رواية زينه و السوشيال ميديا الفصل الثاني 2 بقلم زهرة عصام

رواية زينه و السوشيال ميديا الفصل الثاني 2 بقلم زهرة عصام

رواية زينه و السوشيال ميديا البارت الثاني

رواية زينه و السوشيال ميديا الجزء الثاني

رواية زينه و السوشيال ميديا الحلقة الثانية

يا نور هي الساعة كام
نور الساعة ثمانية و نص يا ندي بتسالي لي
ندي انتي مشفتيش بوست زينه يا بنتي هتعمل لايف النهاردة عن طريق تطفيش العريس و انا بعون الله نويت اتعلم منها
نور يخربيتك هتعنسي كدا دي عليها كلام يودي في داهية
ندى مش مهم المهم اني اتبسط و اجرب طريقه من طرقها
نور طب يلا تعالي نفتح زمنها هتطلع اهي
بعد قليل جائهم صوت زينة يقول ازيكم يا اصحابي الغاليين طبعا زي ما انتم عارفين اننا هنتكلم النهاردة عن طريقه تطفيش العريس بالفخدة هتسالوني ازاي بالفخد هقولكم تتبعوني للآخر و طبعا قبل ما ابدا زي كل مره اللي ميعرفنيش انا زينه مصطفى عندي كل حل لكل مشكلة و طبعا الهدف منها الترفيه عن النفس و بس نبدا بقي في لايف النهاردة متقدملك عريس و انتي مش عاوزاه .. توافقي و تحطي الجذمة في بقك لا مش عندي الكلام دا .. قومي هاتي نفس الورقة و القلم اللي كتبنا فيها طرق شقط العريس و اكتبي ورايا
اول حاجة ابتسامة عريضة لازم ولا بد من الابتسامة العريضة و انتي بتقدميلة الشاي و تدلقيه عليه و خاصة علي فخادة .. انا عاوزها تتشوي .. مش هنروح الواد بفخده نص سوي
هتقولولي ادلق عليه الشاي يتحرق .. هرد و اقولك
انا قولت كدا ..انا بقولك تشويله الفاخدة بس .. ظلماني دايما
و بعد كدا هما يختي هيلطفوا الجو تروحي بسرعة تجيبي شوية شطه و تحطيهم في ايدك و اول ما تقعدوا مع بعض و يدخلوا شاي غير اللي اندلق هتلاهييه في أي حاجة و تحطي الشطة في الشاي ماشي ركزوا معايا في اللي جاي علشان مهم
هتستني شوية الشاي يبرد و تمسكي الكوباية و تدلقيها في عنيه و كانك يعني بتعزمي عليه يشرب
– هتقولولي كدا يتعمي يا زينه هرد و اقولكم
= مين قال كدا دائما ظلماني دا هما يدوب شوية حساسية هيجوله
= بس اهم حاجة تدلقي علي عنيه الاتنين مش هنروحة بعين سليمة و واحدة بايظة لازم الاتنين متساوين
= كل سؤال يتجاوب عليه لا لو قالك اسمك اي تقوليله لا .. يقولك انا بحب تقولي مبحبوش
و بعد دا كله بقي هترزعيه الكلمتين دول قبل ما القعدة تخلص
بكل ثقة كدا و رأس مرفوع لفوق تقوليله أنا اصلا مبفكرش في الجواز و اتفضل اطلع بره و تشوحي بايدك كدا
هو لو طلع عايش بعد اللي حصله دا مش هيتقدم لحد تاني و كدا تبقي علمتية الدرس
و يا رب قدرني على فعل الخير … دلوقتي بقي هقرا بعض الكومنتات ازاي طفشتوا العريس
مها بتقول كان متقدملي عريس و انا كنت رافضة فكرة الجواز نفسها روحت عملت ميكب ياسمين عبد العزيز في حاحه و تفاحه و مرضيتش حد يدخل عليا في اليوم دا المهمه خرجت و رحتله اول ما شافني اتخض و قام يجري يقول أعوذ بالله من الشيطان الرجيم و خرج يجري من البيت

ردت زينة قائلة ما له حق يا مها أنه يطلع يجري .. دا لو ماكنتش جاتله حاله صرع اي يا بنتي الدماغ دي
انا بقي كنت واكلة محشي كرنب
ردت زينة قائلة و احنا مالنا بالقرف دا ها مالنا احنا .. دا زمانه يعين امه في المستشفى من التلبك المعوي اللي حصله من الريحه
حطيتله حبوب هلوسه في العصير فقعد يعمل حركات غريبه و انا ابصله و كأني يعني مستغربه لحد ما اخوه جه خده و مشيم دخلت اوضتي موووت ضحك على منظره
زينه حبوب هلوسه يا قادرة.. لا و البت عامله نفسها البريئة المصدومة عملتيها ازاي دي
كان داخل بالجذمة على السجادة روحت لما شفته بصيتله و وشي كله احمر من الغضب و قولتله بزعيق انت داخل بالجذمة اي مفكر نفسك في بيت أهلك راح بصلي كدا و سكت يعيني كان مصدوم .. خرج مرجعش
عقبت زينه عليها قائلة ولا هيرجع يا حبيبتي.. بس انتي صح معلش الأصول أصول يدخل بالجذمة الجذمة لي مهو مبيتكسرش ظهره في غسيل السجاد بروح امه جدعة شابوا ليكي
قولت لاخويا الصغير يحضنه و يحطله بدره سراسير في البداية بتاعته بقي قاعد يتهرش و عمال يعمل شقلباظ و انا و ابويا كاتمين الضحك بالعافية
– بدره سراسير المفتري عليه ربنا .. يلا خد الشر و راح المهم كلتي الجاتوه
حطيتله ملين في العصير بقي هيموت و يدخل الحمام و كاتم في نفسه و انا كاتمه الضحكة لحد ما بطنه قعدت تطلع أصوات روحت بصيتله بقرف كدا و سكت في ساعتها خرج و لم يعد
– ملين اه يا جاحدة يلا اهو تنضفيله بطنه من القرف اللي فيها
زينه اعملي لايف الثانوية العامة
ردت زينة بانشكاح والله تؤمري يا جميل بكره لايف الثانوية العامة و في النهاية احب اقول لكل واحد طفشت عريس باي طريقة بقي روحي يا شيخة منك لله هو حد لاقي و أوجه كلمة للعرسان معلش استحملوا ياما هتشوفوا اهم حاجة تاخدوا بالكم من فخادكم لصلها بتتشوي دلوقتي سلاموز يا صحابي
و ما أن انتهت حديثها و التفت حتي وجدت أخاها ينظر لها بصدمة
زينه اي يا حازم بتبصلي كدا لي اول مره تشوفني وألا اي
حازم انتي اي اللي بتقولية للناس دا يا زينه يطفشوا العرسان نسبة العنوسة لو زادت هيبقي بسببك انتي
زينه و هو أنا كنت ضربتهم على ايدهم و قولتلهم طفشوا العرسان الله ما كله بمزاجهم
حازم زينه متخلنيش اتغابا عليكي

رفعت زينه احدي حاجبيها قائلة تتغابا علي مين معلش .. لا اصحي دا انا ورايا جيش يا حبيبي انت متعرفش مين هي زينه مصطفى.. دا بدل ما تشكرني علي اللي عملته عشانك
حازم بالفخدة يا زينة ملقتيش غير الفاخدة .. و بعدين تعالي هنا عملتي اي عشاني يختي
زينه الكراش بتاعتك كان متقدملها عريس فكنت بقدملها بعض الحلول الممكنة لتطفيشه
حازم بصدمة انتي بتتكلمي جد يا زينه كان متقدملها عريس
زينه و انا من امتي بهزر معاك يخويا و بدل ما تشكرني جاي تهزق فيا كدهون
حازم طلما هتخليها تطفشة يبقي خدي راحتك يا معلمة زينه بس هو يعني مفيش طريقة غير الفخدة
زينة غور من وشي يا حازم عاوزه اتخمد وقتك خلص معايا علي كدا
حازم اتخمدي يختي انا مش عارف محمود مستحملك علي اي كتك الارف .. ثم تركها و غادر المكان
زينه بسخرية اي كلكم مستكترين أن الواد محمود بيحبني و مستحمل جناني .. يا ريتكم تعرفوا أن ورا الضحك دا كله بيبقي فيه ميت اااه يلا رب ضاره نافعه كتكم الهم انا مكمله في مسيرتي و مش هستسلم ابدا بس دلوقتي لازم انام
…
ندي شوفتي هتتكلم بكره على الثانوية العامة
نور انا متشوقة اوي احنا محتاجين حافز و احنا داخلينها بعد مده اكيد هتدينا نصايح جامده
ندى متحمسة اووي

يتبع…