روايات

رواية خدعة العشق الفصل الأول 1 بقلم سولييه نصار

رواية خدعة العشق الفصل الأول 1 بقلم سولييه نصار

رواية خدعة العشق البارت الأول

رواية خدعة العشق الجزء الأول

رواية خدعة العشق الحلقة الأولى

-انا بحبه يا ندي بحبه اووي….صدقيني همو*ت من غيره …
قولتها لصاحبتي وانا ببكي …مسكت ندي أيدي وقالت:
-يا ليليان يا حبيبتي …ده مجرد وهم فوقي بقا …احنا لسه صغيرين علي الكلام ده انتي عندك سبعتاشر سنة بس …ركزي في دراستك وبعدين ده واحد صا*يع وبتاع بنات وكل يوم بيكلم بنت شكل وسمعته زي الز*فت …حبيتي ايه فيه ده ؟! …
-حبيته وخلاص …انتي ليه مش عايزة تفهميني …أكيد ربنا هيصلح حاله ويبقي من نصيبي ….
كانت ندي هتتجنن مني وقالت:
-يا بنتي انتي عبي*طة …ده واحد مش كويس …فاشل. بيكلم بنات كتير وبيمشي معاهم والله اعلم بيعمل ايه تاني …يا ليليان أنا خايفة عليكي …السنة دي احنا في تالتة ثانوي لازم نذاكر عشان ندخل كلية حلوة سيبك من الواد ده هيأ*ذيكي

 

 

بصيت لندي بحزن وغضب وقومت من جمبها وقولت:
-تصدقي انا غلطانة اني كلمتك وبقولك علي كل حاجة …انتي كده دايما عمرك ما فكرتي تساعديني …دايما بتحبطيني وتحسسيني اني فا*شلة ..
-انا يا ليليان …
قالتها بصدمة وعيونها دمعت …حسيت قلبي وج*عني بس قويت قلبي وقولت:
-ايوة انتي يا ندي …انتي عمرك ما استحملتي أنك تشوفيني سعيدة …
دموعها نزلت وهي بتبصلي بصدمة فقولت بصوت مخن*وق ؛
-انا مش عايز اعرفك تاني ….
وبعدين مشيت وسيبتها …طول الطريق كانت دموعي بتنزل جامد وانا بفكر اني خس*رت اعز اصحابي …بس هي عمرها ما حبتني ….روحت بيتي ومسكت الكتاب وانا عاملة نفسي بذاكر بس دماغي كانت مشغولة بحاجة تاني …كنت بفكر في زياد …بفتكر شكله …ضحكته الحلوة ..ستايل لبسه …ولما بدأت أفكر فيه نسيت كل حاجة …حسيت بفراشات بتتحرك في معدتي …بتمني أن ربنا يصلح زياد ليا ويبقي من نصيبي أنا مش شايفة أن ممكن حد غيره يبقي معايا …مش قادرة اشوف غيره ….
قفلت الكتاب واخدت موبايلي وفتحته علي الفيس …دخلت علي الاكونت بتاعه وقعدت اقلب فيه وانا ببتسم زي اله*بلة…انا حافظة كل حاجة …صوره طريقة كلامه وهزاره وزعله فاهماه اكتر من نفسه …قلبي دق وانا بعمل ريفريش لقيته نزل صورة تاني … ابتسمت وحفظت الصورة عندي وحطيتها في ملف خاص مليان بصوره …فضلت أراقب كومنتات الاصدقاء اللي عنده …كنت بغير وانا بشوفه بيرد علي البنات بهزار …كان عنده بنات كتير اووي وده كان مضايقني منه….
بعد ساعات قدام الموبايل قفلت التليفون واستنيت الفجر يأذن ونومت …
…..
روحت تاني يوم المدرسة ولقيت ندي قدامي بتبصلي بحزن طنشتها وروحت الفصل …وكان فيه امتحان مفاجئ واللي للاسف مقدرتش احل اي حاجة فيه ….
….

 

 

بعد يومين لما ظهرت نتيجة الامتحان كنت جايبة درجة وحشة جدا ….كنت ماشية وانا مض*ايقة ورايحة البيت لما فجأة شوفت زياد واقف مع بنات وبيضحك معاهم …دموعي نزلت ولسه هتدور عشان امشي …لقيت قدامي نوران زميلة ليا في المدرسة بس واحدة مش كويسة والمدرسة كلها بتتكلم عليها..
-بتحبيه مش كده ؟!
قالتها بخ*بث فدموعي نزلت وانا بهز راسي فابتسمت بإنتصار وقالت:
-طيب واللي يجييلك طريقة توقعيه في حبك تعمليله ايه …
-اللي هو عايزه المهم متكونش طريقة وحشة …
-لا بالعكس انتي هتعملي خير معاه …أنا هقولك …
…..
بعد ساعات كنت ماسكة موبايلي فاتحة الاكونت الفي*ك اللي نوران عملتهولي …دورت علي زياد وبعتله طلب صداقة وسيبت الفون وروحت اكل ….
…..

 

 

رجعت بعد ساعة وفتحت الفون وقلبي وقف من الفرحة لما شوفت انه قبل الطلب وبعتلي رسالة يسألني مين أنا …
بعتله بسرعة وقولت:
-اسمي نور احمد وانا شاب !!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية خدعة العشق)

اترك رد