روايات

رواية جحيم بنت الحديدي الفصل الخامس 5 بقلم هدى عادل

رواية جحيم بنت الحديدي الفصل الخامس 5 بقلم هدى عادل

رواية جحيم بنت الحديدي البارت الخامس

رواية جحيم بنت الحديدي الجزء الخامس

رواية جحيم بنت الحديدي الحلقة الخامسة

أدهم : امسكي امضي٠٠
داليدا:امضي على ايه؟؟!
أدهم :ورقة طلاقك
داليدا :مش همضي يا أدهم
أدهم: داليدا امضي ومتخلينيش اتعصب عليكى انا على اخري
داليدا:مين قالك اني عايزه اطلق انا بحب مصطفى ومش هطلق منه
أدهم بغضب :يعنى مش هتمضي؟
داليدا:اه مش همضي يا أدهم
أدهم:حلو اوى انتى المسؤله عن اللي هيحصل بقا وشدها من درعها وطلع بره بيها عند السلم وبص على مصطفى من فوق بغضب
أدهم بصوت عالى للحارس بتاعه :فارس هاته وتعاله وشاور على مصطفى
قائد الحرس :اومرك يا باشا وبيشد مصطفى من دراعه وبيطلعه عند أدهم فوق ٠٠
أدهم طلع مسدس وحطه على دماغه مصطفى

 

 

داليدا ومصطفى😲😧
داليدا بصوت عالي يمله الخوف:أدهم انت هتعمل ايه؟؟
أدهم ببرود انتى إللى وصلتينى لكده أتحملي بقا
داليدا:أدهم انت اكيد مش هتعمل كده صح
أدهم : امضى وانا هسيبه يمشى
مصطفى بتوسل لداليدا: اخلصي يا داليدا امضي قبل ما يتهور😫😵
أدهم هعد لتلاته لو ممضتيش هموته ومش هاخد فيه ساعه واحده سجن وانتى عارفه كده كويس٠
داليدا:٠٠٠٠٠٠٠٠٠
أدهم 1
داليدا:٠٠٠٠٠٠٠٠
أدهم بغضب :2
مصطفى بتوسل امضى يا داليدا حرام عليكى هيموتنى😵
أدهم وهو بيدوس على الزناد بتاع المسدس انتى اللى اختارتى براحتك بقا تلاااا
داليدا بسرعه خلاص خلاص همضى٠٠
أدهم وهو بيرفع المسدس من على دماغ مصطفى ايوه كده شاطره
مصطفى بينام على الأرض و ياخد نفسه
أدهم :بيدها الورق امسكي امضى
داليدا بتاخده منه وبتمضى
أدهم بخبث :امضى هنا كمان
داليدا بضعف:حاضر وبتمضى
أدهم بصوت عالى :كده بقا بقيتى حرم أدهم الشرقاوى
داليدا :نعم😳😳
أدهم هو بيشاور على الورق إللى ف ايده ،ايه دى ورقة طلاقك والتانيه عقد جوزنا
داليدا بتقعد على الأرض وبتسند ضهرها على السلم لا لا مستحيل اكون مراتك لا مستحيل وبتفضل تعيط
أدهم :فارس مش عايز حد ف الفيلا كله بره
المأزون بيخرج وفارس بياخد مصطفى يمشيه وكل الحرس بتفضل بره

 

 

أدهم بيقرب منها وبيهمس جمب دماغها خلاص بقيتى مراتي إرضي بالواقع ٠٠
داليدا بتزقه وبتقوم لا مستحيل أقبل بيك انت فاهم يستحيل اكون مرات واحد زباله زيك
أدهم وعينه بقت لونها احمر من الغضب بيضربها بالقلم عشان تعرفي تغلطى فيا تانى وبيشدها من درعها وبيدخلها الاوضه وبيقفل عليها الباب بالمفتاح داليدا فضلت تصرخ وتصوت وتكسر فى كل حاجه ف الاوضه وأدهم قاعد قدام الاوضه بيسمعها وزعلان جدا وهو شايف اللى هما فيه
أدهم فى نفسه انت مغلطتش ايوه مغلطتش هى إللى وصلتك لكده
” صدق الجميع حبي لها إلا هي٠٠٠💔💔”
وبيفتكر أول مره قابل داليدا واتعرفوا على بعض
#فلاش_باك
من 3سنين فى شركة الشرقاوى
مراد: أدهم استنه متمشي فى اجتماع انهارده مع شركه الحديدى عشان هنعمل دمج الشركتين والشرقاوى بيه مش موجود
أدهم:اه عارف هو قالى امبارح انه تعبان وانا إللى هحضر مكانه وانا معرفش اى حاجه عن الشركه دى غير انها بتاعت احمد الحديدى وقالى انت هتقولى التفاصيل ؟؟
مراد : بص كل اللى اقدر اقوله دلوقتى لو الدمج حصل بين الشركتين الفوائد هتكون اكبر على شركتنا يعنى فى مصلحتنا أننا نتفق فى الاجتماع ده مع المدير التنفيذى لشركة الحديدى
أدهم :خلاص تمام تعاله ندخل ونشوف
مراد تمام يلا
بيدخل أدهم الاجتماع
مبيلاقيش غير محامى الحديدى بس
أدهم وهو بيقعد على الكرسي وبيكلم المحامي ايه هو فين المدير التنفيذى ؟؟ولا انت إللى هتحضر بس
المحامية: لا يا فندم داليدا هانم على وصول
فجاء بتدخل بنت لابسه بدله سوده وهيلز سوده كمان ورفعه شعرها لفوق وكان شكلها جميل جدا
داليدا:متأسفه يا جماعه ع التأخير بس العربيه بتاعتي عطلت ف الطريق عشان كده إتأخرت٠٠
أدهم بأعجاب:عادى ولا يهمك
داليدا وهى رايحه تسلم على أدهم :داليدا الحديدى
أدهم بغرور:وانا أدهم الشرقاوى
وبيبدأ الاجتماع

 

 

و أدهم ممبهر بداليدا وازى هى ف السن ده و متمكنه كده ف شغلها
بيخلص الاجتماع و الطرفين بيوقعو ع العقد
داليدا وهى خارجه هى والمحامى بتاعها بتسلم على مراد وأدهم وبتكلم أدهم :اتشرفت بمعرفتك حضرتك يا أستاذ أدهم
أدهم :انا اكتر ، داليدا انا ومراد هنحتفل انهارده بمناسبة دمج الشركتين وهكون مبسوط لو كنتى موجوده😉
داليدا: متأسفه يا استاذ أدهم مش هقدر احضر خليها مره تانيه
أدهم: تمام براحتك
داليدا :عن إذنك وبتخرج
أدهم بيلف بيلاقي مراد ميت على نفسه من الضحك
أدهم بضيق وغضب من مراد بتضحك على ايه انت كمان
مراد بضحك : اخيراااا أول واحده تفلت من إيدك يا اخى انا مش مصدق فى واحده ترفض تتعشاء مع الدنجواى؟؟
أدهم :متفرحش اوى كده هو التقل حلو بس والله مسيرها هتقع
مراد : اعمل إللى تعمله يا صاحبى بس المهم يكون بعيد عن الشركه مش عايزين نبوظ العقد
أدهم :متقلقش كله تحت السيطره
مراد:مهو ده إللى مخوفنى والله
مراد وأدهم فضلو يضحكو وخرجو من الشركه
#نهاية_الفلاشباك
بيفوق أدهم من شروده و نزل تحت ولسه هيدخل المكتب بتاعه لقه فارس دخل
فارس :أدهم باشا فى مشكله بره ابو داليدا هانم واقف بره ومعاه البوليس أدهم بسخرية وهو بيقعد على الكرسي :كنت متوقع انه هيعمل كده دخلهم يلا
فارس:اومرك ياباشا
احمد وهو داخل بغضب فين بنتى يا ادهم عملتها ايه يا مجرم
أدهم وهو بيكلم الظابط إللى مع احمد :ممكن افهم حضرتك جاى هنا ليه
الظابط وهو بيكلم أدهم :احنا وصلنا خبر انك اقتحمت بيت احمد الحديدى وخطفت بنته واتعديت كمان عليها واخده كمان واحد اسمه مصطفى واتعديت عليه بالضرب
أدهم بثقه وهو بيكلم الظابط وبيبص لا احمد :حضرتك الفيلا قدامك اهى تقدر تدور فيها زى مانت عايز انا معرفش مين مصطفى ده اما داليدا ف دى مراتي ومظنش انى حد ييتعده على مراته او ببخطفها
احمد الحديدى بغضب : كداب يا حضرت الظابط هو خطف الاتنين وبعدين هو مش متجوز بنتى والله كداب دور عليهم فى الفيلا
الظابط: ممكن تهدأ شويه يا استاذ احمد وسبنا نشوف شغلنا وبيبص ناحية العساكر إللى معاه عشان يفتشوا الفيلا وبيكلم أدهم معاك إثبات انها مراتك وبعدين هى فين أدهم اه معايا وبيتطلع القسيمه وبيدها الظابط وهى نايمه فوق
الظابط بيشوفها وبيدها لى احمد الحديدى

 

 

أحد العساكر :مفيش حاجه يا فندم دورنا فى الفيلا كلها معاده اوضه واحده عشان مقفوله ٠٠٠٠٠
الظابط لى أدهم :الاوضه دى فيها اى ؟؟؟
أدهم بهدوء: قلت لحضرتك مراتى
احمد اكيد عمل فيها حاجه خليه حضرتك يفتح الاوضه دى انا عايز اشوف بنتى
الظابط لى أدهم :حضرتك لازم تفتح الاوضه دى عشان نتأكد من صحة كلامك
أدهم بهدوء تام : اتفضل معايا وبياخده أدهم على فوق وبيفتح اوضه قدامه بيلاقى واحده نايمه ومغطيه وشها
أدهم إتأكد دلوقتى ان مراتي إللى فى الاوضه ومفيش حد تانى وبيقفل الباب ٠٠
الظابط لى احمد : أظن كده حضرتك اتاكدت انها مراته واللى انتى عملته ده اسمه بلاغ كاذب وازعاج سلطات
احمد :ازى هى مش مراته اكيد الورق ده مزور ومصطفى اكيد عمل فيه حاجه٠٠
أدهم :انا جبتلك الإثبات على كلامى وأنها مراتى لو هو بقا لسه مش مصدق دى مش مشكلتى
الظابط :لا خلاص اسفين على ازعاج حضرتك وبيبص لى احمد ياريت حضرتك المشاكل العائلية دى تحلوها مع بعض بلاش تزعجوا الشرطه
أدهم للظابط : تمام حضرتك مع السلام ،بيخرج الظابط هو واللى معاه وبيفضل احمد الحديدى
أدهم بيبص لى احمد بلا مبالاه كنت متأكد انك هتعمل كده عشان ده اخرك اصلا ، وأظن انه مكنش ليه اى لازمه وانت مستفادتش حاجه
احمد : أدهم ورقة جوازك دى مزوره صح؟!
أدهم وهو يجلس على الأريكة ويضع قدم فوق الاخرى:لا مش مزوره
احمد بشك :ازى طب و مصطفى
أدهم بضيق: طلقتها منه واتجوزتها ارتاحت وعن إذنك بقا عشان عند شغل يا حمايا العزيز وبينده على فارس
فارس: تحت امرك يا أدهم باشا
أدهم:وصل احمد بيه لعربية
فارس : اومرك يا باشا وبياخد احمد يطلعه بره وسط زعيق احمد والله ما هسيبك يا أدهم ٠٠
أدهم دخل المكتب وقعد على الكرسي وسند دماغه عليه وافتكر إللى حصل قبل ما احمد يدخل هو والبوليس٠٠
#فلاشباك
فارس: أدهم باشا فى مشكله بره ابو داليدا هانم واقف بره ومعاه البوليس
أدهم بسخرية:كنت متوقع انه هيعمل كده
فارس :ادخلهم يا باشا

 

 

أدهم : لا استنه وبيطلع على فوق بيفتح الاوضه إللى فيها داليدا
داليدا لسه هنتكلم بتلاقي أدهم ادها إبرة منومه وبيشلها يوديها اوضه تانيه وبيقفل عليها وبينزل ، وبيكلم فارس دخلهم يلا
#نهاية_الفلاشباك
أدهم بيفضل قاعد فى المكتب لحد بليل بعدين بيغير هدومه وبيطلع ياخد العربيه بتاعته ، فارس مش عايز مخلوق يطلع او يدخل الفيلا طول مانا مش موجود مفهموم
فارس :مفهوم يا فندم
وبعدين بيفضل أدهم بيلف بالعربيه بتاعته بعدين بيقف ويدخل مقهي ليلي وبيفضل يشرب🥂🍻٠٠٠٠
عند مراد بقا كان رايح اسكندريه يشوف اهله شاف داليدا راكبه العربيه وراجعه القاهره بس هى مشفتهوش فكلم أدهم علطول وقاله انها رجعت
مراد سلم على أهله ورجع بليل القاهره وعرف كل اللى حصل وكان هيتجنن وراح عند فيلا أدهم بس فارس قاله ان أدهم خرج مراد فضل يدور على أدهم لحد مشاف العربيه بتاعته واقفه عند المقهي ده وركن العربية هو كمان ودخل شاف أدهم قاعد ع البار وعمال يرقص وجمبه رنا وكان سكران ع الاخر ورنا عماله تقرب منه بس هو مش مهتم بيه اصلا مراد راح عنده بسرعه ،رانا اول ما شافت مراد جاى بعدت عن أدهم
مراد :أدهم ايه إللى انت عامله ف نفسك ده قوم تعاله معايه يلا
أدهم فضل يشرب ومردش عليه سبنى ف حالى يا مراد انت متعرفش حاجه، مراد وهو بيبص على رنا بقرف لا عارف إللى حصل عشان كده جيت قبل متعمل حاجه تانى تندم عليها طول عمرك
رنا وهى بتقرب من أدهم سيبه يا مراد هو مرتاح هنا
مراد بغضب شد أدهم و قومه من على البار واخده وطلع بيه على بره وعشان أدهم كان سكران فمراد طلعه بسهول من المكان ده
مراد ركب أدهم العربيه بتاعته وركب جمبه وبعت حارس يجيب العربيه بتاعته من هناك وطلعوا ع الفيلا مراد نزل ونزل أدهم من العربيه ولسه هيدخله الفيلا سمع صوت بنت بتنادى من وراه

 

 

٠٠٠٠٠٠: أدهم
أدهم و مراد لفو يشوفو مين
أدهم أول ما شافه ندى: وطلع جري عليهاوحضنها ٠٠٠٠٠٠٠٠
” أدركت بأنه يمكن للمرء بأن يركض من أقصي قطب في الكره الارضيه، الي القطب الأخر ،فقط لأنه يحب، وأدركت أيضا، بأنه قد يستثقل حتى خطوة الخروج من غرفته ، فقط لأنه خذُل٠٠٠🖤💔”

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية جحيم بنت الحديدي)

اترك رد