رواية تزوجتها بهدف الانتقام الفصل الثاني عشر 12 بقلم نورهان ياسر

نغم بقرف :كل واحد تيجي تجري عليه وتحضنه طب الست شهد وعارفينها مين دي بقي أن شاء الله
أسر بجديه :مراتي
نغم بشهقه وهيا بتعوج بوقها :نعم ي روح *امك
أسر بعصبيه وصوت عالي :نغاااام احترمي نفسك والزمي حدودك كويس والا انتي عارفه انا ممكن اعمل اي
نغم ببرود :بس يلا
أسر بعصبيه :انتي ماينفعش معاكي الزوق انتي اتعودتي تنضر*بي ف تسمعي الكلام قومني ي يوسف كدا لو سمحت
يوسف لسه جاي يروح ناحيته ويسنده نغم خبطت ع كتفه وقالت سيبك منه و هدى كدا بس ي ابا ع ما نشوف الحلوه دي تطلع مين،،،، يوسف بصدمه :ي أبا
نغم :چو تعرف تسكت
ا أسر كان ع آخره ونفسه يقوم يأ*دبها ويطلع كل الوجع اللي فيه عليها بس كان لا حول له ولا قوه مش قادر يقوم من مكانه
نغم وهيا بتوجه كلامها لميرنا بتهديد :وانتي تطلعي مين بقى ي حلوه كدا و سيبك من حوار انك مراته دا عشان ما دخلش عليا
-ميرنا كانت بتبص لأسر بمعنى اتكلم
أسر فهم نظراتها بعض الشئ وباصلها بمعنى اسكتي
نغم بعصبيه وصوت عالي :لا مهوا مش هتفضلوا ساكتين كدا وانا اكلم نفسي نغم راحت ناحية ميرنا وراحت ماسكاها بعصبيه من دراعها وقالت :بت انتي انتي مراته بجد ميرنا كانت لسه هتود قاطعها أسر وقال بعصبيه ونفاذ صبر :اختي تبقى اختي يااااك تتهدي بقى

نغم بعصبيه وهيا بتوجه كلامها ل أسر :اما هيا اختك بت*تنيل تقول مراتي لي ها
أسر بعصبيه :بت امشي بره ي به ابو غبا”ئك
نغم :طب خليك على جنب بقى كدا
قولتي اسمك اي بقى ي عسل
ميرنا :اسمي ميرنا ي نغم وزي ما عرفتي ابقى اخت أسر عرفيني ع نفسك بقى
نغم بتناكه :ابقى حرمه المصون ي اختي
ميرنا وهيا بتوجه كلامها لااسر بلوم :اتجوزت من غير ما تقولي ي أسر انت عارف اني كان نفسي ابقي جنبك ف يوم زي دا اخس عليك قاطعتها نغم :أحمدي ربنا إنك مكنتيش جانبه يومها ي اختي كان يوم ما يعلم بيه الا ربنا (كلهم كانوا مستغربين لي نغم بتقول كدا ع يوم جوازها مع ان دا بيقي أجمل يوم ف حياة أي حد بس سلمي هيا الوحيده فيهم اللي كانت فاهمه)

أسر وهوا بيحاول يحتوي الموقف :مكنش فيه وقت والله ي ميرنا كل حاجه جت بسرعه وبعدين يعني كنت هجيبك على ملي وشك م سفرك وشغلك مكنتش مستاهله تعبك
ميرنا:تعبك راحه ي حبيبي
أسر :قلبي ربنا يخليكي ليا ومايحرمنيش منك
نغم وهيا بتعقد حاجبيها :ي مح”نو ي اختي انتي وهوا
يوسف :ما تتهدي بقى ماقولنالك اخته اي النيله دي
نغم :يعني انت شايف كدا ي چو
يوسف :كدا وابو كدا ي اختي
نغم :عشان خاطرك بس هسكت
أسر :ي شيخه تعالى خديلك قلمين احسن
نغم :حد وجهلك كلام
أسر بعصبيه :لينا بيت يلمنا
نغم :ي عم اتنيل انت قادر تقوم من مكانك اصلا
أسر بتوعد :اصبربي بس نروح وانتي هتعرفي بنفسك. وكمل كلامه وهوا بيبص ليوسف :الدكتور قال اني هحرج امتى
يوسف :انت بتهزر ي كبير خروج اي دا انت لازملك راحه ع الاقل ٣ أسابيع دا لو الدكتور َوافق يخرجك بعدها اصلا انت ي ابني مش شايف حالتك عامله ازاي
أسر بعصبيه :يوسف اتصرف انت عارف ان مش بحب جو المستشيفات دا قوله يكتبلي ع خروج النهارده
يوسف لسه هيتكلم قاطعه دخول الدكتور
يوسف :اهو جالك بنفسه قوله انت بقى
الدكتور :ف اي خير
أسر :عايز اخرج النهارده

الدكتوره :صعب جدا ي استاذ أسر ع الاقل خليك اسبوعين تلاته تحت الملاحظة ع ما نطمن ان كل حاجه ماشيه تمام
أسر :أنا حاسس ان بقيت كويس وهبقي احسن لو استريحت ف بيتي
الدكتور :ممكن أوافق بس بشرط يكون معاك ممرض أو ممرضه ياخد باله من ضعك وينظم لك مواعيد الدواء ويغيرلك ع الجرح ويقيس لك درجة الحراره كل شويه
اسر :لو ع الموضوع دا ف اطمن انا معايا اللي اشطر م الممرض أو الممرضه معايا الدكتوره ميرنا وهيا اكيد هتاخد بالها مني. اكتر من اي حد
الدكتور تمام معنديش مانع طالما هتفضل جنبك وتأخد بالها من حالتك،،، هروح اظبط أوراق الخروج بس استاذنكم حد منكم يدفع الحساب تحت
يوسف :طب انا هروح ادفع انا
أسر :استنى هشوف الفيزه بتاعتي كانت ف محفظتي قبل الحاد*ثه شوفها وخدها ادفع منها
يوسف :عيب عليك ي كبير انت كدا بتشتمني،، وسابه وطلع مع الدكتور بره عشان ينزل يدفع الحساب

يوسف :لو سمحت ي دكتور اروح ع فين بالظبط
الدكتور :انزل تحت ف الحسابات
يوسف؛ تمام شكرا ولسه هيمشي الدكتور واقفه
الدكتور واسمه أدهم :كنت عايز حضرتك ف موضوع
يوسف :اتفضل ي دكتور (يوسف كان مفكر انه هيقوله ع حاجه عن حالة أسر)
الدكتور أدهم :الانسه اللي كانت واقفه مع المدام نغم بره تقريبا اسمها سلمي انا كنت طالب ايدها من حضرتك هوا مَش حضرتك اخوها
يوسف بعصبيه :سمعني تاني كدا
الدكتور أدهم :طالب ايد الانسه سلمي
يوسف :واي اللي خلاك تطلب ايدها برده مش فاهم
أدهم :هقولك بصراحه انا حبيت فيها حنيتها ع اختها لما كانت بتعيط وأنها فضلت تواسيها وكانت بتخفف عليها وبصراحه انا شايف فيها مواصفات أحلامي،، و تقدر تقول حب من اول نظره كدا هاا قولت اي
يوسف :هوا ف كلام بعد الشعر اللي انت قولته فيها دا وراح ضر*به بالبو*كس
أدهم وهوا بيحط ايده ع وشه مكان الضر*به واتكلم بعصبيه :ولي الغلط دلوقتي
يوسف :بتقول فيها شعر قدامي وعايزني اسكتلك
الدكتور :مش فاهم برده دا مضايقك ف اي
يوسف بعصبيه :جاي تطلب ايد خطيبتي مني وعايزني اسكتلك
الدكتور بخحل :احمم انا مكنتش اعرف انها خطيبتك،، بس ثواني كدا هيا مفيش ف ايدها دبله
يوسف :وانتي كمان ركزت ف ايدها ،، بتنسي تلبسها ي سيدي ها حاجه تاني
الدكتور :وانت كمان مش لابس دبله

يوسف بنفاذ صبر :انا كمان بنسى إلبسها وبعدين انتي هتصاحبني ي ابني يلا شوف انت رايح فين
الدكتور جاي يمشي يوسف واقفه :استنى خد هنا انتي ي اخويا شفت فين حنيتها على اختها انت مش المفروض كنت بتعمل لا أسر العمليه وقتها
الدكتور :الدكتور مصطفى هوا اللي كان بيعمل العمليه للأستاذ أسر انا الدكتور المشرف ع الحاله،،، مكتبي كان جنب الاوضه اللي الأستاذ أسر كان بيعمل فيها العمليه وهما كانوا قاعدين قصادي ف كنت مركز معاها
يوسف :اه قولتي كنت مركز معاها.،،يوسف وهوا يخبط ع كتفه طب ي عم الدكتور متركزيش مع خطيبتي تاني، عشان عينك دي ما توحشكش
الدكتور :احمم.. لاء وعلى أي بقى استأذن انا
يوسف كان لسه جاي يمشي واقفه أحمد وهوا بيمسكه من كتفه
احمد بعصبيه :انت مين أداك الحق تقول على نفسك خطيب اختي
يوسف :ا. ا. انا مكنش قصدي.. ا. انا بس
قاطعه أحمد :انتي اي
يوسف بإرتباك :بصراحه انا أعجبت بيها من اول مره شوفتها وكنت هاجي افاتحك ف الموضوع بس قولت اما اتأكد من مشاعري ناحيتها الأول
احمد :واتاكدت؟!
يوسف :بصراحه مش قوي يعني بس للحظه حسيت انها هتضيع مني لو سبت الدكتور دا يتقدم لها ف اضطريت اقوله كدا
احمد :يعني دلوقتي مافيش اي مشاعر من ناحيتك تجاهها

يوسف :بصراحه انا أعجبت بيها من اول لما شفتها وحسيت ب شعور حلو كدا ساعتها وكنت مفضوح قوي دا حتى أسر واللواء على لاحظو اني كنت مركز معاها
احمد :احمم.. انا كمان لا حظت بس مرضتش احرجك صراحه
يوسف :ي كستفك ي حازم
احمد :المهم دلوقتي لو انت عايز تتقدم ليها رسمي تقدري تشرفنا ف اي وقت وطبعا اللي سلمي تقول عليه هوا اللي هيمشي
يوسف :أن كان كدا ف خير البر عاجله خدي لي معاد مع السيد الوالد وانا هجيب والدي وتيجي نتقدم رسمي
احمد :الوالد تعيش انت،،، تقدر تشرفنا ع اخر الاسبوع كدا
يوسف :ربنا يرحمه،،، خلاص ان شاء الله هكون عندكم ع اخر الاسبوع
احمد :تمام،، طب يلا روح بقى خلص إجراءات الخروج وادفع الحساب ولو احتجت حاجه انا موجود
~~~~~~~~~~
خلصوا إجراءات الخروج وأسر طلع م المستشفى وطلب منهم يوده على فيلته عشان ما يقلقش ابوه لو راح بيت العيله
يوسف ماكنش عايز يقوله اللي حصل لحامد الا لما يطمن من على الأول
~~~~~~~~~~~
ف مكان تاني
محمود بعصبيه :طلع م المستشفى ي غ*بي وما حصلوش حاجه
المجهول :ي باشا والله الحاد*ثه كانت جامده وانا سمعت الدكتور بودني بيقول انه ما*ت
محمود بنرفزه :ملكش فلوس عندي لا انت ولا رجالتك
المجهول :بس دا مكنش اتفاقنا
محمود :أعلى ما ف خيلك اركبه،، اقفل ي غ*بي
حسام وهوا بير*زع الكوبايه اللي ف ايده ع الارض قال : زي القطط بسبع ترواح بس هيروح مننا فين مسيره يوم يجي تحت ايدي وساعتها مش هر*حمه
محمود :انت ناوي ع اي
حسام بضحكه شر :ناوي علي كل خير
~~~~~~~~~~~~
ف بيت العيله
على طلب الدكتور لحامد والدكتور لحقه ف الوقت المناسب وطلب مني انهم ما يعرضهوش لصد”مات لأنه ممكن ساعتها يجيله سا” كته قلبيه
_______________________________________

ف البيت عند أسر وصلوا وأحمد ويوسف ساعدوا أسر ووصلوه لاوضته وميرنا وادته الادويه
أسر :شكرا ي جماعه تعبتكوا معايا مش عارف من غيركم الواحد كان هيعمل اي
يوسف بضحك :سيد عيب متقولش كدا احنا أهل
أسر :بس ي اهبل
يوسف :احمم.. هيا وصلت للشتيمه كمان طب اما اسكت احسن
ميرنا :تعبك راحه ي أسر ي حبيبي
احمد :الف سلامه عليك ي ابو نسب نستأذن احنا بقى
أسر :ما انتو منورينا ي عم
احمد :عشان ترتاح بقى براحتك يلا سلام،،، واخد سلمي ومشى

أسر ويوسف كانوا عاملين يتكلموا ف الشغل ونغم قاعده جنبهم هيا وميرنا بس كانت زهقانه
نغم بزهق :انتم هتفضلوا تتكلموا ف الشغل كتير عايزين حاجه مسليه نعملها
أسر :يعني هنعمل اي وانا متنيل متجبس يعني
نغم :طب انا زهقانه طب
أسر :ربنا يهديكي ي حبيبتي انا عارف هيا هرمونات حمل ع المسا
ميرنا :اي دا هيا حامل بجد هتبقى اب ي أسر ي احلى خبر سمعته النهارده يعني هبقي عمتو ينهار فرحه ي ولاد
يوسف :ربنا يتملك على خير ي نغم
نغم : ميرسي ي چو
يوسف كان عايز يروح عشان يطمن على عمه :طب انا هستأذن بقى ي كبير هتعوز مني حاجه
أسر :انت عب”يط ي ابني

ما اكيد هعوز مش شايفني مجبس بات معايا النهارده ع الاقل عشان لو عوزت حاجه
يوسف :ي عم ما مراتك موجوده اهي لاز متى انا اي بقى يلا سلام ي كبير
أسر بصوت مكتوم :اه ي واط”ي
ميرنا :طب خدني معاك بقى ي يوسف ووصلني ف طريقك
أسر :حتى انتي كمان ي ميرنا
ميرنا :معلشي بقى ي حبيبي مضطره امشي ما انت عارف ماما واحشتني قوي وبعدين متنساش ي استاذ أن ورايا شغل وحالات ياما عايزه تتعالج بس الصبح لو انا اتاخرت يعني ابقى خالي نغم تديك العلاج انا كتبت ليها المواعيد وخليها تغيرلك ع الجرح
أسر :ماشي ي حبيبتي ربنا معاكي ويوفقك بس بكرا حاولي تيجي تقعدي معايا من بدري عشان ملحتقتش اشبع منك
ميرنا :حاضر ي قلبي
يوسف :ممكن ي خالتي اللتاته نمشي بقى
ميرنا :يلا ي فصيل
أسر :سلم لي ع ابويا ي واد ي يوسف واوعي تحكيله حاجه ع اللي حصل
يوسف بإرتباك :حاضر يلا سلام
~~~~~~~~
نغم: بقولك انا جعانه ومفيش هنا اكل وانت عارف اني مش بعرف اطبخ اعمل اي انا دلوقتي
أسر ببرود لأنه كان عايز ياخد موقف من تصرفاتها :اطلبي اكل
نغم :طب وانت هتاكل اي
أسر :مليش نفس
نغم :لا بقولك اي كل اي حاجه انت واحد عامل عمليه ي ابني ل يحصلك حاجه ويحسبوك عليا بني ءادم
أسر :انتِ مش ملاحظه انك خدتي عليا قوي
نغم :يعني
أسر :يعني من هنا وجاي تحترمي نفسك ي نغم وانت بتتكلمي معايا لا الا هتشوفي مني وش تاني وكمل بصوت عالي :مفهوم ولا مش مفهوم
نغم :متنيل مفهوم… اوووف بقى حاجه تزهق
وطلعت وسابت له الاوضه

أسر لنفسه :انا جبت أخرى منك بجد كل اما اقول خلاص عقلت وهتفكر قبل ما تقول كلمه اوتتصرف اي تصرف لاء لازم تكنسل عقلها

أسر حاولي يسند ع ع السرير وقام بصعوبه وراح جاب اللاب توب بتاعه وبدأ يشتغل عليه وبيعت ايميلات ويخلص ورق الصفقه الجديده
~~~~~~~~~~~~
نغم نزلت تحت وطلبت شاورما وفراخ وبيتزا
نغم لنفسها :كل شويه يزعق لي من غير ما اعمل اي حاجه غاوي نكد وخلاص اي دا
طب هوا دلوقتي هياكل اي المفروض ياكل اي حاجه عشان جر*جه يلم طب ما ياكل معايا وخلاص بس تقريبا اللي بيبقوا عاملين عمليه لازم ياكلوا حاجات مسلوقه لقيتها هبحث عن جوجل واشوف وأعمل له اي حاجه سريعه كدا عشان َما بيصليش وانا باكل وبطني توجعني
-نغم بحثت ولقت أفضل حاجه شوربه الخضار شافتها بتتعمل ازاي ودورت ف الفريزر لقت كل اللي هيا هتحتاجه
عملتها وخلصتها وكان الاكل بتاعها وصل
– نغم اخدت الاكل كله وطلعت فوق ف الاوضه لقته قعد شغال ع اللاب وبيكتب بإيده الشمال
نغم باستغراب بعد ما حطت الاكل ع التربيظه :انت فيك حيل تكتب ي عم ارحم نفسك
أسر وهوا باصص ف اللاب توب :شغل ولازم يخلص
نغم شالت الاكل وراحت حاطاه جنبه ع السرير ولفت راحت له الناحيه التانيه وشالت منه اللاب من غير تستأذن منه حتى وحطتته ع الكومودينو
أسر بيصلها باستغراب :اي اللي انتي عا ملتيه دا مين سمحلك تاخديه وتقفليه
نغم ببرود :ي عم ولا سمحي لي ولا سمحلك تعالى ناكل بس وابقى شوف موضوع الشغل دا بعدين
أسر :ما قولتلك مليش نفس هيا عافيه
نغم بتحدي :اه هيا عافيه ولعلمك بقى انا تعبت ع ما عملتلك اسمها اي دي شوربه الخضار ف تأكلها وانت ساكت وماسمعش رأيك فيها
أسر :هيا دي اتفضل بتاعتك يعني
نغم :أسر كل وانت ساكت تعرف
أسر : ي صبر أيوب بصي ي بنت الناس والله انا مستحملك عشان ابني اللي ف بطنك دا مش اكتر إنما بقى لو ما ظبطيش فأنا عارف هظبطك ازاي
نغم :ناكل الأول وبعدين نبقى نشوف الموضوع دا
أسر :انتي مفيش عندك مساحه للجد ابدا
نغم :مش هاقولك عايزها كام جيجا وكدا عشان عرفاك إتم ما بتحبش الهزار ف يلا ناكل بقى

نغم راحت قعدت ع الجنب التاني م السرير وبدأت تاكل
أسر :نهارك اسوح انتي هتاكلي شاورما وفراخ وبيتزا التلاته وبالليل دا انتي حا”جده ي شيخه طب راعي شعور الغلبان اللي جنبك اللي هيأكل شوربه خضار بس

-نغم والاكل ف بوقها : قول باسم الله مشاء الله بس كدا الأول وبعدين انا حامل ولازم اتغذي انت حامل عشان تتغذى انت مش حامل زي انت مريض يبقى تاكل شربه الخضار وانت ساكت وبدأت تكمل اكل
وأسر كان عمال بيبصلها
بعد دقيقتين
نغم هوا انت مش بتاكل لي هيا مش عجباك دا انا حتى جايبه الطريقه من ع النت
أسر :ما هي البعيده حما”ره ومش واخده بالها أن ايدي اليمن متجبسه
نغم : طب هتعمل اي بقى دلوقتي بص اقولك امسك الطبق بإيدك الشمال واشرب بالطبق مش لازم بالمعلقه يعني
أسر وهوا ع اخره :قومي ي نغم من قدامي خدي الاكل دا وقومي
نغم :وهتنام من غير عشا
أسر :انتي شايفه اني المفروض اعمل اي يعني
نغم :المفروض انك تاكل
أسر :ايدي متجبسه ولو ميرنا هنا كانت ساعدتني
نغم بعصبيه :كانت هتعمل اي يعني زياده عني
أسر :كانت هتأكلني ع الاقل
نغم :طب ما تقول كدا م الاول اني عايزني اكلك لي بقى بتقولي ميرنا وبتاع و بتتحجج بدراعك مش فاهمه
أسر وهوا بيخبظ بكف ايده على دماغه :ياربي هت”شل منها ومن غبا” ئها
نغم : َ ولي الغلط دلوقتي اتاخر كدا ي عم َوانا اجي اكلك،، وراحت ماسكه طبق الشوربه وبدأت تأكله
أسر؛ ما براحه شويه انتي بتاكلي حما”ر
نغم :اخلص بقى ي عم عايزه اقوم انام و… نغم لسه هتكمل حطت الطبق اللي ف ايدها ع الكومودينو وحطت ايدها ع بوقها وجريت ع الحمام
أسر حاول يقوم من ع السرير وكان مخضو” ض عليها راح وقف قدام الحمام
أسر :نغم انتي كويسه
نغم :…..
أسر هوا بيخبط ع الباب؛ انتي ي بنتي ردي انتي كويسه
نغم بعد دقيقه طلعت وكانت ماسكه بطنها وحاطه ايدها التانيه ع دماغها :انت السبب كله منك
أسر : ياختي ابقى ارحمي نفسك شويه كان لازم يعني تاكلي التلاته مع بعض
نغم :انت اللي بصتلي ف الاكل وخليت بطني توجعني
أسر :طفستك ي اختي هيا اللي خلت بطنك توجعك
يلا خدي الاكل دا نزليه تحت وتعالى نفضي السرير عشان ننام لاني بصراحه فصلت
نغم :مش هعمل الاتنين ع ما اروح انزل الاكل تكون نفضت السرير
ََاخدت الاكل ونزلت
أسر :انا مش عارف والله ي بنتي انا مستحملك ع اي
نغم من بره :سمعاك على فكره
أسر :اتلهي كدا وانتي هب”له اصلا
_________________
نغم نزلت الاكل وأسر نفض السرير بدراعه السليم
واخد وضع النوم
نغم كانت جايه تنام جنبه أسر قالها :االمفروض اقولك نامي ع الكنبه وكدا أو نامي ف اوضه تانيه عشان انا واحد عامل عمليه ومش مستغني ع نفسي
نغم؛ قصدك اي مش فاهمه
أسر :انتي بتش” لتي بالليل اصلا وليكي حركات مجنو*نه كدا بتعمليها بالليل برده وانا بصراحه خايف تكسرلي دراعي اكتر ما هوا مكسور أو الاقيكي نايمه ع العمليه مثلا
نغم :اطمن ي اخويا مش هاجي ناحيتك وهحط بيني وبينك مخده عشان تبقى مطمن
أسر :اضمن برده يلا نامي
نغم جابت مخده وحاطتتها بينهم ونامت
~~~~~~~~~~~~~~

ع الساعه ١٢ بالليل تليفون المنزل بتاع أسر رن وكان جنبه ع الكومودينو
أسر قام بكل هدوء وكأنه كان مستني المكالمه دي وبص على نغم لاقها نايمه بس هيا كانت عامله نفسها نايمه لأنها صحيت ع صوت الرنه
الشخص : كله تمام عندك وماشي حسب الخطه
أسر : ي باشا اطمن كل ماشي تمام حسب الخطه ومحدش شك ف حاجه
الشخص :متأكد
أسر : ي باشا عيب وراك رجاله وصدقني الموضوع دا هيتنهي ف أقرب وقت انا خلاص حددت هعمل اي
الشخص :واضح ان انا اخترت الشخص الصح ع العموم بلغني بالجديد اول باؤل
أسر : تؤمر ي باشا سلام وراح يحط الفون جنبه لقى اللي صحيت مره واحده و قاعده جنبه
أسر بخضه :هما بيطلع ا امتى دول!
نغم :اي اللي انا سمعته دا خطة اي ؟!
أسر :انتي سمعتي اي بالظبط؟!
نغم :كل حاجه؟!
أسر وهوا بيبلع ريقه انا هفهمك :
#بقلمي_نورهان_ياسر
Stop

اللي خمن وطلع تخمينه صح البارت اللي فات

(Marwa soliman)
(مسك الختام)

ألمروض أن اللي هيخمن المره دي صح منكم انتم الاتنين هيبقى هوا اللي هاخد رأيه ف الافكار اتفقنا🌸

هوا سؤال واحد بس
مين المجهول دا وتفتكروا اي اللي هيحصل؟!