رواية جائزة السماء الفصل الثاني 2 بقلم إيمان

رواية جائزة السماء الفصل الثاني 2 بقلم إيمان

رواية جائزة السماء البارت الثاني

رواية جائزة السماء الجزء الثاني

رواية جائزة السماء الحلقة الثانية

يادى الشباك وسنين الشباك
انا نفسى اعرف يا عفاف ياختى ايه اللى بيزعلك من وقفتى فى الشباك
مش وقفتك ياختى فى الشباك اللى بتزعلنى اللى مزعلنى أن اللى يبص لفوق يتعب
أنا ياختى لببص لفوق ولا لتحت ولا يمين ولا شمال تعرفى يابت يا عفاف انا بحلم بأيه
بأيه ياختى إشجينى
بحلم ان ليا شقة كبيرة شرحة وبرحة وداخلها النور والشمس والهوا وفيها بلكونة كبييييرة أملها زرع واقفاص عصفير كده واخليهم احلى من احلى جنينه
يسمع منك ربنا ياختى
ايوة عشان اترحم من الشباك اللى تحت الارض ده
يااااه تسلم ايدك يا ناجية حته عشوة انما ايه هنا
بالهنا والشفا يا حاج مسعود
يوسف : البضاعة اللى وصلت الدكان لسه نقصه حاجات يابا
ايوة يا يوسف عارف اصل فى اصناف شحة فى السوق الايام دى وانا وصيت الحاج محروس ان اول لما توصله يبعتهالى على طول
طب كويس وانا قفلت الايراد انهاردة بعد العشى نقعد سوا عشان اسلمهولك
منصور : لالا بعد العشى انا عاوز اقعد اتكلم شوية مع ابويا خلى حكاية الايراد دى رجعوها الصبح فى الدكان
مسعود : خير يا منصور عاوز ايه
نخلص بس العشى ونقعد انا وانت نتكلم على راحتنا
أيه يا جميل جرى أيه يا قمر نفسى بس فى نظرة رضى ما تحنى عليا بقه
جرا أيه يا واد انت ما تحترم نفسك وتتلم بقه بدل ما افرج عليك اللى يسوى واللى ما يسواش هو انا كل اما اخرج من البيت تفضل ماشى ورايا تضايقنى

ايه يا صفية بتزعقى كده ليه فى الشارع وخلتى الناس تتلم كده
الواد ده ياسى يوسف مخرجش من بيتنا لاى مشوار الا لما الاقيه ورايا ويفضل يعاكس ويرمى بلاه عليا
مالك بيها يا فايق
والله ياسى يوسف أنا غرضى شريف وعاوز اتقدملها وكنت عاوز بس اعرف رايها
غرضك شريف وعاوز رايها يبقه تاخد ياحبيبى ابوك فى ايدك وتروح لها بيت ابوها وهو بقه اللى يقولك رايها ولا انت تحب ان حد يعمل كده مع كوثر أختك
عندك حق ياسى يوسف انا غلطان حقك عليا
مش انا اللى تعتذرله صفية هى اللى المفروض تعتذرلها على البوااخه بتاعتك دى دى بنت الحارة بتاعتك بدل ما تحميها تعاكسها
خلاص يا صغية انا سف ومش حتتكرر تانى
خلاص حصل خير ومتشكره ليك اوى ياسى يوسف
لا شكر على واجب يلا على بيتكم على طول
حاضر
أزيك ياعفاف يا أختى يا حبيبتى يا روح قلبى
أيه يابت فى ايه انتى كنتى عند هند صحبتك ولا كنتى فين بالظبط
لا كنت عند هند طبعا
بقولك ايه انا كنت سمعه هيصة فى الحارة وشوفت لمه وحولت اعرف ايه اللى بيحصل بس طبعا معرفتش من الشباك بتاعنا ده
فانفجرت صفية فى الضحك
هو فى ايه انتى اتجننتى يابت انهاردة ولا ايه

اصل الهيصة واللمه كانت بسببى
نعم ياختى بسببك ليه
الواد فايق الله يخربيته
هو برضو عكسك الواد ده
ايوة بس ايه فرجتلك عليه الحارة المردى
وهو ده بقه اللى مرجعك مبسوطة اوى كده
اصل سى يوسف الله يخليه لما لاقه الحارة اتلمت ساب دكانهم وجه يشوف فى ايه ومسك الواد فايق بقه ظبطة وخلاه يعتذر ليا قصاد الحارة كلها واتعهد انه مش حيضايقنى مرة تانية
اااه قولتيلى سى يوسف ظبطه بقه الحكاية كده
منك لله يا فايق ع الصبح عكرت مزاجى واد يا مصباح
ايوة ياسى يوسف
روح هاتلى واحد قهوة وتعالى بسرعة
حاضر ياسى يوسف
يا عفاف يا صفية
انت جيت يابا حمدلله ع السلامة
الله يسلمك يا عفاف
ثوانى ونحضر الغدا
لاالا استنى عاوز اقولكم على حاجة
عفاف : خير فى ايه
عوزكم بعد الغدا توضبوا البيت كويس أوى
فقالت صفية بتعجب : ليه يابا
أصل وانا راجع نده عليا الحاج مسعود وقالى انه جاى يزورنا بعد صلاة العشا
ردت صفية بلهفة : والحاج مسعود جاى يزورنا ليه
مقالش يا صفية
ومسألتوش ليه طب

عيب يا بنتى بقه يقولى انا جاى ازورك اقوله جاى ليه وبعدين ياخبر بفلوس بكرة يبقه ببلاش كلها كام ساعة ونعرف سبب زيارته ايه يلا بقه حضرو الغدا لحسن انا واقع من الجوع
عفاف : ثوانى ويكون الاكل جاهز
وفى أثناء غرف الطعام فى المطبخ قالت صفية : بت ياعفاف تفتكرى الحاج مسعود جاى ليه انهاردة
وانا ايش عرفنى ومالك مشغولة اوى كده بسبب الزيارة وهتموتى وتعرفيه
انا لا هموت ولا حاجة ياختى بس اصل الحاج مسعود عمره ما زرنا قبل كده عشان كده مستغربه بس مش اكتر
ياختى زى ما ابوكى قال ياخبر بفلوس بعد كام ساعة حيبقة ببلاش
طيب ياختى عليكى برود مش عارفة حتتخلصى منه امته بس
طب يلا ياختى ادامى نحط الاكل خلى ابوكى يتغدا

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية جائزة السماء)