رواية حبيبة يوسف الفصل التاسع 9 بقلم مي أمين

تاني يوم 

حبيبة: ماما هو يوسف اتأخر ليه 

سمية: يا حبيبتي هو قالي هيروح يخلص مشوار ويجي بسرعة 

دينا: يابت انتي اتقلي ليحسب انك ميتة عليه ولا حاجة 

حبيبة: ملكيش دعوة انتي يا رخمة 

دينا: بقولك ايه ما تيجي ننزل شوية الجنينة بدل القعدة هنا ، وتستني يوسف لحد ما يرجع 

حبيبة: موافقة يلا بس تعالي امسكيني 

دينا بحزن علي حالها: حاضر يا حبيبتي 

في الجنينة 

دينا : بيبة انتي لسه زعلانة مني 

حبيبة: ليه يا حبيبتي بتقولي كدا 

دينا بدموع: عشان أنا طول عمري كنت وحشة معاكي 

حبيبة مسحت دموعها: عمري ما زعلت منك يا دينا ، انتي أختي وصحبتي ربنا يخليكي ليا 

دينا: ويخليكي ليا يا روح قلبي ، أنا اسفة علي كل لحظة جرحتك فيها او كنتي محتجاني وأنا كنت بعيد عنك 

سمية قربت منهم: ربنا يباركلي فيكو انتو الاتنين يارب 

دينا: يلا بقا نمشي يا ماما عشان احنا اتأخرنا ويوسف لسه مجاش 

سمية: طيب يا دينا ، حبيبة أنا هناديلك حد من الممرضات يطلعك 

حبيبة بدموع في عيونها: هو يوسف مش هيجي 

سمية: حبيبتي أنا كلمته وقالي مش هيعرف يجي خالص لانه بقاله فترة معطل شغله ووراه حاجات كتيرة عايزة تخلص 

حبيبة: تمام يا ماما ربنا معاه 

حبيبة ماشية في الطرقة مع الممرضة اللي اتعرفت عليها وبقت صحبتها 

حبيبة بدموع: شفتي يا حنان سابني طول النهار وحتي مرنش عليا 

حنان بحزن عليها: يا بيبة متزعليش هو أكيد وراه حاجة مهمة والا مكنش هيسيبك أبدا 

حبيبة: ربنا يعينه يارب ، بس هو وعدني أنه مش هيمشي ويسيبني 

يوسف من وراها: وأنا مستحيل أخلف وعدي معاكي 

حنان: أنا هسيبك بقا دلوقتي ومشيت وسابتهم 

حبيبة بصدمة: يوسف !! 

يوسف جري عليها ورفعها من علي الارض : قلب يوسف ودنيته كلها ، وحشتيني يانور عيوني 

حبيبة: أنت سبتتي كل دا ليه 

يوسف شالها ودخل بيها الاوضة: عشان أجهزلك المفاجأة دي 

حبيبة نزلت علي الارض: انت عملت كل دا علشاني ؟! 

يوسف باس دماغها: هو أنا عندي أغلي من حبيبة قلبي وعمري ، كل سنة وانتي طيبة يا روح قلبي 

حبيبة: انت فاكر عيد ميلادي 

يوسف: أنا مستحيل أنساه ، تعالي بقا شوفي هديتك 

الاوضة كانت متزينة بطريقةمبهجة وكلها بلالين والارض مليانة ورد وكان في تورتة كبيرة وجنبها هدايا كتيرة 

هدية يوسف كانت عبرة عن سلسلة ألماس رقيقة جدا وفي نهايتها قلب وفيه صورتها هي ويوسف لما كانوا صغيرين وهو شايلها في حضنه . 

يوسف: عجبتك الهدية 

حبيبة: جدا شكلها جميل أوي . 

يوسف: شوفي بقا باقي الهدايا دي من ماما ودينا وحنان صحبتك وكمان علي وهدي 

حبيبة: شكرا جدا أنت أحسن واحد في الدنيا كلها

يوسف: وانتي أجمل بنوتة في الدنيا كلها .

حبيبة بدموع بتلمع في عيونها: يوسف أنت عملت كدا علشاني 

يوسف بيتهرب من عيونها: عملت أيه مش فاهم 

حبيبة قربت منه وحطت ايديها علي شعره: انت فاهمني كويس ، أنت حلقت شعرك علشاني 

يوسف دموعه نزلت غصب عنه: دي أقل حاجة ممكن أعملها علشانك ، ياريت الوجع كان بيتنقل كنت أخدته بدالك 

حبيبة حطت ايديها علي بقه: متكملش ومتقولش كدا تاني ، بس أنت كنت بتحب شعرك جدا وعلطول كنت بتتغاظ مني عشان بقعد ألعب لك فيه 

يوسف: بس مش بحبه أكتر منك ايه يا أغلي من حياتي …. 

الشهر خلص وحبيبة خلصت جرعاتها وعملت التحاليل ومنتظرة النتيجة هي ويوسف .. 

يوسف: تعالي بقا يابيبة اسرح لك شعرك دا واعملك الضفيرة اللي أنتِ بتحبيها.. 

حبيبة : بس شعري بقا خفيف مش هتعرف تعملها 

يوسف: خلاص الحمدلله خلصنا العلاج وبكرا يرجع شعرك زي ما كان وأحسن ، تعالي بس قدامي وانا اعملهالك بس تلبسي الطرحة لما الدكتور يجي يهانم انتي ناسية انك محجبة 

حبية : حاضر يا يوسف .. 

يوسف عمل لها ضفيرة جميلة وحاول يخفف توترها شوية لحد مادخل الدكتور 

يوسف: خير يا دكتور النتيجة ظهرت ؟ 

الدكتور: أهم حاجة تكونوا مؤمنين بقضاء ربنا ، دا ابتلاء من عند ربنا ولازم نصبر عليه ومنعترضش 

يوسف بقلق: طمني يا دكتور 

الدكتور بأسي: للاسف مفيش أي تحسن بالعكس النتيجة الحالة بتزيد سوء أنا مش فاهم دا حصل ازاي أنا متابعها بنفسي وكانت في تقدم مستمر . 

يوسف في حالة صدمة وحبيبة متكلمتش والدكتور كمل: أنا اسف جدا بعد اذنكم وسابهم وخرج 

يوسف فاق من صدمته واتكلم مع حبيبة 

يوسف: حبيبة أنتِ كويسة 

حبيبة مش بترد 

يوسف بخوف: حبيبة ردي عليا متسبنيش كدا 

حبيبة: خلاص يا يوسف كل شئ انتهى شوف حياتك وسبني في حالي 

يوسف بصدمة: أنتِ بتقولي ايه 

حبيبة بصراخ: زي ما سمعت أخرج بقا من حياتي ، خلاص مبقاش باقي فيها حاجة ، روح شوف حياتك أنت ، ملكش دعوة بيا، أنا بكرهك …