنتى ماتعمليش فى نفسك كدا.. هتموتى نفسك ما فى دااااهيه كريم….بس انتى واثقه ان اختك على علاقه مع كريم…ان بعض الظن اثم…. اتأكدى الاول..
مريم ببكاء: يا عمى انا كنت بقالى فتره شاكه فى ماهيتاب…عارف من امتى من ايام ما كنت فى المستشفى لما حاولت انتحر وهى تصرفاتها مريبه مع كريم وانا سكت وماردتش اتكلم واقول لبابا ولا لماما لانهم ممكن مايصدقونيش….قولى يا عمى انا بيحصل ليييه معاياااا كدا الاول قولت يمكن علشان ما كونتش حلوه وكلهم كانوا بيتنمروا علياااا ودلوقتى بعد لما بقيت حلوه برضوا ما سلمتش منهم…..يااارب اموت واريحكم منى انا تعبت والله تعبت يا عمى.
عمر:ماتقوليش كدا….استغفرى ربنا…مفيش حاجه تستاهل لقهرتك بالشكل دا…يغوروا هما الاتنين ..فى مثل شعبى بيقول الطيور على اشكالها تقع…..ربنا هيعوضك باللِ احسن منه الف مرة وابقى قولى عمى قالى….
مفيش حاجه تستاهل دموعك….صدقينى هو اللِ خسرك …..
اهدى يا بنتى وادخلى نامى فى اوضه زياد….وانا ليه كلام مع ابوكى…متقلقيش استريحى انتى بس….
منصور:ايييه الكلام اللِ بتقوله دا يا عمر….مش ممكن ماهيتاب تعمل كدا..
انا هناديها بنفسي….مااااهيتاااب مااااهيتاااب….
ماهيتاب بخوف وتوتر:ايوه يا بابا عاوز حاجه…
منصور: ايييه يا بنتى الكلام اللِ سمعته دا
ماهيتاب:ك كلااام ايييه!!!
منصور:على اخر الزمن تخطفى خطيب اختك وتقهريها….
ماهيتاب: انا وكريم بنحب بعض….و..ااااااه انت بتضربنى يا باباااا…

منصور:وأكسر دماغك وعضمك كماااان….انتى اييييه حلوفه مش بتحسي دى اختك لحمك ودمك…ازاى تعملى فيها كدا..
ماهيتاب ببكاء:اختك اختك…اناااا زهقت اختى هى السبب ان زياد مايحبنيش ويسبنى ويطلقنى…وكريم حبنى انااا مش هى خلاااص بقاااا سيبونى اتجوز اللِ بيحبنى وانا بحبه وعايزه اتجوزه …الدنيا مش بتدور حوالين الست مريم….
مريم:عندك حق…انا موافقه يا بابا ان ماهيتاب تتجوز كريم بس بشرط انا عاوزه اكمل دراستى برا انا مش قادره اتعامل مع الناس اللِ هنا ولا حتى قادره اتعايش مع عيلتى…
سوسن:عاوزه تسافرى يا بنتى تانى وتسيبينا….
مريم بسخريه:ههه اوعى يا ماما تقولى انى بوحشكم ولا حاجه…دا انا ساعات بحس انكم بترموا ورايا قُله….
سوسن:احنا بنحبك يا مريم…ليه بتقولى كدا احنا اهلك….
مريم:اهلى ولا زمالك ههههه …انا بريحكم منى وخصوصا بريح ماهيتاب من حضورى لانه بيزعجها…على العموم ارتاحى يا ماهيتاب انا ماشيه وسيبهالك بس افتكرى انك موتى بالنسبالى ماعدش ليكى وجود انتى انتهيتى ….اتهنى بكريم…
منصور:انتى متأكده يا بنتى من قرارك…
مريم بتنهيده طويله: ايوه يا بابا ومن فضلك انا عاوزه اسافر انجلترا مجال دراستى هيكون احسن هناك…بيهتموا اوى بالفنون…
عمر:هتوحشينى يا مريومه….انتى كنتى مونسانى بعد سفر زياد اعمل ايه دلوقتى من غيركم…
مريم:ماتقلقش يا عموره انا مش هسيبك هكلمك كل يوم فيديو كوول لغايه لما تزهق منى…
……..بعد مرور شهرين
كريم:انا فرحان اوى ان النهارده يوم فرحنا.. انا بحبك اوى يا ماهي….
ماهيتاب:امممم وانا كمان فرحانه..
كريم باستغراب:دا صوت واحده فرحانه بفرحها….مالك حد ضايقك…مريم اتصلت بيكى ضايقتك بكلمه..
ماهيتاب: لا ما اتصلتش بالرغم انها عارفه انه يوم فرحنا….
كريم:مهو دا طبيعى انتى عارفه حساسيه الموقف هتقولك ايه يعنى مبروك انك هتتجوزى خطيبى….!!!
ماهيتاب فى نفسها: كنت عاوزه اشوف قهرتها ولا حتى اسمع صوتها وهى منهاره علشان ابرد نارى منها.. بس ملحوقه انا هتصرف.
كريم: الووو ماهي انتى روحتى فين مش بتردى ليييه…
ماهيتاب:معلش يا كريم هقفل معاك علشان ميك اب ارتست بتحطلى المكياج سلام دلوقتى….
زياد: الوو ازيك يا بابا عامل ايه وحشتنى اوى…بقولك ايه هتصل بيك فيديو كول…
ايه ده يا عموره انت عجزت ولا ايه …
عمر:اتلم يا زفت عموره فى عينك قول بابا…مفيش غير مريومه هى بس اللِ بسمحلها تقولى عموره…
زياد:امممم بس ايه الانوار والزينه دى اللِ حواليك….اوعى تقولى انه فرح مريم!!!!

عمر:هو فرح كريم بس مش مريم….
زياد:مش فاهم هو كريم هيتجوز نفسه. …
عمر:افهم يا غبى…دا فرح كريم على ماهيتاب..
زياد بعد لحظات من صمت: كريم هيتجوز ماهيتاب…!!!انا كدا فهمت صح مش كدا….
عمر:ايوه فهمت صح….
زياد:ازاااى ومريييم… ايه اللِ حصل ومقولتليش ليه ان مريم وكريم سابوا بعض…..
عمر:وده هيفرق معاك فى ايه…
زياد:باباااااا انت هتجننى…انت عارف سبب غربتى عن بلدى ايييه…وانا بحب مين….وبعد دا كله بتسألنى هيفرق معايا ايه اعرف ان مريم مش هتتجوز ولا هتسيبنى وتروح لحد غيرى..
عمر: كفايه لحد كدا الناس اكلت وشنا بعمايل بنت عمك ماهيتاب …الناس بتقول عليها خطافه الرجاله ومش اى رجاله دى خطفت خطيب اختها وطفشتها من بلدها….
زياد:قصدك ايه بطفشتها من بلدها…هى مريم فييين…!!!!
عمر:فى انجلترا بتدرس فنون …مش فاهم بالظبط حاجه زى كدا…
زياد:لوحدهاااا!!!! قاعده لوحدها فى بلد غريبه…ماحدش معاهااا
عمر:هى مش صغيره يا زياد وهى كبيره وواعيه..
زياد:كبيره ايييييه ازاى عمى يسمح بكدا….وهى سافرت من امتى….
عمر:تقريبا من شهرين…
زياد: وهى بتتصل عليكم …يعنى ايه اخبارها.
عمر: بتتصل بس مش بشكل دائم…
زياد: طيب تعرف عنوانها هناك. ….
عمر:اه اعرف بتسأل ليه اوعى يكون اللِ فى دماغى صح..
زياد:اه صح…. انا هروحلها اطمن عليها انا مش عارف عمى ومراته معجونين من ايه ازاى يسيبوا بنتهم لوحدها فى بلد غريبه…

عمر:انت صحيح معلقتش على جواز ماهيتاب وكريم ليه…
زياد: علشان مايهمنيش يتجوزا ولا يتزفتوا….ربنا يهنيهم….سلام بقى يا بابا….
زياد:الوووو شركه الطيران لو سمحتى عاوز تذكره لانجلترا النهارده لو سمحتى….ميرسي جدا…
زياد: اخيرا وصلت انجلترا…فين العنوان.. اهه كويس ان بابا بعته واتس اب….taxi
….ايوه هى دى العماره بس الدور الكام ..هروح اسأل الراجل اللِ نازل من العماره…
Please, can you help me?
الرجل:of course..
زياد: which apartment ,does marim live in?
الرجل:ooh, marim …she is a beautiful girl…
زياد: What did you say?
الرجل:Are you anew boyfriend?
زياد: الراجل دا شكله مجنون..
مريم:زياااد!!! بتعمل ايه هنا….
زياد:مريم!!!!! ايييه اللِ مهبباه فى نفسك دا

يتبع…

• لقراءة الفصل التالي : اضغط هنا
• لقراءة الرواية كاملة اضغط على : (رواية المنبوذة)