رواية الخادمة والأمير الفصل الثامن 8 بقلم محمود حماد

روز بغيظ_معملتليش حاجه بس انا شيفاكوا بعد ما جيتوا وهي نزلت ركب تاني ومشيتوا بالعربيه

خالد_اه اه دا فعلا حصل أرتحتي عاوزه اي بقا

روز بكتمه_مش عاوزة حاجه انا ماشيه

آيه_القهوة اهي سموك 

خالد_حطيها هنا على الترابيزه يا آيه

روز بغيظ شديد_إنتي يبت يا آيه تعالي هنا.. 

آيه_نعم يا هانم

روز_اطلعي نضفي الاوضه بتاعتي عايزاها تكون بتلمع وتمسحيها وتجبيلي قهوه على اوضتي و.. 

آيه بمقاطعه_مش هعمل حاجه من ده كله يا.. يا هانم روز

روز بعصبيه_إنتي إزاي بتقولي مش هعمل وبتعصي اوامري و.. 

آيه ببرود_زي ما سمعتي كده.. مش هعمل حاجه تعرفي لي؟ لإني مش شغاله عندگ يا.. اه هانم روز معلش نسيت

روز_إنتي مطروده برا.. اطلعي برا

خالد بعصبيه_روز!! انتي بتطردبها لي

روز_بقولها تروح تنضف اوضتي وتجبلي قهوه ومش بتسمع كلامي هي ناسيه هي آي بالنسبالي ولا اي

خالد_وهي مش شغاله عندک ولا تنضفلك اوضتك ولا تعملك حاجه من الأساس لإن هي تبعي.. تبعي وبس

روز_تبعك!! 

آيه بتدخل_سمو الأمير لو عايزني امشي انا تحت آمرك همشي دلوقتي

خالد_لا مش هتمشي ومحدش يديكي أمر غيري في القصر ده 

روز بعصبيه وغيظ شديد تكاد ان تنفجر _ماشي يا خالد بس استمر ماشي انا طالعه اوضتي

آيه_انا اسفه سموك لو كنت السبب في توتر العلاقه بينكوا او الخناق وعدم الكلام و..

خالد_انتي ملكيش ذنب يا آيه تقدري تتفضلي تشوفي شغلك واتمنى متزعليش من كلامها

آيه_حاضر سموك.. عن إذنک

“(قد تكون فاتت ايام كثيره وبدأت العلاقه بين آيه وخالد قد تكون مقربه وكأنهم أصدقاء وليس كخادمه وأمير وليس بالمقامات فأتى موعد زفاف علي صديق خالد المقرب جدا)” 

علي_مش مصدق يعني انا كلها تلت أيام وهبقى عريس وهبقى مسئول عن واحده احيه

خالد بضحك_ايوه طبعا اومال انت تفتكر الجواز بالسهل كده البس يا معلم

علي_والله يبني انا مش عارف اللي عملته صح ولا لا ههههه

خالد_يولا دانت كنت هتموت عليها وبتعشقها.. ربنا يسعدكوا يارب ويحفظكوا ويخليكوا ديما سند لبعض

علي_اه عندك حق قصه حبنا مكانتش من بلاش ولا من هوا احنا طلع عينا اربع سنين ونص لحد ما ابوها وافق بس حقيقي هي مسابتنيش وبنت طبيعيه جدا وفي الاول مكانتش تعرف ان عندي فلوس ولا عندي املاك مكانتش تعرف غير ان علي واحد بسيط وحبته

خالد بدموع زايغه في عينه_اه بتفكرني بيا زمان.. بس يلا انا طلعت الفكره دي من دماغي خلاص هههههه

علي_لا نتكلم بجد بقا.. انا عايزك تفكر ف الموضوع دا انت خلاص وصلت لسن مناسب حدا وهو دا الوقت اللي المفروض يبقى معاك شريكه حياتك

خالد_يعمي كله كلام فاضي

علي_لا يا خالد فكر ف الموضوع بجد

خال_طيب ماشي.. 

علي بصوت عالي وينده على آيه_آيه يا آيه

آيه_نعم مستر علي محتاج حاجه

علي_لا مش محتاج حاجه.. بس عامله ايه كويسه

آيه_اه الحمدلله ماشي الحال

علي_عموما انا خلاص فرحي بعد 3 أيام ودي دعوه ليكي عشان تشرفيني طبعا

آيه بفرحه_دا بجد الف مليون مبروك يا مستر علي ربنا يتمم على خير

علي_الله يبترك فيكي وعقبالك.. ومتنسيش بقا وانا حبيت ادعيكي عشان انتي مميزه شويه هههه

آيه_تسلمي جدا شكرا لحضرتک

علي_اه يا خالد انا ليا طلب عندك

خالد_اي هو الطلب

علي_أن آيه هتيجي معاك الفرح ودي عليك انت تمم يباشا!؟ 

خالد_ماشي يعم حقك تتشرط ما انت العريس بقا 

“.. ضحک الجميع..” 

وفجأه.. روز_وانا يا علي مليش دعوه ولا الخدامين بس اللي بتديهم

علي بإبتسامه ومضايقه_اا.. لا طبعا اتفضلي اهي تنوري وتشرفيني 

روز_مرسي اوي حتى انا استغربت برضوا

علي_اه يلا عن أذنكوا عشان عندي شويه حاجاات لازم اعملها وخالد معلش عاوزك على جمب شوية

خالد_في اي يا علي عاوزني في اي في مشكله ولا اي

علي_يبني لا مفيش حااجه بس اا.. 

خالد_في اي يعم متقلقنيش

علي_بص روز بصراحه مرتحتش لتصرفاتها وحسيت إن هي حاطه آيه فدماغها وكده ف كنت عاوز اقولك انتبهلها شكلها بنت غلبانه وملهاش في الحاجات دي

خالد_اه فعلا عندك حق وخصوصا ان كله عارف ان روز مش سهله وطبعها وحش وطريقيتها كذلك وحطاها فدامغها فعلا

علي_طيب انا حبيت اقولك بس.. يلا بقى انا همشي 

خالد_طيب.. يلا سلام 

                     (يــوم موعـد فــرح عـلـي) 

خالد بعصبيه_يلااا كل حاجه تكون جاهزه عايزينهم يجوا يلاقوا كل حاجه جاهزه 

انت تخلص الجزء دا، وانتي تنضفي المكان للبوفيه ويكون كبير، وانتوا كلكوا تظبطوا المكان اللي في الجنينه ربع ساعه وعاوز كل حاجه تكون جاهزه

آيه_سمو الأمير هو انا ممكن أسألك سؤال

خالد بإبتسامه_اه طبعا اتفضلي قولي

آيه بضحك_هو انت متاكد ان دا فرح علي ومش فرحك ههههه

خالد بضحك_انا وعلي اخوات مش صحاب بس فلازم اعمل كل الحاجات دي واشرف عليها وبعدين انتي ملبستيش لي لحد دلوقتي دانتي اول واحده معزومه

آيه_اه اه.. انا هروح البس دلوقتي اهو بس خايفه احسن تعوز مني حاجه تاني واللبس يجراله حاجه واحتاج اني اغير تاتي

خالد_لا روحي مش هحتاج حاجه وانا كمان هروح البس 

آيه_ماشي وانا رايحه

_(عندا انتهوا من اللبس والتحضير فخرج كل منهما من غرفته فعندما العيون تقابلا كأنهم يعرفون بعض منذ زمن طويل وكانهم احباب مثل روميو وجوليت)_

خالد_احم احمم.. اا حلو الفستان

آيه بخجل_اي دا بجد مرسي

خالد_ومش كده وبس فلولا ان صاحبه الفستان اجمل مكنش الفستان هيبقى حلو كده

آيه_اممم وعلى كدا يبقى البدله قمر عشان صاحبها عسول

خالد بضحك_احم هتغر كده ههههه

خادمه أخرى_سمو الامير كلهم وصلوا 

خالد_ماشي ادينا جايين

آيه_جاين! 

خالد_اه انا وانتي

آيه_بس سموك.. 

خالد_بلاش سموك دي انهرده قوليلي يا خالد وبس من غير سموك 

آيه بإبتسامه_ماشي يا خالد

خالد_ايوه كده يلا بقاا اتأخرنا اجري يا مجدي هههه

_ايوه بقى اخويا العريس الف مبروك يحبيبي ومبروك يا عروسه

علي_قلب اخوك والله الله يبارك فيک عقبالك يا اميرنا 

آيه_الف مليون مبروك يا مستر علي فرجانالك جدا

علي_الله يبارك فيكي عقبالك يارب

(عند الاحتفال فالجميع كان يلاحظ نظرات الأمير خالد إللى آيه وهي ترقص على الطبل وعلى حركاتها الجذابه جدا فهي تقريبا كانت اجمل ما في الحاضرين وعند إنتهاء حفل الزفافخالد بضحك وخبث_يلا يا عريس الفرح خلص بس بالنسبالك لسه ههههه

علي_اممم ما انت اافرح طله يعم وانت مركز معاها 

خالد_هي مين

علي_يولا هتعمل نفسك مش عارف طيب يا سيدي هقولك.. اقصد آيه 

خالد_بس.. اا

علي بهمس_مبسش خالد انت بتحبها وباين عليك متضيعهاش من إيدك فرصتك انهرده تعترفلها الحق نفسك قبل ما حد ياخدها

*قاله الكلمتين دول ومشي*

خالد_آيه ممكن شويه عايزك في موضوع كده

آيه_اي هو يا خالد قول

خالد_لا مش هينفع هنا تعالي هنطلع فوق القصر في مكان انا بحبه

آيه_اا.. طيب جايه

_ها ادينا طلعنا في اي واشمعنى المكان دا اللي نتكلم فيه

خالد_المكان دا من وانا صغير كنت باجي زي اي طفل اقعد هنا وابص للقمر المضئ والنجوم الكتيره دي ووعدت نفسي اني هعترف لشريكه حياتي بحبي هنا بس كده يستي

آيه بتوتر_اي!!  مش فاهمه قصدک يا خالد

رقع على رجله وقال_آيه تتجوزيني

آيه بصدمه ونفس عميق_ده.. ده بجد ولا بتهزر ولا انا متهيألي ممكن تكررها

خالد_آيه تتجوزيني.. تتجوزيني.. تتجوزينييييييي

آيه بفرحه كبيره_موافقه موااااااااافقه

خالد_بحبك يبنت قلبي  

آيه_بحبك يا كل حاجه حلوه في حياتي 

     “حين يأتيک الحب من حيث لا تدري” 

تمت★