رواية فرح ولكن الحلقة الثانية 2 بقلم مروان فرج
رواية فرح ولكن الحلقة الثانية 2 بقلم مروان فرج
 |
| رواية فرح ولكن الحلقة الثانية 2 بقلم مروان فرج |
رواية فرح ولكن الحلقة الثانية 2 بقلم مروان فرج
المهم جي يوم العرس يلي بوي كان سيتنا فيه بالدقيقة وجي يوم الخميس بالتحديد…….. ❤️
يوم الصاله عماتي وعمامي دارو عرس كبير لخوهم عشان ماصدقو امتا يتزوج وفرحووو بيهم هلباااا وماخلوو شي ماداروه
وتو الطاولات وجابو العصائر والتورته وعزمو هلباااا ناس وكان عرس كبير بمعني الكلمه فرحت خوهم يلي عمره 45سنه????????♥️
معا الساعه 8في اليل خشت خوله يلي هيا امي وكانت لابسه فيلووو ابيض ومعاها اختها وصاحبته ويساعدو فيها ع المشي لانها كانت تعرج من رجلها والناس يلي كانو في القاعه ركزو عليها وعمتي الكبيرة كانت مش عاجبها الوضع بكل
وتتمني انا خوها خدي وحده سليمه ومافيها شي عشان هوا مش ناقصة اي شي
قعمزت خوله ع الكوشه وكان عيون النساويت عليها لأنها كانت حلوه بجد ❤️
#عند_بوي
بوي كان معا صاحبه في السلطنه وكان لابسه بدله رسميه وموتي روحه ويقولهم هيا طولنا راهووو????
محمد ….تي وسع بالك باعبدالرووف مزال حتي الساعه9ماجتش شني تبي توصل قبل الناس انتا والل كيف
بوي تحشم منه وشده ع جنبه وقاله معاش تبصر معاي البصاره هادي قدام الناس فاهم ولالا
محمد ههههههه خلاص فاهم
جت الساعه 9وكان بوي راكب معا صاحبه محمد ع اليمين ويقولي تي هيااا اطلع طولنا
محمد يضحك عليه ويقولا باهي اهو قريب نوصلووو
المهم وصل بوي قدام صاله العرس واتصل بي اخته جاته وعطاته باقه ورد وقاتلهم تغطووو العريس بيخش????♥️
ولعو موسيقي وخش بوي للصاله وكان قلبه يدق ومتحشم لانا اول مره يعيش الجو هداااا????
وصل لعند خوله عطاه الباقه وسلم ع رأسها وقعمزكد جنبهااا وشوي جت امه وخواته وقعدووو يباركولهم وصورو معا بعض????❤️
وجي وقت انهم بيطلعوو من الصاله وبيروحو للحوش
جي بوي شد يد خوله وقعد يساعد فيها انها تمشي زين وماخلاش اي حد يتظر ليها بنظره شفقه اي شي وصلوو لعند السياره وفتح بوي الباب لخوله قعد يحاول يساعد ف خوله انها تركب السياره عشان كان الفيلو مصعب مشيها ورجلها زايه عليها بس كان عادي ماباش يدير اي لقطه مش حلوه بكل
عبدالرؤوف…كان ماسك يد خوله ويده التانيه ع الفيلو عشان يدخله ف السياره وفي لحظه كان الجو حلو وهادي جت عمتي وكانت راقيلها بكل ومش تحمله للوضع
عمتي…. وسع ياعبدالروؤف مش قوتلك من الاول انا ياحظي عليك وخلاص تزوجت عسان ترتاح لقيت روحك تعاني ????
عبدالرؤوف….تحشم من كلام اخته وجهه وله الوان واشكال ومعاش عرف شن يرد عليها اشر لاخته التانيه عشان تقوللها تسكت
عمتي حنان…خلاص ي سليمه خلي العرسان معا بعض وتعاني عشان نركبو ف السياره ❤️
سليمه…تي خليني توا وهادي من بيركبها ف السياره توا
بوي….خلاص معاش قدر يتحمل وله ف موقف اخي بكل وكان مش عارف كيف يتصرف وفي لحظه وهوا ماسك يد خوله حسه بدمعته نزلت علي يده????????
بوي….معاش قدر يتحمله وفي لحظه منه طب خوله ف حضنه وركبها ف السياره وسكر الباب ومشي شد اخته سليمه ع جنب
عبد الرؤوف…عاجبك يلي درتيه قدام الناس تي من الأول قوتلك نا نبيها زي ماهيا والل انتي ضروري اديري مشكله وتنكدي علياا
سليمه…تي خيرك ياعبدالروؤف ماقولت شي نا نبيك تتريحه وبس ياخي
عبدالرؤوف لو تبيني نتريح خليني نا هكي مرتاح ❤️
سليمه…باهي بتهي خلاص امشي اركب ومعاش بندخل في شي وبرمته وجهها
بوي….تي خلاص عاد توا مش وقت الزعل تاخرت نا وتو نحكو وقت تاني
سليمه….باهي توا نركب ف السياره عشان نمشو وراكم
عبدالرؤوف…تي وين بتمشو نعرف الحوش نا ريحو روحكم مانبيش نتعبكم????????
سليمه…تي اسكت انتا شن فهمك ف للحاجات هادي امشي اركب سيارتك واطلع
عبدالرؤوف….باهي وطلع من حنبها وكان يضحك
ركب عبدالرؤوف في سياره وكانت خوله مقعمزه جنبه ع اليمين وكان واضحه انها تبكي عشان سمعت كلام من سليمه يسم البدن وكان تحاول تخلي دمعته بس كانت تنهف????????
بوي…حاول يلطف الجو ويدير ف روحه مايمعش فيها وهيا تبكي
عبدالرؤوف…نورتي حياتي ياخوله
خوله…ساكت وماتبيش تتكلم
بوي….سكت وطلع بالسيارة وكان ساكت ويشوف وراه ولقي خوته وشوي من العيله وراه بالسيارة وراه عشان يوصلوهم لحوشهم قعد يجري عشان يسبقهم ويدير ف جو????????
خوله…خافت وفي لحظه حطتت يدها ع عبدالرؤوف وقاتله سوق بشوي
عبدالرؤوف….ههههه تخافي عليا ي قلبي بوي طلع رومانسي????????
خوله….تحشمت وبصوت واطي اييي ????
بوي….مباه وزاد السرعه ووصل قلبهم عشان كانت المسافه طويله شوي بوي دار هكي عشان عشان يتسغل الوقت وينزل خوله براحته ويخشو للحوش
وصل عبدالرؤوف للحوش ونزل بسرعه ونزل خوله وصلو قدام الباب وقعدو يستنا فيه امتا يوصلو بس شوي وصلو ودارو جو حلو قدام الحوش وفتح بوي باب الحوش وخش هوا وخوله????❤️
وسكر الباب والعيله روحو خوله قعدت ف مكانه وكانت خايفه ومتحشمه ف نفس الوقت
بوي مسكها من يدها وخشو دارو لفه ف الحوش وقعد يحاول غيرها ف جوها ومباش يقولها شي ع موضوع سليمه لعند ماخشو لدار النوم وكان الجو حلو…..????❤️
تزوح بوي وامي وعاشو ايامات حلوه
العيله حبوها هلبا كانت طيبه وحنينه
وعمتي كانت متوقعه انها رح تكون رافعه خشمها او شي بس خوله كانت طيبه ونيتها بيضه
وقدرت تكسب حتي عمتي اللي كانت رافضتهاا
كانت فالحه وذوق في كل شي مانقصت شي علي بوي
من دلال واهتمام ومحبه وحنان وكان تعرف اطيب كل شي ويلي يطلبه بوي يلقاه قدامه واول ماجاته قالها نبي وجت حوت الوجه هادي يلي طيحتيني بيها????????
خوله من عيوني ودراته احلي وجبه وكلي بوي لين شبع❤️
مشي ايامات وشهور ع زواج امي وبوي وكانت عمتي الكبيره وجداي يلي هيا ام بوي كل يوم يجوو ويسالوو فيها خوله ع الضغار
وخوله كانت متحشمه وتقولوهم ربي إنشاء الله يرزقنا، ♥️????
كانو كلهم يستنو فالخبر السعيد
وفعلا بعد 6شهور من الزواج حملت امي وبوي هنا طاير من الفرحه وكان ليه متزوجه 5سنين وماحصلش صغار
قال لي أمي يارب تجي بنيه ونبيها زيك حنينه وطيبه
تودني وتحن عليا وتنونسي وربي يرزقي بحسنتها
لان البنياات رزق
امي كانت تضحك وتقولا يارب نجيبلك وليد لانا نحب الاولاد
وتلقاه ويشيل اسمك ونلبسه الزبون ويمشي معاك للجامع
ويقعمز معاك في حوش عمامه
ويرفعني اني وياك للحج????❤️
بوي يضحك ويقوللها كان بنراجي لين يكبر نقعد شيباني????
اني باءذن الله بنقدم وبنمشي العام اهو كان سخرلي ربي
يرفعك انتي للي بتكبري انتي وياه
كانو منسجمين معا بعض وخلوش اي حاجه تأثر عليهم ♥️
وفاتو شهور حملها
وبوي غير شن تبي ياخولة وحتي قاللها معاش تمشي
للخدمة اقعدي فالحوش لين تجيبي ويلي تبيه نعطيهولك
وامي مابتش قالت الخدمة ساهلا ومافيهاش تعب
نعطي حصصي ونروح طول
وخالاتي يوتو شن بييديرو بعد اتجيب امي
وبيديرو اسبوع اكبير وبيعزمو العيلة كلها
وعماتي ونساوين عمي الحق ماقصرو مع امي
وبوي كان كل يوم يطلع من الحوش ويمشي للسوق ويجيب في حاجات للبيبي جاب كل شي مش ناقص ولا حاجه
وامي تقوله عليش مستعجل مزال الوقت عليهن❤️
بوي كان فرحان ومش عاطيتي لفرحته لحد
لين في يوم امي مروحه من المدرسة وفيه سيارة
كنتر جايه من الطريق التانية امي تسوق والسياره قصت قدمهاا خبطت سيارة امي
والضربة جت قوية
ع طول سعفوها للمستشفي حالتها حرجة بكل
خود رقم بوي من نقالها واتصلو بيه بوي انصدم ????وجي يجري
ومايشبح فالدنيا قدامه
وصل للمستشفي طلع الدكتور قالا نبو نديرو عملية
ننقذو البيبي
يخبط ويقولا انقذ الام االبيبي ماااااااااااااااانبيشي
قالا الام ميته الضربة قوية
بوي خبط وعيط انقذوها هيا العيل مااااااااانبيشي
بس قضاء الله كان اقوي
دارو عملية نقذوني اني
وللأسف……… أمي ????
يتبع..
لقراءة الحلقة الثالثة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملاك أوقع شيطان للكاتبة ريم محمد.