رواية بنت امينة الفصل الخامس 5 بقلم شيماء عبدالحكم عثمان

رواية بنت امينة الفصل الخامس 5 بقلم شيماء عبدالحكم عثمان

رواية بنت امينة البارت الخامس

رواية بنت امينة الجزء الخامس

رواية بنت امينة الحلقة الخامسة

سليمان وحسام بصوا لبعض بقله حيله ..وبعد ماكان حازم مشيى خطوتين رجع تانى وقال لحسام .اه ياحسام متنساش تطمن والدتها عليها .اكيد قلقانه قولها انها سافرت لقضيه مستعجله وملحقتش تبلغها . وسليمان بيه هيأكد على كلامك ..وخرج وسابهم فى حيره وغضب بيضربوا كف بكف
سليمان بحيره : وبعدين ياحسام هنعمل ايه . هو حازم اتجنن كده من امتى
حسام : هو انت مصدق كلامه .انت عارف شيرين اكتر منى وعارف كمان انها مستحيل تعمل كده .
سليمان : اكيد عارف طبعا .بس ده مرتب كل حاجه . وعلى رأى المثل العيار اللى ميصبش يدوش . وديه فيها سمعتنا ياحسام اللى تعبنا عليها سنين . وبعدين كمان عشان شيرين وسمعتها .
حسام بحزن : احنا كده بنسلمله شيرين تسليم باليد لو خضعنا لتهديده القذر ده .
سليمان : تعالى نحسبها بالعقل . حازم لو ناوى على أذية شيرين .هيأذيها لوحدها .ومن غير ما يجي يساومنا .لكن هو مش عايز يأذيها هو بس عايز يحسسها بحجم المصيبه اللى ممكن تقع فيها وتوقع اللى حواليها معاها لو ما وفقتش على طلبه . وطالما بعد كل اللى حصل ده لسه عايز يتجوزها .يبقا لسه بيحبها .
حسام بعدم اقتناع : يتجوزها . بالطريقه المهينه ديه وعررررررفي . ده مريض
سليمان : حسام… متنساش ان حازم حاول كتير مع شيرين . وللاسف هي كانت بترفض بشكل قاطع . وانا كمان عارف ان شيرين لسه بتحبه . بس برضو مش قادر أفسر سبب رفضها بالشكل ده …. لدرجه اني اتجرات وسألتها لوكان فى حد تانى فى حياتها بس أكدتلي انها محبتش حد فى حياتها غير حازم . بس رفضها لأسباب خارجه عن أرادتها …. حازم بس وللاسف جاتله فرصه على طبق من دهب عشان يجبر شيرين توافق تتجوزه وهو استغلها … (اظن كده واضح ان حازم عايز يتجوز شيرين وعشان يجبرها توافق . هدد سليمان وحسام . بمراكزهم . هو فعلا جاتله الفرصه ومش هيضيعها وبما أنه حاول كتير وهي كانت بترفض بشكل قاطع . وده لسبب هنعرفه بعدين … فاكان لازم يحاول تانى ويضغط بشكل اكبر .والضغط المره ديه مش منه هو وبس . لا كمان من اللى حواليها )
مره تانيه فى بيت امينه حسام اتصل بسها عشان يطمنها على شيرين .
شيرين بأستغراب : سافرت !! سافرت أزاي ومن غير ماتقول ؟
حسام بأرتباك : اه ياسها سافرت مع سليمان بيه بشكل مفاجئ عندهم قضيه مستعجله وهتقعد يومين تلاته . وبأذن الله تتحل .
سها بشك : حسام . شيرين اختي فيها حاجه وانت مخبي عليا . ومش عايز تقولى .صح ؟
حسام سكت شويه وبعدين رد :لاء ياسها اطمنى شيرين بخير وان شاء الله هترجع بسرعه …يلا بقا عشان اكمل نومي . وان شاء الله بكره بعد الشغل هاجي ازوركم ..تمام
سها : تمام . تصبح على خير . واسفه ياحسام انى اتصلت وقلقتك فى الوقت المتأخر ده . بس انت عارف بقا ملناش غيرك ..
حسام بوجع وغمض عينه بحزن وانه متكتف ومش قادر يحمي شيرين : متقوليش كده ياحبيبتى .تصبحي على خير
سها بحب : وانت من اهله ….
تاني يوم صباحا سليمان وحسام فى مكتب حازم وبلغوه بالموافقه ..
حازم بغرور : كنت عارف انكم هاتحسبوها صح .اللى انتو عملتوه ده لمصلحتكم ومصلحتها … ونده لمحمود عشان يجيب شيرين من الحجز ..
سليمان بتردد : حازم بعد موافقتنا ايه الخطوه اللى بعد كده .
حازم : شيرين توافق هي كمان .
سليمان : اعتبر انها وافقت . انت هاتعمل ايه . والقضيه ديه
حازم بتأكيد : انت بتقول ايه ياسليمان بيه . ولا كأنها عاشت اليوم ده فى حياتها من اساسه . وبعدين شيرين هتبقا مررراتى وانا مستحيل أءذي مرراتى . ( حسام بص عليه وابتسم بسخريه وحرك رأسه بأستهزاء ..لمحه حازم وبصله بغضب )
حسام بغضب : طب واهلها هنقول لهم ايه .؟
حازم بغضب ومتقصد يضايق حسام : اهلها مين ؟ انا مشفتلهاش اهل . ولا قصدك على شويه الحريم اللى فى البيت ؟
حسام بغضب : حازم اتلكم كويس من غير غلط ومتنساش انى يعتبر من اهلها .
حازم بسخريه : وانا عملت ايه اومال انا جتلك انت وسليمان بيه ليه . مش عشان انتو تعتبروا اهلها .
حسام بغضب : لاء انت مجتش عشان بتعتبرنا اهلها . انت جيت عشان تستغلنا وتخلينا للاسف نشترك فى لعبتك الوس*خه ونضغط عليها بسبب تهدديك ليها ولينا
حازم بغرور : وانت بكل سلطتك مقدرتش تحميها منى .وخفت علي اسمك وسمعتك واسم عيلتك . واتطريت تسايرنى عشان الفضيحه هاتمس الكل فا اكيد مش بعد ده كله هخاف من شويه ستات .. ابقوا قوللهم انها اتجوزتنى .المهم انكم تجبروها توافق وألا انتو عارفين انا هعمل ايه ..
خبط محمود ودخل ومعاه شيرين .اللى اول ما شافتهم جررريت عليهم ..عشان تتسع عنيهم بصدمه وذهووول من اللى شافوه فيها ..شيرين حرفيا متبهدله ومتعوره وشفايفها كمان متعوره وايد حازم معلمه على وشها بزرقه ..
شيرين بدموع لسليمان : سليمان بيه ارجوك خرجني من هنا ابوس ايديك . متسبنيش هنا
..
حسام بغصب : مين اللى عمل فيكى كده ياشيرين ،انطقي ….. بصت تجاه حازم بخوف …..حسام اتقدم عليه بغضب ومسكه من ياقه قميصه وبصوت عالى .انت حيوان .انت ازاي تعمل فيها كده .انا هوديك فى ستين داهيه ياحازم ياحديدى
حازم مسك ايد حسام ونزلها من عليه بقوه وقاله . انا اللى ممكن اوديك فى داهيه دلوقتى .واعمل فيك محضر تعدى على موظف حكومي اثناء تأديه عمله .
حسام بغضب : وانت بتسمى الوسا*خه ديه عمل . ماشي ياحازم هنتواجه ..حازم تجاهل حسام تماما فى اللحظه ديه وبص لشيرين بغضب وقالها: وانتى اقعدى معاهم واسمعي اللى هيقولوا وافهميه كويس اوى …وتابع معاكم عشر دقايق وتبلغونى قراركم لأن فى عرض نيابه الساعه ١٠ .. وسابهم حازم وخرج .
سليمان بحزن : تعالى ياشيرين اقعدى .واسمعينى كويس .
شيرين بخوف وقلق : فى أيه ياسليمان بيه .
سليمان : حازم الحديدى هيخرجك من المصيبه ديه دلوقتى قبل كمان شويه . ومافيش مخلوق هيذكراسمك فى القضيه ديه ولا انك روحتى المكان ده من اصله ..بس !!!!! هو ليه شررط
شيرين غمضت عنيها بحزن : شرط ايه ده ؟
سليمان بتردد : حازم عايز يتجوزك بس… وسكت ثوانى وبعدين كمل كلامه بحزن وقال بس عرررفي .
شيرين اتنهدت بحزن والدموع اتجمعت فى عنيها . يتجوزنى . بعد كل اللى عمله فيا ده .طبعا عشان يكمل عليا ويكسرنى . وفى الأخر هيرمينى …. ده مش حازم اللى كنت اعرفه زمان .. ده بنى ادم تانى .بنى ادم بالشكل وبس لكن اللى جواه وحش ..
سليمان بحزن وتردد : طب انا هحطك فى الصوره والقرار ليكى …. سليمان وحسام حكولها كل حاجه وعلى تهديده ليهم واللى بيفكر يعمله فى حالة رفضها …شيرين كانت بتسمع وبلمت من الصدمه وانه ممكن فعلا يكون بيفكر يأذيها بالشكل ده . هي عارفه انه ضربه ليها وقسوته عليها . مجرد اذلال . وانه ينتقم لكرامته اللى اهانتها زمان برفضها ليه. كانت متلخبطه ومشتته .
شيرين : انتوا بجد هاتسيبوه يعمل فيا كده .هاتسيبوه يبيع ويشترى فيا بالطريقه ديه .
حسام بحزن : للاسف . ده طلبه وتهديده لينا كلنا . لو افترضنا انك رفضتى واصريتى تواجهيه واحنا معاكى . اللى هيتأثر اكتر مننا بكتير هو انتى . ومامتك واخواتك . عشان كده فكري كويس قبل اي قرار ..
شيرين بقهر : تفتكر انى بقا عندى رفاهية التفكير . انا دلوقتى قدامي اختيارين اصعب من بعض . يا أرمي نفسي فى نار حازم الحديدى . يأما هيبقا ليا ملف فى الأداب . نفس القهر ونفس الوجع والسناريو مختلف ، دايما تهديد . دايما بيجبرونى اختار بين المر ، والأمر . ( شيرين هنا كانت تقصد حاجه معينه اتهددت بيها وده اللى خلاها ترفض حازم بكل الطرق . هنعرفها قدام شويه ) رفعت وشها للسما بأنكسار وضعف . وقالت بدموع ووجع . يااارب حلها انت يارب . انت الوحيد اللى عارف انى بريئه وانهارت باكيه ….
دخل حازم بغرور وقعد معاهم . ها قولتوا للعروسه . ها ياعروسه نقول مبروك .
شيرين بصتله بغضب : حرام عليك .انا عايزه اعرف انا أذيتك فى أيه . عشان تأذينى بالشكل ده ..
حازم بتوعد : انتى لسه حسابك هيبدء معايه بعدين .استنى بس عليا . دلوقتى عايز اعرف قرارك وبس .
شيرين : تمام . انا موافقه اتجوزك . بس شرعي . على يد مأذون .
حازم ضحك بصوت عالى وبسخريه قال : انتى كمان هاتتشرطى عليا ، يابت انا واخدك من بيت دعاره .مش واخدك من بيت اهلك بكرامتك …
شيرين الكلام وجعها هو مصمم على اهانتها .بس قالت بتصميم : انا قولت اللى عندى . موافقه بس الجواز يبقا شرعي .
حازم بصلها وبتوعد : طب بصي بقا عشان مش هاعيد كلامى مرتين وعشان البشوات متعطلين عن شغلهم ، انا هغلي عرض النيابه بتاع دلوقتى . وهسيبك تفكري لحد بليل . قبل العرض التانى . ومش عايز اسمع منك غير حاجه واحده بس انك موافقه . وألا قسما عظما . ما هخليكى تشوفي الأسلفت تانى . واللى هعمله فيكى هنا والفضيحه اللى هاتعيشيها هتندمي عمرك كله انك رفضتى . وافتكري كويس ان استمرار رفضك ليا بالشكل ده هو اللى بيجبرنى اعمل فيكى كده ..
سليمان : شيرين . وافقى ياشيرين . عشان تطلعي من هنا . وانا اللى هاكتب العقد بنفسى وهسجله فى الشهر العقاري كمان . وحسام هيكون شاهد على العقد . وحازم كمان يجيب شاهد من عنده . اظن لما العقد يتكتب على ايد محامى ووكيل نيابه وظابط شرطه شاهدين عليه . حازم باشا مش هيقدر ينكرك .
شيرين حاطه ايديها على دماغها بتفكر وحاسه انه خلاص دماغها هتنفجر من كتر التفكير والكل اشترك فى خذلانها
حازم : تقدروا تمشوا انتو دلوقتى يا سليمان بيه ولما الهانم تقرر هتصل بيك . عشان تجهز العقد عشان الهانم تطمن .
حسام بقلة حيله بيعتذر لشيرين انه مش قادر يعمل حاجه وسليمان كمان بص لشيرين بأسف وخرجوا من المكتب ..
شيرين قامت وقفت وقالت بجمود :رجعنى الحجز ياباشا .. قام حازم وقف قصادها . وقال بغرور . فكري كويس وياريت توافقي . مش عشانى لاء عشان ترحمي نفسك من اللى هاعمله فيكى ،لأنى بصراحه مودبلك حتة قضيه . متخرش الميه .
واقسم بذات الله ياشيرين لو شفتي بعدها يوم راحه مبقاش حازم الحديدى .وكمان ترحمي امك الغلبانه واخواتك اللى سمعتهم وكرامتهم هتنداس فى الارض بسببك .ها .وحط أيده بجرئه يلمس شفايفها . زقت ايده بعنف وهي بتبصله بغضب .وتابع بغرور .تمام كلها لحد بليل ومش شفايفك بس اللى هتبقي ملكى . كلك على بعضك وساعتها هاتشوفي ايديك ديه لو اتمدت تانى تنزل ايدى من علي جسمك .هقطعهالك ….ونده لمحمود بصوووت عالى . عشان يرجع شيرين
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى الحجز . دخلت شيرين والدموع فى عنيها … قعدت جنب مها اللى كانت مولعه سيجاره وبتدخنها برواق . مها اتعدلت وقالت لشيرين : هو انتى كل ماتطلعي ترجعي معيطه . ايه اللى حصل تاني بس
شيرين بحزن ودموع وسخريه : الباشا بيساومنى عشان يخرجنى منها . عايز يتجوزني
مها بصدمه ومفجأه : مين قااااااسم باشا ؟
شيرين مخدتش بالها من كلام مها وقالتلها بعفويه وكأنها بتصحح لها مجرى الحديث .لاء حازم باشا .عشان يخرجنى من هنا عايز يتجوزني .عرررفي . شفتي أذلال اكتر من كده …( لحظه ادراك من شيرين ). ثواني انتى قولتي قاااسم صح.. انتى تعرفي قاسم بيه ؟
مها بتوتر وأرتباك : ها .. اه ..اه عرفاه .قاسم ده زبون تقيل من زباينى .اتقل زبون عندى .كلمته عمرها ماتبقي اتنين وأوامره واجبة النفاذ . وممنوع اي اعتراض . ولا حتى تفكرى تقولى لاء . (مها قالت كده بأسف وندم وكرهه)
شيرين بتفكر فى كلام حازم بصوت عالى وهي بتقول : مش عارفه اعمل ايه .لو موافقتش هيودينى فى ستين داهيه وهيلبسنى مصيبه مليش ذنب فيها .
مها : هو انتى لسه هتفكري ولا أيه .انتى لازم توافقى . وخرجي نفسك من المصيبه ديه .ياشيرين بصي حواليكى كده انتى مش شبهنا مش شبه دول . انتى شكلك بنت ناس .ملكيش فى كل القرف ده . وتابعت كلامها بتأااااااكيد . ياشيرين صدقينى انتى كانت مستنياكى مصيبه اكبرررر من كده بكتيرررر .ربنا انقذك منها .مره . وبعتلك حازم ده من السما . ودلوقتى ربنا بعتهولك تانى عشان تتحامى فيه .صدقينى وافقي . وافقي من غير تفكير .والله العظيم ده احسنلك واضمنلك .
شيرين بأستغراب من كلامها وشكها قرب يبقي يقين : انتى تعرفي ايه ومخبياه ؟ وليه مصممه ان حازم بالنسبالي طوق نجاه بالرغم من اللى عمله فيا والله اعلم لسه هيعمل ايه تانى .
مها : كل اللى اقدر اقولهولك دلوقتى . لو حازم ده وسيله لأنقاذك من الغرق اتشعبطى فيها واستغليها ….حتى لو محسبتيش هتعملى ايه بعد كده . انفدى بجلدك وبعدها يحصل اللى يحصل . واوعدك لو ظروفك ديه انتهت على خير .هحكيلك كل حاجه .ودلوقتى روحي بلغيه انك وافقتى .متقعديش هنا اكتر من كده . بصي للى حواليكى وبصي لنفسك متلوثيش نفسك .وقامت بسرعه عند الباب بصوت عالى ياشاويش ياشاويش .
الشاويش جلها بغضبه : جرا أيه يا م***** صوتك عالي ليه .فاكره نفسك فين هنا …
مها : معلش .روح لحازم باشا .وقولوا ان شيرين موافقه . او اندهلي الأمين محمود بسرعه ….الشاويش بص لشيرين اللى كانت منهاره من البكاء . محمود كان مشدد عليه ياخد باله منها ..وفعلا طلع الشاويش لمحمود وقاله اللى حصل . ومحمود دخل يبلغ حازم بللي حصل .
حازم ضحك بغرور : كنت عارف انها هتوافق ومش هتقدر تصمد كتير .وتابع محمود انزل قولها اني مشيت ومش هرجع غير بليل ……. وفعلا محمود نزل زي ما أمره …… (حازم كلم سليمان وبلغه بموافقه شيرين وطلب منه يجهز العقود ويجي فى المساء ) وفعلا عدا الوقت . وجه وقت المساء . محمود جاب شيرين من الحجز وكانت خلاص تعبت جدا وبان عليها الأرهاق وعدم القدره على اي شيئ. وقعدت معاهم . وكان سليمان وحسام موجودين . وحازم جاب ضاابط زميله عشان يبقا شاهد تانى …… قعدت شيرين قصاد حازم .وسليمان كان مجهز العقود وبمنتهي الحزن والأسف وتمم اجراءات الزواج والكل مضوا على العقود . وبعدها خرج
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
شيرين بتساءل : بعد العقود اللى اتكتب دي . المفروض انى خلاص كده مش هرجع الحجز تانى . واقدر اروح بقا .
حازم ضحك بسخريه : طبعا هتروحي .بس هتروحي على بيتى انا معايا .مع جوزك .
شيرين برفض وخوف : لاء مستحيل . مش بسرعه كده . وبصت لحسام .
حازم بغرور: قولها حاجه ياحسام بيه ….
حسام بحزن : شيرين . حازم دلوقتى بقا جوزك .وطبيعي تروحي معاه بيته هو . شيرين هنا عيطت . وبترجي لحازم قالت .ارجوك ادينى يومين بس . اروح لماما اطمنها عليا . وارتاح من البهدله اللى انا فيها واتعالج من اللى انت عملته فيا .
واعرف ماما انى اتجوزتك . ارجوك ياحازم . ابوس رجلك …
حازم ولاسامع توسلها وبتصميم : لاء .يعنى لاء . ان كان على مامتك اكيد حسام هيحكلها كل حاجه وهيطمنها عليكى . وانتى هترتاحي فى البيت براحتك … شيرين لسه هتتكلم . بصلها بصه اسكتتها . فهمت انه مافيش فايده مش هاتقدر تهرب من مصيرها .المجهول …
حسام قرب من حازم وبهدوء واستعطاف قاله : اظن انت كده عملت اللى انت عايزه . ليا رجاء عندك . انت شايف حالتها عامله ازاي . متمدش ايدك عليها تانى . انا عارف انك لسه بتحبها . واللى بيحب حد مش بيأذيه ياحازم . (وديه كانت محاوله من حسام يفكروه بحبه لشيرين .عشان يخف قسوته عليها شويه ) …
حازم اتنهد بحزن : لو سمحت ياحسام بيه . متدخلش بينى وبين مرراتى . تمام .. وبص لشيرين اللى كانت واقفه بعيد عنهم وقالها يلا هانم .
شيرين بصت لحسام بترجي ودموع : حسام انت هاتسيبنى معاه . سليمان بيه اقول حاجه من فضلك ..هنا حازم اتضايق جدا وجذبها بقوها من دراعها . ولأنه كان ضاربها بالحزام فاجسمها كله كان عليه كدمات بزرقان . غصبا عنها صرخت لما مسك دراعها بعنف .. نزلوا وركبوا العربيه بتاعته وهو ساق بجنون .واقصى سرعه كأنه مصدق انها بقت معاه . وقال بجمود عكس اللى حاسس بيه .. فاكره اتحايلت عليكى اد ايه عشان نتجوز . فاكره كام مره طلبت منك وانتى كنتى بترفضى .
شيرين بسخريه : فاكره . بس برضو فاكره كويس سبب رفضي كان ليه وفاكره انك ماصدقت .وحسستنى اد ايه انا رخيصه . وقولتلى كده بالنص . اللى زيك تحمد ربنا انى فكرت فيها وكأنى انا اللى كنت بجرى وراك وبتمنى رضاك .
حازم بتوعد : وحياة امك يابنت امينه لقطعلك لسانك اللى بتردى عليا بيه ده .. انتى ايه يابت لسه فيكى نفس بعد اللى عملته فيكى ..
شيرين : هو انا ازاي كنت مخدوعه فيك . ازاي مكنتش شيفاك على حقيقتك ..
حازم بتوعد : طولى لسانك كمان . عشان ده هيخلينى اتفنن ازاي اعذبك .. وربي لخليكى تتمني الموت .
شيرين بسخريه : تعرف ان ديه اكتر حاجه بتمناه دلوقتى . انى اموت قبل ما اوصل معاك البيت …
حازم الكلمه وجعته جدا . ديه اهانه صريحه ليه ، بس اكتفي انه ينظر لها بغضب وتوعد
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى منزل امينه .حسام كان قاعد معاهم بيحكلهم كل حاجه حصلت مع شيرين ..من اول ماشيرين وصلت الفستان ولحد جوازها من حازم
حسام بأسف : ده كل اللى حصل
امينه حطت ايديها على قلبها بخوف والدموع فى عنيها : يعنى بنتى دلوقتى مع اللى اسمه حازم دهى
حسام : للاسف بقا جوزها . حازم دلوقتى جوزها
سها بدموع : ليه ياحسام .مقولتلناش امبارح . كنا اتصرفنا وعرفنا نخرجها من المصيبه ديه
حسام : اذا كنت انا واكبر محامى مقدرناش نخرجها .
امينه : يمكن كنت قدرت اتصرف . انا معارفي بقوا كتير .
حسام بأسف : ياجماعه ديه قضيه مخله بالشرف . وحساسه ومحدش بيبقا عايز يتدخل فى النوعيه ديه من القضايا ..محدش كان هايعرف يعرف يعمل حاجه . شهود بيشهدوا ببرأتها ونفس الشهود هيتسخروا لأدانتها .. انا روحت بيت الست اللى اسمها حنان . اتبخرت . ويمكن ملهاش وجود من الاساس …واللى حصل لشيرين ده تقريبا كان مدبر .
سها : يبقا حازم اللى عمل كده عشان يجبرها تتجوزا ..
حسام : لاء مش حازم . بس حازم برضو مش بريئ لأنه استغل . وضع شيرين . واستغل سلطته وضغط عليها . عشان تتجوزه .
انا حبيت احطكم فى الصوره . وكان لازم تعرفوا اللى حصل . لأنه مش هنقدر نبرر غيابها لحد مانشوف حازم هايقرر يعمل معاها ايه .
امينه بقلة حيله وبكاء . يارب انا مليش غيرك . احمي بنتى وأحفظها من أذاه .
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
عند حازم وشيرين كانوا خلاص وصلو البيت . فتح باب الشقه وكان بيشدها بعنف .دخلت شيرين وهي بتبكى قفل الباب بالمفتاح وكان بيبصلها بغضب وقال .مش عايز اسمع صوتك .اتحرك نحو غرفة النوم وقالها تعالى ورايا .مشيت وراه وخطواتها بطيئه ومهزوزه . قعد على طرف السرير . وهي كانت لسه عند اول الباب .
حازم بغضب : انتى لسه واقفه عندك .مش شايفه ولا بتستعبطى ..شيرين مش فاهمه يقصد ايه .تابع بغضب . تعالى قلعينى الجزمه . قربت شيرين منه وجست على ركبتيها وبدئت. تقلعه الجزمه . بصلها بأنتصار وبسخريه قال . انتى مكانك كده بالظبط تحت رجلي . والجزمه اعلى منك …. شيرين غمضت عنيها بحزن وألم وبعد ما قلعته الجزمه . ركلها برجليه وقعت ع الأرض . قرب عليها ودنى لمستواها . وبصلها بأشمئزاز . وتعابير وشه بتقول انه قرفان .. ريحتك تقرف . قومى استحمى وغيرى هدومك النج*س*ه ديه.. وشاور لها ع الحمام . قامت من ع الأرض بصعوبه وتعب قرب عليها وهمس جنب ودنها . كلها دقايق .وهاخد حقي الشرعي منك . قسما بالله لو طلعتى مش بن*ت بن*وت هق*تلك هنا من غير رحمه وانا قد كلامى …

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت امينة)