رواية اوتار القلب الفصل الخامس والعشرون 25 بقلم ريناد أحمد
رواية اوتار القلب الفصل الخامس والعشرون 25 بقلم ريناد أحمد
رواية اوتار القلب البارت الخامس والعشرون
رواية اوتار القلب الجزء الخامس والعشرون
رواية اوتار القلب الحلقة الخامسة والعشرون
– ازيك يا زين
= ازيك يا زين
زين نظر لهم بصدمة : انتوا !!
امجد وامل : أيوة احنا
زين : ايه اللي جابكوا
اروى : انا اللي خليتهم ييجوا يا زين
زين : انتِ !!!
اروى أشارت بالايجابية
اروى صافحت امجد وامل “والد ووالدة زين”
زياد : عمو امجد وطنط امل !! .. ازيك يا عمو ازيك يا طنط
امجد وامل : الحمدلله يا زياد عامل ايه انت
زياد : الحمدلله
اروى : اتفضلوا اقعدوا
زين : يقعدوا فين .. يقعدوا في فرح اللي اتخلوا عنه وطردوه .. وبعدين مش انتوا منفصلين دلوقتي ؟
امجد : لا .. عرفنا غلطنا ورجعنا لبعض وحاولنا نتواصل معاكوا ومعرفناش
زين : والله !
زياد : أهدى يا زين
زين : أهدى ايه بس
اروى أخذت زين خارج القاعة : زين ، أهدى
زين : ايه اللي انت عملتيه ده .. انت غلطتي جامد على فكرة
اروى : كل حاجة هتتصلح وهتشوف ده بنفسك
زين : وهما هيباتوا فين النهارده بقى إن شاء الله
اروى : معانا يا حبيبي مهو بيتهم
زين : لا لا لا انت شكلك اتجننتي .. لو عايزة تخليهم ييجوا البيت ف أنا مش هبات في البيت
اروى : ايه الهبل ده يا زين .. دول باباك ومامتك
زين : ولا بابايا ولا مامتي .. مفيش الكلام ده .. اللي يتخلوا عني انا واخويا ميتسموش اب وام .. ومش مسامحك على اللي انت عملتيه ده لان فارس هيتضايق جدا
ودخل القاعة وهي خلفه
زين : هما فين
وجدهم ذاهبين للكوشة
زين : ينهار مش فايت .. هتحصل مصيبة دلوقتي .. انت السبب يا اروى .. غلطتك كبيرة اوي المرادي
اروى : ….
فارس : فرحان اوي اني معاكي
شهد : وانا كمان جدا
امجد وامل : مبروك يا فارس
فارس : انتوا !
امجد وامل : مبروك يا شهد
شهد : الله يبارك فيكوا
فارس : ايه اللي جابكوا هنا
شهد بهمس : مين دول
امجد : انت مش عايزنا ؟
فارس : اه مش عايزكوا
امل : احنا اسفين يا فارس
فارس : كلامنا بعد الفرح
امل وأمجد رجعوا للطاولة
شهد : مين دول يا فارس
فارس : بابا وماما
شهد : مين اللي جابهم
فارس : معرفش بجد
شهد : هدي نفسك .. اكيد عرفوا أن اللي عملوه فيك ده غلط وجايين يصلحوا الغلط ده
فارس : مش عايزهم يصلحوا حاجة انا مش طايقهم
زين : ايه اللي وداكوا مانتوا كنتوا قاعدين
امجد : روحنا نسلم عليه
زين : والله ! واحشكوا اوي ؟
امل : يا زين احنا بجد عرفنا غلطنا وجينا نصلحه
زين : ولا تصلحوا ولا بتاع سيبونا في حالنا
اروى ضغطت على يد زين
زين : سيبيني انتِ كمان بقى
اروى تركت يده
زين : لا انا ولا فارس هنسامحكوا على الأذى اللي انتوا عملتوه ده
وبعدها نظر لفارس وجده يشير له
زين ذهب له
فارس بضيق : ايه اللي جابهم يا زين
زين : للاسف اروى السبب لأنها عايزة تصلح ما بيننا
فارس : ليه بس لييييه .. انا مش عايز صُلح
زين : اسف بالنيابة عنها .. حقك عليا
فارس : ….
زين ابتسم : روق بقى يا عريس وانا هحاول اظبط الدنيا .. ملكش دعوة بيهم
وأشار له ليبتسم
فارس ابتسم : حاضر
شهد : خير إن شاء الله أهدى
فارس : إن شاء الله
ورقص الجميع واحتفلوا
وبعد ساعات وبعد انتهاء الفرح
زين : انا هوصلكوا وادور ع مكان ابات فيه
اروى : هتسيبني لوحدي ؟
زين : اه
اروى : زين
زين : ها
اروى : انا معملتش حاجة غلط على فكرة
زين : معلش هي بالنسبالي غلط وغلط كبير اوي كمان
اروى : طب …
زين : اسكتي شوية
اروى : ….
زين : يلا ناديهم يركبوا وانا هروح لفارس
زين ذهب لفارس وكان خارج من القاعة
زين : متشغلش بالك انت وانا هحاول احل الموضوع ده متقلقش
فارس : حاضر بس ابقى طمني
زين : حاضر .. يلا اركب العربية انت وشهد بقى
فارس : حاضر ، سلام
مراد : خلاص هتسيبيني ؟
شهد : هجيلك كل يوم معنديش مانع هزهقك مني
مراد : عمري ما ازهق منك .. ع قلبي زي العسل .. عايزك تنطيلي في البيت ع طول
شهد ضحكت : حاضر
مراد : فارس ، في عينيك هه احسنلك
فارس ضحك : حاضر يا مراد طبعا من غير كلام
زين ذهب لسيارته مرة أخرى ووجد امجد وامل واروى في السيارة
زين قاد السيارة واوصلهم للبيت
امجد وامل نزلوا من السيارة
اروى : عشان خاطري اطلع
زين : ….
اروى : لازم تكون معايا .. مش هعرف اقعد معاهم لوحدي
زين بضيق : يلا
وصعدوا للبيت
اروى : اتفضلوا في الاوضة دي
امجد وامل دخلوا الغرفة
زين : انا هنام ع الكنبة هنا وانت ادخلي اوضتك
اروى : دي اوضتنا مش اوضتي لوحدي
زين : انا عايز انام هنا .. انا حر
اروى مسكت يده : تعالى معايا عشان نتناقش في حوار طنط و عمو وفارس مش هينفع نتناقش في الصالة عشان ممكن يسمعونا
زين : مش عايز اتناقش مع واحدة بتعمل أي حاجة من دماغها وتدبسني في الاخر
اروى : يلا يا زين مش بهزر
زين : ولا انا بهزر
اروى : طب تعالى معايا
ودخلوا غرفتهم بالفعل
زين : عايز افهم عملتي كده ليه من غير ما تقوليلي
اروى : كنت عملاها مفاجأة مش اكتر
زين : مفاجأة زفت ومش في وقتها
اروى : طب انا اسفه متزعلش مني بقى عشان خاطري
زين : نامي ونكمل الحوار ده بكرا
اروى : طب مسامحني ؟
زين : ….
اروى : انا آسفة ، تصبح على خير
زين : وانت من أهله
____________________________
لا اله الا الله ♥️
باليوم التالي
فارس اتصل ب زين
زين : ايه يا حبيبي
فارس : عملتوا ايه
زين : معملناش حاجة امبارح عشان كانوا عايزين يناموا ودلوقتي أنا لسه صاحي اهو لسه معملتش حاجة .. لما اتكلم معاهم هبقى اقولك
فارس : ماشي
شهد : ايه اللي حصل
فارس : لسه محصلش حاجة
اروى : صباح الخير يا طنط
امل : صباح النور يا حبيبتي
اروى : محتاجة حاجة ؟
امل : لا يا حبيبتي شكرا
اروى : تمام
اروى دخلت غرفتها : زين
زين : ها
اروى : مامتك صحت وقاعدة برا مش هتطلع تقعد معاها
زين : لا
اروى : عشان خاطري
زين : لا روحي انت اقعدي معاها
اروى : انت ليه بتزود المشاكل بدل ما تحلها
زين : ليه هو انا زيك ؟
اروى : يعني أنا بزود المشاكل ؟
زين : دي شغلتك في الحياة اصلا
اروى : والله ؟
زين : باللي انت عملتيه امبارح ده ف اه فعلا دي شغلتك
اروى خرجت من الغرفة وجلست مع امل
بعد قليل
زين خرج من الغرفة وكاد أن يذهب
امل : رايح فين يا زين
زين بضيق : نازل بدل ما اقعد هنا واتخنق اكتر
ونزل واغلق الباب بقوة
امل : هو مش حاببنا نقعد هنا اليومين دول بس .. داحنا حتى مسافرين كمان يومين
اروى : ليه يا طنط مسافرين بالسرعة دي
امل : هنقعد نعمل ايه ومحدش طايقنا هنا
اروى : يا طنط كل حاجة هتتحل .. وانا هساعد حضرتك في ده
امل : شكرا يا حبيبتي .. لو كل حاجة متحلتش ف احنا هنقعد نعمل ايه ؟
اروى : كل حاجة هتتحل إن شاء الله
امل : يارب يا حبيبتي .. إلا قوليلي يا حبيبتي انت من عيلة ايه
اروى : الجوهري
امل : انت اخت زياد الجوهري!؟
اروى ابتسمت وأشارت بالايجابية
امل : احنا واهلك الله يرحمهم كنا صحاب كانوا ناس أصيلة جدا وزين وزياد صحاب من زمان اوي .. ويشاء القدر انك تتجوزي أنتِ وزين .. واختياره صحيح جدا
اروى ابتسمت : الله يخليكي يا طنط
امل : بلاش طنط دي قوليلي يا ماما
اروى دمعت : حاضر يا .. ماما
امل عانقتها واروى كانت تبكي في صمت
وفجأة زين فتح الباب ووجد اروى تبكي في حضن امل
امل : زين ، تعالى
زين : ااا .. انا نسيت المحفظة وجيت عشان اخدها مش اكتر
امل : ….
اروى : هو كده .. بيتهرب من كل حاجة
امل : ربنا يهديه
اروى : يارب
زين خرج مرة أخرى ووجدهم يتحدثوا مع بعض
ونزل مرة أخرى
زين : زياد ، عايز اقابلك
زياد : هنتقابل فين
زين : تحت بيتك
زياد : تمام .. لما توصل كلمني
زين : تمام
زين اتصل بزياد وزياد نزل له
زياد : في ايه يابني
زين : انا مش عارف اتصرف .. حاسس اني تايه
زياد : ليه ايه اللي حصل
زين : ماما وبابا
زياد : مالهم
زين : مش عارف اتأقلم معاهم
زياد : حاول
زين : بحاول بس مش عارف اسامحهم على اللي عملوه
زياد : اللي عملوه مش سهل فعلا
زين : عشان كده هما تُقال ع قلبي
زياد : لازم تتأقلم معاهم لأن دول اهلك .. سندك
زين : دول ولا أهل ولا سند .. بس اللي شايفه أن ماما احتوت اروى .. اروى كانت بتعيط في حضنها النهارده معرفش ليه بس هي كده لقت فيها حنان .. مش اللي انا وفارس شايفينه .. حنان تاني
زياد : اروى بتتعلق بالناس بسرعة ومن الواضح أنها اتعلقت بطنط امل .. ف تأقلم معاهم عشان اروى .. هقولك حاجة ، اروى مش بتعيط في حضن حد أو تفضفض له الا لما تكون وثقت فيه واتعلقت بيه
زين : ….
زياد : حاول ، مرة و 2 و 3 عشان اروى
زين : حاضر
وذهب وتركه
وصل زين للبيت ووجد
اروى جالسه مع امجد وامل ويتحدثوا مع بعض
امجد : زين ، تعالى
زين نظر لامجد بـ كُره
امل : تعالى .. مش عشان خاطرنا .. عشان خاطر اروى
زين : انتوا ال 3 بتصدموني في كل حاجة اصلا
امل : بس اروى .. معندهاش خاطر عندك ؟
زين نظر لاروى وجدها تنظر له بحزن
زين تذكر حديث زياد
زين : لا ليها
وذهب ناحيتهم
امل : كلم فارس .. مينفعش النقاش ده من غيره
زين اتصل بفارس
زين : تعالى عندي عايزينك
فارس : لازم ؟
زين : اه يلا
فارس : تمام
فارس : انا رايحلهم يا شهد
شهد : تحب اجي معاك ؟
فارس : لا لا خليكي
شهد : ماشي
فارس ذهب لبيت زين
زين فتح له الباب
فارس بهمس : انت بتتعامل معاهم ازاي
زين بهمس : مش بتعامل يابني والله قاعد ومش طايق ابص في وشهم .. يلا ادخل
فارس دخل : السلام عليكم
امل وأمجد واروى : وعليكم السلام ورحمة الله وبركاته
أمل : تعالى يا حبيبي اقعد جنبي
فارس نظر لزين
زين أشار له بالايجابية
فارس جلس بجانبها
أمل : مش هتيجي في حضني زي ما كنت بتعمل
فارس نظر لها بحزن
امل فتحت يديها ليعانقها
فارس عانقها بالفعل وأخذ يبكي في حضنها
أمل بدموع : انا اسفه يا حبيبي .. حقك عليا
فارس : سيبتيني ليه
امل : معرفش كانت دماغي فين وقتها .. انا ندمانة اوي على اللي عملته
امجد : انا اسف انا يا فارس .. حقك عليا
فارس : انا من بعدكوا اتبهدلت .. لولا وجود زين كان زماني في الشارع
زين عانقه : انا ليا مين غيرك يعني
فارس : ربنا يخليك ليا
امجد وامل : مسامحيننا ؟
زين وفارس : لا
زين : مش بالسهولة دي
فارس : الأذى النفسي اللي اتعرضتله بسببكوا .. مش هعرف اسامحكوا عليه
اروى : زين ، عايزاك في كلمتين على انفراد
اروى وزين دخلوا غرفتهم
اروى : ما تلم الدور شوية بدل ما تكبره .. سامحهم وشجع فارس ع ده .. هما جايين وندمانيين .. اه جم بعد سنين بس جم وخلاص وعايزين انكوا تسامحوا .. هما مسافرين كمان يومين حتى
زين : ايه ؟
اروى : اه ماما قالتلي كده .. قالتلي ان طالما محدش مسامحهم هيقعدوا ليه
زين : لا مينفعش يسافروا بسرعة كده
اروى : ليه طالما مش مسامحهم
زين : ….
اروى : هتستفادوا ايه لو مسامحتوش .. طول مانتوا كده ف خلاص هيسافروا ويسيبوكوا
زين خرج من الغرفة وأخذ فارس ودخل الغرفة مرة أخرى
فارس : في ايه
زين : ماما قالت لاروى أنهم مسافرين بعد يومين
فارس : ايه ؟
اروى : مسافرين كمان يومين
زين :هنعمل ايه
فارس : هوقف سفرهم ده
زين : وانا معاك
فارس : طب يلا عشان نطلعلهم
اروى : اهم حاجة مسامحينهم ؟
زين : انا اه الصراحة سامحتهم وانت يا فارس مسامحهم ؟
فارس : اه
اروى : تمام .. يلا ؟
فارس وزين : يلا
فارس وزين واروى خرجوا من الغرفة
امل : سامحونا بقى احنا ندمانين
زين : بشرط
امجد : ايه هو
زين : انكوا تتعلموا من غلطكوا وميتكررش الغلط ده تاني
امل وأمجد : موافقين .. بس سامحونا
زين : وتاني حاجة .. الغوا سفركوا
امجد : لازم نسافر عشان الشغل
زين : احنا ولا الشغل
امجد : انتوا عندي بالدنيا طبعا بس خلوني اسافر عشان انقل شغلي هنا حتى
فارس : خلاص ماما هتفضل هنا
امل : ماشي
اروى : خلاص كده تمام ؟
امل وأمجد وفارس وزين : تمام
اروى : يعني أنا نجحت في الصلح ده
زين ذهب ناحيتها وعانقها : نجحتي وبتفوق
اروى : انت ذات نفسك مسامحني ؟
زين : طبعا يا روحي .. انا اسف ع المعاملة بتاعت امبارح
اروى : تعالى معايا كده لحظة
ودخلوا غرفتهم
اروى : بمناسبة اليوم السعيد ده ف أنا عايزة طلب
زين : دانتِ تؤمري
اروى : عايزة اتبنى طفل
زين : مش قولنا بعد دراستك
اروى : مانا مش هستنى كل ده .. انا عايزة اتبنى طفل وكمان ماما امل هتساعدني في تربيته
زين : إذا كان كده .. موافق
اروى : هيييييه
____________________________
استغفر الله الذي لا اله إلا هو الحي القيوم و اتوب اليه ♥️
باليوم التالي ذهب زين مع اروى لدار ايتام
اروى عندما رأت الاطفال اخذت تلاعبهم بمحبة
زين تركها ودخل لمديرة الدار وعرف الإجراءات اللازمة للتبني
زين : هي عندها 22 سنه ونفسها تتبنى طفل .. وهي بتحب الاطفال اوي وهتعرف تتعامل معاهم
– لازم تكون متفرغة من الدراسة
زين : هي خلاص في آخر سنة
– انا اسفه بس لازم حضرتك والمدام يكون سنكوا لا يقل عن 25 سنه
زين : طب حتى لما تخلص الجامعة ؟ هتكون 23 سنه ومش هتقدر تفضل سنتين كمان
– انا اسفه دي الشروط اللازمة
زين : شكرا
وخرج من المكتب وجد اروى تلعب مع الاطفال
زين : يلا يا اروى
اروى : يلا انا جاية اهو هوزع شيكولاتة بس عليهم استنى
واعطت لكل طفل شيكولاتة
وكانوا في قمة سعادتهم
اروى بفرحة : يلا ؟
زين : يلا
اروى وزين خرجوا من الدار
اروى : مالك قالب وشك ليه والمديرة قالت ايه
زين : انت عشان سنك أقل من 25 سنه ف مش هينفع نتبنى
اروى : ليه يعني .. طب حتى لما اخلص جامعة لو هي معترضة على ده
زين : قولتلها كده بس بردو
اروى : يعني مش هينفع نتبنى ؟
زين : ينفع بس كمان 3 سنين لسه
اروى : ….
زين : حقك عليا .. استني ال 3 سنين دول عشان خاطري
اروى : كتير اوي
زين : حاولي
اروى : انا حبيت الاطفال اللي في الدار اوي
زين : بعد 3 سنين هتختاري حد منهم إن شاء الله
اروى : يارب يعدوا بقى
ريم : فادي ، عايزة اوريك حاجة
فادي : وريني
ريم أعطته اختبار الحمل
فادي : ريم ، انت حامل !!
ريم أشارت بالايجابية
فادي : بجد ؟
ريم : اه والله
فادي عانقها بفرحة : انا مش مصدق والله
ريم بفرحة : وانا كمان
____________________________
الله اكبر ♥️
مرت الايام وأمجد نقل عمله لمصر
والجميع عاش حياة سعيدة
وبعد مرور 5 سنوات
نتاليا : يا ميرا بقى اهدي
مراد : سيبيها .. ميرا حبيبة بابا تعمل اللي هي عايزاه
ميرا ركضت لمراد وعانقته
ميرا : احسن بابي في الدنيا
نتاليا : بقى كده ؟
مراد : اه
نتاليا : ماشي يا ميرا
ميرا حست بزعل نتاليا
وركضت نحوها وعانقتها
ميرا : وانت كمان احسن مامي في الدنيا على فكرة
نتاليا : وانت احسن بنت في الدنيا بس تبطلي شقاوة بس
ميرا : حاضر
“ميرا تبلغ من العمر 4 أعوام”
اروى : تيا ، تعالي
تيا : نعم يا ماما
اروى : يلا عشان نجهز ونروح الملاهي ؟
تيا بفرحة : يلا بينااا
زين : بحسها من دمي بجد مش عارف أحسها انها غريبة عني
اروى : وانا كمان .. الحمدلله احنا اخترنا البنت الصح
زين : فعلا
“اروى وزين تبنّوا تيا من عامين وكانت تبلغ من العمر 3 أعوام وهي حاليا تبلغ من العمر 5 أعوام”
وذهبوا للملاهي بالفعل
*فلاش باك*
اروى كانت تذهب لدار الايتام 3 مرات في الأسبوع وكانت تجلب للاطفال شيكولاتة وتلعب معهم حتى أكملت اروى عامها ال 25 وذهبت اخيرا لتختار منهم للتبني
واختارت تيا .. تيا كانت تحب اروى كثيرا وكانت قريبة منها وكانت تفرح بمجيء اروى للدار
اروى : زين ، هختار تيا
زين ابتسم : دي اكتر واحدة قريبة منك وكنت متأكد أنك هتختاريها .. يلا عشان نكمل الإجراءات ؟
اروى : يلا
وبعدما اروى تبنت تيا كانت تذهب للدار 3 مرات في الأسبوع هي وتيا لتلعب تيا مع اصدقائها
وكانت اروى تهتم بالأطفال أيضا وتلاعبهم
*باك*
زين : مالك يا اروى
اروى : حاسة اني دايخة وعايزة ارجّع
زين : طب يلا بينا نمشي
اروى : لا تيا مبسوطة خلينا شوية
زين : متأكده ؟
اروى : اه
وبعد قليل
اروى : انا هدخل الحمام خلي عينك ع تيا
زين : حاضر
اروى ذهبت للحمام واستفرغت بكثرة
اروى بألم : ااه .. هو في ايه اللي بيحصل
– معلش لو بتدخل ، بس انا دكتورة نسا وتوليد وممكن اساعدك .. مالك شايفاكي تعبانة .. ايه الأعراض اللي عندك ؟
اروى أخبرتها بالاعراض
– دي اعراض حمل
اروى : ازاي .. انا عندي عُقم
– ربنا قادر ع كل شيء .. اعملي اختبار حمل واعملي التحاليل اللازمة وهتعرفي ان دي اعراض حمل
اروى خرجت لزين وتيا
زين : أنتِ كويسة ؟
اروى : اه
زين : متأكدة ؟
اروى : اه الحمدلله
زين : وشك مش باين عليه انك كويسة
اروى : انا كويسة يا زين متقلقش .. لو في حاجة هقول
زين : ….
مازن : البت دي زهقتني .. زيك كده يا لينا يا حبيبتي
لينا : انت خليت فيها حبيبتي .. وبعدين حد يزهق من القمر دي
مازن : طب ما تاخديها
لينا : لا انا تعبت كفاية ياسين حبيب ماما
ياسين : بتنادي يا ماما ؟
لينا : ده لسه منامش .. جيالك ياللي مش بتنام يا حبيب ماما
ياسين : لااا انا نايم اصلا خلاص
مازن : جاب ورا
لينا : عقبال ما قمر تنام ونخلص من الزن ده كمان
مازن : في واحدة لسه قايلة ” حد يزهق من القمر دي ”
لينا : انا ازهق انت لا
مازن : قومي شوفي ياسين قومي
لينا : قايماله
” ياسين حاليا يبلغ من العمر 8 أعوام وقمر تبلغ من العمر عام “
زياد : هتولدي !!!
مريم : اه يا زياااد .. يلااا وديني المستشفى مش قااادرة
زياد ذهب بمريم للمستشفى
ودخلت مريم غرفة العمليات
زين اتصل بزياد
زين : فينك
زياد : في المستشفى .. مريم بتولد
زين : يا الف مبروك .. هنجيلكوا بقى
زياد : ياريت تعالوا
زين : هوصل تيا البيت لماما وهاجي انا واروى
زياد : تمام
اروى : في ايه
زين : مريم بتولد
اروى : بجد ؟ .. يلا على المستشفى
زين : نوصل تيا لماما الاول بس
اروى : ماشي يلا
واوصلوا تيا لأمل وأمجد
تيا : تيتةةة
امل عانقت تيا : قلب تيتة .. عاملة ايه يا حبيبتي
تيا : الحمدلله يا تيتة .. فين جدو
أمل : جوا
تيا دخلت لامجد غرفته : جدووو
امجد : حبيبة جدو عاملة ايه
تيا : الحمدلله يا جدو
امجد : عملتي ايه الملاهي
تيا : لعبت كتييير اوي .. وركبت المرجيحه والزحليقة وركبت كل الالعاب
امجد : شاطرة يا حبيبة جدو
اروى وزين ذهبوا للمستشفى
اروى : هي دخلت امتى
زياد : من نص ساعة كده
اروى : يارب تخرج ع خير
زياد : يارب
وبعد قليل
اروى : لحظة وجاية
زين : رايحة فين
اروى : الحمام
زين : تمام
اروى ذهبت لممرضة
اروى : لو سمحتي .. عايزة دكتورة نسا وتوليد
الممرضة اخذتها للطبيبة
اروى دخلت للطبيبة وقالت لها ع الأعراض وطلبت منها أن تفحصها
الطبيبة فحصتها : هي دي اعراض حمل بس تعالي نشوف السونار
الطبيبة : الف مبروك انت حامل
اروى بصدمة : بجد ؟
الطبيبة : اه والله بصي
اروى : هو العُقم بيتعالج عادي كده ؟
الطبيبة : ربنا قادر على كل شيء .. انت ممكن تكوني عملتي عمل خير كبير ف ربنا كرمك
اروى بفرحة : شكرا جدا يا دكتورة بجد .. شكرا
الطبيبة : ربنا يتمم حملك على خير إن شاء الله
اروى : إن شاء الله
اروى ذهبت لزياد وزين مرة أخرى
زين : اتأخرتي كده ليه .. وبتعيطي ليه
زياد اقترب منها وعانقها : مالك يا اروى .. في ايه
اروى : دي دموع الفرحة متقلقوش
لينا ومازن وصلوا للمستشفى
لينا : خرجت ولا لسه
زياد : لسه .. اومال فين ياسين وقمر
لينا : وديناهم عند خالة مازن عقبال ما نرجع ، مالك يا اروى
اروى : عايزة اقولكوا حاجة
لينا : قولي
اروى : انا .. انا حامل
لينا و زياد : بجد !!!
اروى : اه والله
زين بصدمة : انت بتتكلمي بجد ؟
اروى : انا مكنتش في الحمام .. انا كنت في الدور اللي فوق رُحت لدكتورة نسا وتوليد وقولتلها الأعراض اللي عندي وعملتلي سونار واكتشفت اني حامل
زين : يعني أنا هبقى اب !!!
اروى أشارت بالايجابية
زين عانقها ودموع الفرحة بعينيه : الحمدلله .. الحمدلله
لينا : الف مبروك يا روحي
اروى : الله يبارك فيكي يا اجمل خالتو
زياد عانقها بفرحة : الف مبروك يا حبيبتي
اروى : احلى خال في الدنيا .. الله يبارك فيك
مازن عانق زين : مبروك يا زوز .. يتربى أو تتربى في عزك إن شاء الله
زين : الله يبارك فيك يا حبيبي
زياد عانق زين أيضا : مبروك يا اخويا
زين : الله يبارك فيك يا زوز
لينا : مبروك يا زين
زين : الله يبارك فيكي يا لينا
مازن : مبروك يا اروى
اروى : الله يبارك فيك يا مازن
زين : مبروك يا روري
اروى : مبروك ليك انت كمان يا زوز
وبعد فترة خرجت الممرضة من غرفة العمليات
الممرضة : الف مبروك .. يتربى في عزكوا
واعطت الولد لزياد
وبعدها انتقلت مريم لغرفة عادية
وبعد قليل الجميع دخل غرفتها
زياد دخل الغرفة ومعه ابنه
لينا : هتسموه ايه بقى
زياد ومريم في نفس الوقت : سليم
اروى : يتربى في عزكوا إن شاء الله
زياد : في خبر حلو تاني يا مريوم
مريم : ؟
زياد : اروى حامل
مريم : بجد والله ؟
اروى ابتسمت وأشارت بالايجابية
مريم بتعب : الف مبروك يا حبيبتي
اروى : الله يبارك فيكي يا روحي
لينا : يلا نسيبوها ترتاح شوية وتعالوا نطلع
لينا واروى ومازن وزين خرجوا من الغرفة
وبقى زياد في الغرفة ومعه سليم مع مريم
مريم حملت سليم : بعد 5 سنين انتظار جالنا اجمل سولي
زياد : مبروك يا روحي
مريم : مبروك ليك انت كمان يا حبيبي
فادي : فين رانيا
ريم : نامت اهي
فادي نظر لرانيا : ياه دانا كنت جايبلها هدية
رانيا وقفت بسرعة : هدية ؟ .. فين فين
ريم بدهشة : يعني منمتيش !!
رانيا ضحكت : لا منمتش لسه .. فين الهدية ؟
فادي : اطلعي هتلاقيها في الصالة
رانيا ركضت للخارج ووجدت كرتونة كبيرة
رانيا بفرحة : هييييه .. الاسكوتر اللي كنت عايزاه .. وكمان عليه الاميرات .. حلو اوييي
” رانيا تبلغ من العمر 4 أعوام “
*فلاش باك*
حاتم ومحمد : هتسموها ايه
ريم ابتسمت : رانيا
فادي نظر لها بدهشة وعانقها : انا بحبك اوي بجد
ريم : وانا كمان
حاتم امتلأت عينيه بالدموع عندما تذكر زوجته رانيا : هتبقى قمر زي جدتها
*باك*
فارس : انت تاخدي نجم وانا اخد نجمة
شهد : طب ما تبدل .. اصل نجمة أهدى من نجم الصراحة
فارس ضحك : مهو عشان كده انا اللي هاخدها وهنيمها وانت عليكي تنيمي نجم بقى
شهد : يا فارس بقى
فارس : انا ممكن اسيبلك الاتنين واطفش منكوا انتوا ال 3
شهد : لا خلاص انا بهزر معاك اصلا
فارس : أيوة كده
“نجم ونجمة توأم يبلغا من العمر 4 أعوام”
امير : ده حالف ما يهدى يا هدى
هدى : ده اللي انا فيه وانت في الشغل ع طول
امير : دانتِ الله يكون في عونك
هدى : هاته شوية وارتاح انت
امير : لا خليه .. بحاول انيمه اهو
هدى : ربنا يخليك لينا يا حبيبي
امير : ويخليكي لينا يا روحي
وبعد قليل ادم نام على يد امير
امير : نام اهو .. اي خدعة
هدى بضحك : والله انت شاطر .. ده بيعذبني
“ادم يبلغ من العمر عامين”
وبعد 9 اشهر
اروى دخلت غرفة العمليات
اروى : زين ، ادخل معايا
زين : ينفع يا دكتور ؟
اروى : اه ينفع بس هنجيبلك اللبس المخصص لاوضة العمليات
زين ارتدى الملابس المخصصة
زين : خلوا بالكوا من تيا
وبعدها ودخل مع اروى غرفة العمليات
والكل بالخارج سمع اول صرخة بعد 9 سنوات انتظار
اول صرخة من ابن زين واروى
زين خرج وعلى يديه طفله الذي انتظره منذ 9 سنوات
زين وفي عينيه دموع الفرحة : تيام زين امجد سالم
امجد حمل حفيده بفرحة : ربنا يبارك فيه يارب
امل بدموع الفرحة : حبيب تيتة .. ربنا يبارك فيه
زياد ومريم : ربنا يحميه يارب
لينا ومازن : ما شاء الله ربنا يحميه
فارس : حبيب عمه ربنا يحميه
شهد : ربنا يحميه يارب
زين أخذ تيام مرة أخرى وذهب لتيا التي كانت جالسة وحدها
زين : بصي يا توتي .. بصي تيام اخوكي الصغير
تيا نظرت لزين بحزن : هتحبوه اكتر مني صح ؟
زين بتعجب : لا طبعا مين اللي قالك كده
تيا : مفيش حد قال لي
زين : لا يا حبيبتي انا بحبك زي ما بحبه بالظبط .. حتى سميته تيام عشان يبقى اسمه شبه اسمك
تيا بفرحة : بجد ؟
زين أشار لها بالايجابية
تيا عانقت زين بفرحة ونظرت لتيام بحُب وعانقته
الممرضات نقلوا اروى إلى غرفة عادية
والكل دخل لها
اروى حملت طفلها بعد فقدان امل طويل
اروى بكت عندما رأت ابنها
اروى : فين تيا
تيا : انا اهو يا ماما
اروى فتحت يديها لتعانقها : شوفتي اخوكي ؟
تيا عانقتها : اه وبابا قالي انكوا سميتوه تيام عشان يبقى اسمه شبه اسمي
اروى : أيوة عشان انا بحبك اوي ف عشان كده اخترت الاسم ده
تيا : وانا بحبك اكتر يا ماما
اروى نظرت لزياد : فين زين
زياد : راح يصلي ركعتين شكر لله
اروى ابتسمت
اروى : الحمدلله يارب الحمدلله
و مرت الايام وكانت كل عائلة اروى وزين يعاملوا تيا مثلما يعاملوا تيام
وعاش الجميع في سعادة
وها هي قصة ابطالنا قد انتهت ♥️
لقراءة باقي حلقات الرواية اضغط على (رواية اوتار القلب)