روايات

رواية روح يوسف الفصل الخامس 5 بقلم آلاء محمد

رواية روح يوسف الفصل الخامس 5 بقلم آلاء محمد

رواية روح يوسف البارت الخامس

رواية روح يوسف الجزء الخامس

رواية روح يوسف الحلقة الخامسة

اول أما فتحت لقيته وراها اول أما شافني اتصدم
_روح متفهمنيش غلط بالله عليكي
=افهمك غلط دا انا شايفاك بعيني ياجدع
انت متستاهلش يا يوسف
متستاهلش الحب اللي حبتهولك استحملت منك قله القيمه والاحساس دايما أني أقل واحده وان كل الناس احسن مني
مكنتش بتسيب فرصه انك تقل مني أو انك تقولي اني راجل واني وحشه
وحتي بعد ما اتجوزك قولت جه الوقت اللي اخد حقي منه الاقيك اتغيرت قلبي يرجع يحبك تاني ويحن ليه لكن ايه المقابل اني شايفاك بعيني وانت بتخوني انا بكرهك يا يوسف بكرهك من كل قلبي واتمني من ربنا اني مشوفكش تاني لانك اكبر خدعه واكبر بلوه انا اتبليتها ف حياتي منك لله يا يوسف منك لله علي كل يوم وجعتني فيه حسبي الله ونعم الوكيل فيك ياشيخ انا ماشيه ومش عايزه اشوف وشك ف اي مكان اروحه وورقتي توصلي فاهم ولا لا اتفووووو عليك
سبته ومشيت وانا فضيت كل الطاقه اللي جوايا بجد استريحت احساس حلو انك تفضي شحنه متخذنه فيك بقلها كتير بس اصعب احساس احساس الخيانه احساس الخذلان احساس انك قليل عمري مهعرف اتخطي الاحساس ده منك لله يا يوسف وفضلت اعيط طول الطريق لحد اما وصلت الفندق وانا طالعه ماما وطنط ومالك شافوني
-ف ايه يا روح
=انا عايزه اتطلق يا ماما وده اخر كلام عندي
ودخلت الأوضاع بتاعتي لقيتهم كلهم دخلوا ورايا
-ايه اللي حصل بس احكيلي

=مشيت وراه لقيته دخل فندق طلعت وراه لقيته بيخوني يامامااااا انا عايزه اتطلق مليش دعوه
-اهدي بس كده طلاق ايه وبتاع ايه انتي لسه بقالك شهرين منظرنا ايه قدام الناس
=منظركوا ايه قدام الناس كل اللي همك المنظر وبس وانا ايه مهمكيش خالص
طول عمرك اللي همك كلام الناس وبس كنت بيطلع عيني طول السنه انا ومالك وبردوا لو نقصنا درجه ولا درجتين تشتمي فينا وتزعقيلنا وتفضلي بالكام يوم متكلمناش مع اننا كنا بنعمل اكتر حاجه عندنا كنا بنطلع الاوائل هنعمل ايه اكتر من كده انتي خلتيني راجل مش مهتميه باي حاجه ف حياتي غير دراستي وشغلي وبس مع اني بنت والمفروض اشوف نفسي وشكلي اهتم لحالي بس انتي خلتيني نسخه ملهاش اي الحق أنها تهتم لحالها
جوزتيني بس علشان الفلوس كل اللي همكوا الفلوس وبس مش هاممكوا الشخص اللي بنتكوا هتتجوزه ده دمرها ازاي قلل منها ازاي كرهها ف نفسها ازاي ودلوقتي بعد مخنها تقولولي منظرنا يا اخي ين*عل ابو المناظر انا بكرهكوا كلكوا ومش عايزه اشوفكوا تاني
لميت حاجتي واتصلت حجزت طياره وجايه بركب العربيه اللي هتوديني المطار لقيته جه
_روح بالله عليكي استني اسمعيني انا بحبك روح متعمليش فيا كده انا بحبك اوي والله
=بعد ايه بعد مكسرتني انا دلوقتي بقي اللي بقولك حبك ده انا مش عايزاه بس لنفسك انت بني ادم قز*ر ميشرفنيش اني ابقي مع واحد زيك انا بكرهك وهتفضل عمرك كله ندمان على انك ضيعتني من ايدك وعمري ما هرجعلك يا يوسف لو بوست رجلي حتي عمري ما هرجعلك فاهم اتفووووو عليك
سبته وركبت العربيه وصلت الطياره وانا ف الطياره فضلت اعيط كتير اوي انا مستاهلش كل ده انا مش وحشه اوي كده ليه كلهم بايعني كده ليه انا مش مهمه عند حد ليه كده
لقيت حد بيديني منديل_شكلك متدايقه جامد

اخدت منه المنديل=شكرا علي المنديل بس بردوا ملكش دعوه
_دبش اممممم
=بقولك ايه انت متعرفنيش عاقل مني هقل منك يا عم انت
_لا بقي ميغركيش البدله اللي لابسها دي انا من عبدين يا شويه فضائين
فضلت اضحك جامد يعني قمور ووسيم وفرفوش وكمان حافظ قفشات الافلام لا لا عيني عليك بارده يا عم انت
_ضحكت يعني قلبها مال
=مال مين ياعم روح اتلهي
_متشكرين يا رجوله
معاكي يوسف وانتي
=غووووور من وشيييييييييييي انا بكره الاسم ده
_اسم الاكس ولا ايه
=لسه مبقاش اكس هيبقي قول يارب
_هو اللي معيطك كده
=هو سبب كل حاجه وحشه ف حياتي
_بس انا عايزه اقولك اني اختلف عن الاخرون
=ياشيخ اتبعي كل الرجاله تقرف
_متجمعيش بس ف ناس متربيه
ايه اللي معيطك بقي عندي فضول الصراحه
=بص انا هحكيلك علشان انا مخنوقه جامد الصراحه ونموت واتكلم مع حد بس معنديش حد احكي معاه
_انا موجود وكلي اذان صاغيه
حكيت ليه كل حاجه حصلت ف حياتي مش عارفه ليه عنده قبول وكاريزما رهيبه عيونه الرمادي شعره القصير الناعم جسمه الرياضي البدله الرمادي اللي هتاكل منه حته كله علي بعضه قمر كده استووووب يا غاليه انتي لسه مطلقتيش اصلا انتي لسه متعافتيش من يوسف الاولاني اصلا اهدي كده ياوليه

_بصي احنا نطلع من قصتك دي كذا ميزه اولها انك ناجحه وفاهمه وعاقله ومجتهده حتي لو كنتي بتعملي ده غصب بس انتي قدها وعملتيها تاني حاجه مميزه ف قصتك دي انك طلعتي ب٣مليون ودول مبلغ حلو جدا ممكن تعملي بيه مشروع يغير حياتك تالت حاجه مشاعرك مش اي حد يستاهلها ومفيش حد هيتغير ومتجيش علي نفسك علشان خاطر حد اهم حاجه انتي اهم حاجه روح رابع حاجه انتي دلوقتي قويه من اللي عشتيه فاهمه وواعيه عمرك ما كنتي هتعرفي غير لما تعيشي واديكي عيشتي
=كلامك حلو جدا غيرلي مودي بجد
_انتي احلي بكتير
=ايه
_ايه
نزلنا من الطياره لقيته بيقولي
_اتبسط اني اتعرفت علي واحده زيك جميله وطيبه وقويه انتي قويه جامد يا روح
=انا اللي اتشرفت اني عرفت واحد زيك جدع وطيب و كله اذان صاغيه
_ده معاكي انتي بس
=ايه
_ايه
=سلام يا يوسف ياللي انت غير يوسف
قعد يضحك _سلام ياروح ياللي غير أي روح
مشينا وانا بتمني من ربنا اني أقابله تاني راجل مختلف راجل جميل بمعني الكلمه
مشيت وانا واحده تانيه بفضله

بعد مرور سنه
عملت شركتي الخاصه بقت شركه مشهوره جدا ف مصر وبره مصر ف مجال المعمار وده تخصصي ف الجامعه كمان اصغر سيده اعمال ف البلد عن عمر ال٢٠ ف اخر سنه جامعه وعامله كل ده كل الناس بقت تتمني اكلمها بعد ما كانت كل الناس بتبعد عني بقيت بلبس بدل بناتي كده واسيب شعري وميكب خفيف بقيت سيده فعلا مش كلام بقيت بنوته وبقي عندي كميه ثقه ف نفسي رهيبه كل الرجاله بقت هتموت وتكلمني بعد مكانوا بيقولوا عليا راجل زيهم كل حاجه اتغيرت ف السنه دي اه صحيح اتطلقت من يوسف اخيرا فضل يتحايل عليا ويبعتلي كل الناس وانا صممت لحد متطلقت اخيرا بقيت حره رجعت اكلم ماما ومالك حتي طنط بكلمها بس يكلمهم بدافع صلت الرحم مش اكتر بقي عندي فله لوحدي عملاها بمزاجي معظمها بالون الاسود اكتر لون بحبه حياتي بقت مختلفه وجميله بسافر وبروح واجي بس ناقصها حاجه ناقصها الحد اللي غيرها ناقصها يوسف اللي غير يوسف
ف يوم كان عندي اجتماع مع اكبر شركه منافسه لينا شركه المراد وصلت الشركه تحت نظرات الإعجاب والتقدير من البنات والولاد دخلت مكتب الاجتماعات كله رحب بيا قعدت خمس دقايق ووصل صاحب الشركه المنافسه دخل كنت بكتب كذا حاجه برفع وشي ويشاء القدر بعد سنه بدور عليه ف وشوش الناس لقيته واقف قصادي
=يوسف
_روح
=عامل ايه كنت فين طول السنه دي بدور عليك ف كل حاجه معرفش غير اسمك اسمك يوسف وغير يوسف خالص
قعد يضحك _وحشتيني اوي يا روح يا غير أي روح
=وانت كمان يا يوسف
_مبسوط اوي ب اللي وصلتي ليه

=كله بسببك بسبب كلمه انتي قويه الفضل ليك بعد ربنا
_تستاهلي كل حاجه جميله شبهك ياروح
=وحشني كلامك الجميل ده
انا ويوسف بقينا صحاب اوي اوي يعني يوسف مختلف عن يوسف التاني خالص قلبه غير روحه غير بيقدر اي مجهود بعمله بيمدحني حتي لما بيشوفني بلبس الولاد ما انا لسه سعات بلبسهم لحد دلوقتي شايفني جميله ف كل حالاتي يوسف عرف يخطف قلبي من تاني عرفني معني الحب معني الإنسان اللي يستاهل الحب
ف يوم طلب مني اجيله ف مكان وبعتلي لوكيشن المكان وطلب مني البس كوتش لبست وروحت علي المكان لقيته غمالي عيني
وفضل ماسك ايدي لحد اما وصلنا لمكان وخلاني افتح شوفت اجمل مكان ف عمري شوفت مكان كله متزين بالورد كله صور ليه ف جميع اوضاعي ف كذا مكان شوفت صوري معاه عاملها كبيره اوي شوفت طربيزه عليها شموع واكل انا بحبه شوفت اكتر واحد انا بحبه وهو يوسف
_انا بحبك ياروح بحبك من اول يوم شوفتك فيه وسمعت صوتك دخلتي قلبي واتسرسبتي جواه انتي غير الكل انتي اجمل روح انتي حبيبت القلب انتي روح يوسف تتجوزيني ياروح
=ده كده كده ده انا قاعده علي قلبك ياجدع
اخدته بالحضن احن قلب وروح مفيش منه مفيش اطيب منه مبحبش حد زيه عمري مكنت اتخيل عن واحد بقلب وحنيه يوسف يبقي ف حياتي اجمل نعمه وعوض ربنا كرمني بيه
اتجوزت انا ويوسف وعيشت مع مامته وهو ف الفله بتاعته
حبه وتقديره لامه حببني فيه اكتر حنيت أمه وخوفها عليا عوضني باللي اتحرمت منه طول عمري عوض ربنا جميل اوي
اتعلمت ان مش اي حد يستاهل التضحيه مش اي حد يستاهل فرصه تانيه واي حد بيتعوض عادي الا نفسي
نقوا الشخص اللي يستاهلكوا اوعوا تعيشوا مع حد بيقلل منكم ومن اي حاجه بتعملوها بيقلل حتي من شكلكم مع ربنا بيقول أنه مبينظرش للشكل ولا اللون ولا الجسم ولكن بينظر لقلوبنا لكن البشر دايما بيهمهم المنظر وبس

حياتي انا ويوسف اجمل مما تتصوروا خلفنا ولد وبنت توأم اسمهم روح ورحيم
هو اللي صمم نسمي البنوته روح علي اسمي لانه بيموت فيا دون فخر يعني
بعد مرور خمس سنين
_روحي يا روحي
-بتنادي عليا انا يا بابا ياحبيبي صح
=لا بينادي عليا انا طبعا صح يا اوفستي
-لا انا هو مش بيحب غيري اصلا
كانت قدامي السكينه ف طبق الفاكهه مسكتها عليهم هما الاتنين =يوسف بتاعي انا بس يا بت فهما اي حد هيقربله هفرمه فاهمه ولا لا
_استهدي بالله ياروح دي بنتك ياماما
=بلا بنتي بلا بتاع ابعده عنه يا بنت فاهمه ولا لا
-ماما حبيبت قلبي
=نعم ياروح قلب ماما نعم يا رحيمي
-سيبك منهم انا بحبك انتي بس
=وانا بحبك انت بس انت حبيب القلب والروح
_ولا ابعد عن مراتي لقتلك
=استهدي بالله يا يوسف ده ابنك يا بابا
قعدنا نضحك قد ايه العيله مفيش ادفي منها انا بحب عيلتي اوي ربنا يخليهم ليا هما العوض عن اي حاجه وحشه حصلتلي
(وتحت مقوله اختر لقلبك ما يليق به اخترتك❤️)
تمت

لقراءة باقي حلقات الرواية اضغط على (رواية روح يوسف)

اترك رد