روايات

رواية حياة ظابطة الفصل الخامس والثلاثون 35 بقلم سما المحلاوي

رواية حياة ظابطة الفصل الخامس والثلاثون 35 بقلم سما المحلاوي

رواية حياة ظابطة البارت الخامس والثلاثون

رواية حياة ظابطة الجزء الخامس والثلاثون

رواية حياة ظابطة الحلقة الخامسة والثلاثون

»البارت عن حياه انهاردة واسرتها ومشاهد قليلة عن الباقي«
مراد نزل تحت وجاب لنورا وحياه وساره شكولاتات كتيرة وحلويات وايس كريم وطلع لياسين وقالوا تعالى اقعد معانا وهات خالتو تقعد مع ماما….
دخل اوضة ساره….
مراد….ساااااره
ساره بخضه….ايييييه يابنيي انت
مراد بضحك….روحي هاتي حياه ونورا وتعالو على الليفنج
ساره….حاضر
قامت وراحت اوضة حياه وزقت حياه بالكرسي ونورا لبست الطرحه وخرجت معاهم…
في الليفنج….
حياه بأستغراب….في ايه
مراد بأبتسامه….جبتلكم كل حاجه بتحبوها ونقعد سوا نتفرج على فيلم جديد
سااره بفرحه….هييييه يلا يلا ورينا
مراد بضحك….هبله هبله مافيش كلام
نورا بهزار….وياترى جبتلنا ايه بئا
حياه بضحك….بركاتك يا ست نورا والله ما كان بيدخل علينا انا والبت الغلبانه دي بكيس شيبسي ب٣ج حتى😂
ساره بتمثيل مضحك….اااااه والله ياختييي
نورا بمرح….ياحبايبيي لييه كدا يامراااد😂
مراد بغيظ مضحك….غنيتوا ورديتوا على بعض يلا انا هاخد الحاجه واقعد انا وياسين ناكلها
ساره بسرعه وضحك….ايه دا لا تعالى دا احنا بنهزر
مراد….ايوه كدااا
طلع ليهم الشكولاته لكل واحده وبقيت الحاجه وياسين نزل وقعد معاهم….
ياسين….سالخير عليكووو
هما….سالنور ياخويا تعالى اقعد
راح وقعد جمب مراد….
حياه بصوت عااالي….وربنااااا ما حد هيشغل حاجه غير لما تفردوا الكنبه دي امدد عليها😂
مراد بزهق….اترزعي ياحياه وانتي ساكته🙂
حياه….قوم ياااااعم انت افرد الكنبه
ياسين بزهق….قوم ياعم مش هنخلص
قاموا يفردوا الكنبه والبنات بتضحك وبعدين مراد شال حياه وهي قالت بضحك….حطني بزاوية ٩٠درجة وبطريقة هاديه على الكنبه بيحيث اقعد وانا مرــــــــ اااااااااااااااااه
قطع كلامها مراد الي رزعها على الكنبه بس براحه…
مراد ببلاها….كدا حلو صح
حياه بوجع….ااااه يالي تنشك ضهرييي حد يعدلنيييي
نورا بضحك….استني استني
وعدلتها وساره قالت….يلا بئا نتفرج على الفيلم
شغلوا الفيلم وهما عمالين يضحكوا بين تريقة مراد وياسين….
ياسين بمرح….شالله يوفقك يابت ياساره هاتي كيس الفشار
ساره بملل…بس ياعم انت
ياسين….بت هااااتي الكيييس
ساره….تؤتؤ انا باكله
ياسين بغيظ….يوقف في زورك يارب
ساره شرقت وقعدت تكح جامد….
نورا بضحك….هي لحقت الدعوة توصل ليها
مراد بهزار….اديها مايه او سبيها تفطس
حياه بضحك….سيبوها تفطس
ياسين بمرح….هات الفشار الاول
خدوا منها الفشار بسرعه وهي قامت تجري ورا ياسين ومراد….
عدا الوقت وهما عمالين يضحكوا لحد ما جت الساعه ٢بليل قاموا يناموا بئا….
ياسين ونعمه طلعوا والباقي دخل ينام….
في اوضة حياه قبل الفجر بدقايق….
حلمت انها في مكان كلو ظلااام…
في الحلم….
حياه بخوف….حد هنااااا ياناااااااس يالييي هنااااا
مافيش صوت فقط ظلام….
شخص بصوت يكاد مسموع….حياااااه اختااااري الطرييق الصح
شخص تاني….لييييه بتعمل كدااا
شخص بصوت مرعب…..موتـ*ـكم على ايدييي
حياه بدأت تجري فجأة حد مسكها وشدها وبدأ يخنقها بحبل….
حياه بأختناق….سيبنييي سيبنييي لااااا
الشخص….هتمو*تييي
حياه بأختناق وبصرااخ….لاااااا ابعد عنيييي انا عملت اييييييه لااااااااا
خارج الحلم….
حياه بأختناق….لااااااااااااااااااا
نورا صحيت بسرعه والبيت كله صحي واذان الفجر بدأ يأذن
نورا بخوف….حبيبتي ردي عليا فوقي
دخلوا كلهم لأوضة حياه….
ايه بخوف….حياااه بنتي مااالك
احمد بخوف….هي مالها يانورا
نورا بدموع….معرفش ياعمي انا فجأه لاقتها بتصوت
ساره بخوف وجريت عليها….حياه حبيبتي فوقي
مراد بقلق….شوفيها كدا ياماما
راحت ايه لحياه وبدأت تمسح دموعها بأيدها وعرقها….
ايه بدموع….حبيبتي اهدي كده طيب وفهميني
بدأت تمشي ايدها على شعرها وتقرأ لها قرأن…
بعد شوية حياه فاقت وبصت على مراد وقالت بصوت يكاد يكون مسموع….مراد تعالى
راح لها بسرعه وقعد جمبها….ايوه يا حبيبتي
حياه بدموع وحضنته…
مراد قال لهم يخرجوا وهو هيتكلم معاها خرجوا كلهم وهو قعد يمشي ايده على شعرها وقال….قوليلي مالك بس
حياه بهدوء….كانو هيقتـ*لوني
مراد بحنيه….احكيلي حلمتي ب ايه
حياه حكتله حلمت ب ايه وانها سمعت صوته وهو حضنها وقال….الله اعلم دا ايه بس اكيد دا من عقلك الباطن قومي نصلي وكلو هيبئا تمام
ساعدها مراد تتوضى وصلى هو وهي وهي هديت وخرج مراد ليهم وقالي ليهم بس مش كل الحلم عشان ميقلقوش…
احمد….انا هدخل اتكلم معاها ادخلوا ناموا انتو وانا هنام معاها
كلهم وافقوا ودخلوا يناموا….
دخلها….
احمد بحنيه….حبيبت بابا
حياه بهدوء….بابا اتفضل ياحبيبي
احمد راح لها وحضنها ونيمها في حضنه وقال….بقالنا كتير مقعدناش سوا
حياه….ايوه فعلا
احمد وهو بيمشي ايده على شعرها….اول ما عرفت ان مامتك حامل في بنت بعد ولدين الفرحه مكنتش سيعاني هيجيلي قطعه من الجنة
حياه بصتله بتركيز…كمل
احمد….بعدها ومامتك في الشهر السادس شركتي دخلت في صفقة كبيرة وهي كانت شركة صغيرة دخلت الصفقة دي وكسبتها وشركتي ظهرت فجأه وعليت واتنقلت حياااتي تماماً
حياه بأبتسامه….وبعدين
احمد بحب….بعدها انتي جيتي واول ما شيلتك وبصيت في عيونك الحلوين دول حسيت ان ليا حياه تانيه جوا ف سميتك حياه عشان تبئي حياه وكنت ديما شايلك ومش بسيبك
واكمل بضحك….لدرجة ان امك كانت بتغير منك عشان ديما معايا بس كانت بتحبك اوي
حياه ضحكت جامد وقالت….عشان كدا انا حياتك
احمد وهو بيبوس راسها….انتي حياتي كلها بعدها بقيت بجبلك لغب ولبس كتير واول اسم قولتي هو بابا كنتي ديما معايا وكل يوم وجودك معانا الرزق بيزيد اكتر واكتر وربنا فتحلي طاقة رزق كبيرة
حياه حضنته جامد وقالت….بحبك يا احن بابا في العاااالم
احمد….وانا كمان بحبك ياحياتي كلها
حياه بأبتسامه….عندي سؤال
احمد بأبتسامه….قولي
حياه….اشمعنى سميت احمد اخويا احمد وانت اسمك احمد
احمد ضحك جامد وقال….امك ياستي اول ما اتزوجنا قالت هسمي احمد احاول اقنع فيها مش راضيه لأنها كانت بتحبني اوي وقررت تسمي احمد يعني احمد
حياه بضحك….دا كانت بتعشقك بئا
احمد بضحك….اوماال بقولك سمت ابنها على اسميي
حياه حضنته….نام جنبي انهاردة
احمد….عيوني ليكي
حضنها احمد وناموا سوا…
دخلت عليهم ايه بعد شوية وشافتهم حاضنين بعض ونايمين باست راس احمد وحياه وخرجت….
༺༺༺༺༻༻༻༻༻
تاني يوم في مبنى المخابرات….
مراد قاعد سرحان….
حمزه….مراد بص الملف دا كدا وــــ
سكت لما شاف مراد مش معاه اصلا…
حمزه وهو بيهز مراد….انت يااابنييي
مراد بخضه….انت هنا من امتى
حمزه بصله شوية وفطس ضحك….انت عقلك فيين انا بكلمك من الصبح😂😂😂
مراد بستغراب….محستش بيك خااالص
حمزه….مين شاغل عقلك يا تعلب باشا😂
مراد بهدوء….حياه اصـــ
سكت لما حمزه قام بسرعه…..مااالها حياااه
مراد بستغراب….في ايه كويسه انت قومت كدا ليه
حمزه بحرج….ها لا بدا اتخضيت بس تكون جرالها حاجه ها مالها
مراد حكاله على الي حصل معاها امبارح….
حمزه بشك….طيب هي كويسه بس ايه معنى الحلم دا
مراد….مش عارف والله
༺༺༺༺༻༻༻༻
عند ساره خرجت من الجامعة وراحت على الشركة ودخلت مكتب يامن ودخلت راسها بس….ادخل ولا لا😂
يامن بضحك….تعالي ياحبيبي
دخلت ساره وراحت قعدت على الكرسي….بتعمل اييييه
يامن….بشتغل ياستي يومك كان حلو
ساره….اه كان حلو وــ
قطع كلامها تخبيط على الباب….
يامن….ادخللل
السكرتيرة….بشمهندس يامن بشمهندس احمد عاوزكم
يامن….تمام جاين
خرجت ويامن وساره راحوا على مكتب احمد…
احمد….ازيك ياساره
ساره بأبتسامه….الحمدلله يا اونكل ازي حضرتك
احمد بأبتسامه….بخير الحمدلله
يامن….خير يا بشمهندس
احمد….المشروع دا عاوزك انت وساره تخلصوا سوا
يامن وساره….تمام يابشمهندس
خرجوا من المكتب….
༺༺༺༺༻༻༻༻
في بيت عادل المنصوري والد ونس….
»ونس انهاردة مرحتش الشركه«
ونس قاعده مع والدها وبتقول….بابا هو الحب حرام
عادل بأبتسامه….لا يا حبيبتي الرسول حب لا وبل عشق ستنا خديجة رضي الله عنها ويوم وفاتها سمى العام بعام الحزن وعشق ستنا عائشه وطلب انه يقعد في مرضه في بيتها وهو نايم على رجلها اتوفى عمر الحب ما كان حرام لاكن احنا نستخدمه صح
ونس….ازاي
عادل….اننا منعملش حاجه تغضب ربنا نمشي من غير ارتباط شرعي الي هو الخطوبة وكدا فهمتي ياحبيبت بابا
ونس حضنته وباسته من خده….حبيبي فهمت هقوم بئا اعملك الغدا
راحت تعمل الغدا وهو ابتسم وبص على صورة على الحيطه وقال….بنتك كبرت يا ايات وشكلها بدأت تحب اهي وهنفرح بيها بحب يا اياتي الله يرحمك
༺༺༺༺༻༻༻༻༻
عند حياه قاعده في اوضتها بتدعي وقالت…يارب اعمل العمليه واخف بئا خلاص فاضل ١٠ ايام يااااارب انت الي عالم بحااالي
༺༺༺༺༻༻༻༻
في مكان ما….
شخص الاول….تتعالج بس وهظهر لهم على طول
شخص تاني….هتعمل ايه في الفترة دي
شخص الاول….هخوفهم شوية
༺༺༺༺༻༻༻༻
بعد مرور ١٠ايام….
حياه في اوضة بتجهز للعملية….
وهي ماسكه ايد احمد….انا قلقانه يابابا
احمد….حبيبتي انتي مؤمنه بقضاء ربنا وان شاء الله خير
كلهم حضنوها وخرجوا ودخل حمزه وقالها….حياه لازم تبئي قوية وانتي هتخرجي كويسه متقلقيش ثقي في ربنا
دخلوا الممرضات جهزوها وخرجت حياه لأوضة العمليات….
بعد مرور ٤ساعات داخل العمليات وكلو قاعد متوتر…
الدكتور خرج بأرهاق….
جريوا عليه….هاا يادكتور النتيجه ايييه
الدكتور….**************
استووووووووووووووووووووووب….
ياترى نتيجة العملية ايه؟!
ومين هما المجهولين؟!

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حياة ظابطة)

تعليق واحد

اترك رد