رواية تخلت عن كبريائها من أجله الفصل السابع 7 بقلم رونا

رواية تخلت عن كبريائها من أجله الفصل السابع 7 بقلم رونا

رواية تخلت عن كبريائها من أجله البارت السابع

رواية تخلت عن كبريائها من أجله الجزء السابع

رواية تخلت عن كبريائها من أجله الحلقة السابعة

في الشركه تحديدا مكتب حمزه بيدخل تامر
تامر: شذي مجتش النهارده
حمزه: عادي
تامر: مش عادي
حمزه: لا مش فاهم قصدك اي اوعي يكون قصدك ان شذي
تامر: ايوه اللي فهمته ماهو بص اللي يعمل اللي حصل ده حد من الاتنين ياشذي يانيره وبما ان نيره طلعت في السليم يبقي شذي اللي مش في السليم
حمزه: طب وهنتاكد ازاي
تامر: هي باينه زي الشمس اللي يعمل كده لازم يكون حد من من الاداره عشان كل حاجه تبقي مضبوطه والاداره متقسمه بين شذي ونيره، ونيره بتيجي يوم اه وعشره لا ده غير انها عامله توكيل لشذي واتاكدنا بطريقتنا انها في السليم يبقي شذي هي اللي ورا كل اللي بيحصل وغيابها النهارده اكدلي اكتر
حمزه: غيابها اكدلك ازاي
تامر:جاتلي اخبار ان في مقابلة حصلت امبارح
حمزه: تمام طب والعمل
تامر:هقلك ولسه هيكمل بيسمع صوت خبط في الباب وبيشك ان في حد واقف بيتصنت وبيقوم يفتح الباب ميلاقيش حد بيرجع لحمزه تاني وبيقوله يلا نمشي احسن
بينزلو يروحو كافيه ويكملو كلامهم
تامر: دلوقتي احنا اتاكدنا ان شذي هي اللي احنا بندور عليها بس لسه مش معانا دليل صح
حمزه: صح كده
تامر: وبما ان شذي حريصه جدا ومش من السهل انها تغلط عشان نمسك دليل يبقي احنا وتحديدا انت اللي لازم تجيب الدليل
حمزه: ازاي
تامر: تقرب منها لحد ما تثق فيك وتقلك كل حاجه
حمزه: بس انت لسه قايل هي حريصه ومش سهله عشان تثق فيا بسرعه
تامر: صح بس العيار اللي ميصبش يدوش و لما انت تقرب منها وتشغلها غير الحوارات اللي هي فيها هتبقي مضغوطه وساعتها هتغلط ويظهر لنا بدايه خيط نمشي وراه لحد ما نوصل للي عايزينه
حمزه: كلامك صح بس ممكن متضبطش لانها مش سهله
تامر: علي الاقل نبقي حاولنا بدل ما احنا بنضيع وقت ومش عارفين نوصل لحاجه
حمزه: ماشي ربنا يستر وتضبط
تامر: هتضبط ان شاءلله
ـــــــــــــــــــــــــــــــــ|بقلمي رونا|ـــــــــــــــــــــــــــــــ
{في بيت شذي}
بتروح شيري بتلاقي شذي قاعده في الجنينه بتكلمها شيري: شذي
شذي:مبتردش وسرحانه
شيري بصوت عالي: شذي
شذي بخضه: اي يا جزمه انتي خضيتني
شيري: اعملك اي يعني ما انا بكلمك مش بتردي وشكلك في دنيا غير الدنيا قلت افوقك الحق عليا
شذي: متشكرين علي خدماتك يلا روحي غيري هدومك عشان نتغدا سوا
شيري: اوك
وبتنادي شذي علي الخادمه ميار
شذي: ميار
ميار: نعم يا شذي هانم
شذي: حضري الغدا عشان شيري هانم وصلت
ميار: حاضر يا هانم
وبتحضر ميار الغدا وبتنادي شذي وشيري عشان الغدا
علي السفره
شذي: طمنيني اخبار شغلك اي
شيري: تمام ماشي الحال
شذي: كويس
في نفس اللحظه بيجي اشعار ل شذي علي موبايلها من رقم غريب بتتوتر وبيجي في دماغها المافيا بس مش بتبين حاجه وبتفتح بتلاقي رقم عادي مش رقم برايفت بتتطمن لان كده مش المافيا لانهم لما بيعبتو حاجه بيبقي من رقم برايفت بفتح الماسج بتلاقي «في عينيكي يختصر كل حكايا الجمال والسحر🥀♥» بتفرح من جواها بس مش بيبان علي ملامحها انها فرحانه وفي نفس الوقت بتستغرب مين وشافها امتا وازاي عشان يبعتلها كده وكالعاده كل ده مش مبينه حاجه بتفوق من سرحانها علي صوت شيري
شيري: مالك يا شذي النهارده فيكي اي
شذي: مفيش حاجه انا كويسه
شيري: متاكده انك كويسه تصحي مالكيش مزاج تروحي الشركه قولت عادي مرهقه جيت من الشغل لاقيتك سرحانه قلت عادي جايز بتفكر في حاجه في الشغل لكن دلوقتي كمان سرحانه بردو يبقي اكيد في حاجه
شذي: انا كويسه ومفيش حاجه متقلقيش انا طالعه اوضتي
شيري: طيب مش هتكملي اكلك
شذي: لا خلاص شبعت
شيري: براحتك وبتكمل شيري اكلها وتطلع اوضتها
{عند شذي في الاوضه}
بفتح الشات بتاع الماسج وبتبعت انت مين وجبت رقمي منين
الشخص: انا واحد معجب بيكي
شذي: ايوه مين يعني
الشخص: هتعرفي في الوقت المناسب ولحد ما يجي هنتكلم واتساب
شذي: اللي هو ازاي يعني طب لو مقلتش انت مين هعملك بلوك
الشخص: حتي لو عملتي بلوك هكلمك بردو
شذي: ازاي يعني
الشخص: لما تعملي بلوك هتعرفي هكلمك ازاي وبردو مش هقلك انا مين غير لما اعوز اقلك
شذي بتفكر مع نفسها وبتلاقي انها مش هتستفاد حاجه لو عملت بلوك لكن لو بادلته الكلام هيقولها هو مين ولسه هتبعت حاجه بتلاقي ماسج
الشخص: ها معملتيش بلوك يعني
شذي: لا خلاص غيرت رايي ومش هعمل بلوك وهستني تقولي انت مين بس ياريت متتاخرش في انك تعرفني نفسك
الشخص: اوك اتفقنا يا شذي
شذي: بقلك طب انا هسجلك اي وانت مش عايز تعرفني اسمك
الشخص: سجليني زيزو ده اسم دلعي
شذي: اتفقنا يا زيزو
وبيفضلو يتكلمو لحد بليل وبعد كده ينامو
ـــــــــــــــــــــــــــــــــ|بقلمي رونا|ـــــــــــــــــــــــــــــــ
{تاني يوم الصبح}
بيصحو ابطالنا وكل واحد بيروح شغله شيري بتروح الاتيليه وشذي وحمزه وتامر بيروحو الشركه ونيره كالعاده بتروح الشركه يوم اه وعشره لا بس صحيت انهارده قررت تروح الشركه
{في الاتيليه عند شيري}
شيري بتنادي جميله
“اللي مش فاكر جميله تبقي بنت شغاله مع شيري”
شيري: جميله
جميله: ايوه يا شيري
شيري: وصلتي لفين في التصميمات
جميله: يعني لسه ناقص كام حاجه كده عايزه تتضبط وتبقي خلصت
شيري: وريني كده
جميله: حاضر وبتروح تجيب التصميمات وتوريها ل شيري
شيري: بتشوف التصميمات وبتنبهر حلوين اوي ياجميله بس في كام حاجه كده محتاجه تضبيط بس في العموم شغلك جميل اوووي
جميله: ميرسي يا شيري
شيري: تعالي اوريكي تعملي اي بقا عشان يبقوا تمام
جميله: اوك وشيري بتوريها المفروض تعمل اي
وفي اللحظه دي بتدخل دينا صاحبه شيري
دينا بمرح: عاملين اي يا كتاكيت😂
شيري وجميله في نفس الوقت: كويسين
شيري ل جميله: عرفتي هتعملي اي
جميله: ايوه
شيري: بتديها التصميمات طب خدي بقا وروحي كملي شغلك يلا
جميله: تمام
شيري ل دينا بهزار: اللي يشوفك امبارح وانتي شايله طاجن ستك ميشوفكيش النهارده وانتي وشك منور وضحكتك من الودن للودن😂😂
دينا بمرح: يعني لا كيبئه عاجب ولا فرفوشه عاجب اعمل اي طيب😂😂
شيري: امبارح عرفت كنتى كيبئه ليه فلازم اعرف اي اللي خلاكي فجاه كده بقيتي فرفوشه😂
دينا: نفس اللي خلاني كيبئه امبارح
شيري: فزوره دي ولا اي😂 فهميني طيب
دينا: يوسف كان مضايقني امبارح وصالحني النهارده بس كده
شيري: اهاا فهمت طب احكيلي ازاي بقا
دينا: هقلك وبتحكيلها
{عند شذي في الشركه}
بتدخل المكتب بتلاقي بوكيه ورد وفي كارت بتقرا الكارت«صباح الخير يومك جميل زي عيونك زيزو» بتفرح من جواها بس مش بتبين وبتضغط علي الزر وبتيجي سلمي السكرتيره
سلمي: تحت امرك يا فندم
شذي بحده: مين اللي جاب الورد ده
سلمي: مندوب جه من المحل اللي مبعوت منه الورد وقال ان الورد ده لازم يكون في مكتب حضرتك فاستلمته منه ودخلت حطيته عشان حضرتك قايله ان مش اي حد يدخل المكتب
شذي: تمام روحي شوفي شغلك
سلمي: اوك
بعد وقت بيتفتح باب مكتب شذي وتدخل نيره وتستغرب لان دي اول مره تدخل وشذي متزعقش وبتلاقي شذي ماسكه بوكيه ورد وسرحانه
نيره بصوت عالي: شذي
شذي: اي يا زفته خضيتني
نيره: ما انتي سرحانه خالص وماسكه بوكيه ورد قلت افوقك عشان تحكيلي اي الحوار
شذي: حوار اي
نيره: امبارح متجيش الشركه والنهارده سرحانه وبوكيه ورد مش دي شذي اللي انا اعرفها
شذي: مجتش ليه امبارح قلتك عشان مرهقه انما اي حوار الورد مش عارفه
نيره: يعني اي مش عارفه لا طبعا اكيد في حاجه حصلت امبارح ليها علاقه ببوكيه الورد
شذي: مشكلتي معاكي انك حفظاني
نيره: عيب عليكي يبنتي ده انا اقرب ليكي من اختك
انجزي واحكي بقا
شذي: بتحكيلها اللي حصل
ـــــــــــــــــــــــــــــــــ|بقلمي رونا|ـــــــــــــــــــــــــــــــ
في مكتب حمزه بيدخل تامر
تامر: اي الاخبار
حمزه: مش هينفع نتكلم هنا
تامر: طب تعالي نزوغ شويه ونرجع تاني
حمزه: ماشي بس ربنا يستر ومش نتقفش
بيروحو كافيه جمب الشركه
تامر: ها احكي بقا
حمزه: مفيش جاتلي فكره امبارح فجاه حسيت انها احسن لاني مش عارف ابدا معاها ازاي دخلت كلمتها واتساب وبعد وقت هبقي اعرفها انا مين وبيحكيله اللي حصل لما شذي جاتلها ماسج علي الواتساب
“يعني اللي كان بيكلم شذي واتساب حمزه وهو اللي بعت الورد بس مع مندوب من المحل”
تامر: تمام كده
حمزه: بس لازم نحرص ونخف كلام فالشركه وتزويغ من الشغل عشان نبقي في السليم
تامر: عندك حق.. وبيرجعو للشركه
{في الشركه}
عند سلمي السكرتيره بيجلها ماسج علي الواتساب من رقم مكتوب فيها«لازم نتقابل عشان عايز منك خدمه في مكان….. الساعه….والا هقتلك»
ياتري مين اللي بيهدد سلمي وعايز منها اي؟
يا تري تامر و حمزه مخبين اي وناويين علي اي؟
شذي قلبها ابتدا يفتح ومشاعرها ابتدت تتحرك بس شذي مسيطره عليهم تفتكروا شذي هتقدر تسيطر علي عليهم علطول ولا مشاعرها وقلبها هما اللي هيسيطروا عليها؟

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية تخلت عن كبريائها من أجله)