روايات

رواية لم تكن ملكي الفصل الأول 1 بقلم سما عمرو

رواية لم تكن ملكي الفصل الأول 1 بقلم سما عمرو

رواية لم تكن ملكي البارت الأول

رواية لم تكن ملكي الجزء الأول

لم تكن ملكي
لم تكن ملكي

رواية لم تكن ملكي الحلقة الأولى

آسف
=هو اي اللي آسف اجبلك نضارة يعني عشان تشوف قدامك بعد كده
-على فكرة انا قولت آسف و مبعدش كلامي مرتين
=متعيدوش،بس ابقي فوق يا بابا وانتَ ماشي
-ابقي افتكري طريقة كلامك دي عشان لمَ تشيلي المادة متعيطيش
=بص انا مش فضيالك ده مفكر نفسه دكتور ولا ايه ده
ْ
“ده واحد كده معرفش مين كنت ماشيه بسرعه عشان متأخرة علي المحاضرة جه حضرته وقعلي الكتب مفكر أن احنا في مسلسل ولا حاجه هيوقع الكتب وابص في عينه ويبص في عيني ”
ْ
:يلا يا ندي هنتأخر علي المحاضرة حرام عليكي الدكتور
مش هيدخلنا
=حاضر يا سجود، بدل ما تقوليلي اتأخرتي لي دي الصحاب ولا بلاش
:إن شاء الله بعد المحاضرة هسألك، حرام عليكي بجد بسرعه يلا هنطرد من اول محاضرة كده
=على اساس ان احنا مبتردش خالص من المحاضرات يلا يا اختي
:يلا، ربنا يستر ويكون لسه مبدأش

 

 

ْ
“دخلنا المحاضرة الحمد لله والدكتور دخل بعدنا على طول الحمد لله بجد انو كان لسه مبدأش بس قعدنا في آخر بنش”
ْ
-أنا دكتور علي هبقي موجود هنا هدرسلكم الترجمه علشان دكتور حمدي تعبان، وعايز الكل يركز معايا وانا بشرح مش عايز اي كلام جانبي ومحدش هيدخل بعدي المحاضرة ولمَ اقول في امتحان الكل يذاكر عشان محدش يزعل من اللي هيحصل ومبحبش اقرر كلامي مرتين اظن الكل فهم
=الحقي يا سجود انا شايلة المادة خلاص
:في اي..؟؟
=الدكتور ده وقعلي الكتب واكلمت معاه بطريقه مش كويسه وقالي انو هيشيلني المادة بس انا مختش كلامه جد قولت بيقول كده وخلاص عشان يخوفني
:ينهار مش فايت، يا بنتي حرام عليكي للمرة المليون اقولك متكلميش مع حد كنتي قوليلو حصل خير أو أي حاجه مش عارفه اعمل أي للسانك اللي عايز القص ده
=اهو اللي حصل بقي يا سجود ،بس انا مش عايزاه يشوف….
-الأنسه اللي ورا ، اتفضلي قولي كنت بقول اي؟
=يا نهار مش فايت
-قولتي اي؟!
=لا مقولتش حاجه
-اتفضلي قولي انا كنت بقول اي؟
=حضرتك كنت بتقول في المحاضرة
-لا وَاللهِ حد قالك اني كنت بقول في حاجه تانيه
=لا يا دكتور بس…..

 

 

-بس اي اتفضلي برا لمَ تبقي تحترمي المعيد بتاعك ابقي احضريلي محاضرات بعد كده
=حد قال ان انا هموت واحضر محضرتك يعني
:يا بت اخرسي شويه ده مش هيشيلك الماده ده شكله هيشيلك السنه
=يا بنتي بطلي تشاؤم بقي حرام عليكي ارحميني
-مش قلت اطلعي برة،
=اووووف، حاضر يا دكتور طالعه اهو
ْ
“قعدت علي كرسي جمب القاعه بتاعت المحاضرة بتاعت دكتور علي استغفر الله بس انا غلطت فعلا لمَ اكلمت معاه بالطريقه دي لازم اعتذر ليه لمَ يخرج”
ْ
=اخيراً خرجتوا
=دكتور ، انا آسفه على طريقه كلامي مع حضرتك ووعد معدتش هتتكرر تاني
-انتِ فاكرة نفسك فين بالضبط، احنا في جامعه ، واللي حصل انهارده ميكررش تاني فاهمه
=حاضر يا دكتور فاهمه ، عن اذنك
:كل ده بتعتذري ده انا رجلي وجعتني من الوقفه ، يلا عشان نروح
=يلا ، يا سجود
_______________________
ْ
“وصلت البيت واستنيت اخويا لما رجع من الشغل واتغدينا وقرأت الورد بتاعي من القرآن واخدت المحاضرة اللي اطردت منها من صحبتي سجود وقعدت اذاكرها بعدين نمت”
ْ
؛اصحي يلا يا ندي عشان تروحي الجامعه و اوصلك معايا وانا رايح الشغل هستناكي تحت البيت
=حاضر قايمه اهوه هلبس وانزل
ْ
“ده معتز اخويا وهو اكبر مني ب ٣ سنين بيشتغل في شركه للهندسه هو السند ليا وكل حاجه ليا بعد وفاة ماما و بابا واتمني وجوده معايا طول العمر لانه معوضني عن غيابهم”
ْ
؛كل ده بتلبسي حرام عليكي بجد وَاللهِ متأخرة دايما كده في كل حاجه

 

 

=يلا يا معتز بسرعه عشان الدكتور الجديد اللي عليا مستقصدني وهيشيلني الماده لو دخلت بعده
؛حاضر ،سواق الهانم انا
=يلا بقي بالله عليك هطرد أهون عليك
؛حاضر، أي يا بنتي انتي هتشحتي خلاص قربنا نوصل اهوه
<بعد ١٠ دقايق>
؛يلا وصلنا، قوليلي بقي بتخرجي امتي عشان لو خرجت بدري من الشغل ابقي اجي اخدك
=هخرج على الساعه ٢ كده، باي بقى عشان هتأخر
“معتز مشى”
وفجأه،…..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية لم تكن ملكي)

اترك رد