روايات

رواية اصبحت شخصا اخر بعد رؤيتها الفصل الثالث 3 بقلم ندى سامي

رواية اصبحت شخصا اخر بعد رؤيتها الفصل الثالث 3 بقلم ندى سامي

رواية اصبحت شخصا اخر بعد رؤيتها البارت الثالث

رواية اصبحت شخصا اخر بعد رؤيتها الجزء الثالث

اصبحت شخصا اخر بعد رؤيتها
اصبحت شخصا اخر بعد رؤيتها

رواية اصبحت شخصا اخر بعد رؤيتها الحلقة الثالثة

ف الاوتيل بتاع الفرح
حسنيه : م تيلا يا بت بقولك نص ساعه بتلبسى ف الفستان
بصتلها اسراء بخنقه و بعدها انا خرجت بالفستان الصراحه كان عاجبنى اوى رغم انى مكنتش عايزه اليوم ده يجى بالطريقه دى بس انا عجبنى شكلى كده مابالكو بقى لما اكمل لبس
اسراء بابتسامه : ما شاء الله قمر اوى
ابتسمتلها و روحت قعدت بعد م حسنيه قعدت تزعق عشان البنت اللى هتعملى الطرحه بقالها كتير مستنيه
_______________________
ف ناحيه تانيه عند الشباب
كريم بهزار : البدله هتاكل منك حته
احمد : ع أساس مكنتش بلبسها كل شويه ف الشغل
كريم : لا وانت الصادق كنت بتيجى الشغل اصلا
احمد : بس الصراحه البدله عجبانى
كريم : عشان انا زويق بس و بجيب حاجات جامده
احمد : اوماال
كريم : احمد
احمد : ايه
كريم : بالله عليك تخلى بالك م إلى هتتجوزها حاول تبطل شرب لو مش عشانك عشان متأذيهاش و انت مش حاسس و عشان ربنا يا صاحبى انا خايف عليك و بعمل كده عشان انصحك مش اكتر و انت عارف كده كويس انت جواك شخص طيب و جدع و محترم كمان بس انت الى مش عايز تبينه الماضى مش لازم يأثر ع المستقبل بالسالب انسى الماضى و عيش حياتك زى م ربنا كاتبلك و انا حاسس ان الجواز ده هيغيرك للاحسن

 

 

بصلو و مردش و قعد يفكر في كلامو شويه لحد م دخل عليهم سليم
سليم : يااه انت جهزت انا قولت هاجى الاقيك لسه بتعاند و مش عايز تلبس
احمد : هو ناقص قد ايه و الفرح يبدأ
سليم : نص ساعه و هتنزلو الناس بتيجى اهو
احمد : تمام
_______________________
عند البنات
البنت : بس كده خلصت ايه رأيك
منه : حلو اوى بجد تسلم ايدك
اسراء : صحبتى قمر ف كل حاجه اصلا
منه : ونبى انتى إلى قمر عارفه لولا أنك منقبه كنا هنلاقيكى بتتشقطى مننا ف الفرح بالفستان و الميكب الجامد الى انتى عاملاه
اسراء بضحك : متأفوريش اوى بس كده لحسن اتغر ف نفسى
حسنيه : يلا يا اختى انتى و هى و انتى يا اسراء البسى النقاب يلا للعريس زمانه جى عشان ياخدها
لبست النقاب و عدى 10 دقايق بالظبط و لقينا الباب بيخبط و طلع احمد
احمد ف سره : ايه يارب ده هى حلوه كده ليه .. اووف ايه إلى انا بقوله ده
حسنيه و هى بتحرك أيدها قدام وشو : انت معانا يا ابنى
احمد : ااه اه معاكو يلا
خدنى و نزلنا بس ايه ده ايه كل الناس دى و كمان أغلبهم رجال أعمال وناس كبار !!
قربت من ودن احمد و قولتلو : هو ايه كل الناس دى مش المفروض الفرح كان ع الضيق
احمد : دول ناس تبع بابا هو إلى عازمهم و الباقى صحابى
نزلنا و قعدنا ف الكوشه شويه لحد م المأذون يجى
اسراء و هى ماشيه خبطت ف حد

 

 

اسراء : معلش اسفه
_ لا ولا يهمك
مشى و اسراء استغربت و قالت ف سرها : استاذ كريم هو ايه الى جابه هنا يلا مش مهم أما اروح اشوف منه عشان المأذون جه
بعد 5 دقايق قال المأذون : بارك الله لكما وبارك عليكما وجمع بينكما في خير
اسراء حضنتنى و هى فرحانه بس انا مش عارفه انا فرحانه ولا مضايقه ولا فاهمه ايه شعورى دلوقتى بس الى اعرفه انى داخله ع عيشه اصعب بكتير من حسنيه
_______________________
ف بيت احمد
احمد : اتفضلى
بصتلو و دخلت البيت شكلو حلو بس تحسوه مفهوش روح كده و الالوان غريبه عامل البيت كلو باللون الرمادي !!
العامله : استاذ احمد نورت البيت
احمد : ازيك يا فوزيه الاوضه جاهزه
العامله : اه يا بيه نضفتها و جهزتها
احمد : تمام هنطلع احنا و لو انتو عايزين تاخدو اجازه براحتكو
العامله : ربنا يخليك يا ابنى
منه ف نفسها : لحظه اجازه ايه و اوضه ايه إلى جهزت لا طبعا انا مش هقعد معاه لوحدنا ايه ده و بعدين هو مالو غريب كده ليه و بيكلمها براحه اول مره اشوفو كده
احمد : ايه يلا بقالى نص ساعه بنده
منه : مخدتش بالى
طلعنا و دخلت الاوضه و هو لسه هيدخل قولتلو : نعم ! رايح فين
احمد : هو ايه الى رايح فين داخل الاوضه
منه : لا م احنا مش هنقعد مع بعض روح شوفلك اوضه البيت كبير
احمد : مفيش الكلام ده و مفيش حد ف البيت هنا يعرف أن احنا مش متجوزين عن حب و اكيد هيبقى شكلنا وحش لو روحت قعدت ف اوضه تانيه وسعى بقى
زقنى و دخل ايه الواد ده بجد !!
منه : طب أخرج عشان البس
احمد و هو بيشاور ع مكان ف الأوضه : دى اوضه اللبس ادخلى البسى وانا هدخل الحمام
دخلت و لبست بيجامه و لميت شعرى و خرجت انام و بعدها ب دقيقتين لقيته خارج لابس شورت و تيشرت و جى عليا هو شكلو حلو كده ليه ! .. فوقت من سرحانى لقيته جى يقعد ع السرير

 

 

منه : اييه يا عم انت بتعمل ايه قوم
احمد : هنام منمش
منه : لا مش هتنام جمبى
احمد : خلاص نامى ع الأرض
منه : للدرجه دى قليل الزوق !
بصلى بجمود و قال : السرير عندك عايزه تنامى هنا نامى مش عايزه الأرض موجوده
لا م انا مش هسمحلو برضو و مش هناوله الى ف دماغه و انام ع الأرض .. روحت جبت مخده و حطيتها مبينا و نمت
_______________________
تانى يوم الصبح عند اسراء
اسراء : صباح الخير يا حجوج
باباها : صباح النور يا حبيبتى
مامتها بتمثيل الزعل : مفيش صباح الخير يا ماما
اسراء و هى رايحه تحضنها : لا طبعا فى هو فى زيك صباح الخير يا ست الكل
مامتها : صباح النور يا حبيبت ماما اقعدى يلا عشان تفطرى
اسراء : معلش مش هعرف أفطر عشان متأخره
مامتها : بس يا بنتى انتى رجعتى امبارح م الفرح نمتى ع طول و متعشتيش كده هتتعبى خديلك ساندوتش حتى
اسراء : متقلقيش هطلب اكل ف الشغل
باباها : طب يا بنتى م تعملك ساندوتش ف السريع
اسراء و هى بتفتح الباب : المره الجايه وعد متقلقوش انا مش جعانه اصلا بس عشان متأخره يلا سلام
مامتها : ربنا ينورلك طريقك يا بنتى و يحفظك
_______________________

 

 

عند أحمد و منه
صحيت و ملقتش احمد هو اكيد مراحش الشغل صح !! لسه بسال نفسى لقيته خارج م الحمام و بينشف شعره بالفوطه و كمان مش لابس تيشرت ! هو الواد ده ليه معتبرنى كيس لب قدامه مخدتش بالو منى ف لفيت وشى
منه و هى لفه وشها : ياريت تلبس حاجه و تعمل حساب أن فى حد معاك
احمد و هو بيشيل الفوطه و بصلها : المفروض انك كنتى نايمه و بعدين اتعودى انا بخرج م الحمام كده ع طول
مرتدش عليه بس خدت بالى انو راح يجيب تيشرت و لبسه و بعد م لبس الباب خبط
العامله فوزيه : صباح الخير يا ابنى
احمد بابتسامه : صباح النور
فوزيه : اجهز الفطار يا ابنى ولا استنى شويه
احمد : اه جهزيه و احنا عشر دقايق كده و هننزل
فوزيه: تمام يا ابنى
فوزيه ف سرها و هى ماشيه : ربنا يهديك يا ابنى يارب
احمد و هو بيلف ل منه : مش ناويه تقومى تاخدى دش عشان ننزل!
منه : انا بقعد ع السرير بعد م اصحى شويه و امسك الفون فى مانع
ده طنشنى و دخل اوضه المكتب ! اه صح نسيت اقولكو هو بيت كبير يا جماعه أشبه ب الفلل الصغيره و الاوضه كبيره ماشاء الله فيها اوضه مكتب و حمام و اوضه لبس و البيت كلو حلو يعنى .. المهم قومت خدت لبس و روحت خدت دوش و لما خرجت لقيته قاعد ع السرير بيقرأ ورق متدش اهتمام و روحت سرحت شعرى و خلصت و قولتلو : انا خلصت لو هننزل
احمد و هو بيسيب الورق : يلا
نزلنا و كان الفطار جاهز و شكله حلو اوى و كمان طعمه حلو
_______________________

 

 

ف الشركه
_ اسراء استاذ كريم بيسأل عليكى
اسراء بخوف : انا اتاخرت اوى طب هو متعصب ولا عادى
_ هو نص و نص انتى و حظك بقى لأن حصل مشكله ف الشغل
اسراء : يحلاوه طب بقولك ايه م تقوليله انى مش جايه انهارده و انى تعبانه و انا هروح
_ ازاى يعنى هنتقفش و المشكله هتكبر
اسراء : اووف طيب انا رايحه ربنا يستر
~~~~~~~~ عند المكتب
خبطت اسراء ف رد عليها كريم بصوت عصبى : ادخل
اسراء ف سرها : ربنا يستر
اسراء : احم قالولى أن حضرتك عايزنى
كريم بعصبيه : ممكن اعرف تأخير نص ساعه ليه هو مش انتى ماضيه على ورق مكتوب فيها ممنوع التأخير خمس دقايق حتى
اسراء : اسفه والله بس الطريق كان زحمه و..
كريم : بسس خدى الورق ده و كلمى الوفد الايطالى حلى المشكله ف اسرع وقت يلا
اسراء : ححاضر
_______________________
بليل عند أحمد ف الفون
احمد : مالك متعصب ليه
كريم : …

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اصبحت شخصا اخر بعد رؤيتها)

اترك رد