رواية المنبوذة الفصل الثامن 8 بقلم جيجي

رواية المنبوذة الفصل الثامن 8 بقلم جيجي

رواية المنبوذة الجزء الثامن

رواية المنبوذة البارت الثامن

رواية المنبوذة الحلقة الثامنة

مريم:كريم يا حبيبى زياد بقى جوز اختى يعنى لا يجوز ليا بقا فى مقام اخويا…
كريم:بس نظرته ليكى ماتقولش كدا انتى فى حاجه مخبياها عليا….مريم انا مابحبش الاسرار صرحينى من دلوقت لان لو خبيتى عنى حاجه وعرفتها بعدين تصرفى مش هيعجبك..
مريم فضلت تفكر تقوله عن مشاعر زياد ناحيتها ولا لأ ..بس خدت قرار انها ماتقولش علشان حساسيه الوضع الجديد وعلشان مايحصلش مشاكل….هو اه يعرف ان زياد رفض ماهيتاب قبل كدا وانها بتحبه بس مايعرفش السبب الحقيقى لرفضه خالى بس هو اللِ يعرف الموضوع كله وما اعتقدش انه هيحكيله.
مريم:لا انا مش مخبيه حاجه …انت بس بتتخيل حاجات مش حقيقيه الموضوع اننا متربيين سوا مع زياد فاطبيعى يقولى وحشتك وانا ارد عليه بكدا دا زى اخويا ..بلاش الغيرة الاوفر دى….
كريم بعدم تصديق:انا هعمل نفسي مصدقك بس لو ثبتلى حاجه تانيه ماتزعليش منى ….
مريم:بقولك ايييه رأيك افسحك فى مصر دا انا اجدع مرشدة سياحيه ممكن تلففك مصر كعب داير….وكمان طنط مامتك اكيد نفسها تتفرج على مصر بص انا هبدأ بخان الخليلى…..يلااااا بيناااا
زياد:دا ابن خالك غتييت بشكل….انا مش عارف ازاى مريم رضيت بيه…

ماهيتاب:اولا انا مش شايفه انه غتت بالعكس دا جنتل ورومانسي اوى هو انت ماشوفتش يوم فرحنا عمل ايه مع مريم دا شكلوا بيحبها خالص ….عارف انا دلوقتى بحسد مريم ان فى واحد بيحبها بالشكل دا
زياد بغيره ونرفزه:خلاااص خلصنا انتى هتغنيهالى عرفت انه بيتزفت بيحب مريم…هو اصلا كان يحلم بضافرها دى مريم ست البنات …
ماهيتاب:انت رايح فين….
زياد:زى ما انتى شايفه داخل اتخمد عاوزه حاجه…
ماهيتاب:هتنام تانى …ما تقعد معايا شويه…انا زهقانه لوحدى…
زياد:ماهيتاب الله لا يسيقك سبينى انام دا لمصلحتك …روحى سلى نفسك بالتلفزيون ولا اللاب توب ولا الموبيل اتصرفى بس ابعدى عنى الساعادى…
زياد بيكلم نفسه:هو انا ناقصها مش كفايه حبيبتى مع حد غيرى وانا مش قادر اتكلم..منك لله يا ماهيتاب
مريم:استاذ احمد …ااااحمد ..
احمد:افندم حضرتك تعرفينى… عاوزه حاجه يا انسه…
مريم:انت مش عارفنى…انا مريم مدرسه الموسيقى…
احمد:مريم!!!!مش معقول انتى اتغيرتى خالص…انتى اختفيتى فجأه ايه اللِ حصلك
مريم بضحك:هههه دا موضوع طويل المهم ايه اخبارك واخبار مراتك وابنك كويسين سلملى عليهم اوى…
احمد:يوصل هسلملك عليهم …المهم انتى مش هترجعى الشغل تانى…
مريم:مش عارفه …لسه ما قررتش..صدفه حلوه انى قابلتك…سلام بقاا علشان ما عطلكش عن مشوارك…
احمد:اجمل صدفه…بس انتى ما عرفتنيش مين الاستاذ…
كريم :معلش اصلها قليله الذوق.. انا ابن خالها وخطيبها وبالمناسبه دى انا عازمك وعائلتك الكريمه على خطوبتنا . العنوان^^^اتمنى ان حضرتك وأى زميله ليكم تحب تحضر الخطوبه تشرفونا…

احمد :الف مبروووك انا فرحتلكم اوى ربنا يتمم على خير…مع السلامه
مريم:بقااا انا قليله الذوق شكرا يا كريم..
كريم:لا والله خدوهم بالصوت ليغلبوكم…يا هانم مش المفروض ان معاكى راجل ازاى تسمحى لنفسك انك تنادى على راجل وانا واقف جمبك لاااا ومكمله كلام معاه ولا اكن كيس جوافه جمبك انتى بتستهبلى..
مريم:فى ايه يا كريم انت هتقفش عليا…انا اتصرفت من غير ما افكر عاادى يعنى.. ثم احمد دا انسان طيب اوى وخدوم جدا..وانا اتعرفت على مراته وابنه زى العسل وطيبين اوى…
كريم:زى العسل زى البصل …بعد كدا تفكرى الاول قبل ما تتصرفى…. مفهوووم
مريم:حاااضر اووف دا ايه جو النكد دا قال اييه يقولوا ان الستات هما اللِ النكديين يييجوا يشوفوا اللِ انا فيه…
كريم:بتبلطمى بتقولى ايييه سمعينى كدااا
مريم:ما بقولش حاجه…بستغفر ربنا ..
يلااا نتغدى بقااا علشان انا بطنى بتصوصو من الجوع احنا لفينا كتير اوى انت ماتعبتش…
كريم:ومين سمعك انا ميت من الجوع بس انتى طلعتى مرشده سياحيه شاطره اوى…
مريم:اوبس نسيت اشترى فستان للخطوبه..
كريم:ولا يهمك…نتغدى بس ونروح ننام ساعتين كدا وانا هاخدك احسن مكان فى مصر واشتريلك اشيك فستان…
مريم:بجد يا كركر…
كريم:بلاش التسبيله دى والنحنه لحسن مش هيحصل طيب واحنا فى الشارع وهنتاخد فعل فاضح….
مريم بكسوف:قليل الادب على فكره…يلاا على كنتاكى…
سوسن:محصلش بينهم حاجه يا حج هو ابن اخوك ناوى على ايه اوعى ليكون هيطلقها..
منصور:مش تحمدى ربنا انه ستر على بنتك بدل الفضايح….اللِ عاوز يعمله انا موافق عليه..حتى لو طلقها بعد شهر مفيش مانع … هو احنا كمان لينا عين نتكلم ولا نتشرط يا شيخه اتقى ربنا دا بدل ماتتشكرى لزياد انه طلع راجل …

سوسن:يا حج دا غصب عنها مش بمزاجها اللِ حصل.. وربنا يجازى ولاد الحرام بس بنتى بتحبه ونفسي تكمل معاه…
منصور:الكلام اتقفل على كدا اللِ يشوفه زياد انا موافق عليه وقفلى بقااا علشان انتى قلبتى عليا المواجع..ربنا يسامحك انتى وبنتك دا اخرة الدلع…
سوسن:يا عينى عليكى يا بنتى…وعلى حظك..كان متخبى كل دا ليكى فين….
احد الجيران:مش دى مريم بنت منصور هى احلوت كدا ازاى دى كانت استغفر الله العظيم … ما كنتش حلوه خالص سبحان الله له فى ذلك حكم…
مريم..انا مش هخلص بقاااا هما عاوزين منى اييبه تانى مش كفايه زمان وتلقيح الكلام اللِ يسم البدن..حتى بعد ما بقيت حلوه ..مش ساكتين …
كريم: مالك يا مريم انتى زعلانه من حاجه من ساعه ما روحنا وانتى شكلك مضايقه هو انتى زعلانه منى…
مريم:لا يا كريم مش زعلانه منك…انا زعلانه على المجتمع العقيم اللِ عايشين فيه…
كريم: المجتمع!!!ايه الكلام الكبير دا انا مش فاهم قصدك على ايه..
مريم:انا من ثانوى وانا عايشه فى تنمر من اللِ حواليا كلهم حتى اهلى كانوا بيتنمروا عليااا
اه متستغربش..اختى كانت بتسم بدنى وتعايرنى انى مش حلوه وانها احلى منى وانى غيرانه منها..لدرجه انها يعتبر كانت مشغلانى خدامه عندها…
كريم:انتى بتقولى ايييه وازاى رضيتى بتصرفها دا ومقولتيش ليه لعمتى…
مريم:ههههههه قلبك ابيض…ماما اكتر واحده كانت بتألمنى لما تتنمر عليا …المفروض الجأ ليها من هموم الدنيا لكن العكس ماما كانت اسوء منهم كلهم …انا كنت عايشه فى البيت دا مهمله فى مشاعرى…اكنى معنديش احساس..مجرد خدامه لامى ولاختى وماليش حق الاعتراض ازاى اعترض وانا ماليش عين اتكلم مش كفايه انى وحشه وهما راضيين بيا اصلى انا حاجه تعرهم وسط اصحابهم…
كريم:ومييين قالك انك وحشه انتى احلى منهم كلهم. …انتى عارفه انا حبيتك اول لما شوفتك واتعاملت معاكى وعاشرتك قبل ما تعملى العمليه دى وتبقى جميله انتى اصلا جميله من غيرها انتى جمالك الداخلى كان مغطى عليكى وظاهر جمالك …صعب الايام دى تلاقى حد بحنيتك وقلبك الابيض النضيف دا ..متزعليش يا مريم انا هعوضك عن دا كله . انا بحبببك اوى.
مريم: توعدنى يا كريم انك مش هتسبنى مهما حصل….وعمرك ما هتبعد عنى..انا بحبك يا كريم…انا اول مره اتعامل على طبيعتى مع حد كان انت…بلاش اتصدم فيك..
“كريم حاوط وجهها بأيديه الاثنين…ونظر داخل عيونها وقال لها….
كريم:ابدا ابدا لا يمكن ابعد عنك لغايه لما يفرقنا الموت…انتى حياتى ونصى التانى
ربنا يطول فى عمرك وتفضلى جنبى وقريبه من قلبى…
انتى دعوة امى ليا فى ليله القدر…انا مش بس بحبك انا بعشقك…

سوسن:انتوا بتعملوا ايييه …!!!!
كريم بخضه:فى اييه يا عمتى خضتينا خطيبتى وبتكلم معاها ايييه اجرمت
سوسن بخبث:بتتكلم بس…!!!
مريم بكسوف:انا بابا بينادى عليا …عن اذنكم..
كريم بيكلم نفسه:حبكت يعنى تطب علينا زى القدر المستعجل..قطاعت ارزاق…
سوسن:بتقول حاجه يا كريييم…
كريم:كنت بسبح ربنا ….سلامتك يا عمتى
انا هدخل انام شويه وبعدين هخرج مع مريم علشان نشترى فستانى الخطوبه عن اذنك يا عمتى. ….
ماهيتاب: يلااا يا زياااد الغدااا جاهز.
زياد: تسلم ايدك ..تعبتى نفسك….
ماهيتاب:تعبك راحه…بقولك ايه يا زياد ما تيجى نخرج سوا …بليييز علشان خاطرى انا نفسيتى تعبانه عاوزه اغير جو….
زياد:حاااضر ادخلى غيرى لبسك واجهزى ….بس بسرعه والا هغير رأيى…
ماهيتاب بفرحه:فوريره…..
كريم:انا تعبت يا مريم مفيش فستان عجبك!!!
مريم:دا هيكون اجمل يوم فى حياتى لازم اختار ليه اجمل واشيك فستان…
ماهيتاب:مش معقوله مريييم انتى بتعملى هنا ايييه..
مريم:ماهيتاب!!!انا كنت بشترى فستان لخطوبتى كويس انى شوفتك تعالى معايا نختار فستان علشان ذوقك حلو .. عن اذنك يا كريم انا هروح مع ماهيتاب علشان ننقى الفستان واستنى هنا مع زياد فى الكافيه دا لغايه لما نشترى ونحصلكم
كريم وهو بيجز على سنانه:ماشى بس متتأخريش…
زياد:اتفضل اقعد ولا مستنى عزومه…
كريم:تشرب اييه…
زياد:قهوه ساده….
كريم بيكلم نفسه:ان شاءالله دايماً….
كريم:جرسون…من فضلك واحد قهوة ساده ونسكافيه سكر دايت….
زياد: انت بتحب مريم
كريم باستغراب:وده يهمك فى ايييه…
زياد:انا ابن عمها ومن حقى اطمن عليها…
كريم:لا اطمن مش بحبهااا. انا بعشقها
زياد بغيرة: اممم وهى بتحبك…

كريم: اكيد والا ما كنتش وافقت على خطوبتنا….
زياد:مش يمكن مضطره توافق عليك ..
كريم باستهزاء: ههههه مضطره…ليه شايفنى معاق ولا ماسك عليها زله…ولا شيكات.هههههه.
زياد:مش يمكن بتحب واحد تانى بس مش قادره تكون معاه لظروف خارج عن ارادتهم….وبتحاول تهرب منه عن طريقك..
كريم بغضب:انت بتقووول ايييه قصدك اييه بالكلام دا اتكلم على طول بدل اللف والدوران دا…
زياد:…..
كريم:انت شكلك اتجننت—-!!!!!

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية المنبوذة)