رواية وحدة شغف الحلقة الحادية عشر 11 بقلم ندى
رواية وحدة شغف الحلقة الحادية عشر 11 بقلم ندى
 |
| رواية وحدة شغف الحلقة الحادية عشر 11 بقلم ندى |
رواية وحدة شغف الحلقة الحادية عشر 11 بقلم ندى
احمد- سؤال ايه
شغف بسرعة = سؤال عادي كنت بسأل ليه انت معترضتش علي اني قاعدة معاكوا وانا هربانة .
شهد – لا يا احمد مش ..
حطت شغف ايدها بسرعة علي شهد تمنعها انها تكمل كلامها وهمست لها .. هقول لاحمد علي عمر حبيب القلب لو مسكتيش .. وشالت ايدها
شهد بتوتر وبتهرب لاوضتها – اصل انا …ايه ده ..انا نسيت امتحان بكرة هاروح اذاكر بقي
احمد ابتسم علي طريقتهم سوا ..
-انتي مستغربة ليه اني مسالتش يعني المفروض اضربك يعني ولا اروح اسلمك وانتي بريئة ولا اطلعك برة مثلا
=لا بس .. انا قصدي يعني انك شوفت الموضوع عادي مش اكتر .
قعد احمد مكانها ومسك الماج بتاعها وشرب منه
= دي كوبايتي علفكرة
-منا عارف .. لازم ادوق اي حاجة الشيف الحلوة دي بتعملها
بنرفزة= مش انا اللي عملاه اساسا
-انتي وشهد واحد .وبيغمز لها. بس انتي عيونك احلي
=اووووف انت رخم اوي
-بقولك ايه
=خير
احمد ببرود- ولا حاجة خلاص تصبحي علي خير
شغف بغضب= انا غلطانة اني برد عليك اساسا انت واحد مستفز .
دخلت شغف اوضتها وهتفرقع منه ومن اسلوبه الغتت ده
تاني يوم نزلت شغف صورت كل الورق اللي شايلاه بأخر فلوس اتبقت معاها .
رجعت البيت لقت شهد قاعدة بخوف ..
– شهد مالك فيه ايه
=فيه ناس غريبة سألوا البواب عنك ومن ساعتها وانا خايفة يحصل حاجة او يخطفوني ولا حاجة
شغف بغضب – حرام عليهم بقي عايزين مني ايه .. خلاص كل حاجة هتنتهي النهاردة
بصت شهد لها بعدم فهم= قصدك ايه يعني
شغف – شهد بصي انتي بجد اكتر من اختي بس انا تعبت بجد ومش هفضل هربانة انا عايزة اعيش حياتي وتحقق احلامي .. انا هاروح لعمي اتفاهم معاه
شهد قامت من مكانها = اوعي لا ده هيموتك طالما هو قتل جوزك هيموتك
شغف – لا مش هيحصل انا مرتبة لكل حاجة بس اسمعيني بالله عليكي للاخر
شهد بتفكير.. اقول لاحمد ولا اعمل ايه انا دلوقتي .. طيب سامعاكي
شغف – بصي ده كل الورق المهم اللي معايا .. انا صورته نسخة تانية ..خلي الورق الاصلي هنا معاكي ولو اتأخرت ومجيتش بكرة خلي اخوكي يبلغ عني واديله الورق ده يسلمه للظابط اللي هيمسك القضية …تنهدت بشجاعة تغلب علي خوفها …انتي قولتيلي قبل كدة ان ربنا مش هيسيبني طالما انا مظلومة يبقي نتفائل خير .. اتفقنا
سكتت شهد شوية وقالت باستسلام = طيب اتفقنا زي ما تحبي بس هطمن عليكي ازاي واعرف انتي فين ازاي
شغف – مش عايزاكي تقلقي. انا هبقي اكلمك لما اوصل وهبعتلك اللوكيشن اللي هكون فيه بس اوعي تقولي لاحمد اوعديني .. قوليله بكرة لو مرجعتش او لو مكلمتكيش.
شهد بدموع = اوعدك …سكتت ثواني …شغف بلاش تمشي بليز انا هبقي قلقانه ومصدقت ان بقي عندي اخت زيك
شغف – لو بتحبيني بجد بلاش تقلقي انا لازم اخلص من اللي انا فيه ده عشان تعبت بجد ومش عايزة أفضل اهرب كدة ولا استسلم…. خدي ده الورق كله خبيه في اي حته محدش يعرف يوصلها وانا هقوم اجهز وامشي عشان متأخرش
دخلت شغف ترتب الورق وحطته في شنطتها .. جهزت موبايلها ولمت حاجاتها وخرجت
– شهد بلاش دموعك دي بالله عليكي متصعبيهاش عليا .. وحضنتها بحنان
=خلي بالك من نفسك واي حاجة تحصل بلغيني
– تمام.. يلا لا اله الا الله
= محمد رسول الله
دخلت شهد بسرعة تشيل الورق في مكتب اخوها ومش عارفة تعمل ايه تكلم اخوها ولا لا وفي نفسها .. ياربي انا وعدتها ليه بس استغفر الله العظيم
قعدت فترة كدة و قررت تقول لعمر هي موعدتهاش بعمر بس معهاش رقمه … يالهوي عليا .
……….عند حمدي
-انت ازاي تستلم البضاعة بالطريقة دي
عصام= احنا شركة سوا وانا لقيت ان دي الطريقة الافضل .
حمدي- أفضل مش افضل انا اللي بأمر هنا
عصام = خلاص يا حاج اخر مرة .. معرفتش تجيب البت؟ انا ممكن اجيبهالك
-ازاي يا فالح
=قولي بس نفذ وانا هجيبها بطريقتي
-اوعي تجيب البت التانية ويحصل شوشرة مش ناقصين
=هبقي أبلغ الرجالة
…….
ركبت شهد القطر ورجعت لبيت الحاج يحيي … دخلت متخفية من الباب الخلفي .. طلعت اوضتها قعدت عالارض وفضلت تعيط كتير جدا من كتر الخوف اللي حست بيه من اول ما ركبت القطر .
رنت شهد علي شغف كذا مرة ومش بترد .. اف مش بتردي ليه بقي اكيد حصلها حاجة هي زمانها وصلت انا هكلم احمد
الو
-ايوة يا شهد
شهد بكدب =احمد انا عايزة.. قصدي البواب عايز رقم عمر وسأل البواب بتاعنا ومش معايا الرقم
-هو عمر جانبي اهو لو فيه حاجة خدي قولهاله عشان ورايا شغل
=تمام .. وفي نفسها .. الحمدلله
– ايوة يا شهد ازيك
=عمر فيه حاجة مهمة عايزة اقولك عليها ممكن تبعد عن احمد عشان مياخدش باله بليز وياخد الفون منك .
عمر بابتسامة وصوت خافت- خايفة احمد يسمع ليه .. هتقولي اني وحشتك صح ????
شهد بجدية = لا دي حاجة مهمة يا عمر مش وقت هزار شغف مشت ووعدتها اني مش هقول لاحمد ومكنتش عارفة اتصرف قولت اقولك انت .
عمر – براحة فهميني قصدك مشت راحت فين يعني
=راحت لعمها اللي قتل جوزها الحاج يحيي تقابله و تتفاهم معاه وسابت معايا ورق خبيته في مكتب احمد يعني قول لاحمد وتعال وقوله ميزعلش مني اني كدبت بس خوفت عليها لما مردتش عليا ومش عارفة اخلف وعدي.
عمر – طيب يابنتي براحة هو اكيد مش هيزعل علي حاجة هبلة زي دي يعني .. المهم خلي بالك من نفسك وانا هجيب واحمد ونيجي .
شهد = تمام يلا سلام
عمر – استني
شهد = ايوة معاك
عمر – وحشتك ولا لا
شهد باحراج = هو ده وقته
عمر – اه وقته
شهد = اوووف بجد انا هقفل
عمر – لو قفلتي مش هنقذ صاحبتك
شهد = تمام وحشتني شوية صغيرين .. باي بقي
ضحك عمر بصوت عالي عليها وقفل
دخل عمر لاحمد بسرعة وشده من دراعه وخرج
-انت يا حمار بتعمل ايه لسه ورايا شغل
= انا اسف يا احمد بس دي حاجة مهمة وهشرحلك في الطريق مفيش وقت .
شهد قعدت بخوف بترن علي شغف ولسه مش بترد … بعد فترة سمعت حد خبط عالباب فكرت انه اخوها او عمر .. جريت تفتح لقت 3 رجالة شكلهم مخيف حاولت تصوت واحد منهم ضربها واغمي عليها وراجل تاني شالها واخدوها معاهم .
يتبع..
لقراءة الحلقة الثانية عشر : اضغط هنا
لقراءة باقي حلقات الرواية : اضغط هنا