روايات

رواية زواج عنيف 2 الفصل الرابع 4 بقلم منار مجدي

رواية زواج عنيف 2 الفصل الرابع 4 بقلم منار مجدي

رواية زواج عنيف 2 البارت الرابع

رواية زواج عنيف 2 الجزء الرابع

رواية زواج عنيف 2 الحلقة الرابعة

حلا بضحك:لا مش بتهزر دنيا وحسين بيحبو بعض
ملك: على بركه الله
ولاء نزلت تجرى على ملك وحضنتها:وحشتينى يا وحش الكون
ملك ضحكت وطبطبت على ضهرها بحب وضمتها ليها:وانتى كمان وحشتينى اوى يا بطله الكوكب
هشام:اطلعى يا ملك ارتاحى اكيد تعبانه
حلا: متقلقيش على إلين بتلعب مع العيال
ملك:والله انا مش قلقانه غير على العيال
نادر بضحك:الثقه في الله نجاح
ملك ضحكت:بالظبط عن أذنكم
طلعت ملك بس لقيت اوضه عمتها مفتوحه دخلت لقيتها بتبص من الشباك بابتسامه
ملك:عمتو وحشتينى اوى
عمتها فتحت ليها ايديها وملك جريت على حضنها
عمتها:وانتى كمان يا حبيبتى وحشتينى
ملك بفرحه بصيت لعمتها:عمتو انتى انتى
عمتها:بتكلم اه فعلا بتكلم اتعالجت الحمدلله
ملك حضنتها تانى: حمدالله على السلامه يا احلى عمتو فى الكون
عمتها:الله يسلمك يا ملك يا مرات ابنى.
ملك بعدت عنها

 

 

 

 

 

عمتها:مالك يا ملك فيكى حاجه
ملك بسرحان:ها لا وله حاجه بس تعبانه شويه
عمتها:طيب روحى ارتاحى شويه
خرجت ملك ودخلت اوضتها القديمه إلى فيها كل زكرياتها الجميله سواء الطفوله وله بدايه جوازها من حمزه
ملك بصيت على السرير وضحكت وافتكرت لما اتجوزو وهو بيقلها اقلعى وضحكها عليه ساعتها كررت نفس الجمله إلى قالها(اهلا بيكى فى جحيمى) ضحكت جامد وافتكرت إلى قالته(وياترى بقا هتجلدنى بالحزام وله هتضربنى بالخرزانه )
ضحكت وافتكرت بقيت زكرياتهم لما غرقت السرير مايه عشان مينامش عليه وهو غرقها بالكنبه وفى الاخر الاتنين نامو فى الارض كانت كلها زكريات سعيده بس دلوقتى مفيش اكتر منها بتجرحها بتتمنى أنها مكنتش وافقت فى يوم تتجوزه
دخلت اخدت دش ونامت على السرير بس زكرياتهم مش سايباها فى حالها قامت بعصبية وخرجت من الاوضه كلها ودخلت اوضه مامتها وباباها
هشام:مالك يا ملك
ملك قربت بدموع :مفيش بس وحشتنى ماما وجدو كمان
هشام حضنها:معلش يا حبيبتى متزعليش بقا واتفقنا اننا هندعيلهم مش كده
ملك هزيت راسها وفضلت تعيط جامد فى حضن باباها لحد ما تعبت ونامت وهى فى حضنه
فى نفس الوقت الباب اتفتح
حمزه:حم….
هشام🤫🤫🤫🤫🤫
حمزه ابتسم وقرب عنده وشالها وخرج بيها
نامت ملك وهى بتحلم وبتقول وهى نايمه(حياتى انتهت ههه)

 

 

 

 

 

حمزه إستغرب بس غالبا ملك بتحلم احلام غريبه الفتره ديه قعد جمبها وهو بيمشى ايديه على شعرها لحد ما غفى ونام جمبها
ملك صحيت تانى يوم وبصيت لحمزه وهو حاطط إيديه على شعرها شالت ايديه براحه وجت تقوم حضنها بسرعه من وسطها
ملك:انت صاحى
حمزه دفن رأسه في رقبتها:اه وانتى صاحيه
ملك:لا بكلمك وانا نايمه اوعى ياعم
حمزه ضحك وشدها اكتر لحضنه:مش عايز اسيبك تضيعى منى معرفش ارجعك تانى
ملك:انت خلاص ضيعتنى منك
حمزه:ها
ملك شالت ايديه وقامت دخلت الحمام اخدت دش ولبست وخرجت
كان حمزه قاعد على السرير بيفكر واول ما خرجت قام بسرعه ووقف قدامها:يعنى ايه انا خلاص ضيعتك
ملك لنفسها:بس انا لسه مش جاهزه بس كويس ديه فرصه كويسه
ملك:يعنى زى ما سمعت
حمزه:ليه ضيعتك وامتى ده حصل اصلا
ملك بصيت بعيد:من سنتين ضيعت منك ومن نفسى انا مبقتش عارفه انا بقيت ازاى كده.
حمزه:كده ازاى يعنى مش فاهم
المنبه بتاع ملك رن

 

 

 

 

 

ملك:عن أذنك مش فاضيه
حمزه مسك أيديها ووقفها قدامه:مفيش اى حاجه مهمه اكتر من علاقتنا سامعه دلوقتى قوليلى مالك
ملك قعدت على السرير واتنهدت بضيق:بص انا مكنتش عايزه اقولك غير بعد رأس السنة بس اصلا انا مبقتش مستحمله
حمزه قعد جنبها:كنتى عايزه تقولى ايه
ملك بصيت ليه بابتسامه:كنت عايزه تطلقنى
حمزه بص ليها بعصبية وقال بصوت عالى:إيييه انتتتى اتجنننننتى خلااااص.
ملك ضحكت بسخرية:العكس انا عقلت حياتى خلال السنتين دول كانو من غير معنى
حمزه:من غير معنى عشان كنتى مراتى
ملك ابتسمت وبصيت ليه :لا عشان كنت عايشه مع واحد خاين
حمزه بصدمه:ايه
ملك بصيت بعيد عشان دموعها الى خانتها هى كمان ونزلت على وشها:انا شوفتك لما صوفى السكرتيره كانت كانت
حمزه مسك وشها ولف ليه:ملك انا عمرى ما خونتك
ملك زقيت ايديه بعصبية:كفايه كدب بقا انا شوفتك بعنيا وبعدين عدى سنتين اكيد مش فاكر لكن انا وله مره نسيت وهى قاعده فى حضنك و و

 

 

 

 

 

حمزه:ملك صدقينى انا عمرى ما فكرت بس انى اخونك ده اكيد سوء تفاهم
ملك ضحكت بسخرية:سوء تفاهم سوء تفاهم اسمع يا حمزه بلاش مبررات كتير عشان انا مش هصدقك ببساطه خلاص مبقتش اثق فيك وده مش من دلوقتى أو امبارح لا ده من سنتين عرفت ليه بقيت بقرف لما تقربلى اكيد عرفت انا مش عارفه انا سكت كل ده ليه اتحملت على حساب كرامتى كتير بس خلاص انا مش قادره
حمزه مسك أيديها بدموع:بس اسمعينى انا والله ما خونتك انا مقدرش اعيش من غيرك لحظه انتى مراتى وحبيبتى وام بنتى الوحيده
ملك شديت ايديها منه:وانت هتفضل ابو بنتى غير كده لا لو سمحت يا حمزه تطلقنى وارجو إلين متعرفش حاجه انا هبقا اقولها انى هعيش هنا عشان شغلى وهى تختار وممكن تكون بينى وبينك انا مش همنعك عن بنتك يا حمزه وله همنع بنتى عن ابوها هى ملهاش ذنب فى حاجه
ملك لفت ولسه هتمشى حضنها حمزه من ضهرها:ملك عشان خاطرى اسمعينى انا والله معملتش حاجه ومش عارف انتى بتتكلمى عن ايه بس كل إلى اعرفه انى مش هقدر اطلقك مش هقدر اسيبك يا ملك انتى نفسى إلى بتنفسه
ملك زقيته بسخرية:انا مش اوكسجين يا حمزه وانت هتعيش وهتعيش كويس اوى من غيرى اهو بالمره بدل ما بقيت بتخبى وتكدب ترجع زى الاول تعترف بغلطتك وتقولها فى وش اى حد
خرجت ومسمعتش منه رد
حمزه قعد على السرير بيحاول يفتكر بس ده من سنتين هو مش فاكر اكل ايه امبارح اصلا فضل يضغط على نفسه ودموعه نازله على مراته وحبيبته إلى قررت فجأة أنهم يطلقو.
تحت ملك راحت عند ريحانه
ريحانه اول ما شافت ملك بقيت بتطنطت وبتعمل صوت كله حماس.

 

 

 

 

 

 

ملك ابتسمت:وانتى كمان وحشتينى
طلعتها من الاسطبل وحضنتها وهى بتلعب فى شعرها واديتها تفاحه جيه ابن ريحانه رعد الصغير وخبط ملك براحه برأسه على ضهرها لفت ملك بابتسامه
ملك:اهلا باستاذ رعد كبرنا اهو وبقينا جمدين ايه عايز تفاحه خد اهى
إلين: صباح الخير يا مامى
ملك:صباح النور يا قلب مامى
إلين:مامى ممكن تعلمينى بقا
ملك ابتسمت:حاضر تعالى
شالتها قدام ريحانه ومسكت أيديها حطيتها على رأسها
إلين بفرحه:الله يا مامى شعرها حلو اوى
ملك:عارفه خدى ايديها التفاحه ديه
إلين قربت ايديها بالتفاحه لريحانه وريحانه اكلتها
إلين:اخدتها يا مامى كده بتحبنى
ملك:ايوه هى عارفه انك بنتى
إلين:اه عشان كده
ملك ضحكت عليها:يالا انزلى ويالا على التدريب
إلين نزلت وجريت على المخزن إلى ورا الفيلا الى ملك كانت بتدرب فيه
ملك لريحانه:كبرت مش كده
حمزه:ملك

 

 

 

 

 

ملك مشيت وراحت ورا إلين ومردتش عليه
ملك:إلين ألبسى قفزات الملاكمه وتعالى يالا على الحلبه
إلين:حقيقى
ملك:حقيقى يالا
حمزه دخل:ملك محتاج اتكلم معاكى
ملك مردتش:إلين يالا
طلعت إلين وهى بتبص على حمزه بإستغراب
ملك: يالا اضربى
كانت ملك لابسه فى ايديها البتاع الى بيصد الضرابات
إلين خبطت ايديها فى بعض وبدأت
حمزه:ملك لو سمحت
ملك:انا مش فاضيه بعد إذنك يا حمزه
حمزه:ارجوكى يا ملك بلاش
ملك بصوت عالى:قولتلك مش فاضيه
إلين:مامى ممكن نكمل بعدين
ملك:لا ده وقت التدريب يالا اخلصى
إلين: حاضر
حمزه خرج وهو مضايق جدا
فضلت ملك تدرب مع إلين وقت طويل جدا لحد ما إلين تعبت
ملك:خلاص كفايه عليكى النهارده كده
دخلت ولاء:ملك ايه مش هتتغدى كمان
ملك:لا مش جعانه خدى إلين معاكى
مشيو الاتنين وملك لبست قفازاتها وفضلت تضرب فى كيس الملاكمه لحد بليل
دخلت ملك اوضتها لقيت حمزه نايم وهو قاعد على الكرسى

 

 

 

 

 

ملك راحت وقعدت على ركبتها قدامه وهى بتبصله:ليه عملت كده انا كنت مبسوطه معاك احنا كنا عيله جميله ليه تدمرها لو انا كنت قصرت كنت تقولى كنت هحاول اصلح من نفسى زى ما غيرت حاجات كتير عشانك ليه تعمل كده وتكسرنى وتخلينى احس انى قليله اوى وعديمه الكرامه لانى استحملت خيانتك وسكت وسيبت نارها تاكل فيا لحد ما موتت قلبى وحرقته 😭.
قامت بسرعه لما حسيت بنفسها هتعيط تانى ودخلت الحمام تاخد دش
حمزه فتح عينيه بضيق من نفسه واتنهد
خرجت ملك من الحمام لقيت حمزه نام على السرير خرجت من الاوضه ونزلت اوضه إلين واخدتها فى حضنها ونامت
تانى يوم صحيت على صوت إلين
إلين:ماما ماما بتعملى ايه هنا
ملك:شايفه ايه يعنى نايمه
إلين ضحكت:بس ليه
ملك:رخامه
إلين ضحكت
ملك:يالا أجهزى عشان الفطار
قامت ملك وخرجت
كان حمزه خارج من الأوضه فى نفس اللحظه ولقاها خارجه من الفيلا نزل بسرعه يشوفها لقاها قعدت على الكرسى فى الجنينه
حمزه قعد قدامها
ملك بصيت ليه ونفخت بضيق وجت تقوم مسك أيديها
حمزه:ممكن بس تشرحيلى انا عملت ايه.

 

 

 

 

 

ملك ابتسمت بسخرية:عملت ايه
حمزه:والله ما عارف انا عملت ايه بس كل إلى اعرفه انى بحبك ومستحيل اتخلى عنك
ملك ابتسمت:بس يا حمزه إلى بيحب حد بيحافظ على كرامته قبل حبه وانت هنت كرامتى.
حمزه:صدقينى محصلش والله العظيم ما حصل مستعد اثبتلك.
ملك بعصبية:هتثبتلى ازاى وانا خلاص شوفتك والتانيه قاعده على رجلك وبتبوسك وحضرتك مستسلملها وله كأنك متجوز بقولك ايه يا حمزه سيبنى انا اصلا بحاول انسى بس ابعد عنى عشان مبقتش مستحمله اكتر من كده وياريت تخلص إجراءات الطلاق بسرعه.
حمزه قام بعصبية:إلى بتقوله ده محصلش وكمان انا مش هطلقك
ملك بصيت بعيد:انا الى عندى قولته يا ريت تخلص إجراءات الطلاق بسرعه يا حمزه
حمزه :يعنى مصممه
ملك بصيت ليه كده😏
حمزه:ماشى يا ملك بكره تندمى
مشى وسابها
ملك:مشوفتش فى بجحتك يا اخى
تليفونها رن.
ملك:ألو يا مازن بكره تمام الساعه التاسعه خلاص نتقابل سلام.
ملك بصيت فى الساعه وقامت طلعت الأوضه تغير
خرجت بفستان اسود وهيلز اسود وسابت شعرها
لقيت حمزه لابس اتجاهلته ونزلت ركبت العربيه لقيت حمزه بيركب جمبها
ملك بضيق:فاكر نفسك رايح فين
حمزه:خليكى فى حالك لحد ما نتطلق وسيبينى اعمل إلى عايزه
ملك نفخت بضيق وشغلت العربيه واتحركت للقبر ودخلت حطيت ورد وقعدت قدام القبر شويه ودموعها بتنزل وكأنها بتشتكى لمامتها إلى بيحصلها لحد ما الساعه عديت ١٢
حمزه وملك فى نفس واحد:هابى نيو يير.
ملك وحمزه بصو لبعض وكل واحد جواه كلام وعتاب بس محدش بيتكلم
قامت ملك وخرجت بسرعه وحمزه خرج وراها.

 

 

 

 

 

حمزه:ملك استنى
ملك:اركب وانت ساكت
ركب جنبها وملك اتحركت
حمزه:كويس انك اخدتينى احسن اكون روحت فى عربيه نقل بقر وله حاجه
ملك بصيت ليه وبعدين ضحكت لما افتكرت منظره لما رجع من عربيه نقل البقر
حمزه بضحك:اضحكى اضحكى ده انتى مرمطى بكرامتى الارض
ملك بصيت قدامها بجمود:مانت اخدت حقك وحق كرامتك لما هنت كرامتى .
حمزه اضايق:ملك اسمع..
ملك بمقاطعة:خلاص مش عايزه اسمع صوت لو سمحت سيبنى فى حالى انا هعرف اداوى جروحى لوحدى مش محتاجه منك او من غيرك حاجه.
حمزه:بس ده مش اتفقنا احنا اتفقنا هنكون مع بعض على الحلوه والمره
ملك: دلوقتى كل حاجه اختلفت وانت يا حمزه خلتنى اندم فى يوم انى حبيتك أو انى فتحت قلبى لحد وله حتى انت
حمزه مسك أيديها:ارجوكى اسمعينى اسمعى دفاعى عن نفسى ليه بتزعلى لوحدك ليه مش بتعتبينى مكنش عمرنا ضيعنا لحظه واحده فى الزعل
ملك شديت ايديها:مش هسمعك لانى مش هصدقك يا حمزه مش هصدقك ببساطه لانى شوفتك بعينيا
حمزه:طيب لو اثبتلك العكس
ملك:وده ازاى

 

 

 

 

 

حمزه:ردى الاول لو اثبتلك العكس
ملك:انا نفسى يكون إلى شوفته غلط برضو يا حمزه انا انجرحت كتير بسبب خيانتك وانجرحت اكتر لما شوفتك بتتعامل وله كأنك عملت حاجه
حمزه:ساعات إلى بنشوفه بعنينا مش بيبقا الحقيقه ساعات الحقيقه بتبقا مستخبيه حتى عن عنينا.
ملك:ولحد ما تثبت العكس انا هفضل مصدقه إلى شوفته بعنيا
حمزه:هجيبلك دليل بس قوليلي التاريخ والوقت وصدقينى هثبتلك
ملك:من سنتين يوم الاحد ٩/٢٧ اول يوم مدرسه لإلين بس افتكر حاجه يا حمزه انت مش معاك اكتر من يومين لانى بعد يومين هسافر ومستحيل تشوفنى تانى لانى خارجه بره مصر كلها
حمزه:بس
ملك:ده إلى عندى مش بيقولو الحقيقه دائما بتتكشف فى الاخر وانا أخرى كمان يومين يا حمزه يومين بس.
حمزه:ملك
ملك ركنت العربيه جوه الفيلا ونزلت ودموعها نزلت
ملك لنفسها:اتمنى بجد يا حمزه تكون انت إلى صح
حمزه نزل وراها
هشام:ملك تعالى عايزك
دخلت ملك مع هشام المكتب

 

 

 

 

 

 

هشام: دلوقتى انتى عارفه انى انا هنا مكان جدك
ملك:ايوه يا بابا هو فى حاجه
هشام:لا يا بنتى انا بس عايز اطمن عليكى طمنينى انتى وحمزه تمام وله فى حاجه
ملك:لا تمام يا بابا كل حاجه تمام
هشام:وليه نمتى امبارح جمب إلين
ملك:عادى يا بابا انا بقيت متعلقه بإلين خصوصا لأن حمزه كان طول الوقت فى شغله وكده
هشام:المهم ميكونش فى حاجه
ملك ابتسمت:لا يا حبيبى اطمن مفيش حاجه
طلعت ملك غيرت هدومها ونزلت تدرب لحد ما تعبت وطلعت نامت جمب حمزه عشان محدش يشك فى حاجه (طبعا كلنا عارفين انها مجرد حجه لأن وبكل بساطة ملك بتحب حمزه رغم خيانته إلا أنه حبها الحقيقى والحب الحقيقى ميتنسيش خصوصا لو كان بعد عشره سبع سنين)

 

 

 

 

 

تانى يوم صحيت وبصيت لحمزه لقيته بيبصلها وعيونه مدمعه
قامت بسرعه بخضه حطيت أيديها على وشه:حمزه انت كويس مالك فيك حاجه يا حبيبى تعبان قولى ومتقلقنيش عليك .
حمزه ابتسم وحط أيده على ايديها إلى على وشه:انا كويس انا بس مش عايز ابعد عنك حاسس كأن روحى بتخرج منى.
ملك شديت ايديها:لو سمحت يا حمزه.
جت تقوم مسكها وحضنها من ضهرها جامد ودموعه نازله:ملك ارجوكى خليكى معايا انا من غيرك وله حاجه
ملك:يا حمزه ارجوك مش احنا خلصنا كلام امبارح
حمزه:انا بعت للشركه اجيب شريط الكاميرا بس قالو ممكن ياخد وقت ارجوكى يا ملك متسبنيش.
ملك اتنهدت وعيونها مدمعه وقالت بصوت مخنوق:يا حمزه انا مش عايزه اجى على كرامتى اكتر من كده ارجوك.

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية زواج عنيف 2)

اترك رد