رواية كسرني رغم حبي له الفصل الثامن 8 بقلم فرح طارق

مراد: ايوه يستى ده منافسي

حياه بفرح:بجد ثم قالت في نفسها (مااشي يا آدم، لينا حظ اننا نتقابل ونشوف بعض تانى أما نشوف رايك ايي)

مراد: اها يختى بجد ، طيب هروح اناا دلوقتي اخلص شغل في المكتب

حياه: اوكي

جلست حياه هي وحنان بيشاهدوا التلفزيون بس هي بتفكر في آدم يا ترى عايزه تعمل ايي معاه هنشوف ????

___________________________________________

في مكان آخر تحديدا في شركه مدكور

يجلس آدم ثم يدق الباب 

آدم: ادخل

السكرتاريه وتدعي نازلي فتاه جميله ذات شعر بنى يصل الي الكتف وعيون سوداء وذات بشره بيضاء ترتدي زي العمل: مستر آدم ، في اوراق لازم تتمضي عشان الصفقه

آدم بجديه: تمم ، فين الورق

نازلي: اتفضل،ثم اكملت كده تمم ، تحب اجيب لحضرتك قهوه

آدم: اها ياريت هو سيف لسه مجاش

نازلي لا جه يفندم من شويه وراح يكمل بقيه التصاميم 

آدم : طب ابعيته 

نازلي : حاضر يفندم ،حاجه تانيه

آدم: لا شكرا ، اتفضلي انتى، ومشيت نازلي

بعد ربع ساعه دخل سيف هعرفكم بسيف ( سيف شاب في أوائل الثلاثينات ذات عيون خضراء وشعر كستنائي ذات بشره بيضاء يشبه الاجانب ،صديق سيف من الجامعه)

آدم : واخيرا الباشا شرف

سيف: ايي يا آدم كنت بقدم ورق الصفقه ما انت عارف وبعدين جيت روحت اشوف باقي التصاميم واكمل الباقي ، انت خلصت باقي التصاميم

آدم بإبتسامه: طبعاااا

سيف بشك: مش مستريحلك ثم دخلت نازلي

نازلي : اتفضل القهوه يفندم

آدم: تمم ينازلي اتفضلي انتى ومشيت نازلي

ثم اكمل سيف: صحيح عامل ايي

آدم: مش كويس والله يسيف

سيف بخوف علي صديقه: مالك يصاحبي ، ايي الحصل

حكي له سيف كل شئ

سيف بعصبيه: ما انت الغلطان يا آدم ، يعنى انت عارف انها بتحبك وانت بتحبها تقوم عايز تطلقها ايي الغباء ده وبعدين تحملها ذنب مش ذنبها ليي لاا يا آدم انت مكنتش كده

آدم بحزن: لو مكانى كنت هتعمل ايي شايف الاقتل ابوك وامك زاختك لغايه دلوقتي متعرفش عنها حاجه ومتعرفش إذا كانت كويسه ولا حصلها حاجه و للاسف البنت الحبيتها طلعت بنت الراجل اللي سبب في اللي انا فيه انتقامي عمانى واخر حاجه وصلتلها أنى هطلقها

سيف: لا ده انت اتجنيت علي الاخر، بص روح البيت وصالحها وان شاء الله كل حاجه تتحل

آدم بسخريه: مشيت و راحت لابوها بقولك ايي يسيف فكك قولي ايي اخبار المناقصه 

سيف بحيره: والله مش عارف مراد محاوط جدا ومش قايل ايي حاجه

آدم بعصبية: ازاى يعنى استحاله مراد اللي يكسب المناقصه دي 

سيف: متقلقش انا مظبط الدنيا 

_____________________________________________

عند حياه

مراد: ايي ده انتم لسه منمتوش!! ثم اكمل والهانم اللي عندها شغل بكره الصبح منامتش ليي

حياه: الصراحه الفيلم شدنى اووى انا وطنط

مراد: والله شدكم، تمم تمم وشغل بكره ايي نظامه 

حياه: لا تقلق عندي افكار تحفه بخصوص التصاميم

مراد: طيب اشطاا ، روحي نامى بقاا عشان تعرفي تصحي بكره 

حياه: اوك يلا تصبحوا على خير 

مراد وحنان: وانتى من أهل الخير

____&_______________________________________

في الصباح

ارتدت حياه بنطلون جينز اسود وبلوزه بلون الرمادي وسابت شعرها 

مراد: يا ترى الهانم لسه مصحيتش

حياه وهي تأتي من خلفه : عيب عليك صحيت وجهزت من بدرى

حنان: طب مش هتفطروا

مراد: لا لا هبقي اجيب ايي حاجه وانا ماشي شوفي حياه

حياه: لاا انا مش عايزه يعنى انا مش جعانه 

حنان: مراد متسمعلهاش لما تقول كده وانتى تعالي عشان تاكلي

مراد: هنتأخر يماما + متقلقيش هجبلها اكل معايا

حياه:  يجماعه بجد مش عايزه

مراد: ششششش ولا كلمه يلاا ومشيوا

_____________________________________

في شركة مدكور يجلس شاب ذات شعر اسود ناعم وعيون بلون الاسود ذات بشره بيضاء ولكنه حزين 

آدم: نازلي نادى سيف ومدير الحسابات بسرعه وايي ورق عايز يتمضي وفنجان قهوه وحضري اوضه الاجتماعات

نازلي : حااضر يفندم حااضر حاجه تانيه

آدم: لااا بس بسرعه عايزين نخلص كل حاجه عشان المناقصه بكره

نازلي : حااضر يفندم وذهبت

________________________&_________________

في شركه مراد

 يدخل مراد ومعه حياه 

مراد : اماانى يا امانى

دخلت امانى ( امانى سكرتيره مراد فتاه عاديه ولكنها تمتلك عيون رصاصى وذات رموش كثيفه بيضاء البشره ترتدى حجاب جميل يليق بها، وتحب مراد)

امانى : ايوه يا مستر مراد

مراد بجديه : اقدملك بشمهندسه حياه ، بشمهندسه جديده معانا عايزك تعرفيها كل حاجه وتوريها كل حاجه في الشركه وخليبالك منها 

امانى بحزن: حاضر يفندم ، اتفضلي يبشمهندسه

ومشيوا، لاحظت حياه أن اماني حزينه 

حياه بإبتسامه ترحيب: ازيك انا حياه

امانى وهي تبادلها نفس الابتسامه ولكنها مازالت حزينه: الحمد لله انا امانى سكرتيره مستر مراد

حياه:ايوه طب بقولك ايي

امانى: نعم

حياه : ممكن نبقي أصحاب؟! يعني الصراحه انا معنديش صحاب ولا صاحبه حتي ومراد كلمنى عنك وقال انك بنت محترمه وكويسه وبيأتمنك علي اسرار الشركه ومدح فيكي كتيير

وسرعان ما تغيرت نظره الحزن الي فرح: بجد قالك كده 

حياه وقد فهمت واتأكدت انها بتحب مراد  : اهاا 

امانى بإبتسامه واسعه وفرح: اكييد طبعا ثم أكملت  تحبي تبتدي ب ايي

حياه: عايزه اشوف التصاميم لان مراد بالغنى أن المناقصه بكره وطبعا لازم نكسب فا ورينى التصاميم

امانى: طيب تعالي وذهبوا

_______________________________________

في شركه مدكور

آدم بتعب: بس خلااااص 

سيف بتعب: اخيرا خلصنا يااا ايي ده

آدم وهو يأخذ اشيائه من علي المكتب انا هاخد التصاميم لان احتمال تتسرق طبعا عارف وبعدين انت عارف مراد اكييد لييه عيون هنا 

سيف: اهاا

ذهب آدم وسيف

____________________________________

في شركه مراد

امانى  بإبتسامه: بجد تحفه اووى التصاميم دي يحياه احلي من التصاميم اللي كانت موجودة

حياه بفرح: بجد يا امانى

امانى : اها والله تحفه

ثم دخل مراد، مراد: اييي الاخبار ثم نظر إلي التصاميم تحفه بجد انا بكده ضاامن المناقصه بكره هااايل يحياه مكنتش فاكر انك شاطره كده بجد

حياه: شكرا يمراد وبعدين انا لولا مساعده اماني ليه مكنتش هعرف حاجه خالص 

امانى بإبتسامه: انتى بتقولي ايي بس انا معملتش حااجه

مراد : طب مش يلاا عشان نروح ماما بتتصل من بدرى  يلا يحياه 

امانى بحزن: طب عن اذنكم اناا

حياه سريعًا: استنى يا امانى مراد هيوصلك معانا الوقت أتأخر وانتى مينفعش تروحي لوحدك يلاات

نظر لها مراد بإستغراب ثم ذهب هو و حياه وامانى

_______________________________________

في بيت مراد

حنان: كل ده تأخير يمراد ،حرام عليك وبعدين يلاا عشان تتعشوا

حياه بتعب: لاااا انامش قادره انا جعانه نوم ، هطلع انام بكره عندنا مناقصه ولازم نكسبها يلا جود نايت وطلعت

مراد بتعب: وانا كمان زيها يلا جود نايت يماما

حنان بزعل:طب وانا مين هياكل معايا، ويوم ما تيجي حياه تقعد معايا راحت تشتغل ما مراد انا هنام انا كمان وخلاص وراحت تناام

_________________________________________________

في الصباح عند مراد

مراد وهو ينادي علي حياه: جااااهزه يحياااااه

حياه وتأتى من خلفه وهي ترتدي زي للعمل ولكنها كانت انيقه حقا فاعيونها بلون العسلي وبشرتها خمريه وكانت عامله شعرها ذيل حصان بس رغم بساطه لبسها إلا أنها كانت بتجذب ايي حد يشوفها

مراد بإعجاب واضح: عااش بجد

حنان : يلا عشان تفطروا قاطعها مراد: لاا مش هينفع لازم نمشي

حياه: متستعجلش يا مراد احنا كده كده كسبانين تعالى نفطر 

مراد: عندك حق يلاا

حنان: والله دلوقتى هتفطروا انا مش تحت مزاجكم هااااا

مراد وحياه بضحك ثم أكملت حياه: يعنى انا قولت افطر عشانك كده انا غلط

حنان: حبيبتي ❤❤❤

مراد: وانا اييي بقااا

حنان بضحك: انت معاك ربنا ???? وضحك الجميع

____________________________________

وصل مراد ومعه حياه وامانى 

امانى: العميل قدامه نص ساعه ويوصل

مراد : طب وشركه مدكور

حياه :هو آدم جي؟؟

مراد : الله اعلم بس ممكن يبعت سيف صاحبه أو ايي حد

حياه بحزن: طيب انا هروح مكتبي عبال ما الميتنج يبتدى وذهبت

امانى : عن اذنك يمستر مراد اول ما يوصلوا هبلغ حضرتك

مراد: اوكي

وذهبت، دخلت مكتب حياه

امانى : حياااه حيااااه

حياه،: ايي يبنتى في ايي

امانى: بصي الصراحه عندي فضول لحاجه

حياه: ايي هي

امانى: انتى تعرفي آدم مدكور منين وليي زعلتى لما عرفتى أنه ممكن ميجيش

حياه بتنهد: آدم جوزي يعنى أو كان جوزي  ثم أكملت بحزن لانى معرفش اذا كان طلقنى ولا لا

امانى بحزن عليها: طب انتى بتحبيه وبعدين هو يعرف انك بتشتغلي عند مراد

حياه: بحبه دي شويه يا امانى  وبعدين لااااا ميعرفش سيبهاله مفاجأه

امانى بضحك: هتفاجئي الراجل كده شغاله عند منافسه

حياه: وانتى بقاا ايي اخبارك 

امانى بإستغراب: تقصدي اييي

حياه: علي أساس مش عارفه يعنى ، اقصد مراد

امانى بحرج: مااااله يعنى اقصد في ايي 

حياه: اممم طب بقولك ايي مراد بيحبك

امانى بصدمه وفرح:اييي بيحبنى بتتكلمى بجد. هو قالك كده ثم أكملت بحزن طب ازاى وهو بيعاملنى كده مشوفتش منه حب يحياه

حياه : اتقلي عليه يا امانى واهتمي بنفسك شويه وانا هظبطلك الدنياا وهساعدك

امانى بحب: حقيقي انا لو كان ليا اخت مكنتش هتبقي زيك كده ربنا يخليكى ليااا ثم أكملت بقولك ايي هروح اشوف العميل الأجنبي جه ولا لسه وبالمره هشوفلك آدم وغمزت لها ومشيت

______________

جاء العميل وسيف صديق آدم

مراد بسخريه: اييي يسيف آدم مش جاي 

سيف: للاسف وراه حاجات كتير بيخلصها مش فاضي هو الكلام ده ما انت عارف ده الكينج

مراد بغيظ: مااشي ثم نده علي امانى 

امانى : ايوه يمستر مراد

مراد: نادي حياه ثم دخلت حياه

حياه بإعتذار : اسفه علي التأخير وبدائوا الميتنج

العميل:صعب جدا الاختيار بينكم الصراحه للتصاميم هايله  

حياه بإبتسامه:تسمحلي اشرحلك 

العميل بإبتسامه: اكيييد

شرحت حياه التصاميم وانبهر العميل: بجد هايل يبشمهندسه حياه ثم اكمل : معلش يا بشمهندس سيف انا هتمم التعاقد مع شركه مراد

سيف بغضب:  لا عاادى الكينج بيكسب كتيير مش هتفرق واحده من ضمن الكسبه ولسه هيمشي

مراد بإبتسامه إنتصار: استنى يبشمهندس صحيح عازمك انت وآدم علي حفله بمناسبة المناقصه عاملها عندي في البيت ياريت تيجو كان نفسي بشمهندس آدم يكون موجود كنت عازمته بنفسي بس يلااا مش مشكله نظر لها سيف بغضب ومشي

مراد: مبروووك لينا 

حياه ولكنها حزينه علي خساره آدم: مبروك

________________

في شركه مدكور

آدم بعصبيه:انت بتقول ايييي ،ازاى ده يحصل 

سيف: والله ده الحصل ، انا مش عارف ازاى حصل ده وبعدين في بنت معاه زي القمر بجد قعدت تشرح التصاميم وبصراحة يا آدم تصاميمها كانت هايله

آدم: بنت يا ترى مين دي، ما تعرفش اسمها ايي

سيف: لا الصراحه مش فاكر ، اها صح مراد عازمك علي حفله عنده هتروح؟؟!

آدم بإبتسامه: اكييييييد يسيف ايي عايز الصحافه تكلم هنروح طبعا  وبالمره نشوف المهندسه صاحبه التصاميم دي

يتبع……..