رواية جريمة عشق 4 الفصل العشرون 20 بقلم مريم نصار

رواية جريمة عشق 4 الفصل العشرون 20 بقلم مريم نصار

رواية جريمة عشق 4 البارت العشرون

رواية جريمة عشق 4 الجزء العشرون

رواية جريمة عشق 4 الحلقة العشرون

فيلا السيوفي..
فارس عازم رودي ع العشا ..
رودي : لبست فستان رقيق باللون الأزرق الداكن . وحجاب ..
فارس : خرج من اوضة اللبس . ووقف مره واحده وتنح . وقال بدهشه . رودي؟ ايه الل انتى لابساه ده؟
رودي : بتلف حوالين نفسها. ها ايه رايك يافروسه ؟
فارس : بنرفزه . حدف الكراڤت ع السرير . وقرب منها . وقال ده ايه ده بقى؟ فستان ولا قم#يص نوم؟
رودي : كشرت عينيها بعدم فهم ؟ وقالت ايه يسطى انت شايفنى بالعكس ولا ايه؟ فستان وغامق وطويل وبكم ومقفول . قميص نوم ازاى بقى؟
فارس : مسح وشه بايديه ونفخ بضيق حقيقي . وقال . وضيق .وضيييق يارودي كملى وصفك للفستان ياحبيبتى ..
رودي : وقفت قدام المرايا . وقالت ضيق فين بس يافروستى ؟ ده جامد جدا عليا . الهوى عليا مهما اكبر موزه برضو ..
فارس : بغيظ .مووزه؟ انتى ايه نظرك بقى ضعيف ؟ اتفضلى غيرى الفستان ده حالا ..
رودي : اله . ماتهدا بقى ياجدع انت . ايه خدوهم بالصوت ولا ايه؟ ماله الزفت ماهو حلو وجامد اهو ؟
فارس : بدهشه . حلو وجامد؟ اه يارودي جامد عليكى وعشان جامد ومزعلكيش منى هتغيريه ..
رودي : بقولك ايه يانجم . انا مصدقت لقيت حاجه دخلت فيا اصلا . اهمد بقى وخلي اليوم يعدى اشطا؟
فارس : مسح دقنه بغيظ . اشطا يارودي . اشطا اووووى .وراح عند الدولاب. وفتحه . وبص ع الفساتين . واختار فستان باللون الزتوني الهادى . وراح عندها . البسي ده وانجزى ..
رودي : تؤ موش عاجبني. .
فارس : يارودي متختبريش صبري . ولا انتى شكلك عايزانى اعمل معاكي يوم فستان الفرح وانتى بتختاريه؟
رودي : بلعت ريقها . اله ف ايه بقى . ماخلاص لبست واتنيلت ع دماغي. عدى اليوم بقى؟
فارس : بغيظ . حاااااااضر هعدى اليوم بس لما ابقى سوسن . ماشي .وقرب منها بغيظ. اقلعي .
رودي : بغمزه . مابلاش..

 

فارس : بنفاذ صبر يابنتى اقلعى والبسي ام الفستان ده . فرهدتينى .
رودي : ياعم بلاااااش. افتكر انى قولتلك بلاش ..
فارس : بغيظ .مسكها من دراعها . وحاول يقلعها الفستان . وهي واقفه وكاتمه الضحكه ..
فارس : بيلبسها الفستان . مش داخل فيها . وقال انتى تخنتى يارودي؟. انتى هدومك مش داخله فيكى ليه ؟
رودي : عشاان كل ما المرأه ازدادت جمالا انكمشت ملابسها خجلا من جمالها .
فارس : يعنى مش عشان انتى تخنتى ؟
رودي : تؤتؤ انكمشت خجلا ..
فارس : حدف الفستان ع الكرسي .وابتسم بخبث ..
. وقال وانا برضو اقول البت رودي احلوت اكتر من الاول ليه ؟ اتاري الجاذبيه واخده حقها معاكى . قمر يخربيت جمالك .
رودي : هههههههه . افتكر انى قولتلك بلاش . ههههههههه ..يلا هلبس الفستان الازرق بقى .
فارس : تؤ تؤ . ع جثتى تخرجي بيه تانى .
رودي : تنحت . اله اومال هخرج ازاى بقى؟
فارس : راح عند الدولاب. وطلع كل الفساتين . وقال مش معقول يعنى كلهم مقاس واحد . هنشوف حاجه مناسبه .وبعد العشا . هاخد رودي قلب الفارس . واجبلها اجمل فساتين مقاسات خاصه ف المول كله .
رودي : تنحت بزهول . نعمممممم مقاسات اييييه ياعمرررررر؟
فارس : هههههههههههه . ايوه ياجعفر اظهر وبان هههههههههه .
رودي : راحت ع السرير بغيظ . وجابت فستان وقاست اكتر من واحد واتكلمت كتير بنرفزه كبيره . وجه فستان أسود مظبوط عليها .وقالت اهو . مظبوط . قال مقاسات خاصه قال ؟ انت بتتلكك انا متخنتش اوى هما ٤ كيلو وانا هظبط وزني.
فارس : شاف رودي متغاظه بجد . وقرب منها . ومسك وشها بايديها . وقال الل بيحب حد . بيحبه كله ع بعضه .
. مابيحبش جزء ويكره جزء . وبكلمك بجد انتى حتى لو تختنى بجد انا هفضل اعشقك . انا بعشق روحك يارودي . وبمو#ت ف تفاصيلك . وانا بغير عليكى وانتى عارفه. وكمان انتى عارفه انى مش هسمح انك تخرجي بالشكل ده ابدا.
رودي : رفعت عينيها ليه . وقالت بجد يافارس . يعنى لو حتى كان جس#مى وتخنت اكتر من كدا . كنت هتفضل تحبنى .
فارس : باسها برقه. انا هفضل اعشقك لحد ما امو#ت.

 

رودي : حطت ايدها ع بوقه . بس يافارس بعد الشر عليك ياحبيبى . انا من غيرك انتهي . ربنا مايحرمنيش منك ابدا.
فارس : ابتسم . ولا يحرمنى من مجنونتى. يلا بقى البسي حجاب الفستان. عشان منتاخرش .
——————بقلمي مريم نصار.
زين : بتفهم. وقال سؤال اخير ياحج . مين من الاحفاد وارث منك الميزه دي ؟
آدم : بص قدامه . وقال تيم عزيز ..
زين : امم فعلا ودي ملاحظها من زمان جدا. غامض وكمان بيحب يسمع للكل . ويحب يشوف الكل مبسوط . طيب و آدم مراد؟
آدم : حفيدى آدم ده بحره عميق. عامل زي البحر ماشي مع الموجه .. هادي .. لكن لو جت عاصفه ودوامه بيد#مر كل حاجه حواليه.
آدم واخد منى العقل والتفكير . وواخد من ابوه الجراه ومبيخفش من حد مهما كان مين .
وواخد من جدو طارق الغضب . وواخد من فهد القوه .
زين : هز راسه وابتسم .يعنى مش واخد منى حاجه هههههههه ..
آدم : بصله. وهو انا وانت ايه يازين؟ انت وارث منى وآدم وارث منك . وكلها جينات مرتبطه ببعضها.
زين : عندك حق وده شرف ليا انى واخد من حضرتك جزء بسيط حتى . انا راضي .
آدم : انت وارث جزء كبير جدا. يازين . اومال مين الل د#مر هيكل والجبالى ف اخر مناقصه. والشحنه الل كان عايز يس#رقها . انت قد المسؤوليه يبنى .
زين : ربنا يديمك ف حياتنا ياحج . بس هنعمل ايه مع الجبالي؟ والمراقبه ؟
آدم : بيشرب القهوه .انا هتصرف متقلقش انت. وركز ف المجموعه .
عند فريحه .
مراد : فريحتى هدومي فين ؟
فريحه : ابتسمت بتمثيل . حبيبى هدومك جهزتها ف الحمام .
مراد : طيب انا هروح اطمن ع ميرو وتوتا وبعدين ارجع اخد شاور .
فريحه : بسرعه . لااا . احم قصدى رايح فين كدا . انت من الصبح بره البيت . وبعدين انا خبطت ع ميرو وكانت ليليان معاها وبيضحكو. قولت بلاش اقطع لحظتهم الحلوه . انت ادخل خد شاور الاول . وبعدين اطمن ع ولادك برحتك حتى يكون آدم رجع بالسلامه .

 

مراد : قرب منها وبص ف عينيها بشك . مالك يافريحه؟
فريحه : بألم متدراي . مالى ياحبيبى انا زي الفل اهو .
مراد : انتى مخبيه عليا حاجه؟
فريحه : خافت. لكن مثلت القوه . هههههههه اه مخبيه حجات كتير جدا. ههههه عارف انت وحشنى جدا.
مراد : حط ايدو ع خدها . متاكده انك كويسه . انا حافظك اكتر منك شخصيا. وف حاجه مضايقاكي.
فريحه : بتفكير . نزلت وشها ف الارض . وقالت آدم ابنك . خايفه عليه اوي يامراد .
مراد : ضمها لقلبه هششش بس. آدم ابنك اقوى منى ومن اى حد . ومش عايز قلق زمان دا يرجع تانى. خلاص سيبى كل حاجه تمشي زي ما ربنا عايز .
فريحه : غمضت عينيها بترجي ودعت ل ميرو وبعدها قالت ونعمه بالله .
مراد : طلعها من حضنه خلاص بقي مناخيرك كبرت خالص .
فريحه : فتحت عينيها بدهشه . ايه؟
مراد : ههههه ايوه مناخيرك كبيره اوي . يابنتى انا متجوزك تخليص حق هههههههههههه.
فريحه : بزعل طفولى كدا يامراد . الله يسامحك انا مناخيرى كبيره .
مراد : ضحك . وباس انفها بمرح . دي بندقه يابت . حتة الماس كدا . هههههههههههه عمرك سمعتي عن مناخير الماس ههههه.
فريحه : بحب لا سمعت عن قلب الماس . هو قلبك يامرادي .
مراد : هرش ف قفاه . وبعدين بقى ف التثبيته دي . طب اخطفك ع شقتنا دلوقتي ولا اعمل ايه؟
فريحه : ههههههه . لأ ياحبيبى ادخل خد شاور . وانا هطمن ع البنات .وهستناك تحت عشان نتعشى كلنا اوكي .
مراد : باس جبينها ماشي ياحبيبتى.
فريحه : ابتسمت بتنهيده. وخرجت.
مراد : واقف مكانه . وربع ايديه بتفكير . ياترى فيكي ايه يافريحتى؟

 

عند ميرو .
ليليان : خلاص بقى ياميرو ياحبيبتى . انتى من امتى بالضعف ده . ؟
ميرو : هزت راسها لأ مش ضعف ياليليان. ده كسر . قلب اتقسم نصين. امل اتحطم. كل حاجه انتهت. مالوش علاقه بالضعف ابدا . ده احساس خارج عن إرادتى . خيبة أمل بس مش ضعف ..
ليليان : بدموع. ارجوكي متزعليش نفسك واطلعى من الل انتى فيه ده بسرعه . وتيم ده ربنا يسمحه بجد .
ميرو : ابتسمت بوجع . تيم مالوش زنب . الحب عمره ما كان بالإكراه . هو قلبه دق لواحده تانيه. صدقينى مش زنبه.
ليليان : مسحت دموعها . طيب ارجوكي فوقى لنفسك. وطلعيه من دماغك . وكمان متوافقيش ع اي عريس والسلام . هي مش اكله لو معجبتكيش هترجعيها وتطلبى غيرها. لأ. دي حياه طويله ومحدش هيعيشها بدالك ولا هيحسها غيرك . بلاش حكم الإعد#ام تنفذيه بايديكى ليكى . فوقى يامريم ارجوكي.
ميرو : بصت قدامها . ومسحت دموعها وقالت عندك حق . انا لازم افوق .
الباب خبط .
ليليان : بسرعه . امسحي دموعك دي . وفوقى كدا اوكي .
ميرو : بلعت ريقها بتوتر ومسحت دموعها بسرعه . وحاولت تكون ع طبيعتها .
فريحه : دخلت بابتسامه . مساء الخير .
ميرو . ليليان . مساء الخير.
فريحه : اتوجعت لما شافت عيون بنتها. لكن مثلت التجاهل . وقالت اذيكو ياحبايب قلبى .عامله ايه ياميرو ؟ انتى ولي لي؟
ليليان : بمرح تلطف الجو . انا تومام جدا. وجعانه اووووى .
ميرو : اهلا اذيك يامامي حمدالله ع سلامة حضرتك.
فريحه : ايه مش هتسلمى عليا ؟
ميرو : اترمت ف حضنها وبتستمد منها القوه.
فريحه : ضمتها لقلبها . وربتت كتير ع ضهرها.
ليليان : بمرح . اااه يقلبك ياليليان يابنتى . سعات بحس اني مهدور حقى والله . انا مظلومه اوى . وجعانه اوى اوى .
ميرو : بشبح ابتسامه وطلعت من حضن امها.
فريحه : ههههه هتوحشنى رخامتك اوى يالي لي تعالى ف حضني ياقلبى .
ليليان : حضنتها وضحكت ايوه كدا . العدل اساس الملك.

 

فريحه : مسدت ع شعرهم . ربنا يديمكم ف حيات بعض يابنات . وبصت لعيون ميرو.
.وخافت مراد يشوفها بالشكل ده لانه ع طول يسألها مريم بنتك فيها ايه وزعلانه ليه ع طول ..؟
وقالت .. يلا بقى ياميرو ادخلى خديلك شاور بسرعه . عشان بابي زمانه جاي يطمن عليكى .
ميرو : بتوتر . هو بابي هيجي امتى ؟
فريحه : بابي جه فعلا وف الجناح . يلا بسرعه وانزلو . انا هروح اطمن ع تالين. وخرجت .
ليليان : اوووف الحمد لله . خالتو فريحه ما اخدتش بالها من عيونك . كنا زمنا ف خبر كان دلوقتي.
ميرو : تفتكرى مامي ما لحظتش حاجه ؟
ليليان : يابنتى بالعقل كده؟ لو خدت بالها كانت سكتت وعدت الموضوع كدا عادي ؟ دي كانت هتقعد وتعيط جمبك . يلا بقى ادخلى خدى شاور فعلا عشان عينيكي حمرا اوي.
ميرو : هزت راسها حاضر .
——————بقلمي مريم نصار.
ف الجهاز ..
آدم مراد : خارج من مكتب المدير . وماشي بشبح ابتسامه بسيطه خالص ع ملامحه الرجوليه . وفتح باب مكتبه . ودخل . وفتح درج المكتب وبيطلع ملف .
الباب خبط .
آدم مراد : ادخل .
اكرم : فتح الباب ودخل . مساء الخير يا آدم يبنى . ولا اقولك حضرة الملازم .وحضنه بعض .
آدم مراد : ابتسم مساء الخير . حضرتك تقول الل انت عايزو . اتفضل يااكرم باشا .حمدالله ع السلامه . بقالك فتره كبيره مش باين ف الجهاز .
أكرم : حط الشنطه ع المكتب . وقعد بتعب. اااه . انت عارف بقى يا آدم يبنى اى مأموريه محدش يعرف بيها . وانا لسه راجع انهردا الفجر . ولما عرفت انك استملت شغلك . انا جيت ابارك ليك . الف مبروك..
آدم مراد : الله يبارك فيك .
أكرم : انا مش قادر هم#وت وانام . ومش قادر اسوق حتى .
آدم مراد : واضح عليك التعب . ممكن تريح هنا شويه لحد ما اخلص واوصلك انا قدامي حوالى ربع ساعه وامشي .
أكرم : ههههه لا يعم الريس بتاعك مش هياخدنا احنا الاتنين بالشنطه دى . انا هاقوم اغسل وشي كدا وهفوق.
آدم مراد : اتفضل خد راحتك .

 

اكرم : تسلم ياحبيبى . وقام وقلع الساعه والكاب وحطهم ع المكتب. ودخل الحمام .
آدم مراد : قعد ع طرف المكتب . ومسك الساعه . وأعجب بالطراز بتاعها .
أكرم : خارج من الحمام. وشاف الساعه مع آدم وابتسم وقال . ساعه نادره جدا .
آدم مراد : بإعجاب فعلا . وشكلها والتصميم عجبنى جدا .
أكرم : بتنهيده . آخر هديه من والدي الله يرحمه . وكانت غاليه عندو اوى . عارف من يوم ما لبستها . مفارقتنيش يوم واحد بقالها 5 سنين معايا .
آدم مراد : بتعجب . هي بصراحه شكلها يستاهل تحافظ عليها . اتفضل .
أكرم : اخدها . والله يا آدم انا نفسي اقولك اتفضل الساعه. لكن يهون عليا حياتى . ولا تهون عليا اسيب الساعه . ولبسها..
آدم مراد : ابتسم . تحت تشرب ايه؟
أكرم : لااا انا يدوبك اروح وانااااام . انا جيت اسلم عليك وامشي . سلملى ع ابوك وعمك فهد لحد ما اشوفهم ماشي ؟
آدم مراد : هز راسه تمام..
أكرم : اخد الشنطه ولبس الكاب . يلا سلام.
آدم مراد : مع السلامه …
——————بقلمي مريم نصار.
عند محمد عزيز .
تيم ف اوضته. من وقت ما فهد ورينو مشيو وماسك راسه من الصداع.
نور : خبطت ودخلت بابتسامه . اتفضل ياحبيبى اجمل كوباية شاى هتظبط دماغك .
تيم : بابتسامه . تسلم ايدك يا حبيبتي.
نور : بألف هنا ياروح قلبي .المهم قولى الصداع لسه موجود؟
تيم : ماسك دماغه . وقال لأ انا احسن بكتير جدا . البرشام جاب نتيجه.
نور : سلامتك ياحبيبى . تحب اساعدك ف حاجه؟
تيم : لا ياحبيبتي انا هشرب الشاى وانام شويه .
نور : باستغراب. هتنام دلوقتى ؟ دي الساعه لسه مجتش 8 .

 

تيم : ايوه هنام . ولو صحيت بدرى هراجع شويه . حتى اكون فايق احسن .
نور : ربتت ع ضهرو . تيمو حبيبي . انت مش عايز تقولى مالك ؟
تيم : اقول ايه ياماما بس؟ انا مش عارف حضرتك عايزانى اقول ايه؟
.وكمان رينو انهردا سألتني كتير جدا . وفهد وبابا من فتره.
. كل ده عشان رجعت ف يوم مضايق ومشوفتش قدامي؟ عادي بتحصل .
.وبعدها رجعت لطبيعتي وبقيت كويس جدا . فين المشكله بقى ؟
نور : المشكله واضحه اوي ياتيم بس انت مش واخد بالك .
.. إن ده طبع فيك . وانك تتألم عشان غيرك يكون مبسوط .
. مش معنى اننا عودناك ع حب الناس إنك تفضل تضحي طول الوقت وتحبس جواك جرحك ومتقولش لحد . ده غلط .
.ف فرق بين الانانيه والتضحيه . وانك تعيش حياتك بطبيعتها دي مش انانيه منك بالعكس انت كدا بتعيش العادي .
. ليه سعات بحس انك جواك حمل كبير ومش قادر تتكلم . ازاى قادر تمثل القوه الل جواك دي .؟
تيم : هز راسه بنفاذ صبر. ياماما ارجوكي بلاش تستنتجي من دماغك .
.انا كويس جدا صدقينى. يعنى اكدب عليكى واقولك اي حاجه عشان تقتنعي انتى وبابا؟
نور : بزعل. لأ متكدبش يادكتور .. بعد اذنك. وقامت.
تيم : بسرعه مسك أيدها ايه يانورى هتزعلى من تيمو حبيبك ع اخر الزمن؟
نور : وقفت .. لأ مش زعلانه .بس نفسي تريح قلبى.
تيم : بضحكه صافيه . باس ع أيدها وجبينها. والله بجد انا كويس.
. كل الحكايه انى مشغول بآخر سنه . وفاضل شهرين واخلص. المفروض مفيش وقت. وده الفيصل . ولا ايه؟ وبعدين دا انتى قلقانه اكتر منى .

 

نور : رفعت ايدها ع خدو يعنى بجد انت كويس ومفيش اى حاجه؟
تيم : باس راسها كويس جدا . والشاى هايبرد ع فكره .
نور : ههههه خلاص اشربه ونام شويه.
تيم : طيب نورى مش زعلانه منى ؟
نور : مقدرش ازعل من روحي . تصبح ع خير ياحبيبي .
تيم : وحضرتك بخير .
نور : خرجت. وقفلت الباب .وحمدت ربنا إن تيم بخير
تيم : قعد ع طرف السرير . واخد الشاى . وبيشرب . وحط الكوبايه .
واتنهد تنهيده طويله .. ورجع راسه لورا . وغمض عينيه ومسك راسه . وبيدلك فيها. وللحظه سرح . ورجع بالذاكره .
فلاش باك ..
من ٧ سنين .
تيم : ف اولى جامعه . وخارج من بوابة الجامعه. واتفاجي بكريم .
كريم : مساء الفل يادكتره.
تيم : بضحكه مساءك فل ياهندسه . خير ايه جابك عند طب؟
كريم : هرش ف قفاه بصراحه جاي عشانك.
تيم : بعدم فهم . جاى عشانى ؟ خير ياكيمو ف حاجه حصلت؟
كريم : بحرج احم بصراحه انا عايز اروح المدرسه الثانويه..
تيم : كشر عينيه وقال اممم المدرسه الثانويه . ااه ليه بقى؟
كريم : ههههه عشان اطمن اشوف المدرسه عامله ايه دلوقتى بعد ما سبناها ههههه.
تيم : بتفكير . اوعا يكون الل جه ف دماغى دلوقتي صح ..؟
كريم : بتوتر . بصراحه بقى ايوه . انا معجب بي ليليان .
ونفسي أشوفها وانت عارف إن آريان معاها ف المدرسه وخايف يفهم وجودى هناك غلط . وكنت عايزك تيجى معايا حبيبى يادكتره انا عارف إن قلبك كبير وهتوافق .
تيم : ابتسم بفرحه . انت بتتكلم جد ياكيمو . ليليان؟ وبعدها كشر عينيه وسأله بتحذير .. ولاا انت بتحبها بجد ولا ……؟
كريم : رجع راسه لورا بخوف ايه ياعم انت هتا#كلنى ولا ايه ؟
اه والله العظيم بحبها بجد اوى كمان يعنى .
تيم : هز راسه اممم تمام .

 

كريم : هو ايه الل اممم تمام؟ هتساعدنى اشوفها؟..
تيم : رفع طرف عينيه وسأله طيب وليليان؟
كريم : بغمزه لي لي بتحبنى إن شاء الله قول يارب .
تيم : بغيره .. خب#طه ف جمبه اسمها ليليان يامتخ#لف .
. اسمعك تقول لي لي دى تانى وخصوصاً ف الشارع كدا فاهم يالا؟
كريم : اااه . حاضر حاضر . والله انا عارف بس هى وقعت منى كدا من الفرحه .
هتساعدنى بقى ونروح .. فاضل ساعه ويخرجو من المدرسه.ع فكره..
تيم : هز راسه بابتسامه ماشي بس عارف لو اتكلمت معاها ف اى حاجه صدقنى هع#لقك . ليليان لسه صغيره ع الكلام ده . اجل كل حاجه وخليها تركز ف مستقبلها
كريم : متقلقش هي اصلا ماشاء الله عليها مش مديالى اي فرصه اقولها اذيك حتى .
تيم : رفع حاجبه بإعجاب . وابتسم .. طبعا يبنى دي حفيدة العدوي ومش اى حد . يلا بينا .
كريم : عربيتك فين؟
تيم : هناك اهي .
كريم : طيب استنى هركن عربيتى هنا . وابقى ارجع اجيبها بعدين .
تيم : تمام .
بعد شويه . ف الطريق .
كريم : إلا قولى ياتيم باشا . انت مفيش حد ف حياتك ..
تيم : ههههه لأ مفيش حد ف حياتك.
كريم : ههههه لا ياراجل بجد والله .
تيم : ايوه ايه غريبه يعنى؟
كريم : ايوه طبعا غريبه . انت ماشاء الله عليك يعنى الف واحده تتمنى بس تقولها هاى . معقول مافيش واحده لفتت نظرك حتى.
تيم : سايق . لا وانا مش عايز من الالف دول . وملقتش الل تشدنى ليها .
كريم : اممم ومواصافتها ايه بقى الل تشدك دي . عينيها زرقا؟ وشعرها احمر ههههه.
تيم : ههههه لأ . انا مبفكرش بالطريقه دي . الشكل عمره ماكان مقياس للبنت الل هحبها . انا عايز بنت فريده من نوعها .
كريم : ازاى؟
تيم : اممم يعنى ..عايزها تكون هاديه رقيقه خجوله واثقه من نفسها .تحبنى لشخصى مش لأنى حفيد عزيز أو العدوي .
.عايز لما تكون معايا انسى كل حاجه حواليا ومشوفش غيرها وبس . عارف ياكيمو انا عايز اكون انا آدم وهي تكون مريم . حلم عمرى اعيش القصه دى ..

 

بعد شويه .
كريم : اخيرا وصلنا . والبنات خارجه من المدرسه اهي . ياتري هي فين ..
تيم : رفع عينيه وابتسم بخبث اممم هناك اهي ليليان هانم .
كريم : بلهفه . فين فين .
تيم : هههههههه لا صدق ياض بتحب بجد .
كريم : بغيظ بتشتغلنى ياتيم .
تيم : عمك تيم ياض . انت ناسي إن الدكتور محمد عم ابوك . وكلمه زياده هدور العربيه وامشي بيك هههههه ..وبص قدامه…
كريم : هههه ايوه فعلا انت عمى . ماشي يا……وبص ع تيم شاف ملامحه اتغيرت . اله مالك ياتيم . ووشك اتغير كدا ليه؟
تيم : بص قدامه بغيظ . وقال مش ده ماهر ابن الوزير ؟..
كريم : بص عليه وشافه واقف وفاتح باب عربيه جيب . وقال ايوه هو ماهر المنياوى .
تيم : هو المفروض ف اولى جامعه دلوقتي ايه الل موقفه عند ثانوى؟
كريم : لأ منتا متعرفش انه سقط وعاد السنه . يعنى دلوقتي هو مع ميرو ف سنه تالته.
تيم : صك ع أسنانه ………..
كريم : فكك منه ده عيل صايع وفرحان بالعربيه بتاعته . وابتسم اهى ليليان .. وميرو خارجين من المدرسه .
تيم : رفع عينيه عليهم. وهز راسه تمام. لسه آريان . انت انزل نادى عليهم وانا هوصلهم للبيت ..
كريم : احلا تيم اقسم بالله ههههه. والواد آريان طالع هناك اهو .
تيم : هز راسه يلا انزل نادي عليهم خلينا نمشي . ورفع عينيه وبص ع ميرو وليليان ..
كريم : نزل . وشاور ليهم . وهو ف الاتجاه التانى من الطريق ..
آريان : شاف كريم . و شاور وضحك . وراح ينادي البنات .
تيم : كشر عينيه ولاحظ حاجه غريبه. ماهر بيشاور لصاحبه .
.وصاحبه بيشاور ع ميرو وليليان وآريان .
ميرو وليليان وآريان . بيعدو الطريق وبيضحكو.
ماهر ركب العربيه بسرعه وعينيه ع التلاته و كلها خبث .
تيم : شاف كل حاجه وحس ان ف حاجه بتحصل وقلبه اتقبض .
. وفتح عينيه بصدمه. وفتح الباب بسرعه ونده بصوته كله .. ارياااااااان ابعد يا ارياااااااان مريااااااام ليلياااااااان ابعدوووووووو ..
آريان وليليان وميرو .. بصو لبعض بعدم فهم .

 

ليليان شافت ماهر جاي عليهم بالعربيه . وصر#خت وآريان زقها بعيد ووقعت ..
وميرو بسرعه زقت آريان ولسه هتتحرك . ولكن ماهر خبطها والخبطه جت ف راسها وطارت حوالى ٣ متر وكانت هتقع ع راسها ع الأرض .
ولكن تيم كان بيجري بسرعه وكان اسرع منها وجري ونزل ع الأرض مكانها وميرو وقعت ع تيم وراسها نزفت ع صدره .
تيم .. بصدمه مرييييييييييييييم
فونه رن. وكانت كامليا . وفاق مش شروده
تيم : مسح وشه بايديه بتعب . ورد عليها . الو .
كامليا : ابتسمت بحب . الو . تعرف انك وحشتنى جدا . عارف انا قاعده ف التراس وبفكر فيك . بجد انا مبسوطه اوووى انك معايا ياتيمو. قصدى تيم .
تيم : عامله ايه دلوقتى؟
كامليا : اممم تمام جدا . انت عامل ايه؟
تيم : تمام.
كامليا : ضيوفك مشيو ؟
تيم : ايوه .
كامليا : تيم انت لسه زعلان منى؟
تيم : لأ. وياريت متتكلميش ف الموضوع ده تانى .
كامليا : بزعل حبيبى انا اسفه والله العظيم مش هتتكرر تانى .
. وعشان متظلمنيش انا بتصل عشان اطمن منك ع مريم . عامله ايه دلوقتى؟
تيم : هي كويسه.
كامليا : طيب الحمدلله . تعرف بعد ما روحت البيت قعدت مع نفسي افكر. حسيت فعلا انى مكبره الموضوع .
. احم حبيبى ممكن تكلمنى عن مريم و آرين . يعنى عايزه اعرف مدا علاقتكم ببعض .
تيم : نفخ بنفاذ صبر . وده سؤال ولا استفسار ولا غيره. بالظبط .؟
كامليا : والله العظيم ابدا . ولا غيره ولا حاجه . وبعدين بطل تظلمنى انا سألت نفسي لو انت معجب بحد فيهم كنت هتكلمنى انا ليه؟
.وبسالك عادي جدا . بفتح حوار الكلام معاك . ولو مش عايز تقول خلاص برحتك .
تيم : آرين دي اختى الصغيره. باباها كان بيسافر ع طول مأموريات حسب شغله. ومعاه خالو مراد. وده يبقى والد ميرو . هما شغالين مع بعض. واكتر سفرياتهم مع بعض .
كامليا : اممم شغالين ايه ؟
تيم : مخابرات عامه.
كامليا : اهاااا . انت قولتلى قبل كده إن خالك وجوز خالتك مخابرات . امممم يبقو والد مريم وآرين.
تيم : بالظبط كده . وانا شرحتلك عن نظام عيلتنا . وطول فترة سفرهم آرين كانت بتبقى موجوده عند جدو آدم وسعات جدو طارق . وانا بكون معاهم . حسيتها بنتى ومسؤله منى . وكبرت قدام عينيا .
. واهتمامي بيها حسيته فرض عليا. زي تيما بالظبط .
ومريم برضو طول عمرى اهتم بيها وكبرت قدام عينيا . وفرض عليا انى اهتم بيها. وكمان ليليان وبنات العيله عموما . بصي كلنا اخوات وايد واحده. ولو لاقدر الله حد وقع . وقتها بنكون ايد واحده ونقومه من تانى .
كامليا : بغيره . اممم جميل اوى . انا نفسي اشوف آرين دي .

 

تيم : بابتسامه . آرين دي بوبناية العيله . وتالين حاجه حلوه جدا . بنوته رقيقه جدا.
كامليا : صكت ع أسنانها . تالين مين دي كمان؟
تيم : ابتسم. تالين اخت ميرو . بصي بنات تحسي أنهم ملايكه .
كامليا : عيونها لمعت بدموع من الغيره. وقالت اه كلهم ملايكه . ده حتى مريم مستحملتش الخبر ووقعت من طولها .
تيم : بصوت جهوري. وبعدين معاكي بقى . احنا هنرجع لام الموال ده تانى؟
كامليا : بدموع. خلاص خلاص مقصدش .
تيم : مسح وشه بايدو. بصي مريم دي مفيش منها اتنين . ملاك ع هيئة بشر. وشيليها من دماغك ياكامليا عشان مش عايزك تشوفي وشي التاني..
كامليا : عيطت بصمت من الغيره. وهمست ملاك ع هيئة بشر. وقالت اوكي ياتيم. سورى. انا اصلا بتكلم عادي . انت الل عص#بى .
تيم : عص#بى؟ وهي فين العص#بيه دي؟ انا خايف عليكى من عصب#يتى الل بجد . وياريت اتمنى انك متشوفيهاش ..
كامليا : خلاص خلاص. اهدا بقى وغير الموضوع . تيم انت وحشتنى اوى ..
——————بقلمي مريم نصار.
بعد فتره ف فيلا العدوي
آدم مراد : راكب مكنة الريس . ودخل الفيلا. ونزل . ونده . هارون ؟
هارون : جه بسرعه . تحت امرك ياباشا .
آدم مراد : مكنة الريس دي عايزها تتغسل وتتنضف. ودخلها الچراش مع المكن التانى . ومتطلعش من الچراش طول ما انا مش موجود .
هارون : هز راسه تمام ياباشا.
آدم مراد : دخل الفيلا. السلام عليكم ..
كلهم ف الليفنج . وعليك السلام.
آدم مراد : سلم ع الكل . وقعد جمب فريحه . اذيك ياست الكل .
فريحه : ابتسمت بحب. الحمد لله ياحبيبى.
آدم مراد : باس راس تالين. عامله ايه ياقلبي .

 

 

تالين : بابتسامه بريئه. الحمد لله يا أبيه. حضرتك هتتعشي مش كدا ؟
آدم مراد : ابتسم. ايوه . وجعان اوي . ياترى بقى انتى اكلتى ولا استنيتى اخوكي حبيبك .
تالين : ضحكت ببراه انا اكلت مع الكل . بس انا ممكن اكل معاك تانى عشان متزعلش .
آدم مراد : باس خدها خلاص كلى معايا اوكي .
تالين : قامت بسرعه . هروح اقول لداده زينب تجهز الاكل . وجريت من قدامه بفرحه .
آدم مراد : شاف ميرو . وملامحها بهتانه . وسكت .
مراد : همس ف ودن فريحه . مش هتقولي مالك بقى؟ وميرو فيها ايه؟
فريحه : ابتسمت بحب. انا كويسه يامراد ياحبيبى صدقنى . ومريم زي الفل ..
مراد : ابتسم ليها . وبص ع آدم ابنه . وجواه قلقان عليه.
بعد شويه .
آدم مراد : اتعشي مع تالين. وكان بيأكلها كأنها بنته . والكل متابع ومبسوط ف صمت من شخصية آدم رغم الجمود والقوه . إلا أنه مع تالين تحديدا بيكون حد تانى .
تالين : حطت ايدها ع بطنها . الحمدلله كفايه يا أبيه. اكلت كتير .
آدم مراد : طيب كلى دى وخلاص .
تالين : لأ يا أبيه . بطنى وجعتنى . كلها انت ..
آدم مراد : حط الشوكه ف الطبق . مدام حبيبتي شبعت يبقى انا كمان شبعت .
تالين : ضحكت بفرحه . وباسته من خدو . انا بحبك اوى يا أبيه .
آدم مراد : ابتسم . وباس جبينها . وانا كمان بحبك اوى . يلا روحي اغسلى ايديكي . بسرعه .
تالين : حاضر . واتحركت ..
بعد لحظات .
آدم مراد : تعالى ياميرو .
ميرو : انتبهت . وقامت نعم يا آدم .
آدم مراد : عايزك فوق. تعالى معايا .
مريم : طيب ياولاد انا اطمنت عليكم الحمد لله كلكم بخير . انا هطلع اقرأ الورد بتاعي . هتطلع معايا يا آدم؟
آدم : بص ع آدم وميرو . وقام . يلا بينا ياروحي .
ريتال : قامت بارهاق . وانا كمان هاقوم انام . بكره ف اجتماع مهم . تصبحو ع خير .
كلهم وانتى بخير ..

 

زين : كشر عينيه . وقام . طيب اطير انا بقى . وطلع ورا ريتال ..
ريتال : دخلت الاوضه . ودخلت الحمام . تاخد شاور.
زين : دخل . وقعد ع طرف السرير يفكر ف تصرف رؤوف الجبالى .
ريتال : خرجت من الحمام . ولابسه طقم رقيق . وتجاهلت زين . وراحت عند التسريحه .
زين : انتبهه . وقام وضمها من الخلف. وقال قلبك بقى جامد ع زينو ياروتي ..
ريتال : بزعل . ولا جامد ولا حاجه . انا بس سيباالك المساحه الل انت طلبتها .
زين : حط دقنه ع كتفها . وقال آسف . انا كنت مخنوق جدا . اول ما عرفت إن الجبالى اتجرا وجه لحد هنا. انا مشوفتش قدامى . وانتى نازله اسئله . ايه الل جاب الجبالى هنا .
ريتال : بزعل اسفه انى سألت. لكن انا سألت لانى كنت قلقانه زيك بالظبط .
. متنساش انى نائب رئيس مجلس إدارة المجموعه . وعارفه الجبالى وأنه قد ايه راجل طاغي . واول ما عرفت أنه جاى لحد هنا انا خوفت واتوترت وسألتك . لكن انت زعقتلى وقولت سيبى مساحه أفكر واعرف . ف انا أسفه .
زين : لفها ليه . وابتسم . زعلك طفولى اوى ياروتي . وانا مش قصدي مساحه كبيره يعنى . هي حسبة ربع ساعه وخلاص . وغمز ولا ايه؟
ريتال : بتدراى ابتسامتها . وبصت بعيد . ومردتش.
زين : مسك دقنها ولفها ليه . وحشتينى ياروتي.
ريتال : نزلت طرف عينيها ف الارض. احم وانت كمان يازينو.
زين : بص حواليه وقال هو انتى ليه قافله البلكون والستاير ياروتي .
ريتال : ضحكت غصب عنها .
زين : قرب منها باشتياق كبير . وعاش معاها وقت مميز .
——————بقلمي مريم نصار.
آدم مراد : ف اوضته . وميرو قاعده ع طرف السرير.
آدم مراد : قعد جمبها . مالك يامريم .
ميرو : بلعت ريقها بصعوبه . م.. احم انا تمام . انت عامل ايه ف شغلك .
آدم مراد : لف وشها ليه. وقال كنتى معيطه؟
ميرو : بصت بعيد . وبتكابر دموعها . وابتسمت بتمثيل . اخت آدم العدوى متعيطش ولا ايه؟
آدم مراد : بجديه . كنتى بتعيطى ليه يامريم؟

 

ميرو : هزت راسها لأ صدقنى ماعيطش ولا حاجه. احم انا بس كنت قاعده مع ليليان. واتكلمنا مع ……….
آدم مراد : قاطعها بجمود . وكمل . واتكلمنا مع بعض وانت عارف إن خلاص ليليان هتتجوز وتسبنى وتمشي . علشان كده عيطت .. وبصلها مش كدا ؟
ميرو : اخدت نفس عميق. آدم انا كويسه ارجوك صدقنى .
آدم مراد : غمض عينيه واخد نفس عميق. وهز راسه ماشي يامريم . روحي ع اوضتك .
ميرو : هزت راسها بدموع وقامت وماشيه بتعب.
آدم مراد : قام بخنقه . ونده عليها. مريم .
ميرو : لفت ليه بدموع . نعم .
آدم مراد : قرب منها وشدها لحضنه.
ميرو : غمضت عينيها ودموعها نزلت. وساكته
آدم مراد : سابها ف حضنه شويه . وبعدها طلعها من حضنه وباس جبينها. خلى بالك من نفسك .
ميرو : رفعت عينيها ليه. انت بتقول كدا ليه يا آدم.
آدم مراد : بشبح ابتسامه بسيطه . مفيش انا بس عايزك تخلى بالك من نفسك . تصبحي ع خير.
ميرو : هزت راسها وانت بخير .
——————بقلمي مريم نصار.

 

تاني يوم الضهر .
ف شركة الامبراطور.
ليليان : ف المكتب . وقدامها ملفات كتير جدا .ومشتغلتش من الصبح . ونفسها تعيط من كمية الملفات . ومره واحده . اعاااااااااا .. انا كان مالى ومال الشغل انا عايزه كريم . اعااااااا فينك ياكيمو .. وبصت للملفات .
.واخدت واحد وفتحته . وقرأت. ده ملف بأسماء الموظفين من ٣ سنين ؟ اه .
. وده ملف شامل بمصنع الاجهزه الكهربائيه ؟ .
اه وايه المطلوب منى بقى؟ اعاااااااا . ليه كدا يا آريان انا عملت فيك حاجه وحشه ؟
.دانا اختك حتى اعااااااا . وصكت ع أسنانها بغيظ . يارب كوتش العربيه بتاعتك يفرقع وتروح ف مواصلات وتكون البلد زحمه .. وبعدها حطت طرف صوبعها ف بوقها . وقالت بتأنيب ضمير . لأ لأ . يارب متستجش منى . آريان اخويا حنين عليا.
اه ويارب يرجع البيت بالسلامه يا آريان قلبى انت.
. تؤ بس الشغل كتييييررر اعااااااا. انا عايزه بابا آدم اعااااااا . وفونها رن . وجابته من ع المكتب . وشهقت بسعاده وصرخت بهمس كررييييييم . وردت بسرعه وحطت أيدها ع قلبها . الو ؟
كريم : بسعاده . الووو ليليانو ..اذيك ياحبيبتى؟
ليليان : بحرج . انا كويسه احم .اذيك انت ياكريم ؟
كريم : كريم وحش من غيرك ياليليانوو بس هانت اهي .
ليليان : بزعل عليه. مالك ياكريم انت مش مرتاح ف الجيش؟
كريم : ههههههههه إلا مرتاح طبعا . طيب عارفه صحابى اهم ماسكين ليا المروحه . يابنتى احنا ف جنه . هههههههههه .
ليليان : بانبهار. واو بجد طيب الجيش طلع حلو اوى اهو ..
كريم : يسلام . طبعا . انا مش عايز احكيلك اكتر من كده . انتى ممكن من الل انا هاقوله تتطوعي هههههههههه ..
ليليان : بعدم فهم . لكن قالت مصطفى بيقول انك عايش هناك برحتك . وكل واحد ليه اوضه خاصه وحمام خاص .
كريم : هههههههههههه اه وجاكوزي . اسكتى ياليليان متجبليش سيرة الواد ده.
ليليان : بابتسامه . حاضر .انت كويس يعنى ؟ قدامك قد ايه وتخلص الجيش؟
كريم : خلاص ياحبيبتى انا هخلص الخدمه بتاعتى كمان شهرين . وبعد كده ارجع ع بيتنا بقى . وافوق كدا . وشهرين كمان ونتجوز . انتى وحشانى اوى من دلوقتي..
ليليان : اتوترت . احم …….ومردتش ..

 

كريم : ليليان انتى مراتى مابقولش حاجه غلط . ردي عليا ريحي قلبى مش هيبقى مصطفى والجيش وانتى . قولي اى حاجه عشان خاطر كريم ..
ليليان : بلعت ريقها بتوتر . وقالت بحيره. احم طيب .. طيب انا هقولك حاجه وهقفل بعدها اوكي ياكريم ؟
كريم : بابتسامه اوكي يقلب كريم ..
ليليان : عيونها لمعت بدموع وقالت ع فكره انت وحشتنى اوى اوى ياكريم ونفسي أشوفك . وقفلت بسرعه.
كريم : ابتسم بحب كبير . واخد نفس عميق . وانتى اكتر يقلب كريم .. وطلباتك أوامر .. هشوفك بكره .ودي مفاجأتى ليكي .
ليليان : مسحت دموعها وابتسمت وقالت هانت يالي لي. كلها شهرين وتشوفي كريم قدامك ..
الباب اتفتح وكان آريان داجل به#جوم …
ليليان : بخضه بسم الله الرحمن الرحيم ايه ايه ف ايه ؟
آريان : صك ع أسنانه بغيظ وقرب من وشها.
ليليان : بلعت ريقها بصعوبه ورجعت راسها لورا. ايه يا آريان انت هتتحول ولا ايه؟
آريان : كشر عينيه وهز راسه ليها .واتعدل . ورفع سماعة الفون . واتصل ع الارشيف.
.وقال بجمود . الوو. ايوه يا استاذ عبدالهادي. ابعت كل ملفات المبانى الجديده حالا ع مكتب انسه ليليان العدوي ..
ليليان : شهقت بصدمه وفتحت عينيها ع الاخر .. نهار اسو…..ملفات ايييييه؟
آريان : بسرعه وقفل .. وبص لليليان . وقال بغيظ مكبت انا بقى هعرفك تدعي عليا ازاى . وتدلعي ف شغلك ..
ليليان : بتوتر . بصت حواليها وقالت اهدا ياوحش الكون انا مقصدش ا..انا ..
آريان : قرب من وشها بتريقه . انا عايزه كريم . انا عايزه كيمو . انا عايزه بابا آدم. وتدعي ع اخوكي؟ مااااشي ياليليان هانم اووووكي ..
ليليان : بدهشه هو لسه ف كاميرات ف مكتبي اعاااااااااا . حرام عليك يا آريان اعااااااا .
آريان : حط ايديه ف جيبه وقال انتى لسه شوفتى حاجه .
. انا من الصبح مراقبك . وانتى كل شويه تفتحي ملف وتقفليه وتقومي تنامي ع الكنبه وتقعدى تاكلى مصاصه وانتى قاعده ع المكتب وحركات العيال دى .. وزعق ده كدا مش شغل يا ليليان ..
ليليان : حطت ايديها ف جمبها بغيظ . ع فكره بقى انت متزعقليش . وبعدين الملفات كتير جدا عليا. وكملت بزعل طفولى مش انا اختك حبيبتك . هتساعدنى ثح ثح.
آريان : بجديه .. خبط ع المكتب اخوكي ده ف البيت هنا شغل ومسؤوليه .
.جدك آدم ساب كل حاجه امانه بين أيدينا . وماينفعش شغل العيال ده . ياتشوفي شغلك ياتقعدي ف البيت .
ليليان : اتخضت وعيطت .

 

ريتال : دخلت بسرعه ايه ف ايه ياولاد . صوتك عالى ليه يا آريان ؟ وقالت بدهشه ليليان انتى بتعيطى؟
ليليان : اخدت الشنطه بنرفزه . انا مروحه .
ريتال : استنى بس هنا. ف ايه ماتفهموني؟
آريان : انا هقول لحضرتك . الانسه ليليان مش شايفه شغلها كويس .
. طلبت منها تراجع ع الملفات الموجوده وتقارنها بالملفات الل متثيفه ع اللاب توب . ومن الصبح مخلصتش ولا ملف ..
ليليان : بدموع انا فعلا مشتغلتش انهردا . انا اصلا زعلانه إن بابا آدم مش موجود معانا . ومش عارفه اشتغل . وفيها ايه يعنى الدنيا متته#دتش ..
آريان : زع#ق لا اته#دت يا ليليان . اته#دت.
وانا قولتك قبل كده إن جدك ساب كل حاجه امانه بين أيدينا وماينفعش نهملها لمجرد انه مش موجود . تعبانه كان ممكن تطلبى اجازه ولا كلامي غلط يا ماما؟
ريتال : بصت ل آريان بلوم ..ولفت لليليان . ومسحت دموعها . وابتسمت بتمثيل .
.اخوكي عندو حق يالي لي . متزعليش منه هو خايف ع مصلحة المجموعه . انتى عارفه إن جدك ديما بيرفع مستوى المجموعه. مش عايزين اول ما يسلمنا كل حاجه نهملها .
ليليان : بعياط هستيرى . وشقهات . والله يامامي .ا.انا .ا.نا … .وعيطت اكتر . وقالت أنا عايزه ارجع البيت انا عايزه بابا آدم. وا.انا دلوقتي هقدم استقالتى .. وجت تمشي بسرعه .
آريان : اتصدم من عياط أخته بالطريقه دي . وشدها من ايدها قبل ما تخرج . استنى هنا رايحه فين؟
ليليان : بشهقات لو سمحت سبنى. وانا مش هتكلم معاك تانى. والمجموعه عندك سبتهالك . وشكرا جدا .
ريتال : ربعت ايديها وواقفه مخنوقه ..
آريان : طيب اهدى حقك عليا . يابت انا عايزك تكونى شاطره والكل ف الكل ياهبله انتى ..
ليليان : ………..
آريان : ابتسم ليها. طيب خلاص متزعليش منى. انا اضايقت منك عشان مش قادره تفهمي إن دي شركه . يعنى اى إهمال صغير يرجعنا للصفر .

 

. ولو لاقدر الله حصل اهمال مش عايزه يكون منك انتى .. ودي شركه مش لعبه يا ليليان ..
ليليان : بزعل طفولى . بس انا مقصدش كل ده . وبعدين بابا آدم لو عرف انك زعقتلى مش هيسكت.
ريتال : ابتسمت بصمت ..
آريان : حاوطها من كتفها بمرح . واهون عليكى تشوفي اخوكي وهو بيتبهدل عشان سياتك .
ليليان : هزت راسها ايوه تستاهل يا آريان عشان أنا هونت عليك وزعقتلى لاول مره . شكرا جدا بجد.
آريان : بضحكه . الله يخربيت كدا . تعالى وضمها لقلبه حقك عليا بقى. وانا هصالحك بطريقتىى.
ليليان : ازاى ؟
آريان : هعزمك ع بيتزا ف مكتبى ايه رايك؟
ليليان : الشنطه وقعت منها وسقفت بفرحه وااااو بجد انت اسطوره وأحلا اخ ف الدنيا كلها.
ريتال : قربت منهم . طيب ربنا يهديكم . واول واخر مره اشوف المنظر ده قدامى .
. ليليان انتى لازم تثبتى نفسك ف الشركه بكفائتك . وتسمعى لكلام آريان أولا هو رئيسك ف الشغل.
ثانيا ماينفعش لعب العيال الل انتى بتعمليه ده.
. وانت يا آريان اول وآخر اشوفك أو اسمعك بتزعق لأختك . وبالطريقه دي .
واحمدو ربنا إن ابوكو ف الفرع التانى والا مكانتش هتعدى ع خير . انتو فاهمين ؟
ليليان : بحرج سوري يامامي حاضر .
آريان : اطلبلك بيتزا مع ليليان؟
ريتال : لأ شكرا . عطلتونى عن شغلى بعد اذنكم . وخرجت.
آريان : خبط ليليان ع راسها . تاكلى وتشوفي شغلك بجد انتى فاهمه؟
ليليان : اااه حاضر حاضر . بس قولى اومال فين استاذ عبهادي؟
آريان : ههههههههه عبهادي؟ انا متصلتش ع حد يارخمه . يلا كملى شغلك وانا هطلب الاوردر وابلغك اوكي .
ليليان : امممم اووووكي .
——————بقلمي مريم نصار.
فيلا العدوي .
ف جناح آدم .

 

مريم : يعنى الل اسمه الجبالى وابنه ده. كانو جايين بيعتذرو بس ؟
آدم : ايوه ياروحي . ودي تانى مره تساليني . مش مصدقانى ولا ايه؟
مريم : بنفي. ابدا والله انا مصدقاك طبعا. بس انا كنت قلقانه عليك اوى انت وزين امبارح .
آدم : اممم قلقانه ليه؟ جوزك سبع ولسه فيه يحارب .
مريم : طبعا. انت زين الرجال . وربنا يحفظك لينا.
آدم : تسلميلي ياروحي. بس مكنش ليه لازمه تتكلمى قدام مراد امبارح وتقولى إن الجبالى جه هنا .
مريم : بحرج اسفه والله ياحبيبى انت منبهتش عليا. ولو كنت قولتلى مكنتش قولت حاجه خالص.
آدم : ابتسم وحاوطها من كتفها. ياروحي انتى تعملى الل انتى عايزاه .
مريم : تسلم لقلبى . ويسلم كلامك الحلو ليا.
آدم : قوليلى ميرو فين؟
مريم : ميرو قالت إنها معندهاش جامعه انهردا . وهتروح المستشفى عند محمد تتدرب شويه. وتاخد خبره.
آدم : بص ف الساعه . وقال مقالتش ليا حاجه زي دي؟
مريم : لأ ماهي خبطت الصبح وجابت القهوه بتاعتك . وانت كنت لسه نايم .
. وقالتلى اقولك . معلش بقى راح عن بالي. هههههههه الذاكره بتضيع.
آدم : باس راسها بعد الشر عليكى ياروحي. متقوليش كدا .
.مريم : تسلم لقلبى .
ف غرفة آدم مراد .
آدم مراد : جهز نفسه للمهمه . ومقالش لحد عشان بيكره لحظات الوداع.
. وسلم عليهم وقت الفطار عادي . ودلوقتي لبس بنطلون اسود وتيشرت اسود . ولبس الشنطه. وخارج من الاوضه . ونازل ع السلم . ووقف بخنقه. ومسح وشه بايديه. وحط الشنطه . ورجع تانى. وخبط ع جدو.
آدم : ادخل .
آدم مراد : دخل. باس ع راس مريم. وايد آدم. وقال أنا خارج .
مريم : ابتسمت ربنا يستر طريقك يبن قلبى.
آدم : رايح الجهاز؟
آدم مراد : بحيره. شغل. خارج رايح شغل مهم .
آدم : بصله . ف سؤال .

 

آدم مراد : بتفهم هز راسه ليه ايوه .
آدم : اتنهد بزعل . لكن ما باليد حيله . وقال انزل واستنانى ف المكتب .
آدم مراد : هز راسه تمام. وخرج بسرعه. لانه بيكره الضعف .
آدم : ابتسم بتمثيل . حبيبتى. هنزل المكتب شويه وطالع تمام .
مريم : ماشي ياحبيبى . وانا هطمن ع ميرو. اشوفها هتخرج امتى ..
آدم : نزل . ودخل المكتب .
آدم مراد : واقف وباصص من الشباك . وحاطط ايدو ف جيبه .
آدم : قفل باب المكتب .
آدم مراد : انتبه . ولف لجدو .
آدم : وقف قدامه . وقال فريحه عارفه انك مسافر ؟
آدم مراد : لأ . وياريت محدش يقولها. .
آدم : ليه؟
آدم مراد : حضرتك عارف انى مبحبش لحظات الوداع.
. وعارف يعنى ايه ابويا يسبنى ويسافر. ومش عايز امي واخواتى وخصوصاً حضرتك وماما مريم تتوجع .
آدم : هز راسه . المأموريه فين؟
آدم مراد : سنغافوره.
آدم : بزعل . ربت ع كتفه وقاله اسمع يا آدم. انا عارف انك راجل يعتمد عليه .
. وعارف انك تقدر تحارب جيش كامل. وكمان واثق ف قدراتك . لكن خلينى اقولك شوية حجات هتنفعك ف التحريات.
آدم مراد : بتركيز . اتفضل سامعك .
آدم : اهم حاجه قبل عضلاتك عقلك .
. لازم تشغل عقلك . وعينيك لازم تكون مفتوحه ليل ونهار.
.متأمنش لأى حد. شغلك بيعتمد ع الأسرار ولازم تحافظ عليها .
. لو بتسمع للعدو. ركز جدا ف كلامه. وهتلاقى الدليل من خلال كلامه .
. واي حاجه مهما كانت صغيره أتأكد انها هتوصلك للحقيقه .
.عارف القلم ده يا آدم.؟ ممكن يكون موجود عليه دليل فك الشفره .

 

. الورقه دي لو عليها رسمه أو حرف ماتستهونش بيها . ده اكيد مفتاح للغز بيكون كبير .
.خلى عينيك ف وسط راسك . وخليك بعيد عن الع#دو بمسافه مناسبه.
. واشتري ومتبعيش . خد للاخر . متهج#مش غير للضروره .
.حافظ ع نفسك . اوعى تستخدم نفوزك لظلم الناس .
.انت عارف إن الدنيا ديما دواره .
حسيت انك تايه أسجد وادعي ربك وهو هيدلك ع الطريق .
.حاسس بالاحتياح والمساعده. كلمنى. انا وانت بنفهم بعض حتى بالنظره وبنبرة الصوت . خليك مع الله . فاهم يبنى.
آدم مراد : هز راسه فاهم . وشكرا جدا ع دعمك ليا .
آدم : بيكابر دموعه . وهز راسه . استودعتك عند الله
آدم مراد : غمض عينيه بخنقه . بابا لو سمحت مش عايز حد يعرف حاجه غير بعد ما امشي .
آدم : اتنهد. وربت ع كتفه. اطمن . وبالتوفيق .
آدم مراد : هز راسه إن شاء الله. وباس ع ايد جدو . وخارج .
آدم : هتروحلها؟
آدم مراد : بشبح ابتسامه . من بعيد .
آدم : ابتسم . ارجع بسرعه.
آدم مراد : لا إله إلا الله.
آدم : سيدنا محمد رسول الله .
آدم مراد : خرج بسرعه علشان مايضعفش.
آدم : بص عليه من الشباك . وبص للسما . ودعا ربه انه يحفظ وديعته.
ساره : اتصلت ع آدم ..

 

آدم : الو ..
ساره : بابتسامه . الو عمو آدم اذي حضرتك..
آدم : انا تمام . انتى اذيك يا ساره يابنتى .
ساره : انا كويسه الحمد لله . بس زعلانه جدا من حضرتك .
آدم : ابتسم . معلش هي كانت زياره سريعه كدا .
ساره : لاا معلش لازم تعوضهالى . بقى انا ارجع البيت امبارح . يقولى عمك آدم وطنط مريم كانو هنا وبيسلمو عليكى . لأ انا بجد زعلت ..دى حتى طنط مريم وحشانى جدا..
آدم : ابتسم . إن شاء الله هعوضهالكم . وبعدين انتى جايه انتى ومالك انهردا ولا ايه؟
ساره : ايوه فعلا . آسر قالى امبارح . لكن معلش حضرتك لو نبذه مختصره بس لان عقلى مشغول من وقتها ..
آدم : تمام . انتى عارفه إن عمك جاسر شغال لوحدو و الحمل تقيل عليه . وتعب وآن الأوان انه يستريح . واسر ابنك ما شاء الله عليه عندو شغف وطموح لحمل المسؤوليه دي . لكن مش هيقدر يشيل المسؤلية غير وانتى ومالك جنبه . وعشان كده كنت بقترح إنك تعملى دمج لشركتك مع مجموعة الصاوى . وانتى ومالك تديروها . مع مساعده آسر وبكدا كل الأطراف اتراضت ..
ساره : بانبهار للفكره. وقالت بجد فكره هايله ياعمو .
——————بقلمي مريم نصار
ميرو : بتحاول تستوعب إن تيم خلاص صفحه ولازم تتقفل. وتبص لمستقبلها . وقامت لبست فستان رقيق لونه زيتى . وحجاب رقيق . وخارجه من الاوضه بتعب .
مريم : قابلتها ف الطرقه . حبيبتي انتى نازله دلوقتي؟ انا كنت جايه اطمن عليكي .
ميرو : هزت راسها ايوه يا ماما . هروح دلوقتي عشان ارجع بسرعه.
مريم : طيب ياقلبى طريق السلامه .
ميرو : باست ع أيدها . بابا آدم فين عشان اسلم عليه؟
مريم : ف المكتب . وخلى بالك من نفسك ياحبيبتى .
ميرو : هزت راسها حاضر. بعد اذنك . ونزلت. وخبطت ودخلت. حبيبى عامل ايه انهردا ؟
آدم : انتبه من شروده . وقرب منها وابتسم ومسد ع حجابها . ايه القمر ده ؟
ميرو : ميرسي جدا يا اجمل بابا ف الدنيا.
آدم : رايحه المستشفى؟
ميرو : ايوه. خالو محمد طلب منى كتير . وكمان عمتو نور وانا مش عايزه ازعلها منى. وقولت اشغل نفسي واتدرب عملى معاهم هيكون أفضل ليا.
آدم : ماشي ياحبيبتى . شاهين هيوصلك .
ميرو : حاضر ياحبيبى .
آدم : ف رعاية الله.
ميرو : باست ع ايدو. وابتسمت بحب وخرجت .
آدم : غمض عينيه واتنهد بتعب. وفكره مشغول باحفاده . ورد فعل مريم. وفريحه . وأخواته بعد ما يعرفو بسفر آدم.
احمد : ايه ياحياة. ما انتى ماشيه مع واحد غيرنا اهو . يعنى واحد زي اتنين . ولا ايه ياقمر . ———

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية جريمة عشق 4)