رواية كسرة القانون الفصل الخامس 5 بقلم أودي الفرجاني
رواية كسرة القانون الفصل الخامس 5 بقلم أودي الفرجاني
رواية كسرة القانون البارت الخامس
رواية كسرة القانون الجزء الخامس
رواية كسرة القانون الحلقة الخامسة
في يوم كان يوم أثنين
هيثم كان برا الجامعه وبعد خش شاف وحده
امقعمزة ع مقعد تبكي
هيثم قرب شورها وبعد لقاها آيات جاها يجري
هيثم: آيات كنك
آيات😭
هيثم أبخوف😟: احكي كنك في حد دارك حاجه ولا حد ضايقك
آيات مدت لي هيثم أوراق
هيثم بستغراب🤔: شنو هذا
آيات: افتح شوفهن
هيثم فتح وقعد ايبحت فالأوراق كانن أوراق امتحان
هيثم معش عرف شنو القصه
هيثم: آيات ممكن اتفهميني شن القصه الأني مش فاهم حاجه
آيات استكت بعد هيثم نداها بأسمها
آيات: لنا فترة نمتحنو و الأستاذ هضا وين عطانا الأوراق وكيف ما اتشوف كلهن جايبه نص الدرجه
هيثم: باهي انتِ ليش زعلانه
آيات: اولاً لأن ماعمري نقصتني درجه و ثانياً عندي نص المسائل صح وهو داير عليهن غلط
هيثم: باهي ما عديتيش راجعتيه
آيات: مشيت بس ما بش يحكي امعايا
هيثم: باهي اذكري انتِ دايره موقف هو منزعج منه
آيات: انا اساساً ماعنديش خلطه مع الدكاتره بكل
هيثم: اصلاً في اوقات بعد الدكتور يضايق من حاجه دارها الطالب ف يقعد متقصده و اينقص فالدرجات
آيات طول خطر عليها يوم يالي قالت للدكتور ان غلط فالحل
آيات: اهاااااا اذكرت
هيثم بستغراب🤔: شنو احكي
آيات: يومتها الدكتور …….
هيثم: قوليلي من الأول هضا عليش ايدير هكِ
آيات: باهي انا شن ذنبي عشان صلحتله المعلومه
هيثم: هو صح انتِ ما ذنبك شي لكن هو اكيده حسها كيف الأهانه
آيات😭
هيثم قرب عليها: اسسسسس عليش البكاء انشالله خير
تو نلقو حل
آيات تبكي😭: وجعتني واللهي وجعتني
هيثم: باهي وين صاحبتك يالي ديما انشوف فيها امعاك
آيات: نسرين غايبه اليوم
هيثم: باهي عندك محاضره توا
آيات: لالا كلمت بابا ايجيني
علي رنة فون🎵🎶📱آيات رفعاته لقاته باتها
آيات امسحت ادموعها صبت: هضا بابا ايرن اكيده وصل
هيثم: مع السلامه🤗
آيات: سلام🤗
و اطلعت آيات لي باتها و هيثم قعد امصبي ايبحت فيها نين اطلعت من الجامعه وعدى لي محاضرته
…..
عند آيات
اركبت مع باتها بدون ولا كلمه و روحو للحوش و خشت للدار و اقعدت تبكي😭😭
…
برا عند أهل آيات
سهام: خليفه آيات انت امهزبها
خليفه: لا والله كنك في حاجه
سهام: اصلاً خشت بدون ما تحكي و معش اطلعت من الدار وهي مش من عوايدها اتخش بدون ما تحكي
خليفه: الله اعلم تو انخش انشوفها
وصبى خليفه توجه شور الدار و دق الباب
خليفه: ويته بابا ممكن انخش
آيات ابصوت مخنوق: تفضل
خليفه فتح الباب و خش بعد شاف آيات منغمره فالبكاء اقريب مات
آيات صبت تجري🏃♀️وضبطة باتها و اقعدت تبكي
خليفه ابخوف😦: آيات بابا كنك
آيات😭
خليفه جا وقعمز هو وياها ع كنبه
خليفه: آيات احكي كنك
آيات: من فترة ……
واقعدت آيات تحكي لي باتها و هو ايدهي فيها
خليفه: وراسك انتِ بكره انعدي ونمسح بيه الأرض
آيات ابخوف😟: لالا الله ايربحك مانبيش اتصير مشكله من تحت راسي
خليفه: باهي خلاص اسكتِ ويالي تبيها انتِ حاضر
آيات اقعدت تمسح في ادموعها
…..
فالعشيه ع ساعه 5
طلع هيثم و رافع عشان ايغيرو جو وعدو شور الكفي و قعمزو ايهدرزو
هيثم اينادي: يا شاب اثنين قهوه
رافع: القنه الحياة نايضه
هيثم: تي اهاا جو خيال امغير نحن امكملينها فالسكن
رافع: القنه القرايه مشروع يا راجل
هيثم: غير خليني من القرايه و احكيلي قصتك
رافع بستغراب🤔: قصة شنو
هيثم: قصة ارتباطك
رافع: مش وقتها اجلها وقت اخر
هيثم: تي والمصحف تحكي توا كنك تأجل فيها كل ما نسألك اتقولي وقت اخر
رافع: يعني مصر اتنكد
هيثم: اهاا نبي انتنكد انت احكي بس
رافع: ماشي ح نحكي
بداية الموضوع كنت انحب بنت جيرانا و انموت فيها
و حتى هي اتحبني وكنه كل يوم لازم انتلاقو ولازم نحكو جت فترة هي توفى فيها باتها و اقعدت نفسيتها تعبانه بكل و انا القني ما سيبتها وقعدت جنبها لكن
شاء القدر و حولو من الشارع و من المدينه بكل و عدو لي مدينه اخرى ع عموم رغم كل الصعوبات لكن حبنا كان صامد للنهاية وكنت كل نهاية شهرين انجي انشوف فيها وقعدنا ع حاله هذي فترة اكويسه و في يوم كنت متفق امعاها علي اساس نبي انجي لكن مرضة و ماقدرتش انجي وهي ازعلت من اللقطه
تحسابني دايرها بالعاني عشان منجيهاش ع عموم قعدت نعتذر منها و قلتها ان كنت مريض و ما نكذبش عليها المهم قعدت كل يوم انحس في روحي نمرض بالزياده و اعضامي يوجعاً فيا نين وصلت لي مرحله معش قدرت انصبي علي كرعيا ع عموم عديت عاينت وبعد اسبوع اطلعاً نتائج التحاليل و طلع عندي السرطان (عفانا و عافاكم الله💔😔)
هيثم😳
رافع: كل يوم حالتي كانت فالأسوء و تراجع للخلف و كل يوم البنت كانت اتزيد اتعلق بيا و انا انتعلق بيها لكن وجعتني انها تقعد مع واحد مريض و مالاش مستقبل و في نفس الوقت خفت لو قلتلها اتعاند وتقعد امعايا و اتزيد اتعلق بيا وبعد الموت ياخذني تسود الحياة في اعيونها و تذبل و هي وردة في أول عمرها ف قررت ان ننسحب من حياتها بدون ما انقوللها و فعلاً قعدت معش انرد علي مكالماتها
و معش انرد علي رسائلها ولا عاد عديتلها و كانت كل يوم اترن و مرات انرد انقوللها مش فاضي تقعد تبكي و اتقولي تغيرت و انت مش رافع يالي انا حبيته و انا قلبي ايتقطع عليها و في يوم قررت ننهي كل حاجه
وقلتها يا بنت الناس انسيني و انسي حبي وانسي انك في يوم حبيتي رافع وهضك اليوم كان اسوء يوم في حياتي ياما عيطة و ياما تحسبة عليا لأنها تحسابني كنت نكذب عليها و نلعب عليها لكن قلتها انا درت هكِ
لأن انحبك ومن مصلحتنا نحن الأثنين لكن ما صدقت و ياما درات واللهي أيام ما ننساهن و نزلو ادموع رافع
😢😢
هيثم حس بالندم لأن زر عليه يحكيله لأن حس ان رد عليها حاجات من لازم ماكنن ايرداً
هيثم: آسف كان جعزتك بسؤالي
رافع يمسح في اعيونه: لالا عادي
هيثم: باهي توا معش تعرف عليها شي
رافع: لالا يالي عرفته انها بعد سنه من تسيبتنا البعضنا ازوجت و توا عندها ابنيه
هيثم😪
(تعرفو أن قصة رافع طويله بكل وفيها مواقف و حاجات ايقطعاً القلب بس انا اختصرتها لأن لو نبي نحكي ح نكتب رواية كامله بس لو سنحت الفرصه ح نكتبها في رواية بأذن لله💔😔)
…….
عداً عشر أيام هديات ع جميع
آيات طارتلها النيه من الجامعهو حست ان كل يالي ادير فيه و كل القرايه يالي تقرى فيها ع فاضي خليفه و سهام ما كانوش راضيين ع وضع آيات لكن مابوش يحكو لأن نفسيتها كانت تعبانه
أما هيثم كان لاهي فالقرايه و مش فاضي ايحك راسه لكن فيه حاجه كانت شاغلته غيبة آيات
…….
عند آيات
فالعشيه ع قيس الساعه 4 ونص
كانت آيات فالدار اتضم فالحوسة يالي كانو امقيلين فيها
دق باب الدار🚪🚪
آيات: تفضل
نسرين افتحت الباب: سبرااااااااايز
آيات: سينو حبيبتي وجت تجري اضبطتها❤
نسرين: لكِ وحشه ي كلبه❤
آيات: وانا ميته علي شوفتك ي قلبي❤
نسرين: معقوله الغيبه هذي
آيات: واللهي نفسيتي Zero
نسرين تضحك😂: انتِ اكثر وحده نفسيتها تتعب عشان القرايه
آيات😒: مزلتِ بارده
نسرين ميته ضحك😂
آيات: خلاص اسكتِ وتعالي احكيلي شن جديدك
نسرين: في ناس كل يوم تسأل عليك😁
آيات بستغراب🤔: منو
نسرين: احزري
آيات: امممممم دكتورة صفاء
نسرين: انلا😒
آيات: اممممم استاذ ربيع
نسرين: انلا😒
آيات: امممم اهاا اكيده مريومه بنت خوك
نسرين: تي مريومة عينك😒
آيات: ها املا من يالي يسأل عليا
نسرين: هيثم
آيات بستغراب🤔: هيثم من
نسرين: ياربي انتِ ح تقعدي عبيطه طول عمرك ولا طولت للسان ع فاضي
آيات: اووووف واللهي من بعد يالي صارلي قعد عندي بطء استيعاب
نسرين: تي هيثم يالي من قبل كبيتي عليه القهوه
آيات اقعدت اتفكر اشويه وبعدها: اهااااااااااااا عرفته بس عليش يسأل عليا😍😍
نسرين: الله اعلم بس كل يوم كان ايجي يسأل و امس طلب منِ نعطيه رقمك
آيات ابصدمه😳: شن يبي فيه رقمي
نسرين: الله اعلم بس انا قتله نسألها قبل لو قالتلي عطيه لاه نعطيه لكِ
آيات: ازعما شن يبي فيا
نسرين: الله اعلم ع عموم نعطيه رقمك
آيات: باهي عطيه لاه
نسرين: باهي و حظرتك امتى تبي اتردي للجامعه
آيات: عارفه ان معش عندي نيه في القرايه انفكر انوقف قيدي السنه و انبدى السنه الجايه
نسرين: هيييييييي😱😱 انتِ كنك عبيطه تبي اتهلبي سنه ع فاضي
آيات: بيني وبينك حتى الدكتور معش عندي نيه انشوفه
نسرين: غير خلك منه و فكري في مستقبلك وين ويته يالي ديما تنصح فيا ع القرايه و كنه انتمنو انتخرجو مع بعضنا وين طموحاتنا
آيات: انشالله خير فكينه توا من موضوع الجامعه
و تعالي هدرزيلي هيثم شن يسأل عليا
نسرين: كيف صار قعدنا نسألو عليهم😁
آيات😒
نسرين😂
وقعدت نسرين تحكي لي آيات هيثم شن كان يسأل فيها
تعالو نعرفو هيثم كيف حكى مع نسرين
نسرين كانت امقعمزة فالساحه الوسطيه و كانت شاردة و عقلها مش امعاها هيثم شافها توجه شورها
هيثم: مساء الخير
نسرين🤯
هيثم: احم احم
نسرين انفجعت😟: نعم
هيثم يضحك😂: وين سارح هضا و شير علي راسها
نسرين ابتسمت🙂: لا قاعده امعاك كنك في حاجه
هيثم ايحك في لحيته: اااااا نبي نسألك علي آيات
نسرين بستغراب🤔: كنها آيات
هيثم: وينها معش شفتها انشالله خير صاير امعاها حاجه
نسرين: لالا بس هي نفسيتها تعبانه أشويه
هيثم: كنها عليش نفستيها تعبانه
نسرين اسكتت🤐
هيثم: باهي ممكن طلب أخير
نسرين: تفضل
هيثم: ممكن تعطيني رقم آيات
نسرين انصدمة😳 من طلب هيثم
هيثم: ها شن تعطيه ليا
نسرين: بس خليني نسألها قبل🤤😍
هيثم: باهي امتى اتردي عليا
نسرين: انا اليوم مشيتلها و ح نحكيلها وبكره انرد عليك
هيثم: تم بكره انمر عليك و هضا رقمي تبي اي حاجه رنِ عليا
نسرين خضت من يده الورقه: تمام
هيثم ابتسملها و عدى و نسرين ذايبه
فيه و في اعيونه🤤🤤
……
عند هيثم
تحديداً الساعه 6 م
كان برا الجامعه فالكفي بس رافع كان عنده امتحان
و ماطلعش امعاه هيثم كان يشرب في قهوه و ايدخن و تفكيره كله عند آيات
هيثم في عقله: انا ليش انفكر فيك للدرجه هذي❤شن درتي فيا من يوم شفتك و انتِ ماخطيتي تفكيري بكل و هو سارح في بحر افكاره قطع عليه فونه ايرن
بحت لقاها رانيا جا يبي ايرد لكن خطر عليه الأنتظار غمتله منها وسكر في وجها و اقعدت رانيا اترن و هو ايسكر في وجها
…..
عند آيات
آيات: ها شن صار
نسرين: ايسكر في وجي ما يبيش ايرد عليا
آيات: بالك عشان رقم غريب
نسرين: بالك
آيات: دزيله رساله
نسرين افتحت ع رسائل و دزتله رساله
( هيثم أنا نسرين صحبت آيات رد عليا انا عند آيات وحكيتلها وهي تبي تحكي امعاك توا كانك فاضي)
ودزتلها لاه
نسرين: اهي دزيتها لاه تو ايحقها ايرد
آيات: باهي تمام
وقعداً يرجاً في هيثم ايرد ايرن
…..
عند هيثم
جاته رساله مابش ايعدل لأن كان عارفها رانيا ورد فونه رن سكر في وجها بدون ما ايشوف من يالي ران وقعد كل ما ايرن ايسكر عليها و هو مش عارف انها نسرين
🤦♀️🤦♀️🤦♀️🤦♀️
…..
عند آيات
آيات ابعصبيه😠: خلاص فوتيه معش اترني
نسرين: اكيده مش فاضي
آيات: وكانو مش فاضي عليش يطلب يحكي امعايا
و بعدين كانو مش فاضي راهو ما ردش مش ايسكر في وجهي
نسرين: التمس لي أخيك عذراً
آيات: عليك برود عندك😒
نسرين😂
آيات😂
وقعداً ايهدرزاً و فاتاً هيثم بس آيات غمتلها من هيثم
بعد ساعه
نسرين: هيا وتيه تبي حاجه
آيات: هييييي😱 وين ماشيه
نسرين: خلاص بابا يبي ايجي
آيات: القنك بارده خليك تعشي عندي
نسرين: واللهي في خاطري نقعد لكن بابا مش ح يابى
آيات: كان علي خلودي خليه تو انكلمه انا
نسرين مدتلها الفون: هاكِ جربي😕
آيات خضت منها الفون وحطت علي رقم بات نسرين
و رنت
خالد: ايوا سينو هيا وتي روحك اني جايك
آيات: هلا خلودي
خالد: اووووووو أيوته كيف حالك يا عمو
آيات: تمام يا خلودي انتِ كيف حالك
( آيات كان عندها دلاله كبيره مع بات نسرين و نفس القصه نسرين عندها دلاله مع بات آيات)
خالد: واللهي تمام الحمدالله
آيات: خلودي نبي منك طلب
خالد: ادللي يا عمو
آيات: نبي نسرين اتعشى عندي
خالد: و شنو المانع
آيات ابفرحه😃: يعني اتخليها
خالد: اهاا خليها و تو انجيها بعد العشاء
آيات: باهي تمام بس طلب ثاني
خالد يضحك😂: ادللي
آيات: السبوع الجاي جيبها خليها اتبات عندي
خالد: امممممم البيات صعب أشويه
آيات ابزعله😞: خلوديييييي
خالد يضحك😂: باهي باهي خلاص تو انجيبها
آيات ابفرحه😄: نجك ليا
خالد: خلاص قوليلها بعد اتكمل عشاء اترن عليا
آيات: تمام خلودي باي🤗
خالد: باي🤗
و سكرو
نسرين: شن صار
آيات: قالي باهي
علي خشت فريحه
فريحه: حلوات تعالاً نطلعو برا الجنان
نسرين و آيات: هيا
نسرين: ويته هاكِ فوني حطيه ليا فالشحن
آيات: هاتي
و خضاته منها وحطاته فالشحن و اطلعاً برا الجنان
وقعمزاً ع كراسي و فريحه دارت عصريه وجتهن
و قعمزاً اقعداً ايهدرزاً و ياكلاً و كملنها ضحك و جو خياااااااال
……عند هيثم
طلع من الكفي و تكى علي المطعم و خضى عشاء لاه ولي رافع وعدى للسكن و خش لقى رافع ايصلي فالمغرب حط العشاء ع طاوله و خش توضى و صلى المغرب
رافع: تقبل الله يا راس
هيثم: منك و منا صالح الأعمال
رافع: اووووووو جايب عشاء و حركات
هيثم: اخسارة فيك يالجرب
( طبعاً هيثم و رافع قعد بينهم دلاله واجده و كأنهم يعرفو بعضهم من اسنين)
رافع ميت ضحك😂
هيثم يضحك😂: تعال تعشى تعال
رافع: تي مازال بدري خليها بعدين أشويه
هيثم: زمري تي جيعان الزح
رافع: غير تعال خلينا انكسدو ع فونات
هيثم: هيا تعال
و خضى رافع فونه و هيثم جاب فونه وقعمزو جنب بعضهم هيثم خش ع تسجيلات الأرقام و لقى رانيا رانه مره و حده و الباقي من رقم غريب و لقى منه رساله خش ع رسائل و قعد امتنح في الرساله
هيثم خبط يده علي راسه🤦♂️: القني حمار الزفففففففففففف ينعن جد فسختي بكل
رافع: تي كنك الزح فجعتني
هيثم صبى: أشويه أشويه تو انجي
وعدى طلع يجري و علق علي نسرين
…..
عند آيات
كانن ايهدرزاً و جو عندهن فوق الريح
سهام كانت فالمطبخ تغسل فالماعين اسمعت فون ايرن فالدار عدت خشت للدار لقاته فون نسرين
سهام اطلعت برا: يا سينو
نسرين: نعم
سهام: قتلك …. وقطع عليها خليفه يالي خش من الباب
خليفه: اووووووو سينو انشالله ملتمين عند النبي علي قولت المصريه
البنات: انشالله😂😂
نسرين صبت و جت حبت علي راس خليفه ويده
وحطت يدها علي كتفه: اخلوفه كيف حالك
خليفه: اكويس انتِ شن دايره
نسرين: دامكم انتم ابخير انا بألف خير
خليفه حبها علي راسها
آيات: بابيتي نيسو متعشيه عندنا
خليفه: اووووو احلى خبر
فريحه: بابيتي يدك ع جيبك عشان انجيبو حاجات العشاء
خليفه: لا دبينا نيسو متعشيه معناها العشاء شوري
آيات: شن تبي اتعشينا
خليفه: علي نيسو شن تبي تاكل
نسرين: اممممم اشوايات
خليفه حط صبعه علي عينه: من هذين الأثنين
نسرين قربت عليه وحباته علي خده: نجك ليا عمو
سهام: عاد خليفه الا نسرين
خليفه: ابنيتي هذي
آيات: باهي بابيتي مش وقت دوه عدي جيبلنا اللحم
و اواتي الشواء
خليفه: هيا ماشي
وطلع خليفه و عداً البنات للمطبخ ايوتاً في حاجات الشواء و ايديراً في اسلاطات و جو كيف ه جو
…..
عند هيثم
قعد ايرن علي نسرين بس نسرين لا حياة لمن تنادي
هيثم: اوووووووف القني عبييييييييط الزح
وخش للدار و هو غمتله للألف
رافع: هيثم كنك الزح
هيثم و هو غمتله: رافع فوت الموضوع توا
رافع سكت الأن هيثم كان باين عليه ان راقيله
……
عند آيات
كملاً حاجات الشواء و وتاً التتبيله و جا خليفه جاب اللحم و تبلنه و اقعداً ايشلاً في الحاجات برا الجنان
آيات: نسرين هاكِ شيلي الخبزة برا
نسرين ابنص عين😒: كيف خدامة حنك انا
آيات: ييييييي عليك صماطه هيا خوذي و شيلي
نسرين خضت الخبزة و شالاتها برا وهي طالعه
و مراد خاش وعينه ع فون خبط في نسرين و سلة الخبزة طاحت من يدها و اطرطشت ع وطى
مراد ابصدمه😳: بسم الله آسف ما شفتكش
نسرين ابصدمه😳: لالا عادي وطبست اقعدت اتلم
مراد طبس وقعد ايلم امعاها و في لحظه حطو هما الأثنين يدهم علي نفس فردة الخبزة
(آسفه هذي رومنسية زمان😂😂)
و يد مراد جت فوق يد نسرين و ارفعو اعيونهم في بعضهم جاً اعيونهم في اعيون بعضهم وقعدو علي نفس الحاله دقيقتين بعدين مراد فطن لي روحه حول يده وصبى
مراد: انرد نعتذر آسف
نسرين ابخجل☺: لا عادي انا يالي آسفه ما كنتش فاطنه
و اطلعت نسرين برا لاجنان و وجها انحمر و قعد ساااااااخن
مراد خش يجري علي البنات فالمطبخ
آيات: بسم الله كنك جاي تجري شن في
مراد: من الصاروخ يالي برا
آيات ابرفعت حاجب🤨: اولاً لم روحك وهذي نيسو صحبتي
مراد ابصدمه😳: نيسو نيسو اكبيدة باتي
آيات: اهاا
مراد: تي ليا زمان ما شفتها لكن رايحه طرف من لاخييييييير😍😍
آيات ابعصبيه😠: مراااااااااااااد اسكت
مراد: القنها اطريييييييييف ياكبدي🤤🤤
آيات امسكت الساقم و جت تبي تطلقه في مراد
مراد طلع يجري🏃♂️🏃♂️
آيات: خزي هالبارد مبرد دمه
سهام خشة: كنه راقيلك و انتِ ديما فاصله
آيات: من البارد اولدك
سهام: اين من اعيالي
آيات: من غيره مراد الكلوط
سهام تضحك😂: كنه مراد
آيات: ايقولي ….
سهام: انتِ عارفه مراد و حركاته ف مفروض متعوده
آيات: خزي مبرد دمه الثقيل
…
برا عند نسرين
كانت اتنضم فالطاوله و بالأصح كانت ديرتها سبله عشان اترد اتشوف مراد مره ثانيه
أما مراد كان قاعد جوا دراه وعقله عند نسرين و قرر ان ايرد يطلع مرات ايرد ايشوفها و فعلاً طلع و خش علي سهام و آيات شفط عليهن اشويه بعدين طلع للدار داير روحه يبي شحن لكن مالقى حد فالدار الا فريحه شفط عليها حتى هيا وطلع وقعد حاير في نسرين وين عدت
مراد: عليك سريب اكيده روحت تؤ عليك قصة
وجا مراد طلع و هو غمتله و تفاجئ بعد قبلاته نسرين
مراد😍
نسرين☺
مراد: صار انتِ نيسو اكبيدة باتي
نسرين ابخجل😊: اهاا
مراد: كابره يا نيسو مش كيف قبل كنتِ اصغيره
نسرين تضحك😂: اكيده نبي نكبر شن نبي نقعد اصغيره طول عمري
مراد يضحك😂: انبصر امعاك راه تحسابيني عبيط
نسرين ميته ضحك😂
مراد: نجيها ه ضحكه يالي تشرح الصدر
نسرين انحرجت و خشت تجري🏃♀️🏃♀️
مراد عض علي فمه من تحت: نا عليا و خلاص😘
وقعد اشويه و عدى طلع
…..
عند هيثم
بعد اذان العشاء صبى صلى هو ورافع و حطو العشاء
و بدو ايتعشو
رافع: نبي نسألك
هيثم: شنو احكي
رافع: ماتبيش اتأهل
هيثم: واللهي بالنبسه في الوقت الحاضر لا لأن تفكيري فالقرايه بس عليش السؤال
رافع: لا غير انا انفكر نلقى بنت الحلال و نزوجها
و بعدها انكمل اقرايتي
هيثم: كيف شكلك حاط عينك علي وحده ي برو
و غمزله😉
رافع يضحك😂: القني حاط عيني علي وحده امعانا فالقسم
هيثم: من قولي عليها
رافع: لالا مزال لعند نحكي امعاها كان وافقت تو انقولك
هيثم: باهي تم بس تبي تسمع نصيحت خيك
رافع: اكيد قول
هيثم: فوت الموضوع توا يعني لو قررت تزوج ح تضطر اتسيب القرايه كم شهر علي شان اتم امور فرحك و تبي ادير شهر عسل و تبي اتروح اتخليها
و اترد هنا من جديد تي عليش الشحوره كلها كم سنه يمشاً علي خير وبعدها دير سيرو علي حالك
رافع سكت🤐
هيثم: انت فكر في كلاميوقعدو ايكملو في عشاهم
…..
عند آيات
جا خليفه و بدى ايولع فالفحم و البنات برا الجنان
و سهام ادير فالشرموله
( هي عبارة عن طماطم و خيار وبصل وزيت وملح)
وكان الجو ابداااااع بكل علي خشت فهمي و حور
و جود
حور و فهمي: السلام عليكم
كلهم: وعليكم السلام
فهمي: اوووووو اشوايات
خليفه: تعالو تعشو امعانا
فهمي: هيا انبدلو و انجو
سهام: فيسع بس
آيات: حور بيش اتجي ابسرعه
حور: دقيقه انبدل لي جود و انبدل انا و ننزل
و اركبو عيت فهمي فوق و بدلو دبشهم و نزلو
و مراد حتى هو جا و اقعدو كلهم برا الجنان
خليفه اينادي: يا نسرين
نسرين: نعم اخلوفه
خليفه: كلمي باتك خليه ايجب امك و ايجي المه مش ناقصها الا هما
نسرين: باهي حاضر وصبت تبي اتجيب فونها
آيات: خليك اهو فوني تو انكلمه
نسرين: باهي احسن وفرتي عليا التعب و ردة قعمزة
آيات خضت الفون ورنة علي أمنه ام نسرين
أمنه: ايوا أيوته
آيات: هلا خالتو
أمنه: اهلين ي روحي كيف حالك
آيات: الحمدالله خلودي قاعد امعاك
أمنه: اها توا نبي انديرله عشاء
آيات: باهي قاللكم بابا تعالو تعشو امعانا
أمنه: باهي انشوف خالد و انجو
آيات: خلاص نرجو فيكم
أمنه: اوكي سلام
و سكرت آيات و بعد نص ساعه دق الباب صبى مراد فتح لقاه خالد و أمنه سلم عليهم و خشو سلمو ع كل و قعمزو و اقعدو ايهدرزو و كان الجو فوق الخيال فهمي خضى ميكان باته في الشواء و خليفه و خالد ايهدرزو مع بعضهم و أمنه و سهام ايهدرزاً و ايخرفاً مع بعضهن و البنات حتى هنا ديرات جو مع بعضهن
و مراد كملها مره ماشي لي فهمي سارق منه اشويه
و مره ايشفط ع شياب و مره ايعدي ايتحنط ع عزايز و مره اينابش فالبنات و اخر حاجه رست علي جود بنت خوه قعد يلعب امعاها …
مشى الوقت و طابت الشوايه و قعمزو كلهم تعشو مع بعضهم و كانو كأنهم عيله وحده و جو فووووووووووووق الريح بكل وبعد العشاء اقعدو سهرايه اسبول و شاهي و هدرزه لعند الساعه 2 الليل ضمو الجنان و غسلو الماعين و كل واحد روح لي حوشه
….
عند هيثم
رافع كان راقد بس هيثم كان واعي و ايفكر في آيات
و انقهر لأن سكر في وجها و كل ما يذكر الموقف اتغمله اكثر
….
عند نسرين
روحو و كل واحد خش دوش و للنوم طول
(طبعاً نسرين ما عندهش خوات)
نسرين دوشت و خضت شيتاتها راجعت اشويه و جت تبي ترقد نست انها ما عدلتش المنبه صبت افتحت شنطتها طلعت منها الفون وجت فتحاته لقت
عرم مكالمات من هيثم و كم رساله كان مكتوب فيهن
هيثم( نسرين آسف لأن سكرت عليك
غير الفون ما كان عندي)
( ممكن اتردي ضروري)
(نسرييييييييين وينك)
نسرين امسحت الرسائل و المكالمات و عدلة المنبه وجت تبي ترقد لكن اذكرت كيف آيات غمتلها بعد هيثم ماردش و قررت انها اترن عليها و فعلاً حطت علي رقمه و زرت الخضره
….
عند هيثم
كان متمدد ع سرير و ايبحت فالسقف و عقله مش امعاه و فجأة حس فونه ايهز صبى يجري لقاها نسرين رد طول
هيثم: ايوا نسرين
نسرين: اهلين كيف حالك
هيثم: الحمدالله آسف امبدري واللهي صارلي موضوع
نسرين: لا عادي غير كنت عند آيات و حكيتلها و حبت تحكي امعاك
هيثم ابفرحه😃: صااح هي قالتلك تبي تحكي امعايا
نسرين: ما انت يالي تبيها قلتلها وهي قالت تبي اتشوف كنك
هيثم: باهي انتِ مزلتِ عندها
نسرين: لالا هذ الترويحه كنت انا وهلي سهرانين عندهم
هيثم: باهي شن صار في رقمها
نسرين: اها خطرت عليا قالتلي عطيه لاه
هيثم ابفرحه😃: باهي دزيه ليا خليني انكلمها
نسرين: توا🙄
هيثم: اها توا بس ابسرعه معلش
نسرين: باهي سكر تو اندزه لكِ في رساله
هيثم: تم
و سكر وقعد يرجى في نسرين ادز الرقم
وبعد اشويه جاه الرقم دز لي نسرين رساله
هيثم( امنورة تصبحي علي خير)
نسرين(و انت من اهل الخير)
هيثم سجل الرقم و رن عليها
….
عند آيات
دوشت و بدلت و خشت لي مرقدها و حطت راسها ع مخده و كل تفكيرها في هيثم وشن يبي فيها و فجأة رن فونها صبت شفاته لقاته رقم غريب سكرت في وجه و ردت لي افراشها و رد رن مره ثانيه و آيات سكرت عليها وبعد اشويه جتها رساله
هيثم( آيات انا هيثم ممكن اتردي)
آيات هي شافت الرساله وقلبها قعد يرقص ما عرفتش ليش لكن افرحت و توترة
هيثم رد رن بس آيات ما ردتش الرنه الأولى و رد علق مره ثانيه
آيات خضت نفس عميق: بسم الله و افتحت
هيثم ابفرحه😍: ايوا
آيات: الو
هيثم: ……..
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية كسرة القانون)