رواية 30 يوم حياة 3 الفصل العشرون 20 بقلم أميرة أسامة

رواية 30 يوم حياة 3 الفصل العشرون 20 بقلم أميرة أسامة

رواية 30 يوم حياة 3 البارت العشرون

رواية 30 يوم حياة 3 الجزء العشرون

رواية 30 يوم حياة 3 الحلقة العشرون

عامر كان راكب ادام وزين ووعد ورا. وايهاب سايق
عامر….مش كنت جبت رحاب وجيت معانا
ايهاب….يعني ينفع ابقي عزول زين ووعد لسه متجوزبن امبارح و رايحين يقضوا شهر العسل وصالح وبوسي راجعين لبعض من اسبوع طب انت وعندك شغل انا اعمل ايه
زين….ياجدع بلاش هبل وبعدين هتعملنا ايه ياعني مانت معاك مراتك
ايهاب….ياعم الجايات كتير ان شاء الله
بعد وقت بسيط كانوا قربوا عالمطار بس الطريق زحمه جدا
زين…الطريق واقف خالص
ايهاب….اه معرفش في ايه مع اننا في عيد يعني والمفروض الشوارع بتبقي رايقه
عامر….اكيد حادثه
ايهاب…اعوذ بالله بومه
عامر…بضحك ياعم وانا بقول يارب تبقي حادثه
زين…..لا يا عم ان شاء الله خير.
وعد….فاضل عالطياره نص ساعه
عامر…احيييه بجد😳
ايهاب…ياعم هنلحق ان شاء الله. وبعدين انتوا اللي واقفين ترغوا وتهزروا.
زين….ان شاء الله هتمشي الوقت.
في عربيه لاحه..
صلاح…فضلتوا تتمرقعوا وترغوا لحد ما اتأخرتوا اهو
صالح….ياعم انا مالي هما اللي واقفين يرغوا
بوسي…ممكن تروح علينا
صلاح…لا ان شاء الله بس هي تمشي شويه
عدي حوالي 15 دقيقه كانوا وصلوا المطار علي اخر لحظه. فاضل عشر دقايق والكياره تطلع
عامر….يلا بسرعه
ايهاب…يلا يلا نزلوا الشنط واجروا

 

 

صالح…سلام يا لاحه
صلاح…سلام.
زين….يلا سلام يا شباب
ايهاب…ياعم اجرواا مش وقت سلام😂😂😂😂
فضلوا يجروا وهما ماسكين ايد بعض وماسكين الشنط وميتين علي نفسهم من الضحك.
بنتين وولدين شباب شافو عامر من جمهوره..
بنت منهم….عاااامر
الشاب….يا نجم
عامر…بضحك وهو بيجري اسف وربنا اسف
البنت…طيب صوره
عامر….وحيات عم حسني متأخررررررر😂😂😂
زين وصالح ووعد وبوسي مكانوش قادرين من الضحك
والجري لحد ما اخيرا عدوا وراحوا عالطياره في اخر لحظه
عامر اعد بتعب ااااه اااه يا اني جريت جري حرامي سارق محفظه
زين….😂😂😂😂والله انا كنت شاكك اننا نوصل اصلا
صالح…..والله ما قادر كل ما اتخيل شكل الواطي ده وهو بيجري ويصوت افطس.
بوسي….عامر ده مصيبه والله بطني وجعتني من الضحك بيقول للبنت وحيات عم حسني متأخر😂😂
وعد…انا تعبت من كتر الضحك والله
عامر….ااااه منكم لله
جاتلهم المضيفه وطلبت منهم يربطوا الاحزمه وسلمت علي عامر وهي مبسوطه
ربطوا الاحزمه وابتدت الطياره تتحرك
بوسي….انا مرعوبه
صالح….اجمدي يابت معنديش حد يخاف
بوسي…ربنا يستر.
ثواني وطلعت الطياره واستقرت واتنهدت بوسي براحه
صالح…خوافه
……..
زين….حبيبي انتي كويسه

 

 

وعد…اه الحمد لله
زين….جريتي كتير حقك عليا
وعد…اطمن يا حبيبي انا بخير
زين….طيب مفيش حاجه كده ولا كده تعباكي😉
وعد….زين خليك مؤدب
زين….والله ما اقصد بطمن علي بنتي
وعد….لا متقلقش انا بخير
حط زين ايده علي كتفها وضمخا ليه بحب وهو بيبوش راسها
زين…ديما يارب اشوفك بخير
عامر….بالصلاه عالنبي كده نراعي شعور السناجل اللي معاكم عشان مقلبهاش نكد
حط صالح ايده علي بوسي وخدها في حضنه.
صالح…اقلبها نكد 😜
عامر….لا اتلموا الحوار ده مش هينفع كده راعوا وضعي شويه
زين…بس يا بابا عشان احنا عرسان جداد ومش عايزين دوشه
عامر….طب ما انا اغني اغنيه رومانسيه بقي واجيب اتنين لمون
صالح…..والله تبقي عملت مع اصحابك احلي واجب اغنيه كده بقي من الحنه الشمال وخلي اللمون عليا😉😉
عامر…مع انكم بتغيظوني بس يلا هطلع انا احسن منكم ومش بس هغنيلكم اغنيه رومانسيه لا دي كمان هتبقي حصري لسه منزلتش
زين….ماشي ياعم كتر خيرك
عامر….استنوا اما اصور استوري اهو الواحد يستفاد منكم بأي حاجه😒
فتح عامر الموبايل يصور نفسه وهو بيغني..

اندمج عامر بجد واندمج علي صوته الحنين زين ووعد وصالح وبوسي
ونسي عامر نفسه انه فالطياره الصوت كله هادي معادا صوته😁😁
❣️🔥❣️
عرفت معنى الحب ايه
اول ما جت عيني في عينيك

لقيت في حضنك اللي عايزه م الحياة
لقيت في حبك قلبي عايش بس ليك

وعد اني عمري هعيشه ليك
قلبي وروحي بين ايديك
هنسى اللي فات م اللحظة دي عمري ابتدى

نستني قوام تعب الايام
مش فارقة هموم دنيا بحالها دة انا قلبي ارتاح

 

 

 

بمجرد ما خلص سمع عامر صوت تسقيف بصوا كلهم وراهم لقوا الناس متفاعله معاهم والمضيفات واقفين يحبوا علي نفسهم😂😂
عامر…بضحك شكرا شكرا😂😂😂 معلش اندمجت معانا عرسان بقي😂😂😂
بص عامر للموبايل وزي ما شوفتوا ده جزء من الاغنيه الجديده هتنزل خلال كام يوم اتمني تعجبكم وكمل بضحك
معلش بقي عالازعاج اللي عملته في الطياره😂
صاحبي عريس جديد جاب الموبايل علي زين
عامر…قولهم حاجه يا عريس.
زين…بضحك انت مجنون والله.
كل سنه وانتوا طيبين يا جماعه عيد سعيد علينا جميعا بص لعامر امشي من وشي بقي.
عامر…بضحك صاحبي يا جماعه جاب الموبايل علي صالح قول حاجه
صالح…حدفلهم بوسه😘
عامر…بضحك مسامسا يا رؤوف😂😂😂
يلا اشوفكم علي خير باااي
زين…انت اهبل ياض انا ليا في جو اللايڤات ده
عامر….لايڤ ازاي يا اذكي اخوتك والطياره طالعه ده استوري
زين…بسسسس يبقي تمسح الجزء بتاعي لا اروقك
عامر….وربنا ما هيحصل😂😂
زين…عيل مترباش😒
عدي الوقت بسرعه واخيرا وصلوا
……..
اما عند منار كانت اعده في اوضتها ومضايقه ومستنياهم يوصلوا عشان تطمن عليهم
دخل عليها عادل وشمس بسرعه
شمس…منار منار
عادل…انتي يابت
منار….ايه في ايه😳😳😳
حد جراله حاجه

 

 

 

عادل…بضحك ايه يا هبله في ايه
منار…حرام عليك يا عادل وقعت قلبي انا اصلا اعده قلقانه لسه عامر مكلمنيش عايزه اطمن انهم وصلوا
شمس يا بنتي هما لحقوا زمانهم عل وصول خلاص خلينا في المهم
عادل…ايوه خلينا في المهم
منار…هو في اهم من اننا نطمن عليهم وانتي يابت معندكيش دم مش اختك معاهم😒😒
شمس…اسمعي بسسسسس متقطعيش برزقك
منار…في ايه
عادل….لو قولتلك الوقت ايه اكتر حاجه الوقت حالا تفرحك هتقولي ايه
منار….اكيد ان حد فيهم يكلمني ويقولي انهم وصلوا
عادل….غير كده
منار….معرفش مفيش حاجه في دماغي ليه الفوازير دي
عادل…مش هقولك غير لما تقولي طب بصي لو سألتك علب حاجه نفسك فيها الوقت حالا
منار…بتفكير…شاورما😒
عادل…الله يخربيت طفاستك وربنا عامر ليه الجنه ليه حق يقول كل خروجاتك اكل
منار…بضحك انت عايز ايه الوقت
شمس….يابت رد لو كان نفسك في حاجه ومتحققتش ونفسك الوقت حالا تحققيها هتبقي ايه
منار…..بصراحه
عادل…الوقت تقولك اشرب مانجه😒😒
شمس…😂😂😂😂طفسه وفضحانا
منار….كان نفسي اروح معاهم اوي😔
عادل….ادامك بالظبط ساعه تكوني محضره شنطتك😉
منار…بصدمه شنطه ايه😳
عادل….شنطت السفر مش عايزه يا اختي تكوني معاهم هوديكي
شمس…يابت مش وقت صدمه اخلصي
منار…لا وربنا ما اقوم غير لما افهم وحيات امك يا عادل بتتكلم جد
عادل….والله العظيم بتكلم جد
منار ..يعني هروح ازاي

 

 

 

عادل….زي الناس انا وانتي وشمس ومش بس احنا احب اقولك ان كل الباقي اللي مسافرش زمانهم بيجهزوا
منار…فضلت تتنطط وتصوت
عادل…يابت براحه عشان متتعبيش😡
منار…يا عم انا قلبي حديد خليك بس معايا كده ابوك موافق
عادل….هو مكانش موافق الاول بس انا اقنعته علي فكره كلنا عارفين بقالنا كام يوم بس عامر وزين وصالح محدش يعرف قولنا نعملهالهم مفجأه بس كمان مرضتش اقولك خفت يرفض وانتي عارفه مكنتش هقدر اضغط عليه ومكنتش حابب اعشمك
منار…دي احلي مفجأه والله نطت منار حضنته
عادل…يلا انجزي بقي عشان خدي بالك احنا كلنا بالصلاه عالنبي كده رايح بالعربيات
انا بعربيتي ايهاب بعربيته ويوسف بعربيته وهيما هياخد عرييه عامر ويبدلوا عالطريق
منار….طب ليه كل العربيات دي
عادل…يابت عشان واحنا راجعين هناخدهم معانا
منار…طب بقولك ايه الطريق ده مش غلط علي شمس والبنات
عادل….ان شاء الله ربنا يستر احنا هنمشي واحده واحده وهنريح كذا مره عشان كده بقولك انجزي
منار….طيب هوااااا
جريت بسرعه منار تحضر الشنطه وراحت شمس معاها تساعدها
ونزل عادل يشوف صحابه عشان يستعجلهم لقي ادهم وهيما ويوسف في الشارع بيجهزوا العربيات
عادل…ايه خلصتوا
ادهم…توته نازله ورايا كانت بتنيم العيال وعلي اخرها عشان قولتلها تسبهم
عادل…طيب ما كنتوا جبتوهم معانا وخلاص
ادهم…باعم توته من يوم ما ولدت وهي متمرمطه بيهم كام يوم بقي تريح اعصابها منهم
هيما…بصراحه رغم اني برخم عليها كتير بس الله يكون في عونها مطلعين عينها
يوسف…بس خد بالك مش هتعرف تأعد من غيرهم

 

 

ادهم…عارف والله وانا كمان صعبانين عليا وهيوحشوني بس لو جم هي اكتر واحده مش هتعرف تكون مبسوطه وهيجننوها
يوسف….ياعم والله انا لو منك قولها تجبهم والعيال هيبقوا في وسطنا والكل هيساعدها فيهم ماشاء الله احنا كتير
ادهم….بتفكير مش عارف ايه رايك يا هيما
هيما…انا رأيي من رأي يوسف هاتهم يا عم العيال تبقي في وسطنا ويتبسطوا هما ولا مره سافروا اصلا
عادل….احنا من يوم موت كريم الله يرحمه داخلين علي سنتين ونص اخو محدش فينا راح اي مصيف
ادهم هيما….الله يرحمه وينور قبره
يوسف…..ربنا يرحمك يا صاحبي
ادهم….طب بقولكم ايه هطلع بسرعه اقولها تجيبهم
هيما…اجري يلا
طلع ادهم بسرعه لقاها اعده بتنيم كريم و احمد نام وشكلها مضايق.
ادهم….ايه نامو
توته…كريم لسه
ادهم…بقولك ايه قومي بسرعه يلا نحضر شنطتهم هناخدهم معانا
توته….والنبي صحيح
ادهم….اه والله عارف انك مش هتبقي مرتاحه وبصراحه ولا انا كمان العيال ما بتخرجش خليهم بتبسطوا
توته….بفرحه انا قايمه بسرعه والله مش هأخركم عشر دقايق بس
ادهم….براحتك خالص عشان متنسيش حاجه هاتي بس غيار وهاتلهم غطا عشان نغطيهم في العربيه
توته…ده الجو حر
ادهم….الجو بليل بيغير واحنا هنبقي علي طريق عشان محدش فيهم يتعب.
سهير…يا ابني كنتوا سبتوهم انا كنت هأعد بيهم
ادهم….لا كده احسن يا سوسو خليهم يتبسطوا
سهير…طيب هاتلهم غطا يابت العيال لما بتنام بتبرد
توته….حاضر يا اما
سهير…ولفي الواد اللي نام ده عشان ما يخدش برد وخلي بالك عليهم يا توته عشان ليلتك متبقاش سوده
توته…بضحك متخافيش والله يا اما
سهير…ربنا يسترها معاكم يارب
ادهم…متقلقيش يا سوسو ربك يسلم
سهير…يارب يا ادهم اما اقوم اساعدها عشان متنساش حاجه
ادهم…ماشي…بقولك ايه يا توته حطيلهم شويه لعب عشان يتلخموا فيها هناك
توته….حطتلهم اول حاجه
ادهم…طيب تمام
……
يوسف….والله انا اللي قلبي مش مطاوعني اسيب روحيه مع مديحه بفكر اعد والله
هيما…ياجدع متخافش مديحه بتخاف عليها اكتر من روحها
يوسف…ياعم انت هتقولي ما انا عارف بس قلقان من روحيه تسهيها وتخرج
او مديحه تروح السوق وتسبها

 

 

عادل….انا قايل لامي تجيب اي حاجه لابله مديحه تحتاجها عشان متسبش روحيه
هيما…وادهم موصي ابويا و موصي سوسو متقلقش ياعم واحنا عندنا البيت بنقفل الباب من تحت ومفيش غير شققنا احنا اللي فيها يعني متقلقش
يوسف….خير يارب هروح اشوفها لحد ما مريم تنزل
هيما طيب تمام…
عادل…هو فين الواد لاحه
هيما…كلمته من شويه قال خلاص هينزل معرفش اتأخر ليه والبارد التاني ايهاب معرفش فين
جه ايهاب من وراه….ياواطي قبل ما تشتم فيا ابقي شوف مين اللي ديما مأخرني
هيما….انا اختي تأخرك زي ما هي عايزه علي فكره
ايهاب…مين يشهد للعروسه
رحاب…عندك مانع يا سي بوب
ايهاب…انا اقدر يا قلب البوب
منه….هيما خد الشنطه دي
هيما…انتي بتستعبطي يا منه ما تكلميني اطلع اخدها
ايهاب…في ايه ياض نازله مع سوسن مانا اللي شايلها
هيما…والله بحسبها هي
خد هيما الشنطه وحطها في شنطه العربيه.
صلاح….مسا مساااا
عادل…اخيرا شرفت يا اخويا
راحت شهد تسلم علي ايهاب
ايهاب….شهود عامله ايه
حضنته شهد…الحمد لله يا حبيبي
نزل ادهم وتوته وولادهم
ادهم من مدخل البيت..
ياهيماا ولا يا هيما
جري هيما علي جوه
ادهم…امسك مني الشنطه دي
هيما….طب ما تندهولي وانتوا فوق نازلين كده بالعيال يا بوب ياپوب
دخله ايهاب خد منه الشنطه
وخد هيما الشنطه التانيه وخرجوا كلهم..
…..
يوسف….هتعبك والله يا ديحه
مديحه…يا ابني تعب ايه بس يوسف…انا اصلا مش عايز اسافر بس العيال بيزنوا عليا
مديحه….وليه متسافرش روح يا ابني اتفسح وغير جو
وفسح مراتك بكره ابنك يجي وميخليكوش تبصوا جمبكم روحوا ياحبيبي ومتخافش علي روحيه دي في عيني وهنقفل باب البيت
سهير…متخافش علي امك يا يوسف دي في عنينا وانا مش هخلي مديحه تحتاج حاجه من السوق اطمن
يوسف…ربنا يخليكوا ليا وانا كل شويه هكلمك يا ديحه واطمن عليها
مديحه….ماشي يا حبيبي اهي نامت اهي
يوسف…هي كانت بتنام اصلا
مديحه…طب يلا يا حبيبي روح لصحابك عشان تمشوا بقي.
يوسف…اوعي تغلطي بلسانك يا ديحه سامعه يا سوسو
سهير…يا واد عيب عليك احنا عيال متقلقش مش هنقول
مديحه…متخافش مش هنتكلم.

 

 

يوسف….ماشي يلا اشوفكم علي خير وخلوا بالكم من بعض راح يوسف باس راس روحيه وسلم عليهم وخرج.
……..
يوسف …يلا ياشباب انا جاهز
ادهم….استني بقولك ايه هو مش انس قولناله وقال انه جاي ودكتوره سهر
عادل…اه صحيح انا نسيت اكلمه
ايهاب…انس قال جاي اه ولسه الصبح مكلمني ومأكد عليه ميقولش لعامر
عادل….طيب استني اكلمه
منار…انا جيت
عادل طيب كنتي قولتيلي اطلع اخد الشنطه منك…..الووو ايه يا عم انت فين
انس….طب سلم الاول
عادل…ولا انت شكلك بتخلع بشياكه
انس…ياعم ولا بخلع ولا حاجه والله انا فالطريق معلش اتأخرت عليكم شويه كنت بظبط حاجه فالبيت مع امي وابويا هنا فا اتأخرت
ايهاب…اديني الواد الواطي ده
انس….ياجدع عيب عليك
ايهاب…انت فين ياعم
انس….والله فالطريق اهو
ايهاب….طيب ادامك اد ايه نتقابل علي الطريق ولا ايه
انس…لا طريق ايه اصبر بقي انا عشر دقايق وابقي ادامكم بس بقولك ايه
ايهاب…قول
انس…ابعد بس شويه كده
ايهاب…اتنيل اخلص عارف اللي هتقوله
انس…طبعا انا قولتلك انت وعامر علي حوار سهر
ايهاب….اه في حاجه ولا ايه

 

 

انس….لا مفيش بس لما قولتلها عالسفر لما قولتوا من كام يوم قالتلي مش هينفع لما ضغط عليها قالتلي هتقول لباباها عرفت انه وافق بس هي مش عايزه وبعدين من يوم ما قولتلها اني بحبها وهي تقريبا مردتش عليا غير مرتين تلاته والوقت بكلمها عشان تجهز واشوفها وصلت لايه مفيش رد خالص وبصراحه قلقان انها متجيش
ايهاب….طيب انت واثق منها يا صاحبي
انس….اه طبعا واثق وعارف انها بتحبني زي ما بحبها بس مش عارف حاسس انها محرجه مش عارفه تكلمني من وقتها مش فاهم بصراحه فا عايزك تتصرف في الحوار ده وتبعت حد يشوفها عشان مش بترد.
ايهاب….كيب اسمع انا هبعتلها منار وتوته هي ديما بتتكلم معاهم وانت عارف توته مش هتسبها
انس…طيب تمام وانا خلاص خمس دقايق وابقي ادامكم
ايهاب…تمام يلا سلام
انس….سلام..
ادهم….ايه جاي
ايهاب…اه خمس دقايق وهيبقي هنا
بس توته والنبي هاتي الواد ده وخدي منار واطلعي شوفي سهر كده
توته …هو ايه الحوار حاسه انه في أنه
ايهاب….يابت وطي صوتك مش عايز انس يزعل
توته…مش بقولك عيب ده انا حبيبه قديمه
منار….هطلع انا اجيبها
توته…استني هاجي معاكي
ايهاب…المهم يا توته متنزليش غير بيها
توته…عيب عليك انا توته
ادهم…اطمن توته قتيله عليها
طلعت توته ومنار خبطوا عليها
فتحت سهر…ايه ده توته منار تعالوا ادخلوا
توته…لا يا اختي احنا لا هندخل ولا هنتنيل انجزي ورانا سفر
منار….انتي لسه ملبستيش
سهر…لا ما هو انا مش هينفع اجي
توته…نعم يا اختي ليه ان شاء الله
منار…هو مش عم رضا وافق. انتي معرفاه
سهر….عمك رضا مش بيرفض اصلا بس انا اللي مش عايزه
توته….ايه السبب
سهر…بارتباك والله مافي سبب بس يمكن مش في المود
منار….انتي يابنتي مش قيلالي انك كنتي بتحضري الشنطه
سهر….والله حضرتها فعلا ولسه زي ماهي بس انا اللي مش عايزه
توته…طيب حلو ادام متحضره يبقي كويس اوي مسكتها من ايدها يلا يا اختي ادامي ادهلي البسي
سهر…اسمعيني بس
سهر…بت انا خلقي ضيق وممكن اتحول عليكي مجنونه

 

 

 

منار….استني بس يا توته قوليلي ياسهر انتي مضايقه من حاجه
سهر…والله العظيم ابدا بس يعني
توته…بت بلاش الحوار ده عليا عيب مفيش بس انتي من جواكي عايزه تيجي بس في حاجه مخلياكي ترفضي
سهر…يمكن كلامك صح
توته…يبقي تسمعي كلام قلبك. يا اختي وانزلي ادامي وانجزي عشان زمانه داخل عالشارع خلاص
سهر…مين ده
توته….قلبك يا اختي
ارتبكت سهر
منار…بضحك انتي اللي جبتيه لنفسك ناسيه انك بتتكلمي مع توته
توته….بقولك ايه يا سهر احنا بقينا صحاب واخوات صح
سهر….اكيد طبعا والله العظيم ربنا عالم معزتكم عندي
توته…..طيب يبقي اسمعي من اختك بقي ويلا عشان هتيجي معايا واعملي حسابك الواد شكله بيحبك بجد
سهر….بصتلها وسكتت
توته…يابت مالك مصدومه ليه انا حبيبه قديمه وافهم في لغه العيون
منار…بضحك والله كنتي نزلتي بأدبك احسن
سهر….بصوا انا بجد محتاجه اتكلم
توته…احيه دكتوره نفسيه ومحتاجه تتكلم معانا احنا
منار….😂😂😂😂 يابت سبيها ما احنا دكاتره بردو
سهر…بضحك والله اكتر ناس مظلومه الدكاتره النفسيه بيسمع ا كل الناس ومبيلاقوش اللي يسمعهم
توته…لا قولي انا سمعاكي
سهر….انا حاسه اني متلغبطه بس مبسوطه وخايفه
منار….خايفه من ايه يابت انتي عبيطه بقولك ايه انس طيب اوي وجدع وراجل وبيحب من قلبه بجد المفروض انا مقولكيش الكلام ده بس انا اكتر حد هيديكي الخلاصه انس نضيف يا سهر وانتي بتحبيه
علي فكره
توته….منار معاها حق الواد محترم وبيحبك يا بت وشكله باين والله العظيم والاهم من كل ده ان شكلك انتي كمان بتحببه وإلا مكنتيش هتتلغبطي
سهر….بس انا اللغبطه اللي جوايا دي مضيقاني جدا بنصح كل الناس وللاسف اول مره مقدرش انصح نفسي
توته…..سيبي نفسك يا سهر. وعيشي اللحظه بلاش تفكري كتير في حجات لما بنفضل نفكرلها كتير بتبوظ حياتنا عيشي اللحظه متعرفيش تعيشي اللحظه
سهر….بابتسامه بعرف
توته…يبقي يلا يا اختي انجزي هاتي شنطتك انادي علي حد يشيلها وانتي جري ادخلي البسي وانتي يا بت يا منار روحي اقفليلها شقتها وأمني علي الحاجه ويلا اخلصوا
سهر….علي فكره انتي جدعه اوي يا توته

 

 

 

توته
..يا اختي طول عمري والنبي ومحدش مقدر
سهر..😂😂😂😂😂
منار…منك لله يا سهر دي لما بتفتح ما بتتسدش
توته…يابت اتلمي انا لو كنت اتجوزت بدري شويه كنت جبت ادك
منار…ليه يا اختي كنتي هتجبيني وانتي في اللفه
توته…يابت بلاش رغي اخلصي وانتي يا اختي روحي البسي انا هنزل أنادي لحد من الشباب يطلع ياخد الشنطه
سهر…هدخل البس بسرعه
نزلت توته كان الشباب بيسلموا علي انس
توته….اذيك يا انس
انس…اهلا يا توته عامله ايه
توته… الحمد لله
ايهاب…عملتي ايه
توته…عيب عليك نازله حد بس يطلع ياخد الشنطه
رحاب….بصوت واطي انا مش فاهمه حاجه هي زعلانه ولا ايه
سهر…مش وقتك يا بت هفهمك بعدين
ايهاب…طيب انا هاخد انس ونجيب الشنطه
تعالب يا انس نجيب شنطه سهر.
ادهم….افتح الشنطه بتاعت العربيه عشان تحط شنطه سهر معاك
انس…تمام
راح ايهاب وانس لقوا منار وسهر نازلين وقفت سهر علي اخر درجه من بعيد اتصدمت لما شافت انس أدامها مره واحده
ايهاب….طيب نزلتوا بالشنطه ليه كنت طالع اخدها
منار….ما توته اتأخرت نزلنا احنا بقي
ايهاب….اذيك يا دكتوره
سهر…اذيك انت يا ايهاب
انس…عامله ايه يا منار

 

 

 

منار…الحمد لله يا انس انت عامل ايه
انس….الحمد لله بخير اذيك يا سهر
سهر…وهي بتحاول تبعد عينها عنه الحمد لله بخير
خد ايهاب الشنطه وطلع وطلعت وراه منار

يتبع…

لقراءة الفصل التالي : اضغط هنا

لقراءة باقي حلقات الرواية اضغط على (رواية 30 يوم حياة)