روايات

رواية طفلة الأسد الفصل التاسع 9 بقلم مروة مرزوق

رواية طفلة الأسد الفصل التاسع 9 بقلم مروة مرزوق

رواية طفلة الأسد البارت التاسع

رواية طفلة الأسد الجزء التاسع

رواية طفلة الأسد الحلقة التاسعة

مراد راح لفرح وشدها ناحيته
مراد بهدوء…….. فكرك كدا أنا معرفش إنك فرح البنت اللي قضيت معاها خمس سنين وأنا هي كنا ناقر ونقير البنت اللي كانت عفويه في كل حاجة البنت الطيبه اللي الكل بيحبها البنت اللي تقريبا كانت جدتي تضر*بني بسببها لأن أي حد يجي جنبك كنت ادغد*غه فكرك أنا معرفكيش البنت اللي وعدتها و وعدتني إننا لما نكبر هنكون لبعض فكرك معرفكيش من أول مقابله لينا بعد عشر سنين طريقتك وأسلوبك حتى الكلمة اللي اتميزتي بيها كشفتك قدامي بس برده لسه بتشدي الناس ليكي دا كله كشفك ليا يا فرح دا كله عرفت ان في عريس متقدم ليكي بس أنا كنت متوقع إنك هترفضيه زي اللي قابله بس انصدمت لما عرفت انك موافقه عليه لا وكمان معاد كتب الكتاب النهارده فضلت اسأل نفسي سؤال معقول نسيتي وعدنا لبعض بس البنت اللي سبيتني عشر سنين ولما قبلتها متعرفتش عليا اكيد هتنسي الوعد بس أنا منستش لأن وعد الحر دين اتنكرت و روحت البيت كعامل توصيل وخليتك توقعي على ورق الجواز كأنه ورق الاستلام أنا كدا وفيت بوعدي يا فرح
فرح كانت مصدومة هو اتجوزها علشان حتت وعد بس علشان يوفي بوعده مش أكتر، فقررت إنها متبينش حاجة
فرح بغضب………… عشر سنين و وعد وكلام كتير أنا مش فاهمة حاجة من دا كله وايه سيبتك دي هو انا كنت اعرفك علشان اسيبك ثم دا اسمه خد*اع أنت كدا خد*عتني علشان اتجوزك وابعد بقى
مراد بغضب……….. مش فاكراني يا فرح أنا مراد مراد الألفي
فرح في نفسها……. الزاي أنساك وأنت كنت ومازلت حياتي يا مراد بس حبي دا من طرف واحد وأنا عمري ما هاجي على كرامتي واعترف بالحب دا أنا كنت بالنسبالك بنت عابره وأنت اثبت دا دلوقتي
فرح بغضب……… ايه مراد الألفي دا طب ما الكل عارف إنك مراد الألفي ايه الجديد في ده
مراد بغضب………بطلي كد*ب أنتي فاكراني عيونك بتقول كدا

 

 

 

 

 

 

 

فرح بغضب…… هو بالعافيه يعني لا مش فاكراك ولا عايزه افتكرك ولو افتكرتك بتمنى اعمل ز*فت حا*دثة وانساك ثم ايه عيونك بتقول كدا ابهرتني والله
مراد بحزن بيداريه
مراد……….. انتي مش فاكراني يا فرح للدرجاتي أنا مكنتش غالي عندك ولا بهمك خالص وكمان مش عايزه تفتكريني ولو افتكرتيني عايزه تنسيني
فرح بدموع بداريها
فرح…… عليك نور يا دكتور مراد أنت كدا فهمت صح، وأظن أن مش من حققك توفي بوعد لواحده متعرفكش ولا أنت تعرفها أنت غلطت يا دكتور
مراد بو*جع………..أنا آسف يمكن أنا اللي كنت مغـــ…ــفل وافتكرت إننا منسناش بعض و الوعد لسا بنا، أنا هطلقك بعد شهرين علشان كلام الناس أنا ميهمنيش كلامهم بس انتي بنت واكيد الكلام دا هياثر عليكي وتركها وذهب
فرح انها*رت على الأرض وأخذت تبكي بشده
فرح بدموع…………. اتجوزتني علشان حتت وعد يا مراد علشان وعد بس ليه ليه عمال تجر*ح فيا ليه وفي قلبي ليه حر*ام أنا تعبت والله العظيم تعبت ليه العذ*اب دا يا مراد أنت كدا اثبت فعلا إني كنت بالنسبه ليك بنت عابره مش أكتر، كان نفسي اقلك إني فاكراك وعمري ما نسيتك خالص بس كرامتي وكبريائي منعوني أنت اتجوزتني علشان وعد وخلاص أنت وفيت بيه يبقى أفضل حل إني اكتم مشاعري دي لأنها من طرف واحد وهتسبب جر*ح أعمق من اللي قابله وأخذت تبكي فالبكاء هو الحل الأنسب في ذلك الوقت

 

 

 

 

 

 

عند أسد ونسمه
وصل أسد ونسمه على القصر وكل واحد دخل اوضته
نسمه دخلت اوضتها وغيرت هدومها لبست بجامه بيتي لونها وردي هاديه وسابت العنان لشاعرها وراحت تذاكر
بس فجأة الباب خبط وكان أسد
نسمه…… اتفضل
دخل أسد وانصدم من جمال نسمه وجمال شعرها
نسمه بابتسامة…….. خير يا أسد
أسد…… ممكن اقعد واتكلم معاكي شويه
نسمه…….. ايوه اتفضل، راح أسد وقعد قدام نسمه
أسد……… أنا لحد دلوقتي مش فاهم ايه سبب تغيرك معايا كدا بالشكل دا
نسمه بابتسامة بسيطة……. هقلك، الإنسان لما بيغلط بيكون في حالتين الأولى يفضل مستمر على الغلط دا والتانيه يصحح الغلط دا وأنا فضلت الحالة التانيه عن الأولى الاعتذار مش بيــ…ــقلل من قيمه الواحد لا الاعتذار أجمل من كدا أنا لما تعتذر على حاجة غلط عملتها بكون بكدا برضى ضميري اللي بيا*نبني و برضى ربي اللي غضب عليا أنا غلطت في حققك لما قولت كدا بدل ما كنت بغلط فيك كان لازم على الأقل احاول اساعدك
أسد……… تساعديني
نسمه…….. ايوه اساعدك، متقولش أن أنا أسد الشرقاوي مش محتاج مساعده كلنا بلا استثناء محتاجين مساعده في الدنيا دي سيدنا محمد صلى الله عليه وسلم استطاع أنه يفوز بغزواته بفضل مساعده ربنا ليه في الأول وبعدها دعم الصحابه ليه، كلنا محتاجين مساعده من ربنا ومن الناس اللي حوالينا بس المفروض لما نختار المساعده من حوالينا نختارها من الناس الكويسه مش من اي حد، أنا كان المفروض أساعدك إنك تتغير وتقرب من ربنا وتبعد عن الطريق اللي أنت ماشي فيه دا بس أنا غلطت علشان كدا اعتذرت وأنا مش حاسة بأي قلة قيمه ولا أن أنا جيت على كرامتي بالعكس أنا كدا حسيت إني ماشيه على الطريق اللي بابا الله يرحمه حطني فيه طريق النور طريق رضا الله
أسد…………..انت صريحة اوي

 

 

 

 

 

 

نسمه……… مش موضوع صراحة ولا مش صراحة الموضوع هو إني لما بشوف الغلط لازم اصلحه مش اسيبه وامشي وكل إنسان لازم يعمل كدا، انا بستغرب من الشخص لما أجي اقوله ان اللي بيعمله دا غلط يرد ويقول دي حياتي ملكيش دخل فيها كلنا اخوه في الإسلام وبناء على كدا من واجبي اساعدك بس احنا ضعنا والقليل اللي قدر يحافظ على ثباته في الدنيا دي
أسد………. أول مره اطلب من حد طلب بس نسمه ممكن تساعديني اتغير
نسمه……… مساعدتي ليك مش هتكون كافيه انت محتاج مساعده من ربنا قبل كل شيء وأنا هكون معاك أساعدك لان دا واجبي
أسد بابتسامة…… شكرا، شديدي حيلك يا دكتورة نسمه بقى
نسمه بضحك……. لسه بادري
أسد…………. انتي ناويه تتخصصي في ايه
نسمه بحيره…….. والله مش عارفه، بس في نفسي اطلع دكتورة نفسيه
أسد…….. ايه السبب
نسمه بابتسامة………… عايزه أسألك سؤال
أسد اتفضلي………. نسمه ايه هو المجنو*ن
أسد……… الشخص اللي!!!!!!مش عارف بصراحة بس أنا بسمع أن الشخص المجنو*ن دا بيكون عنده خـــ…ـلل بالعقل وتصرفاته بتكون غريبه ومش محسوبه دا غريب أنه ممكن يشكل خـــ…ـطر على الناس اللي حواليه
نسمه بابتسامة……… دا رأيك، تسمع رائي
أسد……… اتفضلي

 

 

 

 

 

نسمه…………. أنا شايفه ان الإنسان اللي بيتقال عليه مجنو*ن دا بيكون شخص اتحمل فوق طاقته العقليه شخص بسبب الضغو*طات اللي حواليه وكثرتها عقله مبقاش عنده القدره أنه يواجهها ويلاقي حلول ليها، لما بيمشي في الشارع الناس تقعد تتمـ…ـــسخر عليه وتتـــ…ـنمر طب ياللي عمال تتـ…ـــنمر جربت وحطيت نفسك مكان الشخص دا وسمعت الكلام اللي بيتقال عليه وهل الكلام دا عجبك ماظنش طب طالما معجبكش ليه تقوله لغيرك طب انت عارف ان كلامك دا زاد ضغط على الشخص دا ضغط فوق ضغط والضغوطات عماله تزيد العقل بيخلق مكان في باطنه بيدخل الشخص دا في مكان بيلاقي هناك السعادة مفيش اي ضغط مفيش اي مشاكل مفيش اي تنـ…ــمر وبسبب كدا بتلاقي الشخص دا مش مهتم باللي حواليه لأنه شايف أن عالمه السعيد أفضل من العالم دا فبيروح للعالم دا، طرق المعالجة في الحالات اللي زي دي وأنك تواديه مستشفى المجا*نين غلط هو مش مجنو*ن هو محتاج حد يسمعه حد يفهمه حد يشوف مشا*كله دي كله ويقعد معاه ويحل مشكله مشكله حد يحس معاه بالأمان مش الخو*ف عايزه افهم ايه العلاج بالصــ…ــعقات الكهر*بائيه دي هو دا العلاج اللي هيعالج، المريض في الحالة دي محتاج معالمة زي معامله الأطفال مع بعض النصائح علشان نفضل محافظين على التوازن، هو دا رائي بس في الأول وفي الآخرة دي رائي أنا
أسد كان مصدوم من نسمه ومن تفكيرها اللي أعجب بيه
أسد باعجاب……….. رأيك يحترم بجد وتفكيرك سابق سنك بجد أنا منبهر ومصدوم
نسمه بضحك……….. متكسفنيش بقى
أسد بضحك………… لو والله
نسمه بضحك………. 🙈🙈خلاص بقى
وقعد يضحك أسد ونسمه مع بعض

 

 

 

 

 

 

أسد…….يلا هسيبك أنا بقى دلوقتي وبلاش سهر كتير تمام بكره كملي مذاكره يلا روحي نامي
نسمه بضحك………. حاضر في حاجة تانيه
أسد راح مسح على شعرها
أسد بابتسامة……… تصبحي على خير يا طفلتي وسبها ومشي
نسمه حست ان ابوها هو اللي كان بيتكلم ابتسامت وفضلت باصة للسماء شويه وراحت في النوم وهي على المكتب
نزل أسد تحت وشاف مراد قاعد عند البا*ر أسد راح ليه
أسد باستغراب……….. أنت بتعمل ايه هنا يا مراد أنت بتشر*ب
مراد………. لا يا أسد أنا بس قاعد عمري ما هفكر حتى أني اشر*ب انت عايزني اغـ…ــضب ربنا يا أخي
أسد حس ان مراد زعلان راح وقعد جنبه
أسد……. فرح قالت ليك ايه
مراد بضحك بسخريه…….. قالت يا ريتها ما قالت يا أسد يا ريتها
أسد……..مراد مالك أنت كويس
مراد……. لا مش كويس يا أسد قلبي دا مجر*وح قلبي اتكــ…ـسر للمره التانيه يا أسد هو انا ليه مش مكتوب ليا إني افرح ليه أمي لما كنت صغير هجر*ت بابا وسابتنا لوحدنا بابا كان شايفني زعلان فبقي يوديني عند جدتي لأني كنت بحس بالسعادة لما بكون عندها بقيت اروح ليها يوميا وأفضل معاها جدتي كانت عايشه في حارة شعبيه على الرغم أنها كانت ممكن تشتري قصر بس اختارت الحياة دي حياة سعيده الجيران لبعضها بيتشاركوا في فرحهم وز*علهم ايد واحده وفي يوم لقيت جدتي بتقولي روح هات سكر من عند الجيران انا روحت وخبطت على الجيران فتحت ليا بنت كان عمرها خمس سنين

 

 

 

 

 

عيونها كانت جميله جدا كان جميله وزي الملاك البرئ بس كان عليها لسان ســ…ــم طلبت منها سكر جابته ليا ومن بعدها بقينا أصحاب كنت كل يوم بتشد ليها عن اليوم اللي قابله كنت لما اعرف إنها تعــ…ــبت اجري جري عليها أفضل جنبها كانت ههههههه تدوخ الحاره كلها على ما تاخد الدوا كان كل الناس بيحبوها كانت مرحه ودمها خفيف خطفت قلبي وانا مكنتش اعرف خمس سنين فضلنا صحاب خمس سنين وفي يوم روحت ليها البيت لأننا كان متفقين إني هفسحها علشان كان عيد ميلادها فضلت اخبط على باب شقتهم ومفيش حد بيرد وفضلت اخبط و اخبط لحد لما واحد من الجيران قال إنهم سابوا البيت ومشوا انصدمت هي هي الزاي تسبني كدا احنا كان بنا وعد الزاي تعمل كدا وتخلف الوعد دا وساعتها افتكرت ماما لما سابتني أنا وابويا زعلت و روحت البيت دخلت اوضتي وفضلت اعيط اقنعت نفسي اني كنت متعود على وجودها معايا مش اكتر من كدا وإني هنساها زي ماهي اكيد ناستني بس تدريجيا اتأكدت إن دا مكنش تعود دا كان حب أنا حبيتها من كل قلبي فعلا، عشر سنين معرفش عنها حاجة خالص عشر سنين قلبي كان في كل ليله بيفتكر ملامحها الطفوليه ويحاول يرسم صوره ليها لما كبرت عشر سنين كنت عايش بعذ*اب مش مبينه لحد يا أسد عشر سنين وفي يوم وأنا بشوف سجلات طلبه السنه الأولى في الكليه لقيت اسمها بين الأسامي الاسم اللي انحفر في قلبي مصدقتش نفسي قولت اكيد دا تشابه أسماء مش اكتر دخلت المحاضره علشان اشرحها لقيتها بتتخا*نق مع حد من طلبه السنه التانيه نفس أسلوبها في الخنا*قه نفس حركتها نفس طريقه احر*جها للناس نفس شقاوتها نفس الوش اللي كان كل مره يحمر من الغضب وأخيرا نفس الكلمه اللي كانت بتقولها بعد كل خناقه هههههه سلاماتو عارف البنت دي مين هي فرح يا أسد انا مكنتش مصدق نفسي أنها هي بس فعلا هي بقت أجمل وأرق ههههههه ربنا يسامحني بقى عيونها احلوا اكتر من الأول كنت فرحان كنت عايز اجري واخدها في حضني بس لما سمعت اسمي معرفتنيش يا أسد زعلت هي نستنى خالص وعاشت حياتها قولت ابعد عنها بس ديما كنت بجرها للخنا*قه عايز اسمع صوتها وأفضل باصص لملامحها
أسد كان مصدوم من اللي سمعه هو الحب بيعمل كدا ومراد اللي محاكش قبل كدا عن حياته حاجة طلع مخبي الو*جع دا كله ومقلش عليه لحد

 

 

 

 

 

 

أسد راح وحضنه
مراد بدموع…………..الغبيه مش عارفه إني عشقتها غبيه مش فاكراني ولا فاكره وعدنا لبعض غبيه طول عمرها وكر*هتني يا أسد حب عمري بيكر*هني اااااااااه على الو*جع دا اااااااااه
أسد………. خلاص يا مراد اهدي
مراد بدموع………… مصدقت بقت ملكي بس في نفس الوقت بعيده عني ليه العذ*اب دا ليه
أسد………. مراد
مراد هدأ ومسح دموعه وفضل قاعد شويه
واسد فضل قاعد معاه شويه
مراد……… ايوه صح أنت كنت جاي تعمل ايه هنا
أسد…….. كنت جاي اتخلص من البا*ر دا وامحيه نهائيا لأن خلاص مش هشر*ب تاني
مراد بصدمة……….. أنت بتتكلم بجد
أسد بضحك………. ايوه مالك مصدوم كدا ليه

 

 

 

 

 

مراد……… أسد أنت تعبا*ن ولا فيك حاجة
أسد 😂😂……. لا متخفش أنا سليم بس أنا قررت إني اتوب واقرب من ربنا
مراد بابتسامة……… ربنا يهديك يا حبيبي وانت خدت الخطوه الصح وأنا معاك يلا تصبح على خير
أسد……. وانت من اهل الخير وتركه مراد ورجع لغرفته دخل لقى فرح نايمه على السرير وهي شبه الملاك
مراد في نفسه………….يا ترى العذ*اب الجاي ايه يا فرح وغطها وراح ينام على الكنبه اللي في الأوضة
عند أسد بعد ما اتخلص من كل الخــ…ــــمر طلع على اوضته بس راح يطمن على نسمه الأول دخل لقاها نايمه على المكتب ابتسم وراح شالها وحطها على السرير وغطها وفضل باصص عليها
أسد في نفسه………… مهما كان الشعور اللي جوايا نحيتك أنا مبسوط إنه موجود لأنه هو اللي هيغيرني و يحويلني للأحسن بس يا ترا هنفضل مع بعض ولا بعد تلت شهور هنفترق وابتسم وطلع من الأوضة وراح علشان ينام لأن اليوم كان متعب وكل اللي في القصر غطي في نوم عميق
وكان هناك اللي بيراقب كل دا وابتسم ومشي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية طفلة الأسد)

اترك رد