روايات

رواية رؤيه الفصل الثاني 2 بقلم شهد ياسر

رواية رؤيه الفصل الثاني 2 بقلم شهد ياسر

رواية رؤيه البارت الثاني

رواية رؤيه الجزء الثاني

رؤيه
رؤيه

رواية رؤيه الحلقة الثانية

بعد ما رديت عليها مشيت وقفلت الباب أو بمعني اصح “رزعته ”
مشيت وانا وشي مليه العصبيه والحزن عيني كانت بتخوني اوقات وتنزل منها دمعة بس انا وقفت فجأه من غير اي مقدمات ومسحت دمعتي
_محدش يستاهل أني اعيط عشانه .. عشان قساوته معايا ، محدش يستاهل ابداً
حطيت ايدي علي بطني وانا بكمل
_من انهارده انا مليش غيرك انت .. انت وبس .
كملت مشي وانا بحاول افضل قويه مش عشاني ، عشان ابني أو بنتي الي جاي ده الوحيد الي يستحق اني ابقا قويه عشانه.. عشانه هو بس .
*____________________________*
صحيت بعد ساعات وطبعا كانت هي استغلت دا ومشيت فضلت زي كل مرة اكسر فكل حاجه اشوفها قدامي .
ما هو يعني مش كل مرة اتعصب و افقد فيها السيطرة علي نفسي بسببها ابقا انا الي غلطان وهي تغضب وتروح عند امي !
انا معملتش حاجه لكل دا يعني .. وبعدين ما كل دا بسببها .
مسكت تليفوني واتصلت عليها لكنها مكنتش بترد .
ما طبيعي دا المتوقع يعني .
رميت تليفوني علي الأرض وقولت اني هنام ولما اصحي اروح لامي اشوف اي حكايتها دي.
*________________________*

 

 

لما وصلت قدام البيت لقيت سعد بيتصل عليا فكرت شويه ارد ولا بلاش ؟
فالأخر قفلت تليفوني و حطيته في شنطتي ودخلت المدخل العمارة كان شكلها حلو اوي كانت علي الطراز القديم ودا النوع المفضل عندي كنت مبسوطه اوي وبلف زي الطفله الصغيرة وانا بضحك وبتفرج علي المكان الي كان نفسي اعيش فيه من زمان بس قطع دا كله صوت البواب.
* بتدوري علي حاجه يا استاذة ؟
_ل..لا دا انا كنت طالعه شقتي انا ساكنه هنا .
* ساكنه هنا ؟ غريبه دا انا اول اشوفك وانا عم محروس حارس العقار دا بقالي ٣٠ سنه !
_ما هو انا اهلي الله يرحمهم كان ليهم شقه هنا وبعد ما ماتو خالتي خدتني ربتني ويعني دلوقتي انا جايه اعيش هنا .
* بنت مين انتي يا بنتي؟
_استاذ خالد مسعود .
* ياه انتي بنت استاذ خالد وأستاذة رحمه رحمة الله عليهم! كبرتي يا بنتي لما مشيتي من هنا وقت وفاة الغالين يمكن كان سنك ٣ سنين .. بس والله ولدك وولدتك دول كانوا ناس محترمين و ميتعوضوش ابدا ربنا يرحمهم يارب
نزلت مني دمعه و مسحتها
_ يارب يا عم محروس .
*هاتي طب يا بنتي عنك الشنطه دي.
_لا لا تسلم يعم محروس هي مش تقيله صدقني .

 

 

 

* الي تحبيه يا بنتي .. صحيح هو فين اختك ؟
_اختي ايه يا عم محروس انا معنديش اخوات خالص !
* اصل انا يا بنتي علي ما اتذكر انك كان ليكي اخت ، بس يمكن ذاكرتي خانتني بقا كبرت وعجزت .
ابتسمت علي ابتسامته
_ربنا يديك طولة العمر يا عم محروس يلا هطلع انا السلام عليكم.
* وعليكم السلام يا بنتي .
*__________________________*
وصلت بيت اهلي ولأنه بعيد شويه كنت تعبت من السكة وطبعا كان لسه قدامي اني انضفه لأنه مقفول بقاله سنين .
بعد ما خلصت تنضيف بدأت الف من اوضه يمكن افتكر اي ذكري تجمعني بيهم ، هما فارقوني وانا صغيره اوي .. صعب يسيبو طفلة ٣ سنين بردو من غير ذكري واحده تفتكرها ليهم .. بس دا مكنش بأيديهم بردو اكيد كان هما مكنوش عايزني لوحدي كده .
دخلت اوضه من الاوض الموجوده فالشقه وكنت خلاص هطلع بس في حاجه شدت انتباهي وهي صورة بتجمعني انا وعيلتي مسكتها وبصيت فيها بحب بس في حاجه خلتني استغرب اوي !
*________________________*

 

 

 

صحيت بدري اروح لامي اشوف ست رؤي دي اي الحل معاها .
طلعت هدومي البس بس مكنتش لاقي حاجه من الي هلبسها زعقت وانا بقول
+يا رؤي فين القمي..
استعوبت بعدها أن .. اني لوحدي وهي مش معايا .
للدرجه دي هي جزء كبير من حياتي لدرجة أن حتي فغيابها بفكر فيها !
اتنهدت بتعب وحاولت مفكرش فحاجه وقومت اكمل لبس واروح لامي .
روحت لامي فتحلي وهي بتبصلي بقرف
:اهلاً بابني الي خوتلي دماغي بمشكله الكتير مع مراته .
+اهلاً بيكي يا امي ، فين رؤي ؟ يا روئ .
:متتعبش نفسك مش هنا .
+مش هنا ! اومال فين ؟
: فبيت أهلها .
+ليه ما هي دايما لما بتغضب بتيجي علي هنا ؟

 

 

 

:والله ..
قطع كلامنا الجرس الي رن قومت اشوف مين وكانت ..
*_______________________*
نزلت بعد ما صحيت ولبست وانا مقرره اني اروح لخالتي يمكن الاقي اجابه عن كل تساؤلاتي .
وصلت و رنيت الجرس فتحلي سعد وكان بدأ العصبيه تظهر علي وشه بعد ما شافني .
+اهلا بالهانم اللي سابت بيت جوزها وحتي مقعدتش عند خالتها وقعدت فشقه لوحدها
ضحك بسخريه وهو بيكمل
+والله اعلم بقا بتعمل ايه .
_اخرس .
ايدي كانت سابقه كلامي وكملت وانا بقول
_انا مجتش هنا عشانك ولا عشان اسمع كلامك اللي بتتهم في شرفي ده انا جايه عشان حاجه واحدة بس … فين اختي يا خالتي؟

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية رؤيه)

اترك رد