رواية حظ الملايح الفصل الثاني عشر 12 بقلم حنين ابراهيم

رواية حظ الملايح الفصل الثاني عشر 12 بقلم حنين ابراهيم

رواية حظ الملايح البارت الثاني عشر

رواية حظ الملايح الجزء الثاني عشر

رواية حظ الملايح الحلقة الثانية عشر

في اليوم التالي سافرو سمر و عائلتها للمدينة التي تقطن بها جدتها
كانو يقطنون بعمارة من ثلاث أدوار الأول حسين و مراته جمانة وولادهم أيمن و فرح
والثاني جدتهم و عمتهم عائشة و إنتقلت نهاد لتسكن معهم الثالث كان مغلقاو يفتحونه أحيانا عندما تذهب عائلتها أو عائلة عمها لقضاء عطلتهم هناك
بعد ان إستقبلوهم وصعدو بحقائبهم للأعلى و إجتمعو في غرفة نهاد
سمر:بس إنتي إزاي وقعتي كده ؟
نهاد:؛اصل الأرض مكانتش ناشفة بعد ما كبيت المية كنت لسا بنشف لما عمتو جت سبت الي في إيدي و رحت أعملها الأكل بسرعة قبل ما تنام من غير أكل و الدكتور منبه عليها تأكل كويس و تاخد أدويتها بإنتضام عشان الأنيميا
سمر مصطنعة الشفقة:أه يا قلب أمك هي عندها أنيميا؟
كانت عائشة تقف بتوتر:أيوة بس أنا قولتلها متتعبش نفسها و إني هنزل بنفسي لما أرتاح شوية
كانت تنظر لها دون أن تتكلم في تلك الأثناء دخلت فرح بعد أن عادت من الجامعة: السلام عليكم
سمر و نهاد:و عليكم السلام
نهاد:جبتيلي ملخصات المحاضرات
فرح:أه هما دول
نهاد كانت تقرأ الأوراق:طب و محاضره دكتور تيم فين
فرح بملل: أصلها كانت أخر محاضرة و كنت مرهقة و جيت قبلها
نهاد ببكاء:يا فرح أنا كنت معتمد عليكي ليه تضيعي محاضره مهمة زي دي إنتي نسيتي إنه قالنا إن محاضرة الأسبوع ده مهمين ولو محضرناش هنسقط في الإمتحان
فرح بلا مبالاة:يا شيخة ما نسقط هو كان إمتحان الأخرة ؟
سمر ببرود:عندها حق و بعدين أنتي في إيه ولا إيه لما تستردي عفيتك إبقي خودي الملخصات من زمايلك
نهاد:ماشي يا فرح إبقي قابليني لو لخصتلك محاضرات تاني ولا ساعدتك في شرحهم
فرح :مش هتعرفي تعملي كده عشان إنت حبيب هارتي و أرسلت لها قبلة في الهواء
نهاد:هتشوفي
غادرت فرح
نهاد بحزن:هعمل إيه دلوقتي ؟
سمر:هتعملي إيه ؟ إرتاحي و بكرة ربنا يحلها
نهاد:إنتي عارفة إني محبش الدروس تتراكم عليا و أنا عقبال ما أرجع مش هلاحق لا على الي فات و لا الي جاي
سمر:طب نامي دلوقتي و أنا بكرة هحل الموضوع
نهاد:هتعملي إيه؟
سمر:مش عارفه بس هشوف حل متخافيش
في اليوم التالي سمر ذهبت الى الجامعه و إلتقت ب أستاذ تيم أخبرته أنها أخت نهاد و تريد مساعدته حتى لا يضيع العام عليها رحب بها
و بعد بعض الوقت طلبت منه أن يرسل لها الدروس على الواتس وافق على ذلك و قال لها إن نهاد كانت من أنشط طلابه و سيكون مسرورا بمساعدتها
عادت و أخبرت نهاد بالأمر لتسعد و تعانقها
نهاد: شكرا يا أحلى أخت في الدنيا
سمر: العفو حبيبتي ،أنا نازلة أشوف ماما و مرات عمي تحت
فرح :أصلا هي راحت عشان شغلها مش عشانك
نهاد:قصدك ايه
فرح: سمر من لما و صلت إتعرفت على كام بنت و قعدت توىيهم صور لشغلها في الفيس وحصلت على كام أورد. عنب و إنتي عارفة بنات الجامعه و فلوسهم
نهاد:يا ستير يا رب قولي ما شاء الله ربنا يزيد ويبارك
فرح:يا اختي خايفة لاحسدها ؟
نهاد:أيوة يا ختي خايفة مش شايفه عنك هتطلع على شغلها إزاي ؟
فرح:بقا كده ؟ماشي يا ست نهاد شوفي مين الي هيقنع أيمن ييجي يتقدملك غيري،أصله إمبارح كلمني وقالي شوفلي عروسة تكون حلوة و شاطرة و إنتي أول وحدة جيتي في بالي بس بما إنك شيفاني حسودة و عيني وحشة أنا هشوف وحدة من زميلاتنا في الجامعة تكون بتحبني عشان تكون مرات أخويا و نبقا صحاب طول العمر
كانت ستغادر لتمسك نهاد يدها بسرعة:ومين الي قالك إني مش بحبك ده أنا كنت بهزر يا رمضان إنت مبتهزرش ؟
فرح بابتسامة:لا بهزر
نهاد باللهفة::الا قوليلي هو أيمن مسألش عليا خالص من ساعة الوقعة
فرح: لا إزاي دا كل يوم بيسألني و بيقولي روحي شوفيها و لو محتاجه حاجه كلميني على طول
نهاد بفرحة:بجد ؟
عادت سمر و كانت تنفخ بضيق
نهاد:في إيه مالك ؟
سمر وجهت كلامها لفرح:أمك عايزاكي تحت عشان تغسلي المواعين و تنضفي السلالم
فرح:يوه أنا عندي مزاكرة كتير و مش هلحق تيجي تساعديني ؟
سمر:أنا كمان عندي أوردرات لازم أخلصها قبل ما أمشي
فرح نظرت لنهاد بمعنى قولت لك و غادرت
جلست سمر بجانبها:مش قولنا نبطل نخلي الناس يستغلو طيبتنا عشان كده مش بنجذب حبهم إحنا بنجذب الناس التوكسـ.يك بس ؟
نهاد :إنتي بتتكلمي عن إيه
سمر:تقدري تنكري إن عمتك كانت طول الفترة دي جايباكي شغالة ليها و للبيت و لما تنزلي لمرات عمك نفس الحاجة بتسيب بنتها و تقعد تقولك عايزة أشوف طبيخك و إعمللينا كذا و فرح تناديكي ديما لما يبقى نوبها في شغل البيت و تخليكي تعمليه ؟
نهاد:ايوه و فيها إيه لما أعمل و أساعد هو هينقص مني حاجه؟ و بعدين طبيعي لما أبقى عايشة معاهم في البيت لازم يبقالي دور معاهم ولا عيزاهم يقولو عليا جاية أكل و أنام عندهم و بس
سمر:أنا مش بقولك كلي و نامي بس مش كلضذ واحد ملوش نفس يعمل حاجه يخليكي إنتي تعمليها ما هما كمان لازم يساعدو في البيت و يخلو عندهم دم
في تلك اللحظة دخلت والدتهما و زوجة العم
جمانة:شفتي بنتك يا سامية ؟ كل ده عشان طلبت منها تغسل الهدوم مع فرح و تساعدها مش بس رفضت بقلة زوق و كمان جاية تملى راس أختها
سمر:أملى رأسها أه و بفطمها عشان تنتبه لنفسها شوية بدل ما هي من ساعة ما جت لكم وهي خاسة النص من جريها مش ملاحقة لا على جامعتها ولا ترضي كل واحد فيكم شوية مستغلين كسوفها من الرفض و عمالين تحرثو عليها .
نهاد كانت تمسك يدها و تحاول جعلها تسكت لكنها أبت إلى أن توقف كل شخص عند حده
جمانة نظرت لنهاد لتسألها بحزن:بقا إحنا يا نهاد كنا مستغلينك و جايين عليكي
نهاد بسرعة:لا يا طنط الموضوع مش كده كل الحكايه إن سمر زعلت على الي حصل لرجلي و هي ربطت ده باني بشتغل طول الوقت و كانت فاكرة إن بعمل ده عشان أرضيكم
نظرت لها سمر بلوم
وهي أنزلت رأسها لكي لا تواجه نضراتها
خجلت سامية من طريقة سمر وصرخت بها: سمر إعتذري حالا
جالت بنظراتها على جميع من بالغرفة لتتوقف عند جمانة :أنا أسفة إنتو صح أنا الي قليلة ذوق و أستاهل كل الكلام الي هيتقال عليا عشان فكرت أتدخل بينكم
غادرت الغرفة تمسح دموعها
لتقابلها عمتها و ترى منها نظرة التشفي
في اليوم التالي
سمر :بابا أنا نازلة أجيب شوية حاجات محتجاهم
أيوب:تحبي أوصلك
سمر:لا المحل مش بعيد
أيوب:طيب في رعاية الله
خرجت لتشري ما يلزمها و في طريقها إلتقت بأستاذ تيم
سمر:دكتور تيم عامل إيه
تيم:أنسة سمر ؟كويس و إنتي أخبارك؟ و نهاد
سمر:تمام الحمد لله الدكتور بيقول تقدر تفك الجبس بعد أسبوعين
تيم :الحمد لله ، لسا كنتي في بالي دلوقتي كنت بفكر أكلمك عشان أخد موعد أجى نطمن عليها زياره المريض واجب برده
سمر: ده إنت تشرف يا دكتور بابا في البيت دلوقتي لو حابب تنورنا
تيم:أوكي مفيش مشكلة
إتصلت سمر بوالدها و أخبرته أن أحد أساتذة نهاد قادم لزيارتهم و أقفلت
رافقته للبيت و في الطريق جذبت معه أطراف الحديث لتعرف عنه أنه أرمل و ليس لديه أولاد لم يتزوج منذ وفاة زوجته حتى أصبح في منتصف الخمسينات رغم أنه يبدو أصغر
سمر:و حضرتك مش ناوي تتجوز تاني ؟يعني على الأقل تبقالك زوجة تونسك بدل العيشة لوحدك
تيم:يا ريت بس مين ترضى بشروطي
سمر:شروط إيه
تيم:مش طالب كتير غير بنت حلال تصوني و كمان مش عايزها تشتغل عايزها بس تتفرغ للبيت
سمر:امم أنا أعرف وحدة بنت حلال بس هي بتشتغل الصراحة بس ممكن لو حصل نصيب توافق على شرطك
تيم :لا يا ستي هتيجي بكرة تقولي عايزه أرجع لشغلي و تعملي صداع
سمر:لا مش هتقولك أنا عارفاها
تيم :ماشي يا ستي كلميها في الموضوع و لو وافقت هجيب أخويا و نروح نتقدم لها
سمر:ماشي
أدينا وصلنا البيت اهو
دخلت من باب العمارة و صعدو بضعة درجات ليفتح باب عمها و تخرج منه عائشة:إيه ده سمر مين ده ؟
سمر:ده دكتور تيم دكتور فرح و نهاد و جاي يزور نهاد و يعمل الواجب
عائشة:أه أهلا و سهلا تشرفنا إتفضل يا دكتور واقف عندك ليه ؟
بعد أن دخل و رحب به أيوب خرجت نهاد تتعكز على سمر شكرته على سؤاله عنها و عن مجيئه
وبعد بعض الوقت غادر
عائشة:هتعملو إيه على العشا أنا جوعت
نظرت لها والدتها بضيق
سمر: عارفة يا تيتا دكتور تيم قالي أنه بيدور على عروسة
جدتها:ربنا يوفقك باين عليه إبن حلال
سمر:أه و هو طلب مني أشوف له عروسة تكون بنت حلال و ست بيت شاطره و بتعرف تطبخ و سنها فوق 30 و متكونش بتشتغل برة البيت
تعرفي وحده بالمواصفات دي يا تيتا الراجل عايش وحده بقاله سنين وعايز يذوق طعم الهنا على إيدين الي هتبقى شريكة حياته
كانتا تجلسان تدعيان التفكير عندما نطقت عائشة بحماس
:ماما إيه رأيك أعملك المحشي الي كان نفسك فيه ولا إيه رأيك بالمكرونة بشاميل الي بتحبيها يا سمر
سمر كاتمة ضحكتها:الي تعرفي تعمليه يا عمتو
عائشة:أنا أعرف أعمل كل حاجه ولو مش مصدقاني هوريكي عمايل ايديا
سمر:و ريني
ذهبت إلى المطبخ بحماس على غير العادة
جدتها:تفتكري عائشة هتغير من نفسها ؟
سمر:بكرة نشوف

يتبع….

لقراءة الفصل التالي : اضغط هنا

لقراءة جميع حلقات الرواية اضغط على : (رواية حظ الملايح)