رواية بين عالمين الفصل الرابع 4 بقلم هنا محمد فهيم

رواية بين عالمين الفصل الرابع 4 بقلم هنا محمد فهيم

رواية بين عالمين البارت الرابع

رواية بين عالمين الجزء الرابع

رواية بين عالمين الحلقة الرابعة

بعد ١٤ سنه عند فرح
صفا بتصحي من جمب كريم و بتقوم تحضر الغدا و بتروح تصحي فرح
صفا:قومي يا فرح ….قومي هتتأخري علي صحابك
فرح:يا ماما سبيني شويه كمان
بيرن جرس الباب ف بتروح صفا تفتح و بتكون ريتاج
ريتاج:الابله لسه مصحتش من النوم
صفا:لسه مش عايزه تقوم واخوكي كمان لسه نايم
ريتاج:سبيلي انتي فرح و روحي صحي جوزك
صفا:ماشي
ريتاج بتخش اوضه فرح و بتقول :قومي يا فروحه هتتأخري علي الحفله
فرح بنوم:يا ريري سبيني شويه كمان بقي
ريتاج سكتت و بعدين بشويه راحت تزغزغ فرح
ريتاج بضحك:قومي بقي يا لمضه
فرح فضلت تضحك وريتاج كمان
كانت صفا وكريم بيبوصلهم بحب وهما واقفين علي الباب و كريم قال:من ساعة ما ريتاج بقت عمتها وهما الاتنين متفاهمين جدا مع بعض …تحسيهم اخوات و ريتاج اختها الكبيره

صفا:فعلا عشان ريتاج برضو سنها مش كبير اوي ف فرح بتعتبرها اختها الكبيره
بيفضلوا يبوصولهم لحد ما صفا بتخش و بتقول:مين حبيبة ماما اللي هتتخرج انهارده
فرح:ماما انا بقتش صغيره
صفا و هي بتحضنها :عارفه ….انتي مش متخيله انا فخوره بيكي قد ايه
بيفضلوا شويه حاضنين بعض لحد ما فرح بتقول بسرعه :هي الساعه كام
صفا:٢ و نص
فرح:انا نمت كل ده
ريتاج :مانتي اللي بتسهري للصبح …بذمتك نايمه الساعه كام امبارح
فرح وهي بتهرش في شعرها:احم …يعني ٧ كده ولا حاجه
كريم:اه منك انتي …طب يلا يلا عشان نتغدا و ننزل يا دوب
فرح:ماشي
بيتغدوا و بيبدأوا يلبسوا عشان حفلة التخرج
فرح قابلت صحابها و حضنوا بعض و بدأوا يتصوروا مخدتش فرح بالها من اللي بيراقبها في صمت و بيصورها كمان من ورا الشجر و بيبعت لشخص ويقول:انا في المكان اهو و دي هي البنت
مبيوصلهوش رد و بيدخل الفون في جيبه و بيمشي

بتستلم فرح الشهاده و كل صحابها بيستلموها و بيرموا قبعة التخرج في الهوا و هما مبسوطين
فرح وصلت عند اهلها و حضنتهم و قالت:فين هديتي
ريتاج:كنا ناويين ندهالك لما نروح بس نعمل ايه مفيش صبر
بيحضنها كريم و بيقول:مبروك يا حبيبتي …بيطلع شنطة هدايا و بيديهالها و بيقول:افتحيها
بتفتحها و بتتصدم و تقول:ايفون 12 برو ماكس شكرا يا احلي بابا و بتروح تحضنه
الكل بيبص لبعض هي عمرها ما ندهته < بابا >
بادلها الحضن هو كمان و بيقول:احلي كلمه سمعتها منك
فرح كانت بتفكر في كرم و انها كان نفسها يبقي معاها في اليوم ده ..طلعت من حضن كريم و لمست علي السلسله بحزن والكل لاحظ تغيرها المفاجيء
ريتاج :يلا …انا عازماكي علي بيتزا يا فرح
فرح:لا بقي كده كتير بجد يا ريت اتخرج كل يوم
صفا:بنت …متتعوديش علي الدلع ده هو بس عشان انهارده يوم مميز مش اكتر
فرح:يا ماما بقي بطلي تفسدي فرحتنا ويلا عشان انا جعانه اوي
صفا:مش احنا لسه واكلين قبل ما ننزل ناقصه تاكليني وانا واقفه
ريتاج بضحك:قصدك تاكلنا كلنا دي بلاعه
فرح بزعل مصطنع:عمتو

ريتاج بضحك :خلاص خلاص …تعالوا يلا
بيروحوا المطعم و بيدخلوا لكن فرح بتخبط في حد وبتقول:اسفه
ولكنها بتلاحظ نص السلسله اللي ادتها ل كرم قبل ما يسافر في رقبة الشخص ده
فرح:لو سمحت
كان الشخص ده لابس اسود في اسود و كاب اسود و كمامه سوده كان بيحاول يداري وشه واول ما سمعها بتنده له عمل نفسه مش سامع وقام مشي
فرح:استني …حضرتك ثانيه واحده.
صفا:في ايه يا فرح
فرح وهي بتبص لمكانه:ولا حاجه يا ماما تعالوا يلا ادخلوا
بتفضل تبص وراها كتير لحد ما بتدخل المطعم و طول القعده فرح كانت سرحانه
ريتاج:مالك يا فرح سرحانه في ايه
لكن فرح مبتسمعهاش في بتشاور ريتاج بايديها قدامها و بتقول:فرح
فرح بتتخض و بتقول بارتباك:ايوه يا عمتو
ريتاج:كنتي سرحانه في ايه كده
فرح بابتسامه:ولا حاجه …كملوا اكل

بيكملوا اكل فعلا لكنهم كانوا مركزين مع فرح اللي سرحت تاني
برا المطعم
بيقلع كرم الكاب و الكمامه و بيتنهد و بيقول:الحمد لله ..و بعدين بيقول:.انا اسف يا فرح بس مش هقدر اخليكي تشوفيني وانا كده معيش اي حاجه هاجي اتقدملك وانا مفلس ازاي
بيقوم من علي الارض و بيمشي و بيلبس الكاب و الكمامه تاني
في بيت قديم
دخل كرم البيت و بيخش يقعد علي كرسي قديم ف بيقع كرم من عليه بينفخ و يقول:يوووه بقي انا تعبت
قعد علي الكنبه و قال:يارب ارزقني يا رب رزق كبير عشان اعرف اتقدملها …بيدخل يتوضي و يصلي و يدعي كتير في صلاته عشان تكون ليه
عند فرح
بتفضل طول الوقت تفكر فيه وهي بتعض فس ضوافرها و بتكلم نفسها و تقول:انا متأكده انه هو …بس ازاي كان زمانه جه و سلم عليا علي الاقل و بعدين انا هعرف شكله منين يمكن انا عشان هو واحشني تخيلت السلسله في رقبته ولا حاجه ….اكيد
بتطلع السلسله و بتمسكها وهي بتفتكر طفولتها معاه ابتسمت و باست السلسله و قفلت النور ونامت
تاني يوم الصبح ..

بتصحي فرح علي صوت زغاريط ف بتستغرب و تقول :عريس تاني ولا ايه ع الصبح
بتقوم و بتلاقي عمتها و مامتها و جوز امها موجودين و بيضحكوا
فرح:الله الله الله بتضحكوا من غيري …في ايه وايه الزغاريط دي
صفا بفرحه:قولي مبروك لعمتك في حد عايز يتقدملها و عايز يحدد ميعاد مع كريم
فرح:بجد….وراحت عند ريتاج وحضنتها و قالت:الف مبروك يا ريري بجد فرحتلك اوي
ريتاج:حبيبتي يا فروحه عقبالك
بتبتسم فرح وهي بتفتكر كرم و تقول:يا رب
ريتاج:الحمد لله جالي العوض بعد المتخلف الاولاني ده
صفا بابتسامه:انا هعمل حلويات بالمناسبه دي
ريتاج:خليني اساعدك
فرح:وانا كمان
صفا:طب يلا ورايا علي المطبخ
بيبدأوا يحضروا جيلي و كيكه و عصير و بيحضروا الغدا مع بعض في سعاده لحد ما بيجي مكالمه لفرح و بيكون رقم غريب
فرح :الو ….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية بين عالمين)