روايات

رواية يوميات اتنين اخوات الفصل الأول 1 بقلم ندى محمد

رواية يوميات اتنين اخوات الفصل الأول 1 بقلم ندى محمد

رواية يوميات اتنين اخوات البارت الأول

رواية يوميات اتنين اخوات الجزء الأول

رواية يوميات اتنين اخوات الحلقة الأولى

عربيتي فين يا هند
هند بتوتر / هقولك بس يعني
فؤاد / يعني اي ؟ اخلصي عشان متأخر
هند/ امسك أعصابك يابا
فؤاد جز على سنانه / هند انتي عملتي اي
هند / انا امبارح بليل سألتك وقولتلك يا فؤاد هنزل اعدي على البت منار عشان مكتئبه واخد العربيه عشان افسحها شويه أصلها يا حبة عيني فاقده شغفها بسبب الامتحانات وكده
فؤاد / امتى الكلام ده
هند / وانت نايم يازميكس
فؤاد / انتي بتستأذنيني وانا نايم يا هند حد يستأذن حد وهو نايم
هند / اه اصل بصراحه انت بتقول على أي حاجه ماشي ماشي وانا بستغلك
فؤاد / انا مخبي مفاتيح العربيه اصلا خدتيها ازاي
هند / لا حد الله ما بيني وما بين السر”قه آه انا عملت زيهم قبل ما تخبيهم اصلا

 

 

فؤاد / عوض عليا عوض الصابرين يا رب هتجن”ن هتش”ل
هند / اهدي بس هدى أعصابك والحمل مش كده هتو”لد مني
فؤاد / حمل اي منك لله فين العربيه عايز اخرج لو قعدت معاكي اكتر من كده هيجرالي حاجه
هند / ما هو انا لما وصلت البت منار بقا اخوها قعد يتحايل عليا اني اسيبله العربيه يروح بيها الجامعه بكرة عشان يعني عايز يتمنظر قدام صحابه وكده وانت عارفني طيبه ومبعرفش اقول لحد لا.. فسيبت له المفاتيح ورجعت مشي.. وبصراحه اللي بيعمل خير بيتردله في ساعتها يا سبحان الله، اصلي قابلت الكراش وانا جايه ياااه قمر اوي يالا يا فؤاد
فؤاد / انتي جابوكي من اي مصيبه نفسي افهم..
وقال اي ماما قبل ما تسافر :خد بالك من اختك يا فؤاد اختك حطها في عينك يا فؤاد اوعى تزعل منك يا فؤاد كله الا اختك يا فؤاد ..فؤاد وز”فت منك لله هروح بتاكسي
هند / استنى بس انت زعلت ولا اي
فؤاد / غو”ري بقا
بعد ساعتين
هند في التليفون / الو يا خالد عامل اي يا حبيبي ومنار عامله اي
خالد / احنا الاتنين الحمد لله بخير بس العربيه هي اللي مش بخير
هند / يا لهوي عملت فيها اي
خالد / من غير قصدي والله كنت ماشي فحالي وواحد هو اللي خبطني بس يعني حجات بسيطه متقلقيش
هند / آه اذا كان كده ماشي بص انت ظبطها وهاتهالي بكرة تمم وانا هحاول اخبي الموضوع على فؤاد عشان لو عرف هيعمل مني بطاطس محمرة
خالد / متقلقيش هخليهاله عروسه
هند / لا يا خالد متغيرش فيها حاجه رجعها زي ما كانت عشان فؤاد بيحب شكلها اوي
خالد / عيب عليكي يا مزة المزز سلام
هند قفلت معاه ولبست دريس ازرق ولفت الطارحه المهويه ونزلت شغلها

 

 

رجعت ع الساعه ١٠ بليل
فؤاد فتحلها الباب وهو مدايق
هند / يا ساتر يا رب اي يا حبيبي مين ولع فيك
فؤاد / هند عربيتي هترجع امتى انا حاسس انها مش بخير
هند / هههه لا اطمن الدكتور قال هي والبيبي بخير
فؤاد بتعجب / دكتور
هند / اصلك بتقول حاسس انها مش بخير زي ما تكون مراتك يا فؤاد في اي يا اخي اهدى شويه بعدين خالد هيجيبهالك بكرة
فؤاد/ مليش دعوة انا عايز عربيتي دلوقتي انا هروح آخدها انا
هند / اي يا فؤاد شغل العيال الصغيرة ده كل ده عشان استلفها منك يومين تؤ تؤتؤ ده حتى الناس لبعضها يا اخي
فؤاد / ده لما يبقى انا بتعامل مع ناس ده انا بتعامل مع حيو”انات ،وبعدين خالد ده زمانه خر”شملي العربيه اصلا ده مبيعرفش يسوق
هند تليفونها رن / اي يا خلودي
خالد / هند الحقيني
هند / مالك يابني
خالد / الميكانيكي ولا معرفش مين الراجل ده اللي وديتله العربيه عشان يرجعها زي الاول
هند / ايوا ماله يعني
خالد / خلى لونها برتقالي
هند / اييييه
فؤاد / في اي يا هند صر”عتيني
هند وهي بتزعق لخالد / برتقاني يا خااالد برتقاني

 

 

فؤاد / اي ده اللي برتقاني
هند/ العربيه
فؤاد بعدم استوعاب/ انتي قولتي اي
هند قفلت مع خالد و هي بتجري من فؤاد
هند / ماله بس البرتقاني يا فؤاد ماله كتر خيره الواد كلف نفسه والله

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية يوميات اتنين اخوات)

اترك رد