روايات

رواية زواج عنيف 2 الفصل الأول 1 بقلم منار مجدي

رواية زواج عنيف 2 الفصل الأول 1 بقلم منار مجدي

رواية زواج عنيف 2 البارت الأول

رواية زواج عنيف 2 الجزء الأول

رواية زواج عنيف 2 الحلقة الأولى

كانت ملك قاعده فى الجنينه بتتفرج على ألبوم الصور بتاع بنتها الوحيده إلين
فى نفس اللحظه دخلت إلين بتجرى عليها
إلين:مااااامى
ملك ابتسمت:قلب مامى تعالى قوليلى عملتى ايه انهارده
إلين مسكت تفاحه من على الترابيزه:كله فل يا ماما متقلقيش
ملك ابتسمت بسخرية:يا سلام والبنت إلى كانت بتضايقك
إلين ضحكت بإنتصار والتفاحه فى بقها:علمت عليها
ملك ضحكت:يا شيخه
إلين:عيب عليكى ده انا حتى تربيتك
حمزه:إلين كام مره قولتلك بلاش طريقه الكلام ديه
إلين:مش عارفه كام يا ماما ٣٧٨ وله ٣٨٠

 

 

ملك بجديه:معرفش انا هقوم احضرلك الاكل
حمزه:خليكى زينب بتعمل
ملك:لا معلش بحب احضر حاجه بنتى بنفسى
مشيت ملك
إلين لحمزه:مش ناوى تصالحها بقا
حمزه:ياختى اتنيلى مش لما اعرف انا عملت ايه الاول
إلين:اممم معاك حق برضو
حمزه:متعرفيش يا إلين هى زعلانه ليه
إلين:لا معرفش بس باين كده انك مضايقها على الاخر
حمزه بص ليها بغضب:انتى بتزوديها يعنى قومى يالا يا بت روحى زاكرى
إلين ضحكت:يا بابا فى جدول ماما عاملاه ليا الاول الاكل وبعدين التدريب وبعدين مزاكره وبعدين نوم كذا مره اقولك وانت وله هنا
حمزه:يابت هتجلطينى
إلين طبطبت عليه:معلش متضايقش نفسك يا حمزه باشا
حمزه بابتسامه:حبيب….(بص ليها بصدمه)بنت
إلين ضحكت ودخلت وهى بتجرى
حمزه ابتسم:بس نفسى اعرف مالها ملك بقالها كتير اوى كده بتعاملنى برسميه وله كأنى جوزها احنا بقالنا سنتين تقريبا زى اخوات .
عند ملك كانت واقفه فى المطبخ بتبص لزينب وهى بتعمل الاكل بس سرحانه ومش مركزه وافتكرت من سنتين تقريبا
Flash back
كانت ملك مبسوطه اوى وإلين داخله المدرسه اول سنه
ملك:خلى بالك من نفسك اشطا
إلين بحماس:اشطا هرفع رأسك
ملك حضنتها :حبيبتى انتى رافعه راسى اصلا
إلينا:بحبك يا ماميتو

 

 

ملك دمعت بابتسامه:وانا بحبك
مشيت ملك وركبت العربيه
ملك:اما نشوف سى حمزه الى مش معبرنا بقاله كتير يجى متأخر وينزل بدرى غلط كل الشغل ده يالا عشان بس يعرف أنه عنده زوجه والنعمه والنعمه عسل كده وبتفكر فيه على طول والنعمه انا مدلعاه أما نشوفه بيعمل ايه فى الشركه.
وصلت وطلعت وهى طالعه بتتصل بيه وهو بيكنسل
ملك:تصدق بالله انت عصبتنى اه والله بس اشوفك
دخلت ملك وسلمت على الموظفين ودخلت على طول بس كانت صدمه لما شافت السكرتيره بتبوسه كانت لسه بتتصل بيه وهو ماسك التليفون وبيفصله ده حتى مركزش أنها فتحت الباب
خرجت ملك وقفلت الباب ودموعها نزلت
موظفه:مدام مل….
ملك لفت ومسحتت دموعها وشاورت ليها كده🤫:ششش
ملك:محدش يقول انى جيت ماشى
الموظفه:حضرتك كويسه
ملك:اه بقيت كويسه بس متنسيش انا مجتش وعرفى بقيت إلى شافونى ماشى انا همشى عشان تعبت فجأة
الموظفه بتفهم:حاضر الف سلامه عليكي
ملك: الله يسلمك
نزلت ملك وركبت العربيه وشغلتها وهى بتتنفس بسرعه وكأنها كانت فى سباق عدو ودموعها مغرقه وشها
شغلت العربيه واتحركت بسرعه وعصبيه وعياط كانت بتخبط إيديها بعصبية على الدركسيون
ملك بعصبيه:ليه ليه ليه ليييييه (بعياط جامد)ليه انا عملت ايه غلط ليه(زاد عياطها)ده انا اتغيرت كتير عشانك بطلت تدريب بطلت شغل بطلت ألبس هدوم بتريحنى وبلبس إلى يريحك انت ليه تعمل فيا كده (مسحت دموعها بابتسامه)كان عندك عيله بتحبك بنت و مراتك بتحبك ايه ناقصك (بعصبية)ايه ناقصك عشان تبص بره (بغضب كبير زودت السرعه)انا إلى غلطت من الاول عشان افتكرت انك بتحبنى بجد انا إلى غلطانه اعااااااااا.
فرملت العربيه جامد ووقفت وهى خلاص كانت هتخبط فى عربيه
الناس اتلمت عليها
بنت:انتى كويسه يا مدام
ملك هزيت راسها ودموعها نازله
شغلت العربيه ومشيت براحه وبيجى قصادها مشاهد لبنتها
إلين:هو ده بيت تيته
ملك:اه
إلين:واحنا هتفضل نزورها كده واحنا مش بنشوفها وله بنسمعها
ملك بدموع:بس هى سامعانا وبعدين احنا لازم نفرح هى عند ربنا وعايزاكى لما تكبرى وانا اروح عند ربنا تفضلى تجيلى وتحطيلى ورد جميل كتير زى ما بنعمل لتيته وطبعا تعملى كده لتيته كمان ماشى
إلين عيطت وحضنتها:لا يا مامى متسبنيش عشان خاطرى

 

 

ملك طبطبت عليها:مش هسيبك لوحدك ابدا بس لما ربنا يطلبنى هيبقى لازم اروحله وانتى مش هتعيطى العكس هتبقى بتضحكى ومبسوطه ليا لانى هبقا مبسوطه هناك
إلين:بس انا هبقا لوحدى من غيرك انا بحبك يا مامى متسبنيش
ملك:حاضر حاضر
ملك مسحت دموعها بسرعه:انا هبقا قويه هبقا قويه مش عشان حد غير بنتى مش هخلى بنتى تعيش الى انا عيشته ماشى خلاص خلاص هعيش عشان بنتى (عيطت) بنتى محتاجانى وبتحبنى .
تليفونها رن ردت
ملك بصوت معيط:ألو
حمزه:ملك انتى كويسه مال صوتك
ملك بعصبية:مال صوتى انا كويسه انت متصل ليه مش عندك شغل خليك فى شغلك سلام.
قفلت فى وشه وهى متعصبه فضلت تلف بالعربيه وهو يتصل وهى مش بترد لحد ما وقف قدامها عربيه فرملت بسرعه
Back
فاقت على صوت زينب
زينب:ملك هانم ملك هانم
ملك:ها
زينب:كنت بقول لحضرتك الاكل جهز
ملك:طيب ماشى شكرا يا زينب
اخدت صنيه الاكل وطلعت
زينب وهى صعبان عليها ملك:ربنا يريح قلبك يا بنتى
ملك بصيت للاكل بابتسامه ودخلت اوضه إلين إلى كانت بتلبس هدوم التدريب
ملك:جهزتى يالا عشان الاكل يا قلب ماما
إلين:حاضر
قعدت إلين تاكل وملك كتبت ليها التدريبات إلى هتعملها
ملك:إلين كلهم يتعملو ها وكمان متنسيش انا مراقباكى
وشاورت صباعينها على عينيها وبعدين على عينين إلين
إلين ضحكت:حاضر حاضر
ملك ضحكت:انا هقوم اجهز بقا عشان عندى شغل عايزه ارجع القى كل حاجه خلصانه التدريبات والواجبات اشطا
إلين:اشطا

 

 

قامت ملك ودخلت أوضتها هى وحمزه ووقفت قدام الدولاب
ملك:ها بقا هلبس ايه اممممم
فجأة سكتت وحمزه بيحضنها من ضهرها
حمزه:ملك
ملك بضيق:يا نعم
حمزه ضحك:هو انا اكلت التفاحه بتاعتك
ملك اتنهدت:عايز ايه يا حمزه
حمزه:بصراحه انا جعان
ملك:الاكل تحت قول لزينب تجهزه انا عندى شغل
حمزه لفها وملك بتبص بعيد عنه بضيق
حمزه:يا ملك افهمى انا جعان
ملك:هرد واقول تانى الاكل تحت قول لزينب تجهزه ليك
حمزه بزهق:عايزك انتى
ملك:عايز ايه منى
حمزه شدها من وسطها وقربها ليه:عايزك يا ملك.
قرب وشه لوشها
ملك زقيته وهى متعصبه: قولتلك عندى شغل ومش فاضيه.
مشيت للحمام بس هو شدها بعصبيه
حمزه: أنا عايز اعرف مالك يا ملك
ملك:مش مهم تعرف مش مهم تتدخل فيا سيب ايدى
حمزه بعصبية:مش هسيبك غير لما تقوليلى مالك
ملك بصيت ليه نظره ذات معنى
حمزه سابها:ملك انا
ملك:مفيش داعى نتكلم مبقاش يفرق اصلا
حمزه مسك أيديها جامد:يعنى ايه مبقاش يفرق

 

 

ملك زقيت ايديه:يعنى زى ما سمعت مبقاش يفرق
سابته ودخلت تلبس وهى بتتكلم فى التليفون
ملك:ماشى يا مازن لا مش هتأخر حضر انت الاجتماع بس هههههه ماشى ماشى مخلاص بقا يعم مازن الله عارفه عبقريه يابنى اصلا انا خساره فى البلد هههه طيب انا هركب واجى على طول ماشى هسلملك عليها فى المشمش أن شاء الله سلام بقا.
قفلت وهى بتضحك وبتقول بصوت واطى:معتوه
حمزه بغضب:هو انا مش قولتلك مازن ده ترفديه
ملك بجديه:والله مفيش سبب ارفده عشانه مازن مجتهد وشايف شغله صح وكمان بطل تتدخل في شغلى هو انا بتدخل فى شغلك لا صح يبقا انت كمان خليك فى شغلك.
حمزه حط أيده على الباب بعصبية:انا مطلبتش منك متدخليش فى شغلى
ملك:وانا أتدخل فى شغلك ليه اصلا مش فارق معايا اصلا اوعى بقا
حمزه زقها من كتفها براحه:انا عايز اعرف مالك بقا عشان اتخنقت
ملك:مش اكتر منى احمد ربنا أنى مستحمله لحد دلوقتي
حمزه زقها تانى:مستحمله ايه
ملك بزعيق:مستحملاك عرفت مستحمله ايه ابعد عن طريقى
حمزه زعق فيها:مش هبعد واقولك كمان مفيش شغل انهارده
ملك ضحكت بسخرية:احسنلك تبعد لو مش عايز تتشلفط
حمزه مسك أيديها وقرب ليها بسرعه وهى بتبعد بسرعه لحد ما وقعت على السرير
حمزه ثبت ايديها ورا ضهرها:ورينى بقا هتعملى ايه
ملك بعصبية وفرك:ابعد عنى بقا ابعد
حمزه ابتسم وقرب لوشها بابتسامه ودفن وشه فى رقبتها يستنشق عبيرها بهيام قال:وحشتينى اوى
باسها بوسه طويله شويه
وملك حاولت تمسك دموعها بس مقدرتش
حمزه حتى ملاحظش دموعها وطبع شفايفه على شفايفها جامد
ملك شافت نفس المشهد إلى بيخوفها ليه تانى وبقيت بتعيط
بعد عنها حمزه بخضه
حمزه:ملك ايه حصل
ملك بصيت ليه بغضب ممزوج بدموعها:قرفانه قرفانه ابعد عنى بقا
حمزه بصدمه:قرفانه منى
ملك بعصبية زقيته:ايوه منك انت متحاولش تقربلى تانى سامع
مشيت وسابته
ركبت العربيه

 

 

ملك:انا تعبت اوى تعبت اوى وهو مش حاسس بيا اصلا ده حتى مفكرش فى يوم يعترف ويعتذر انا مستحيل اسامحه فى يوم انا بقيت بكرهك اوى(عيطت جامد)انا بكدب انا بحبك اوى بس مجروحه انا حتى مش عارفه اطلب الطلاق بتحجج بإلين بس انا مش عايزه أطلق بس مبقتش مستحمله اشوفك وانت بتكلمنى عادى وله كأن حاجه حصلت وله كأنك خونتنى انا بقيت مش عارفه احبك وله حتى اكرهك يا رب ارحمنى يا رب.
وصلت الشركه او إلى كلنا فاهمين أنها شركه بس الحقيقى
ركبت الاسنسير ونزلت بيه تحت الارض ١٠ ادوار
طلعت
مازن:اهلا عمليه ملك
ملك:اهلا عميل مازن ايه الجديد

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية زواج عنيف 2)

اترك رد