رواية اصبحت شخصا اخر بعد رؤيتها الفصل الخامس 5 بقلم ندى سامي

رواية اصبحت شخصا اخر بعد رؤيتها الفصل الخامس 5 بقلم ندى سامي

رواية اصبحت شخصا اخر بعد رؤيتها البارت الخامس

رواية اصبحت شخصا اخر بعد رؤيتها الجزء الخامس

رواية اصبحت شخصا اخر بعد رؤيتها الحلقة الخامسة

فوزيه : بصى يا بنتى انا هقولك .. احمد من و هو عندو 17 سنه باباه جالو فرصه شغل برا مصر و طبعا هما وافقوا لانهم كانو ع قد حالهم ساعتها بس معرفوش يسارفو كلهم ف باباه بس الى راح و كان بيجى زيارات و احمد كان بينزل يشتغل مع دراستو عشان يجيب فلوس للبيت بس مامتو كانت ست مفتريه و مش بتقدر اى حاجه و كانت مبهدلاه و كانت ع طول بتضربو و كانت عايزاه يشتغل مع ناس ف الممنوعات عشان الفلوس و قالت انو كده كده مش هيتشك فيه و قولتلو لو مشتغلتش معاهم هحبسك ف البيت و هضربك كل يوم بالحزام ساعتها هو خاف منها بس برضو موافقش ف هى نفذت كلامها بس انا كنت موجوده و كنت باخده لما بتيجى تضربه بالحزام و كنت بطلعه و احطله اكل لما هى تمشى و بعدها ب فتره هى سابتو و قالتلو ينزل يشتغل و طبعا كل ده كان بيتغير لما باباه ينزل كانت بتعمل قدامه ملاك لحد م احمد تم ال 21 سنه و هى خلتو يشتغل برضو بس ف شغلانه بتقعد لحد الفجر و ف يوم رجع بدرى و دخل البيت ملاقاش حد و وهو رايح عشان ينام سمع صوت ف اوضه باباه و مامتو و كان صوت مامتو و معاها راجل تانى و لما دخل عليهم اتصدم م الى شافو و ساعتها مامتو استخبت ف الحمام و الراجل إلى معاها قعد يضرب احمد و يهدده انو لو نطق بحاجه هيبعت ناس تخلص على أبوه ف كان بيضر يسكت عشان خايف على أبوه و كان بيتكرر الحوار ده كل شويه و الراجل بقى يجى و يقعد قدامو بكل بجاحه عشان واثق انو مش هيعرف يعمل حاجه و احمد مبقاش عايز يجى البيت و اتعرف على صحابو دول إلى ودوه للطريق الى هو فيه دلوقتى قالولو تعالى معانا و هتنسى كل حاجه بقى يروح معاهم كل يوم بعد الشغل على أمل انو بعد م يشرب هينسى و يرتاح بس كان بيحصل العكس كان بيتعصب اكتر خاصتا لما بيشوف اى بنت من إلى بيبقو ف المكان إلى بيسهر فيه و كان بيفتكر مامتو كان بيرجع وش الفجر و انا من قلقى عليه كنت بفضل سهرانه لحد م يرجع و هى ولا كان هامها حاجه و مع الوقت اتعود ع الى بيعمله مع انى كنت بحاول أبعده عن الطريق ده بس مكنتش بقدر اتعود بقى يشوف أن إلى بيعمله ده عادى بقى يشوف كل البنات شما*ل عشان كده لما شافك انتى و صاحبتك المنقبه بصلكو بقرف هو بقى واخد فكره ان كل البنات كده حتى لو هما مبينين أنهم محترمين و لحد الان هو مكنش عارف يبطل شرب لحد م انتو قربتو من بعض و انتى بقيتى تكلميه عن الدين و الحرام و الحلال و مصدقت انو بقى يبعد عن الطريق ده مش عارفه ايه إلى رجعه تانى
منه بعياط : دى مش بنى ادمه دى شطانه بجد ازاى قدرت تعمل كده .. طب طب هى فين دلوقتى و عمو سليم عرف حاجه ولا لا

فوزيه : لا ميعرفش حاجه هما سابو بعض كان جه ف فتره حصلت مشاكل مبينهم خلتهم ينفصلو .. كلنا حاطين امل فيكى يا بنتى انتى إلى قادره انك تغيريه و الدليل الفتره إلى فاتت و انا واثقه أن هو حصلو حاجه انهارده خلتو يرجع يشرب مش عشان بيعاند
منه : وانا أن شاء الله ابقى قد الثقه و هفضل معاه و مش هسيبه
فوزيه : ربنا معاكى يا بنتى و يجازيكى كل خير .. هقوم انا بقى تصبحى على خير
منه : طب ينفع تنامى جمبى انهارده
فوزيه : ليه يا بنتى نامى براحتك
منه : انا عايزه انام جمبك ينفع عايزه احس احساس زمان لما كنت بنام ف حضن ماما الله يرحمها
فوزيه : حاضر يا بنتى هقفل النور و هاجى
قفلت النور و جت خدتنى ف حضنها و نمنا حقيقى حضنها مريح اوى بقالى كتير محستش الاحساس ده وحشتنى اوى يا ماما ربنا يرحمك
_______________________
تانى يوم
احمد صحى و دماغو وجعاه اوى و مش فاكر اى حاجه من امبارح و مش عارف هو ايه الى جابه هنا و نام ف الاوضه دى ليه اصلا ف دخل الحمام و خرج راح الاوضه خبط محدش رد ف فتح براحه و لقى منه و فوزيه نايمين مع بعض ف قفل تانى و نزل عملو قهوه و حاول بفتكر اى حاجه امبارح معرفش
~~~~~~~~ ف اوضه منه بعد 10 دقايق
فوزيه : منون حبيبتى اصحى يلا
منه بنعاس : امم شويه شويه
فوزيه بضحك : شويه ايه دى الساعه 11
منه : حاضر صحيت اهو

فوزيه : قومى يلا خدى دش لحد م انزل اعمل الفطار انا اتأخرت اوى تلاقى احمد نزل الشغل من غير م يفطر
منه : حاضر
~~~~~~~~ تحت
فوزيه و هى نازله خدت بالها أن احمد نايم ع الكنبه ف راحتلو و قالت و هى بتصحيه : احمد احمد يا ابنى اصحى
احمد : صاحى يا فوزيه صباح الخير
فوزيه : صباح النور انت منزلتش الشغل ليه
احمد و هو بيتعدل : مش اقدر انزل مصدع بطريقه غبيه هو صحيح ايه إلى حصل امبارح و ايه إلى نيمينى ف اوضه الضيوف
فوزيه محبتش تقول ف قالت : انت جيت امبارح متأخر و لما دخلت تنام لقيتنى نايمه مع منه ف خرجت وانا كنت شبه صاحيه ساعتها ف شوفتك و انت خارج و كنت هقوم بس منه مرضيتش
احمد : امم تمام ع العموم البيت بيتك و انتى عارفه تنامى مكان م انتى عايزه و الاوضه اوضتك
فوزيه : تسلم يا حبيبى هروح انا اعمل الفطار بقى
احمد : هى منه صحيت
فوزيه : اه بتاخد دش و نازله
بعد خمس دقايق نزلت و لقيته قاعد ع السفره استغربت بس مهتمتش و قعدت عشان الفطار بس مكلمتوش
احمد : صباح الخير
بصتله و سكتت م هو لازم يحس انو غلط برضو ده بارد اوى
احمد : مالك

منه : مفيش باكل
احمد حسن أنها مضايقه بس معرفش يحدد من ايه ف سكت و كمل اكل
_______________________
ف الشركه
كريم : هى اسراء فين يا عاطف
عاطف : معرفش يا فندم بس هى لسه مجتش
كريم : تمام روح انت
~~~~~~~~~
عند اسراء : شركه ** لو سمحت
_اه اتفضلى
ركبت اسراء بس مكانتش مرتاحه و كانت خايفه و خاصتا من نظرات السواق ف قالت : لو سمحت نزلنى على جمب
_ …
اسراء : لو سمحت عايزه انزل
مردش عليها السواق و قفل اللوك و سرع و دخل ف شارع تانى
~~~~~~~~

عند كريم
كريم رن ع اسراء ف ردت و هى بتعيط و بصويت : كرييم الحقنى
كريم بخضه : اسراء فى ايه ايه الى بيحصل انتى فين
قبل م اسراء ترد عليه و تقول المكان إلى هى فيه لقت ناس بتدخل العربيه و بيكتفوها و بيشمموها مخدر
كريم لما سمع صويت اسراء طلع جرى برا المكتب و جاب العنوان بتاعها هتقولو ازاى صح
Flash back
كريم : اسراء ينفع بعد م تخلصى شغل ننزل نتغدا مع بعض
اسراء بتردد : ماشى
كريم : متقلقيش بس كنت عايز اتكلم معاكى
اسراء : تمام
~~~~~~~~ ف المطعم
بعد حبه كلام طلع كريم علبه و أداها ل اسراء تفتحها
اسراء باستغراب : ايه ده دى سلسه !!
كريم : اه معرفتش اكافئك ازاى عشان الشغل و كده ف قولت اجيبلك سلسله
اسراء : مكنش ليه لازمه يعنى
كريم : لا طبعا ازاى بس ايه رأيك عجبتك
اسراء : اه حلوه شكرا بجد
كريم : ابقى البسيها بقى و متقلعيهاش ده لو ليا معزه عندك يعنى
اسراء بابتسامه : حاضر
_______________________

راح كريم ع المكان الى ف الماب و كان المكان ف حاره قديمه مفيش سكان فيها كتير و كمان كان ف عماره فاضيه .. طلع و وهو بيدور ع المكان سمع صوت صويت تحت ف نزل و قعد بخبط ع الباب جامد لحد م حد فتح ف ضربو بالبوكس و دخل و هو شايف اسراء موجوده في اوضه قدامو و فى حد معاها بس قفل الباب قبل م كريم يشوف مين إلى كريم كان بيضربه اغمى عليه و راح و قعد يخبط ع الاوضه و هو بيزعق
احمد بزعيق و عصبيه : افتحى يا سهر انا عارف ان دى انتى
~~~~~~~~ جوا
سهر بغل : أوعى تفتكرى انك هتفلتى من ايدى مش عشان هو جه يعنى .. و عامله فيها محترمه هه
ضربتها ب القلم و هى بتقول : ليييه يصدقك انتى لييه انا الى كان المفروض يصدقنى مش انتى انا إلى قدامه من زمان يصدقك انتى ليه هاا خديه خلاااص ارتاحتى
كريم من برا بزعيق : افتحى يا سهرررر
اسراء كانت قاعده بتعيط و مش عارفه تعمل ايه
سهر : حبك ها !! حبك على ايه طيب انتى فين وشك اصلا وشك ده إلى انت مخبياه
قالت كده و قلعتها النقاب و مسكت وشها و قالت : مش حلوه لا انتى اخرك الرجاله الى تبعى بس انا برضو هوريكى ازاى تفرحى ب نفسك كده
مسكت سهر سكينه و اسراء عماله تصوت و لسه هتقرب من اسراء كان كريم كسر الباب و دخل و لما لقاها ماسكه السكينه جرى عليها و حاول ياخد السكينه و هى رافضه لحد م ايدو بقت تجيب دم
سهر بهستيريه : ابعددد انا هشوها عشان محدش يبصلها ابعدد
كريم : سهر اعقلى انتى كده هتودى نفسك ف داهيه نزلى السكينه

سهر : خايف عليا اوى نفسى اعرف ايه إلى عجبك فيها هاا ليه ترفدنى انا و تسيبها مع أن الورق كان عندها ليه انا إلى معاكو بقالى سنتين وهى مكانتش كملت اسبوع ترفدنى انا عشانها لييه
كريم : سهر انتى عارفه كويس أن انتى إلى حطيتى الورق عندها
سهر : لسه بتدافع عنها برضو ماشى
و قبل م سهر تحط السكينه ع وشها كان كريم لوى دراع سهر و خد السكينه و ف الوقت ده كان البوليس اقتحم الشقه و خدو الواد الى كان برا و دخلو الاوضه و اول م دخلو شاور كريم ل اسراء انها تنزل النقاب و الظباط خدو سهر و خرجو
انس : انتو كويسين صح !
كريم : اه كويس انك جيت بسرعه
انس : بس انت ايدك بتنزف
كريم : لا عادى ده جرح بسيط
اسراء ل انس : ممكن توديه المستشفى !
انس : اه اكيد يلا
_______________________

بليل عند أحمد و منه ف الجنينه
منه و هى جايه من ورا احمد و بتقعد : ممكن اعرف رجعت تشرب ليه
احمد بصلها باستغراب و بعدين افتكر كل الى حصل امبارح ف اتعصب و ف نفس الوقت أضايق من نفسو عشان رجع يشرب و كمان ضربها !
منه : رجعت تشرب ليه !!؟
احمد : حصل حاجه امبارح هى إلى خلتنى اشرب
منه : مفيش اى سبب ف الدنيا يخليك ترجع تشرب يا احمد
احمد : انا اسف
منه : اسف ع ايه
احمد : عشان ضربتك مكنتش اقصد
منه : عارفه أن مكنش قصدك بس ابقى سيطر بعد كده
احمد بضحك : حاضر
منه : ولا بعد كده ايه مفيش بعد كده اصلا
احمد : طب بس نزلى صباعك ده
منه : مرتدش برضو ايه إلى خلاك تشرب امبارح
احمد بجديه : …

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اصبحت شخصا اخر بعد رؤيتها)