روايات

رواية تزوجت اخت زوجتي الفصل الأول 1 بقلم جنة الفردوس

رواية تزوجت اخت زوجتي الفصل الأول 1 بقلم جنة الفردوس

رواية تزوجت اخت زوجتي البارت الأول

رواية تزوجت اخت زوجتي الجزء الأول

رواية تزوجت اخت زوجتي الحلقة الأولى

_ينهار اسو”د عايزانى اتجوز جوز اختى الله يرحمها ده معداش على وفاتها شهر يا نااااس وبعدين عايزانى ازاى اتجوزه ده خيانه لاختى الله يرحمها٠٠٠هو انا ليه شايفه ان مو”ت اختى بالنسبالك عادي ؟!
الام بحزن: عادي اخص عليكى يا لمار ازاى تقولى كده
لمار بزعيق: آمال عايزانى اتجوز جوز اختى ليه يا ماما انتى اكتر واحده عارفه اختى كانت بتحبه ازاى
_انا فكرت في الموضوع ده كتير أوى يا لمار واخدت القرار ده بعد ما عرفت ان رائد ناوي يتجوز وانا بصراحه خايفه اللي يتجوزها تعمل حاجه في عيال اختك الله يرحمها
لمار بصدمه: يتجوز ؟! معقول عايز يتجوز للدرجه ده كان مستنى اختى تموت عشان يروح يتجوز ده طلع حقير وزباله انا أصلا مكنتش عايزه اختى تتجوزه لانه إنسان انانى ومش بيحب الا نفسه
_يا حبيبتي اهدي الراجل من حقه يتجوز وبعدين رائد ظابط شرطه وبيكون عالطول في مهمات وعالطول بيسافر عشان كده عايز يتجوز وده حقه
لمار: حقه ؟؟؟ طب على الأقل كان يقعد شهرين عشان الناس متقولش حاجه بس يقعد ازاى وهو أصلا مكنش بيحب اختى
_مين قال انه مكنش بيحب اختك رائد كان بيحب اختك أوى واوعك تنسي انه تعب بعد وفاتها
لمار: مش باين الصراحة
_فكري كويس في الكلام اللى قولته ليكى يا لمار لان محدش هيستحمل عيال اختك الله يرحمها غيرك
الأم طلعت من الاوضه وسابت بنتها تكلم نفسها وتقول: ازاى عايز يتجوز ازاى بيفكر يتجوز واختى معداش على وفاتها شهر للدرجادي طلع انانى ؟!
في نفس الوقت كان قاعد جنب بنته المريضه اللى كانت بتتكلم وهى نايمه: ماما انا عايزه ماماااا
دمعه فرت من عين رائد اللى باس ايد بنته وقال: انا جنبك يا روحى
فتحت عينها وقالت: انا عايزه ماما يا بابي انت قولتلى انها هتيجى النهارده ومجتش
رائد قام وباس رأسها وقال: طب ننام عشان العلاج اللى اخدنا وبكره ان شاء الله ماما هتكون هنااا
ابتسمت بفرحه ورائد طلع من الاوضه وقفل الباب وراء بكل حزن عشان يلاقي والدته واقفه وباين عليها الحزن
رائد: وحشتنى أوى !!!
دمعه فرت من عين والدته اللى قالت: عشان كده بقولك لازم تتجوز يا رائد بنتك محتاجه خالتها وصدقنى مفيش انسب منها عشان تكون ام ليها
رائد: وهى رايها اي ؟!
_زينب فتحت معاها الموضوع وقالت هترد عليا بكره
رائد: انا هوافق يا ماما عشان بنتى بس وحاجه كمان لمار هتكون اخت مراتى الله يرحمها مش هتكون غير كده في نظري
والدته فهمت هو يقصد أي عشان تقول: اللى انت شايفه يا حبيبي
رائد سابها ومشي وهى قالت: بس اي ذنب البنت انها تعيش معاك على الأساس ده انا عارفه انك كنت بتحب أسماء بس لمار بنت كويسه وتستحق تعيش حياه سعيده
في صباح يوم جديد
رائد كان قاعد في مكتبه وكان بيفكر في كلام والدته هو اه وافق بس متردد شايف اللى بيحصل غلط وشايف ان جوازه من لمار ظلم ليها
قاطع تفكير رائد رنت تليفونه فكان المتصل والدته عشان يرد ويقول: الووو
_زينب ردت عليااا وقالتلى ان لمار موافقه أي رايك نكتب عليها بكره ؟!
رائد: معلش يا ماما ممكن نخليها النهارده انا وعدت سيليا أن امها هتكون معاها
_هكلم زينب وهرد عليك بس في حاجه عايزه اقولها انت مش خايف من سيليا اقصد انها تقول ده مش امها وبعدين سيليا مش صغيره ده عندها اربع سنوات يعنى تعرف لمار كويس
رائد: سيليا بتحب لمار يا ماما وان شاء الله هتتقبل وجودها
_ان شاء الله يا حبيبي !!!
رائد قفل التليفون وبص على الصورة المحطوطه قدامه كان في الصوره ” هو وزوجته اسماء وبنته سيليا”
رائد ابتسم وقال: ليه ؟! ليه سبتنى لوحدي انا محتاجك اوى يا أسماء يمكن محتاجك اكتر من سيليا تعرفي انى اخدت ترقيه كان نفسي احتفل معاكى بالمناسبة ده بس الظاهر قدرنا رافض نكون مع بعض
رائد خد نفس عميق وقال: مش عايزك تزعلى انا هتجوز لمار عشان بنتنا مش هيكون بينا حاجه خااالص لمار هتفضل اخت البنت اللى حبتها اوى البنت اللى عملت كتير عشانى
رائد مسك الصوره وحضنها وقال: كنتى احن قلب شافه عيني
ربنا يرحمك يا حبيبتي !!!!
في المساء
رائد لبس بدله سوده وكان باين على ملامحه الحزن كان مضايق من اللى بيحصل لكن مفيش الا الحل ده عشان الابتسامه ترجع لبنته تانى
رائد لبس ساعته وسيليا جرت عليا وقالت وهى بتشد في البنطلون بتاعه: بابي هى ماما جايه دلوقتي فعلا ؟! اصل تيتا قالتلى كده
رائد شالها وقال: ايوه يا حبيبتي
سيليا فرحت أوى ورائد باسها من خدها وقال: اي رأيك في لمار ؟!
سيليا: لمار
رائد هز رأسه وسيليا قالت: بحبها أوى
رائد ابتسم وقال: طب أي رأيك نمشي عشان نلحق نجيبها عشان تلعب مع صولا حبيبت بابا
بعد مرور نص ساعه رائد كان قاعد جنب المأذون ومستنى لمار تخرج من الاوضه
لمار اتاخرت أوى عشان والدتها تتدخل تشوفها وتنصدم لما متلقهاش جوه
طلعت من الاوضه وهى بتصرخ: ينهار اسو”د لمار شكلها هربت

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية تزوجت اخت زوجتي)

اترك رد