رواية سيدة القصر الفصل الحادي عشر 11 بقلم منال عباس

رواية سيدة القصر الفصل الحادي عشر 11 بقلم منال عباس

رواية سيدة القصر البارت الحادي عشر

رواية سيدة القصر الجزء الحادي عشر

رواية سيدة القصر الحلقة الحادية عشر

بعد عودة الجميع والكل يرحب بهم …تنزل لوسيا بسرعه من على السلم … لتسلم عليهم…وفجأة تشعر بالدوار لتقع وتتدحرج على درجات السلم …
يجرى عليها الجميع
وفاء : بنتى حبيبتى …
يحملها باسم ويساعده سامح ويضعونه على الكنبه
يحاول باسم افاقتها
مراد : مالها اختك يا باسم طمنى
تبدأ لوسيا بفتح عينيها …
باسم : مالك يا لوسيا ايه اللى وقعك من على السلم
لوسيا : مفيش شويه دوخه …انا كويسه اهووو و
سامح : لا يا لوسيا انتى مش كويسه من فترة ولازم نطمن عليكى
وفاء ببكاء : بقي كدا يا لوسيا …تبقي تعبانه من فترة وما تعرفنيش …
حسام : احنا لسه هنتكلم ….يلا بينا على المستشفى
أشرقت : صح كدا ….بقلم منال عباس
سالم : يلا يا سامح جهز عربيتك ويلا كلنا على المستشفى…

لوسيا : ارجوكم انا كويسه ..دى مجرد دوخه
أن شاء هكون كويسه ..لو اتكررت من بكرة انا اللى هقولكم نروح ..
أشرقت : لازم نطمن عليكى ..
باسم : خلاص انا معاها وهخلى بالى منها النهارده
بس من بكرة هكلم دكتور محمود دكتور مخ واعصاب مش هنخسر حاجه لما نطمن
كان كل هذا يحدث أمام أعين لؤى ..وقف مستغرب نفسه …هل هذه هى لوسيا الذى أعتقد أنه يعشقها
لقد حزن على تعبها ولكنه ليس كما كان يظن …
وتذكر ريم والوقت الذى قضاه بقربها …دق قلبه ..شوقا إليها …إذا هى حقا من احبها قلبه لم يشعر بالمشاعر تلك مع لوسيا …
بعد أن بدأت لوسيا التحرك بشكل طبيعى
قامت واحتضنت والدتها ووالدها وسلمت على حسام وسالم
بدأ الجميع يطمئن نوعا ما ….
أمرت أشرقت الخدم بتجهيز الغداء …
عند ريم

ريم : طنط سعاد ….الحمد لله انك رجعتى بالسلامه عامله ايه دلوقت
عرفت انك تعبتى امبارح ..ليه نزلتى .تانى .انا اللى هنزل مع سندس بعد كدا
سعاد : هو انتى ناقصه تعب يا بنتى ..واللى بيقدر على حاجه بيعملها …
ثم إن النهارده كانت الذكرى السنويه بتاع جوزى الله يرحمه …وانا متعودة اروح اوزع حاجات على روحه ..ناس كان هو موصينى عليهم …
ريم : تعيشي وتفتكرى
سندس : بابا وحشنى اوووى يا ماما
نظرت سعاد الى ريم : فهى يتيمه الاب والام
سعاد : لكل اجل كتاب يا بنتى ..ربنا يرحم الجميع
يلا بقي مش هتغدونى ولا ايه
ريم : انا عامله لحضرتك صينيه مكرونه بالبشاميل تستاهل بوقك
سندس : وانا مسعداكى
نظرت لها ريم برفع حاجب
سندس : تنكرى أن انا اللى شغلت ليكى الفرن
سعاد : يا سلام ونعم المساعدة ….

أخذت ريم سندس من يدها ودخلوا المطبخ ..
سندس : انا بعد الغدا هحكى لما عن دكتور باسم
ريم : صح كدا …ربنا يسعدك حبيبتي
سندس : ويسعدك مع لؤى
ريم : انتى ليه متخيله أنه هيرتبط بيا
سندس :يا بنتى اسمعى منى ..كل حاجه..واتصاله قبل النوم …وبكرة تقولى سندس قالت
ريم : ماشي يا خبيرة ..يلا رصي الأطباق على السفرة ..واعملى حسابك بعد الغدا هنذاكر
سندس : طب ليه السيرة دى
ريم : وبعدين معاكى ..ولا اتصل على دكتور باسم وأعرفه
سندس : لا وعلى ايه ..هنذاكر ……بقلم منال عباس
عند وفاء
بعد تناول الغداء ..صعدت إلى حجرتها لتستريح من السفر …
اتصلت على أحد الأشخاص
وفاء : عملت ايه
الشخص : حمدالله على السلامه الاول يا ست هانم
وفاء : الله يسلمك …طمنى نفذت اللى طلبته منك
الشخص : لسه يا هانم .. الموضوع عايز ترتيب وفلوس..
وفاء : خلص بسرعه وماتشيلش هم الفلوس .ثم سمعت صوت اقدام تقترب من الخارج ..فاغلقت الهاتف
يفتح الباب مراد

مراد : كنتى بتكلمى مين
وفاء : مفيش ..دى واحده صاحبتي بتطمن أننا وصلنا ..
مراد : اه تمام ..يلا نستريح شويه علشان بالليل نقدم الهدايا للاولاد ونشوف موضوع لوسيا وخطوبتها ….
عند أشرقت
تجلس بالصالون ومعها حسام ولؤى
أشرقت : أن شاء الله تكونوا انبسطوا فى الرحله دى
حسام : كانت نقصاكى يا ست الكل ….
والحمد الله اتعاقدنا على الماكينات الخياطه على أعلى مستوى للمصانع …
أشرقت : ربنا يوفقكم
لؤى : على فكرة يا بابا الديزاينر اخدت إجازة
وعملت انترفيو ..واخترت بنت جديده للعمل دا ..
حسام : المهم يكون عندها الخبرة ..واشتغلت مع مين قبل كدا ..
لؤى : فى الحقيقه هى لسه طالبه فى الجامعه …بس عندها موهبه ولم يكمل
حسام : انت بتهزر يا لؤى ..انت عارف اسم مصنعنا فى السوق …تروح تجيب بنت ..معندهاش اى خبرة
لؤى : اطمن يا بابا دا على مسئوليتى الخاصه ..وبكرة تشوف بنفسك ….
حسام : ربنا يستر …بقلم منال عباس

لؤى : بابا وفرصه أن نانوو هنا موجوده ..عايز اتكلم معاك فى موضوع
حسام : اتكلم …يا لؤى هو انت محتاج استئذان
لؤى : فى واحده كدا …انا حابب اعرفك بيها …
الحقيقه انا معجب بيها جدا وعايز اتقدم ليها …
حسام بفرحه : من عائلات مين فرحنى
لؤى : هى بنت ناس طيبين …بس على اد حالهم وباباها ومامتها طيبين
نظر له حسام : معقول تفكيرك دا …انت لؤى بيه اللى الكل بيعمله الف حساب ..ابن الحسب والنسب
يفكر فى واحدة زى دى ..
أشرقت : حسام …البنت لو كويسه …يبقي كل دا مالوش اى لازمه …
ما عندك اهه وفاء بنت عمكم …ومن العائله
وانت عارف دماغها كويس …
لؤى : اه والنبي قوليله يا نانووو …ريم بنت كويسه جدا
أشرقت بفرحه : انت بتتكلم عن ريم
لؤى : أيوة يا نانووو

حسام : مين ريم دى ..هو انا غيبت كتير فى السفر ولا ايه …واضح أنه فايتنى كتير ….
أشرقت : اعزمها بكرة على الغدا هنا …وفرصه تتعرف على العائله ..
لؤى وهو يقبل يد جدته : شكرا يا احلى نانووو
حسام : طالما جدتك راضيه عنها كدا …يبقى انا ما عنديش مانع …
عند سندس
ينتهوا من تناول الغداء
سندس : ماما اقعدى كدا انتى وريم هعمل ليكم شاى بالنعناع …انما ايه عجب
سعاد : طيب يا آخرة صبرى
سعاد : احكيلى …الوظيفه الجديدة دى كويسه
ريم : ايوا جدا ومرتبها احسن بكتير
سعاد : اومال ليه حساكى مش مبسوطه ..ومشغوله وبتفكرى فى حاجه
ريم : ابدا يا طنط ..انا بس خايفه ..دى وظيفه كبيرة …وخايفه ماكنش ادها …
سعاد : انتى موهوبه ..زى والدتك الله يرحمها ..وان شاء الله هتحققى كل احلامك
ريم وهى تحتضنها : ايوا كدا دعواتك الحلوة

تدخل سندس بصينيه الشاى
سندس : اتفضلى يا ماما وعن قريب اقدملك شربات
سعاد : شربات نجاحك انتى وريم
سندس : لا حاجه احلى شويه
سعاد : قدمتيلى على قرعه الحج ؟
سندس : انا كل ممتلكاتى المصروف بتاعى قرعه ايه اللى هقدملك فيها ..
سعاد : طب ما تقولى فى ايه يا آخرة صبرى
سندس وهى تعدل فى لياقه البيجاما
سندس : فى واحد مز ..دكتور زى القمر عايز يجى يتعرف عليكى ..
سعاد : ليه
سندس : تصورى انا كمان قولت ليه كدا 🤣🤣
المهم عايز يتقدم ليا ويطلب ايدى ..
سعاد بفرحه : مبروك يا حبيبتى…
سعاد : عقبال ما افرح بيكى يا ريم ..
شكرتها ريم وجلسوا يتناولوا الشاى فى جو أسرى جميل …..

ريم : يلا بقي على المذاكرة ..اكلنا وشربنا مفيش حاجه تانيه
سندس : أمرى لله ..يلا بينا
دخلت الفتيات لمذاكرة جميع المحاضرات السابقه .
عند لوسيا
سامح : لوسيا انا مضايق انك رفضتى تروحى المستشفى
لوسيا : ما انا كويسه ….اهوووو
سامح : كان هيجرى ايه لو روحنا واطمنا
لوسيا : النهارده الكل راجع من السفر ..حرام نعكنن عليهم بجو المستشفيات
بكرة نروح زى ما باسم قال …
اقترب منها سامح ورفع شعرها عن جبينها
سامح بتنهيدة : انا بحبك اوووى يا لوسيا …وخايف تضيعى منى ..
لوسيا : ما انا اهو كويسه …
اخذها سامح فى حضنه
لوسيا : سامح ..احنا لسه …ليسكتها عن الحديث بقبله طويييله تعبر عن مدى اشتياقه إليها ….بقلم منال عباس
عند باسم

يمسك بالهاتف ويبعث رسائل ل سندس ولكن الفيس لديها مغلق ..
باسم : يا ترى قافله الفيس الوقت دا كله يا سندس
ومن شده القلق اتصل عليها
سندس : الو
باسم : ازيك يا سندس …فينك مش ظاهرة
سندس : اعمل ايه للمفتريه ريم
باسم : مالها ريم
سندس : قاعدين نذاكر من بدرى …
يدخل لؤى على باسم ليشير اليه باسم بأن يجلس
باسم : وذاكرتى ايه
سندس : كل حاجه اخدناها ..ريم محسسانى أن الامتحان بكرة
باسم : والله برافوو عليها ريم
ليجد أمامه لؤى يجز على أسنانه بغيرة ..
باسم : طب يلا افتحى الفيس …واحكيلى كل حاجه …
سندس : عنيا يا واد يا دكتور

باسم بضحك : واد ودكتور …يارب صبرنى
عموما على قلبي زى العسل ..واغلق معها الهاتف
لؤى : دى سندس
باسم : ايوا
لؤى : مالها ريم ..سمعت اسمها فى كلامكم
قص باسم له حديث سندس عن المذاكرة
فرح لؤى بذلك
لؤى : طب اسيبك علشان تكمل كلامك
باسم : طب قول كنت عايز حاجه ؟
لؤى : لا مفيش كنت هحكيلك انى لقيت ريم
باسم : ربنا يسعدكم …ريم بنت طيبه وبنت حلال
شكره لؤى وغادر …
ذهب إلى حجرته واتصل على ريم
ريم وقلبها يدق بسرعه
ريم : الوووو
لؤى : ريم
ريم : نعم
وبدون اى مقدمات
لؤى : تتجوزينى ….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية سيدة القصر)