رواية عقاب بلا جريمة 2 الفصل السادس 6 بقلم زينب سعيد

رواية عقاب بلا جريمة 2 الفصل السادس 6 بقلم زينب سعيد

رواية عقاب بلا جريمة 2 البارت السادس

رواية عقاب بلا جريمة 2 الجزء السادس

رواية عقاب بلا جريمة 2 الحلقة السادسة

سليم بصدمة:أيوة أنا حضرتك مدام منال صح ليحاول سليم السيطرة علي أعصابه ويتحدث بهدوء والدة حضرتك حكيت ليكي كلامي صح طيب أبني كويس تمام تحبي نتقابل فين ماشي مسافة الطريق وأكون عندك ليغلق الهاتف سريعاً ويتحدث بلهفة أيه رأيك يا سيادة اللواء .

اللواء سامي بإعجاب:أستاذ ورئيس قسم يلا روح رجع إبنك.

سليم بلهفة: سلام عليكم.

★★★★★★★★★★★★★★★★

في شقة هاني.

تغير منال ملابسها سريعاً وتقبل الطفل الصغير وتغادر متجهة للخارج لتجد هاني في مقابلتها.

هاني بتساؤل:رايحة فين.

منال بهدوء: راحة أشتري شوية حاجات للبيت.

هاني بهدوء:تمام متتأخريش.

منال بإيجاب: حاضر الولد نايم ومش هيصحي دلوقتي.

هاني ببرود :تمام.

★★★★★★★★★★★★★★★★

 

 

 

في شقة سليم.

تجلس جنة تفكر في صغيرها بشرود تام لا تعلم ماذا تفعل بدونه فإذا حدث له مكروه لن تستطيع أن تعيش بدونه لتظل علي شرودها حتي أنها لم تنبه لروان التي دقت الباب ودخلت.

لتتحدث روان بقلق:جنة أنتي سمعاني.

لتفيق جنة من شرودها وتتحدث بقلق:أيه أبني رجع.

روان بنفي:لا يا حبيبتي بس أنا جيت ليكي عشان تيجي تفطري.

جنة برفض: شكراً يا روان بجد ماليش نفس مش هقدر أكل غير لما أبني يرجع.

روان بعتاب :وده ينفع حتي الأكل مقربتيش منه بردو لتحاول مزاحها وبعدين بقي هتفضلي منزلة النقاب علي وشك كده مش عايز أنا نشوف جمالك ولا أيه شكلك يخوف ومخبياه.

جنة بإبتسامة حزن:ضحكتيني بس أنا بنزلة طول ما أنا برة البيت.

روان بمرح:طيب ماترفعي بقي.

لترفع جنة النقاب بقلة حيلة لتشهق روان بصدمة :ماشاء الله ومخبية الجمال ده كله ليه يا بنتي.

جنة بسخرية: الجمال ده سبب تعاستي.

روان بفضول:هو أنتي ليه سيبتي أبيه سليم.

روان متدخليش في إلي ملكيش فيه قالتها أميرة التي تقف خارج الغرفة.

روان بأسف:كنت بدردش معاها بس يا ماما.

 

 

 

أميرة بهدوء:طيب يلا عشان الفطار جهز.

روان بإيجاب :حاضر يلا جنة .

جنة بإعتذار وحرج:معلشي مش هقدر فعلا.

أميرة بأمر:لا هينفع يلا .

جنة بتوتر:حاضر .

★★★★★★★★★★★★★★★★

في أحد الكافيهات.

يجلس سليم علي أحد الطاولات ينظر حوله ليرن هاتفه ليرد بلهفة:أيوة حضرتك فين لينهص من مكانه ويشاور لها وهي تدخل الكافيه ويغلق الهاتف.

لتقترب منال بهدوء وتجلس في قبالته: فين الأدلة.

سليم بلهفة:طمنيني علي الولد.

منال بهدوء:الولد كويس ولو كلامك صح إبنك هيبات في حضنك النهاردة بإذن الله.

سليم بايجاب :تمام ليخرج جهاز اللاب توب ويضع به الفلاشة ويديره إتجاهها.

لتنظر هي الشاشة بأعين ترتجف من الصدمة فجميع الملفات تثبت إدانة زوجها وليس كما أدعي هو بتوريط شريكه له.

ليتحدث سليم بأسف:في تصوير لإبن حضرتك وتسجيل صوتي ليه تحبي تشوفيه ولا صوت بس.

منال بتماسك:حابه أشوفه .

ليدير سليم اللاب توب ويضغط علي عدة أزرار ويقوم بتشغيل الفيديو والذي كان يحتوي علي صور لطفلها بعد العملية وتسجيل لصوت زوجها وهو يأخذ المقابل لتشهق بدموع فقد خارت قواها وتبكي بشدة.

 

 

 

ليتحدث سليم بأسف:ممكن تهدي وتساعديني أرجع أبني لأنه لو مرجعش هيبقي مكان إبنك.

منال بدموع:زي ما وعدتك إبنك هيكون في حضنك النهاردة.

سليم بإمتنان:أنا مش عارف أقولك أيه ثم يكمل بتردد أمنوا أزاي لسه عايشين وكنتوا فين.

منال بحزن:كنا بره مصر بعد ضرب النار والحادثة إلي حصلت فوقت لقيت نفسي في مستشفى وهاني جمبي هو ودكتور أجنبي ساعتها هاني فهمني أن شريكه بيتاجر في الأعضاء وورطه معاه وكان عايز يقتلنا وعشان كده كنا بنهرب وبعدها فضلنا هناك بعد ما غير أسامينا ولسه راجعين من مصر من حوالي شهر.

سليم بتوتر:طيب جاب أبني أزاي.

منال بحزن:علي أنه إبن واحد صاحبي قرر أنه يسافر فجأة وسائل معاه الولد لأنه منفصل عن زوجته بس أنا مصدقتوش بس أطمئن إبنك هيبات في حضنك أنهاردة وكمان هساعدك توصل لهاني والناس إلي بيشتغل معاهم بس بشرط.

سليم بإستغراب :شرط أيه.

منال……………….

سليم بصدمة:لا طبعاً إلي بتقوليه ده مينفعش.

منال بإصرار:ده شرطي قولت أيه.

سليم بمهاودة :تمام بس أبني هيرجع إمتي.

منال وهي تنهض:هكلمك وهقولك أزاي لازم أمشي دلوقتي.

سليم بهدوء: تمام.

★★★★★★★★★★★★★★★★

 

 

 

 

في شقة سليم.

تجلس أميرة وروان وسهي يتناولون الطعام بصمت تام باستثناء جنة التي لم تمس الطعام بعد.

ليرن جرس الباب لتنهض روان وتفتح لتجد زوجها وشقيقها لترفع صوتها وتخبرهم لتنزل جنة نقابها وترتدي سهي طرحتها
ليدخلوا بعدها ويجلسوا معهم لتتحدث جنة بلهفة:أبني رجع .

رامي بهدوء:لسه بس أطمئن سليم مش هيرجع من غيره.

جنة بحزن:بإذن الله.

أميرة بهدوء:مش أطمنتي حاولي تأكلي حاجة بقي.

جنة بحزن :حاضر.

لتبدأ جنة بتناول عدة لقيمات بسيطة من أسفل نقابها.

لتتحدث روان يتساءل:أمال أبيه فين.

مصطفى بهدوء:مش عارف صلي الفجر معانا وبعدين سابنا وأحنا رجعنا الشغل.

روان بهدوء:تمام.

★★★★★★★★★★★★★★★★

 

 

 

في شقة والدة منال.

تجلس منال تبكي بشدة في أحضان والدتها
منال بدموع:شوفتي عمل أيه يا ماما قتل أبني وقبض التمن للدرجادي أنا كنت غبية وعايشة مع قتال قتلة وأنا مش حاسة.

والدتها بحزن:ربنا يرحمه يا بنتي ويصبر قلبك علي فراقه.

منال بحزن:قلبي مش هيبرد غير لما أخد بتار أبني يا أمي .

والدتها بتوجس:هتعملي أيه يا بنتي.

منال بإصرار:الجزاء من جنس العمل المهم أنا هروح وأنتي كلمي هاني قوليوا أن تليفوني مغلق وأنك تعبانة وعايزاني.

والدتها بإستغراب:ليه يا بنتي.

منال بحزن:يا أمي أسمعي الكلام وخلاص .

والدتها بقلة حيلة:ماشي يا بنتي.

لتنهض منال وتغادر لتتحدث والدتها بحزن ربنا يصبر قلبك يا بنتي ويبرد نارك ياااارب.

★★★★★★★★★★★★★★★★

في شقة هاني .

يجلس هاني بجوار الصغير النائم ويتحدث بسخرية:بقي أنت بقي إبن سليم وجنة وأنا بردو عمال أقول الشكل مش غريب عني أتاريك نسخة مصغرة من أبوك بس مش هتفرق كتير دور حسام جاي بس لما أبرد ناري من أبوك وأمك وإلي عملوه فيا ليرن هاتفه برقم حماته ليرد بهدوء:ألو أيوة يا طنط عاملة أيه منال لا دي بتجيب طالبات ماشي يا حبيبتي لما تيجي هقولها هتلاقيه فصل شحن ولا حاجة مع السلامة ليغلق الهاتف ويضعه في جيبه وهو ينظر للصغير بشر.

★★★★★★★★★★★★★★★★

 

 

 

في شقة والدة سليم .

بعد أن تناولوا الإفطار نهضت جنة و أستاذنت منهم وإتجهت لغرفة سليم مرة آخري وكذلك أميرة إتجهت لغرفتها.

ليظل روان وسهي ورامي ومصطفي جالسون سويا .

لتتحدث سهير بتساءول:ممكن بقي تفهموا علي الاقل متجوز من إمتي.

رامي بهدوء: قبل فراحنا.

روان بفضول:طيب ليه مقالش لحد.

رامي بهدوء:سليم بس إلي يقدر يجاوبكم يا روان . مصطفى بهدوء:نطمئن علي الولد وبعدين تفهموا كل حاجة.

سهي بهدوء:إن شاء الله يرجع بالسلامة.

ليفتح الباب ويدخل سليم بتعب ويتجه لهم.

سليم بوهن:سلام عليكم.

الجميع بلهفة:وعليكم السلام عملت أيه.

سليم بهدوء:هيرجع بإذن الله قدرت أوصله.

رامي بلهفة:أزاي.

سليم بهدوء:بعدين جنة فين.

روان بهدوء:في أوضتك.

سليم بتساؤل:محدش دخلها.

روان بنفي:لا دخلنا ليها يا أبيه وفطرت معانا.

سليم براحة:تمام نطمئن عليها وعلي ماما وهمشي.

مصطفى بتساؤل:نيجي معاك.

سليم بنفي:لأ.

★★★★★★★★★★★★★★★★

 

 

 

في غرفة أميرة.

تقف في البلكونة تنظر أمامها بشرود تام ليطرق سليم الباب ويدخل بهدوء ويقف بجوارها ويقبل رأسها:عاملة أيه يا أمي.

أميرة متجاهلة سؤاله:وصلت لابنك.

سليم بهدوء:أه وهيرجع بإذن الله.

أميرة بهدوء:روح طمئن أمه.

سليم بهدوء:حاضر بعد إذنك.

أميرة بهدوء:أتفضل.

★★★★★★★★★★★★★★★★

في غرفة سليم.
تجلس جنة علي السرير وهي تقلب في هاتفها علي صور صغيرها ليطرق الباب.
لتنزل نقابها علي الفور وتأذن لمن بالخارج بالدخول.

ليدخل سليم وغلق الباب ويقترب منها بهدوء :عاملة أيه.

لتنهض جنة بلهفة:أبني فين.

سليم بهدوء:أطمئني هيبات في حضنك النهاردة.

جنة بلهفة:طيب هو فين .
سليم بهدوء وهو يأخذ الهاتف منها وينظر للطفل بأعين دامعة:أطمئني هيرجع .

جنة بحزن:شكلك .
ليصمت سليم ولا يتحدث فقط ينظر للطفل بشرود ليفيق علي رن هاتفه ليخرجه سريعا من جيبه :ألو أيوة تمام مسافة الطريق وأكون عندك ليعطي جنة هاتفها سريعاً ويغادر دون النطق بشئ مما أثار قلقها.

★★★★★★★★★★★★★★★★

 

 

 

بعد نصف ساعة.

يقف سليم بسيارته أمام أحد السيارات الأجرة وينزل سريعا ويتجه للسيارة الأجرة ويفتح الباب بلهفة.

ليجد منال تجلس وهي تحتضن صغيره.

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية عقاب بلا جريمة 2)