رواية أنت مرادي الفصل الثلاثون 30 والأخير بقلم علا عبدالعظيم

جيه اليوم المنتظر وبدأوا الاحتفالات من الصبح و كانوا البنات بيجهزوا ..

عبير : اقعدي يا ملك عشان اللي في بطنك .

ملك : انا كويسه يا ماما متقلقيش .

روز : اقعدي يا ملك عشان لو لقدر الله حصل حاجه مراد هيخلص علينا كلنا .

ملك بضحك : عندك حق دا من وقت ما عرف و هو ماشي ورايا يقولي امشي براحه ، متشليش حاجه ، كلي كويس .. عمال يِأكل فيا لحد ما هبقا زي البرميل .

عبير : الحق عليه الراجل عاوزك تبقي كويسه !

ملك : مقولتش كدا يا ماما ، يارب يفضل كدا على طول .

مريم : طبعاً ياختي حد قدك ! مش زي دكر البط اللي متجوزاه دا ، دا هيأكل اكلي ..

عبير : وهو انتي حد يقدر يأكل اكلك !

ضحكوا كلهم عليها ..

وعند الشباب ..

مصطفى : البس دي و لا دي ؟

عمر : إلبس يا عم و خلاص محدش هيدقق.

هادي : بطل عفانه يالا .. اللبس دي يا مصطفى احلى .

مصطفى : انا ليه مكنتش اعرفك من زمان يا هادي و عرفت حد زي عمر دا .

مراد : اومال انا اعمل اي ، اللي مصاحبه من الابتدائي.

هادي : لا دا انت ربنا يكون في عونك .

عمر : اي الرخامه اللي فيكوا دي !

مصطفى : دي حقيقه مش رخامه .

عمر : هات بدلتي كدا انا رايحه البس في مكان تاني .

ضحكوا عليه كلهم .

عدى اليوم في التجهيزات .. و جيه معاد الفرح .. وكان كل معارفهم موجودين.

دخل كل عريس بعروسته .. وهما داخلين كانت روز مكسوفه اوي اما مريم و هدير فضلوا يزعرطوا .

هادي بضحك : يخربيتك اسكتي اسكتي .

عمر : تحس انهم كانوا فاقدين الامل أنهم يتجوزوا.

مريم : سمعاك على فكره .

عمر : قصدي على هدير يا حبيبتي .

مريم : امم بحسب .

روز كانت بتضحك على شكلهم .

مصطفى : ما تسمعينا زغروطه كدا انتي كمان .

روز بكسوف : مش بعرف .

مصطفى : نتعلم النهارده سوا .

ضحكت روز .

بدأوا رقص ..

عند ملك و مراد..

ملك : شكلهم حلو اوي وهما بيرقصوا .

مراد فهم قصدها : ايوه .. بس متفكريش .

ملك : عشان خاطري يا مراد يلا نرقص .

مراد : لا عشان بطنك .

ملك : هنرقص براحه خالص .

مراد : لا برضو .

ملك بعيون بريئه : عشان خاطري ..

مراد بقلة حيلة : استغفر الله العظيم يارب ، يلا بس شويه صغيرين .

ملك بفرحه : موافقه موافقه بدأوا يرقصوا .

عند عمر ومريم .

عمر بخبث : دلوقتي بقيتي مراتي و اي حركه هتعمليها هكسر رقبتك .

مريم بخوف : قصدك اي ، على فكره انا ممكن اهرب دلوقتي .

عمر بمكر : طب والأكل اللي فوق دا مين هيأكله؟

مريم : هو في اكل كتير ؟

عمر : كتير اوي اوي .

مريم : خلاص بقا ههرب بكرا بعد ما اخلص كل الاكل .

عمر بضحك : ابقي قابليني لو خرجتي من الباب .

عند هدير و هادي ..

هادي : بس اي الحلاوه دي ؟

هدير بتلقائيه : دا ميكب .

هادي : يابنتي اكدبي عليا قولي انا طول عمري حلوه و مش شوية ميكب اللي هيزود حلاوتي .

هدير : يعني اكدب عليك ؟

هادي بإستسلام : لا متكدبيش يا حبيبتي .

هدير بتحاول تلطف الجو : بس انت حلو من غير ميكب .

هادي بضحك : طول عمري حلو اصلا .

و عند مصطفى و روز ..

مصطفى : اي يا بنتي حد غصبك على الجوازه دي !

روز بطفوله : لا .

مصطفى بإبتسامه : اومال مالك يا حبيبتي .

روز : مكسوفه شويه .

مصطفى : لا متتكسفيش .

روز بتلقائية : متكسفش ازاي و هما قالوليـ…….

مصطفى بمقاطعه : شششش اسكتي اسكتااااي.

روز نزلت وشها : سكت .

مصطفى باسها من دماغها : لا يا حبيبتي اتكلمي براحتك بس لما نتطلع .

روز : حاضر .

و ملك و مراد .

مراد : مش كفايه كدا و نقعد ؟

ملك : لا يا مراد انا عاوزه ارقص تاني .

مراد بخبث : لا خلي شوية صحه للنهارده .

ملك : مش فاهمه .

مراد : اشمعنا هما يبقا ليلة دخلتهم النهارده وانا لا ..!

ملك ضحكت : امم فهمت طب يلا نقعد .

خلصت الليله و كان الكل فرحان و مبسوط ..

و بعد مرور 3 سنين .. اتجمعوا كلهم في قصر ابراهيم السيوفي و كان كل الشخصيات موجوده بما فيهم اسماعيل اللي خف و بقا كويس .

مراد : يلا يا ملك هاتي معاذ و رنا عشان نتصور (دول ولادهم)

ملك : طيب يا حبيبي بس لسه هدير و هادي و ابنهم كريم موصلوش .

هدير : مين قال كدا انا وصلت اهو .

مريم : وانا كمان وصلت .

دخلت مريم و عمر و سيليا بنتهم .. اللي جري عليها معاذ ابن مراد وحضنها .

و وصلت روز و مصطفى و ابنهم زياد . . اللي جري على سيليا و شدها من معاذ .

مراد بضحك : مصطفى لم ابنك دي بنت صاحب عمري .

مصطفى : سيب الواد يلعب .

ضحكوا كلهم و اتصوروا صوره جماعيه و كان الكل مبسوط .

                      النهاية ♥️.